Govardhan Puja 2024: ದೀಪಾವಳಿ ಹಬ್ಬದ ಮರುದಿನವೇ ಗೋವರ್ಧನ ಪೂಜೆ; ಶುಭ ಸಮಯ, ವಿಶೇಷ ಮಹತ್ವ ಹೀಗಿದೆ

ದೀಪಾವಳಿ ಹಬ್ಬದ ಮರುದಿನ ಗೋವರ್ಧನ ಪೂಜೆಯನ್ನು ಆಚರಿಸಲಾಗುತ್ತದೆ. ಈ ವರ್ಷ ತಿಥಿಗಳ ಸಮಯದಲ್ಲಿ ಸ್ವಲ್ಪ ವ್ಯತ್ಯಾಸವಿರುವುದರಿಂದ ದೀಪಾವಳಿ ಅಮವಾಸ್ಯೆಯು ಎರಡು ದಿನಗಳವರೆಗೆ ಇರುತ್ತದೆ. ಆದ್ದರಿಂದ ದೀಪಾವಳಿಯನ್ನು ಅಕ್ಟೋಬರ್ 31 ಮತ್ತು ನವೆಂಬರ್ 1 ರಂದು ಆಚರಿಸಲಾಗುತ್ತದೆ. ನವೆಂಬರ್ 2 ರಂದು ಗೋವರ್ಧನ ಪೂಜೆ ನಡೆಯಲಿದೆ. ಕರ್ನಾಟಕ ಸೇರಿದಂತೆ ದಕ್ಷಿಣ ರಾಜ್ಯಗಳಲ್ಲಿ ಇಂದಿನಿಂದ (ನವೆಂಬರ್ 1, ಶುಕ್ರವಾರ) ಕಾರ್ತಿಕ ಮಾಸ ಆರಂಭವಾಗಲಿದೆ. ದೀಪಾವಳಿ ಹಬ್ಬದ ಮರು ದಿನವೇ ಗೋವರ್ಧನ ಪೂಜೆ ಮಾಡಲಾಗುತ್ತದೆ. ಗೋವರ್ಧನ ಪೂಜೆಯ ಆಚರಣೆಯ ಹಿಂದೆ ಒಂದು ಜನಪ್ರಿಯ ಐತಿಹ್ಯವಿದೆ. ಕೃಷ್ಣನು ತನ್ನ ಲೀಲೆಗಳಿಂದ ಗೋವರ್ಧನ ಪರ್ವತವನ್ನು ಎತ್ತಿ ವೃಂದಾವನದ ಜನರನ್ನು ರಕ್ಷಿಸಿದನು.

ದೀಪಾವಳಿಯು ಬೆಳಕಿನ ಹಬ್ಬವಾದರೆ, ಗೋವರ್ಧನ ಪೂಜೆಯು ಪರಿಸರವನ್ನು ಗೌರವಿಸುವ ಮತ್ತು ರಕ್ಷಿಸುವ ಮಹತ್ವವನ್ನು ಸಾರುವ ಹಬ್ಬವಾಗಿದೆ. ವಿವಿಧ ರಾಜ್ಯಗಳಲ್ಲಿ ಈ ಹಬ್ಬವನ್ನು ಅನ್ನಕೂಟ ಎಂದು ಕರೆಯಲಾಗುತ್ತದೆ. ಗುಜರಾತಿ ಸಂಪ್ರದಾಯದಂತೆ ಅವರಿಗೆ ಹೊಸ ವರ್ಷ ಪ್ರಾರಂಭವಾಗುತ್ತದೆ. ಹಳೆಯ ವರ್ಷವು ದೀಪಾವಳಿಯೊಂದಿಗೆ ಕೊನೆಗೊಳ್ಳುತ್ತದೆ ಮತ್ತು ಹೊಸ ವರ್ಷವನ್ನು ಗೋವರ್ಧನ ಪೂಜೆಯೊಂದಿಗೆ ಸ್ವಾಗತಿಸಲಾಗುತ್ತದೆ. ಸಾಂಪ್ರದಾಯಿಕ ಹಬ್ಬಗಳನ್ನು ಆಚರಿಸಲಾಗುತ್ತದೆ. ಮೆರವಣಿಗೆಗಳು, ನೃತ್ಯಗಳು ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ.

ದೀಪಾವಳಿಯ ನಂತರ ಏಕೆ ಮಾಡಬೇಕು?

ಇದು ಪ್ರಕೃತಿಯ ಮಹತ್ವವನ್ನು ನೆನಪಿಸುವ ಹಬ್ಬ. ಈ ಹಬ್ಬವನ್ನು ಏಕತೆ ಮತ್ತು ಶ್ರೀಕೃಷ್ಣನ ದೈವಿಕ ಶಕ್ತಿಗಳನ್ನು ಸ್ಮರಿಸಲು ಆಚರಿಸಲಾಗುತ್ತದೆ. ಗೋವರ್ಧನ ಪೂಜೆಯ ದಿನ ಭಕ್ತರು ಸಗಣಿಯಿಂದ ಗೋವರ್ದನ ಬೆಟ್ಟವನ್ನು ತಯಾರಿಸಿ ಪೂಜಿಸುತ್ತಾರೆ. ಆಹಾರ ಹಾಗೂ ಇತರೆ ಹಿಂಡಿ ಪದಾರ್ಥಗಳನ್ನು ರಾಸುಗಳಿಗೆ ತಿನಿಸುತ್ತಾರೆ. ಪರಿಸರವನ್ನು ರಕ್ಷಿಸಿ ಗೌರವಿಸುವ ಸಂದೇಶ ಸಾರುವ ಹಬ್ಬ ಇದಾಗಿದೆ.

ಇದನ್ನೂ ಓದಿ: ಮಾರ್ಗಪಾಲಿ ಬಂಧನ ಎಂದರೇನು; ಕಾರ್ತಿಕ ಮಾಸ ಪಾಡ್ಯಮಿಯ ಬಲಿ ಪೂಜೆ ವಿಧಿ ವಿಧಾನ ಹೀಗಿದೆ

ದೀಪಾವಳಿಯ ನಂತರ ಮಾಡುವ ಗೋವರ್ಧನ ಪೂಜೆಯು ಬಹಳ ಆಳವಾದ ಅರ್ಥವನ್ನು ಹೊಂದಿದೆ. ದೀಪಾವಳಿ ದೀಪಗಳು, ನಮ್ರತೆ ಮತ್ತು ಹಬ್ಬಗಳನ್ನು ಸಂಕೇತಿಸುತ್ತದೆ. ಗೋವರ್ಧನ ಪೂಜೆಯು ನಮ್ಮನ್ನು ರಕ್ಷಿಸುವ ಪ್ರಕೃತಿಯನ್ನು ರಕ್ಷಿಸುವ ಜವಾಬ್ದಾರಿ ಮತ್ತು ಅಗತ್ಯವನ್ನು ನಮಗೆ ನೆನಪಿಸುತ್ತದೆ. ಎಲ್ಲಾ ರೀತಿಯ ಆಹಾರ ಪದಾರ್ಥಗಳನ್ನು ರಾಸುಗಳಿಗೆ ನೀಡಲಾಗುತ್ತದೆ. ಗೋವರ್ಧನ ಬೆಟ್ಟದ ರೂಪವನ್ನು ನಿರ್ಮಿಸಲಾಗುತ್ತದೆ. ಇದು ಎಲ್ಲರ ನಡುವೆ ಏಕತೆ ಮತ್ತು ಸಮುದಾಯ ಬಾಂಧವ್ಯವನ್ನು ಉತ್ತೇಜಿಸುತ್ತದೆ. ಹೀಗಾಗಿ ಇದನ್ನು ಅನ್ನಕೂಟ ಎಂದು ಕರೆಯುತ್ತಾರೆ. ಈ ಪ್ರಸಾದವನ್ನು ಎಲ್ಲರಿಗೂ ಹಂಚಲಾಗುತ್ತದೆ. ಹಿಂದೆ ಗೋವರ್ಧನ ಬೆಟ್ಟದ ಬಳಿ ವಾಸಿಸುತ್ತಿದ್ದ ಜನರು ಇಂದ್ರನ ಆರಾಧಕರಾಗಿದ್ದರು.

ಇದನ್ನೂ ಓದಿ: ಕೃಷ್ಣ ಜನ್ಮಾಷ್ಟಮಿ ಪೂಜಾ ವಿಧಿ ವಿಧಾನ; ಪೂಜೆಗೆ ಬೇಕಾದ ಸಾಮಗ್ರಿಗಳೇನು, ಬಾಲ ಗೋಪಾಲನನ್ನು ಪೂಜಿಸುವುದು ಹೇಗೆ?

ಈ ರೀತಿಯ ಪದ್ದತಿಗಳನ್ನು ಏಕೆ ಮಾಡುತ್ತಾರೆ ಎಂದು ಶ್ರೀಕೃಷ್ಣನು ತನ್ನ ತಾಯಿಯನ್ನು ಕೇಳುತ್ತಾನೆ. ಇಂದ್ರನು ಮಳೆಯನ್ನು ಕೊಡುತ್ತಾನೆ ಮತ್ತು ಬೆಳೆಗೆ ನೀರು ಮತ್ತು ಜಾನುವಾರುಗಳಿಗೆ ಮೇವನ್ನು ನೀಡುತ್ತಾನೆ. ಆದ್ದರಿಂದ ಹೀಗೆ ಪೂಜಿಸಲಾಗುತ್ತದೆ ಎಂದು ಉತ್ತರಿಸುತ್ತಾಳೆ. ಹಾಗಿದ್ದಲ್ಲಿ ಗೋವರ್ಧನ ಬೆಟ್ಟಕ್ಕೆ ಪೂಜೆ ಸಲ್ಲಿಸಬೇಕು. ಇಂದ್ರನಿಗೆ ಅಲ್ಲ, ಜನರಿಗೆ ಆಶ್ರಯ ನೀಡಿದ, ದನಕರುಗಳಿಗೆ ಬೇಕಾದ ಹುಲ್ಲುಗಾವಲು ನೀಡಿದ ಬೆಟ್ಟಕ್ಕೆ ಕೃತಜ್ಞತೆ ಸಲ್ಲಿಸಬೇಕು ಎನ್ನುತ್ತಾರೆ.

ಇದನ್ನೂ ಓದಿ: ತುಳಸಿಯೇ ಇಲ್ಲದೆ ಕೃಷ್ಣಾಷ್ಟಮಿ ಪೂಜೆ ಸಾಧ್ಯವೇ? ಈ ವಿಷಯಗಳನ್ನು ಮರೆಯಬೇಡಿ

ಜನರು ಗೋವರ್ಧನ ಬೆಟ್ಟವನ್ನು ಪೂಜಿಸಲು ಪ್ರಾರಂಭಿಸಿದರು. ವಿಷಯ ತಿಳಿದ ಇಂದ್ರನು ಇಡೀ ಪ್ರದೇಶವನ್ನು ಜಲಾವೃತಗೊಳಿಸಿದನು. ಆಲಿಕಲ್ಲು ಮಳೆ ಸುರಿಸುತ್ತಾನೆ. ಕೃಷ್ಣನು ತನ್ನ ಕಿರುಬೆರಳಿನಿಂದ ಗೋವರ್ಧನ ಪರ್ವತವನ್ನು ಎತ್ತಿ ಜನರನ್ನು ರಕ್ಷಿಸಿದನು. ಎಲ್ಲಾ ಜನರನ್ನು ಅದರ ಅಡಿಯಲ್ಲಿ ರಕ್ಷಿಸುತ್ತಾನೆ. ಅಂದಿನಿಂದ ಗೋವರ್ಧನ ಪೂಜೆ ಮಾಡುವುದು ರೂಢಿಯಲ್ಲಿದೆ.

ಗೋವರ್ಧನ ಪೂಜಾ ಶುಭ ಮುಹೂರ್ತ 2024: ಕಾರ್ತಿಕ ಶುಕ್ಲ ಪಕ್ಷದ ಪ್ರತಿಪಾದ ತಿಥಿ ನವೆಂಬರ್ 01 ರಂದು ಸಂಜೆ 06:16 ಕ್ಕೆ ಪ್ರಾರಂಭವಾಗುತ್ತದೆ ಮತ್ತು ಕಾರ್ತಿಕ ಶುಕ್ಲ ಪ್ರತಿಪಾದ ನವೆಂಬರ್ 02 ರಂದು ರಾತ್ರಿ 08:21 ಕ್ಕೆ ಕೊನೆಗೊಳ್ಳುತ್ತದೆ. ಗೋವರ್ಧನ ಪೂಜಾ ಮುಹೂರ್ತವು ಬೆಳಿಗ್ಗೆ 06:33 ರಿಂದ 08:55 ರವರೆಗೆ ಇರುತ್ತದೆ. ಗೋವರ್ಧನ ಪೂಜೆಗೆ ಸಂಜೆ ಮುಹೂರ್ತವು ಮಧ್ಯಾಹ್ನ 03.22 ರಿಂದ ಸಂಜೆ 5.34 ರವರೆಗೆ ಇರುತ್ತದೆ.