Seetha Rama Serial: ಅಶೋಕನ ಬಳಿ ಕ್ಷಮೆ ಕೇಳಿ ಮುನಿಸು ಕರಗಿಸಿದ್ದಾನೆ ಶ್ರೀರಾಮ; ರಾಮನ ಕಳ್ಳಾಟ ಪತ್ತೆಗೆ ಮುಂದಾದ ಭಾರ್ಗವಿ
Seetha Rama Serial Today Episode: ಜೀ ಕನ್ನಡ ಚಾನೆಲ್‌ನಲ್ಲಿ ಪ್ರಸಾರವಾಗುವ ಧಾರಾವಾಹಿ 'ಸೀತಾ ರಾಮ' ಜನರ ಮೆಚ್ಚುಗೆ ಗಳಿಸಿದೆ. ಪುಟಾಣಿ 'ಸಿಹಿ' ಪಾತ್ರ ಜನರ ಮನ ಗೆದ್ದಿದೆ. ಅಕ್ಟೋಬರ್ 5 ರ ಸಂಚಿಕೆಯಲ್ಲಿ ಏನೆಲ್ಲಾ ಆಯಿತು ಎಂಬ ವಿವರ ಇಲ್ಲಿದೆ. ಇತ್ತ ರಾಮನ ಬಗ್ಗೆ ಭಾರ್ಗವಿಯ ಅನುಮಾನ ಹೆಚ್ಚಾಗಿದೆ. ಅತ್ತ ಅಶೋಕನ ಕ್ಷಮೆ ಕೇಳಿದ್ದಾನೆ ಶ್ರೀರಾಮ.
ಸೀತಾ ರಾಮ ಧಾರಾವಾಹಿ ಅಕ್ಟೋಬರ್ 5ರ ಸಂಚಿಕೆ: ರಾಮನ ಮೊಬೈಲ್‌ ನೆಟ್‌ವರ್ಕ್‌ ಟ್ರೇಸ್‌ ಮಾಡಿ ಪೊಲೀಸರು ನೇರವಾಗಿ ಶಾಂತಮ್ಮನ ವಠಾರಕ್ಕೆ ಬಂದಿದ್ದಾರೆ. ರಾಮ ಮತ್ತು ಸೀತಾ ಒಂದೇ ಮನೆಯಲ್ಲಿ ಇದ್ದಿದ್ದನ್ನೂ ನೋಡಿದ್ದಾರೆ. ಸರ್‌ ನೀವಿಲ್ಲಿದ್ದೀರಾ ಎಂದು ಪೊಲೀಸರು ಹೇಳುತ್ತಿದ್ದಂತೆ, ಮೆಲ್ಲಗೆ ಮಾತನಾಡಿ ಎಂದು ಸನ್ನೆ ಮಾಡಿದ್ದಾನೆ ರಾಮ. ಇತ್ತ ಪೊಲೀಸರು ಬಂದಿದ್ದನ್ನು ನೋಡಿದ ಸೀತಾ ಸಹ ಕೊಂಚ ಶಾಕ್‌ಗೆ ಒಳಗಾಗಿದ್ದಾಳೆ. ಕೂಡಲೇ ಮಾತು ಮರೆಸಿ ಅವರನ್ನು ಅಲ್ಲಿಂದ ಹೊರ ಕಳುಹಿಸಿದ್ದಾನೆ ರಾಮ್. ಇತ್ತ ತಾನೂ ಮನೆಗೆ ಹೊರಡುವುದಾಗಿ ಹೇಳಿ, ಪೊಲೀಸರ ಬಳಿ ಬಂದು ಇಲ್ಲಿದ್ದ ವಿಚಾರವನ್ನು ಯಾರ ಬಳಿಯೂ ಹೇಳಬೇಡಿ ಎಂದು ಪ್ರಾಮಿಸ್‌ ತೆಗೆದುಕೊಂಡಿದ್ದಾನೆ.
ಇತ್ತ ರಾಮ್ ಕಾಣದಿದ್ದಕ್ಕೆ ಪ್ಯಾನಿಕ್‌ ಆಗಿದ್ದ ತಾತ ಸೂರ್ಯ ಪ್ರಕಾಶನಿಗೆ, ರಾಮ್ ಬರ್ತಿದ್ದಾನೆ ಎಂಬ ವಿಚಾರವನ್ನು ಭಾರ್ಗವಿ ತಿಳಿಸಿದ್ದಾಳೆ. ಕೊಂಚ ಕೋಪದಲ್ಲಿಯೇ ಇನ್ನೇನು ಅವನ ಮದುವೆ ನಾನು ನೋಡಲೇಬೇಕು. ಹೀಗೆ ಬಿಟ್ಟರೆ ನಮಗೇ ಚಳ್ಳೆಹಣ್ಣು ತಿನ್ನಿಸ್ತಾನೆ ಎಂದು ರೇಗಿದ್ದಾನೆ ತಾತ. ಕೊನೆಗೂ ಮೊಮ್ಮಗ ರಾಮ್ ಮನೆಗೆ ಬರುತ್ತಿದ್ದಂತೆ, ತಾತನ ಮೊಗದಲ್ಲಿ ನಗು ಮೂಡಿದೆ. ಆಫೀಸ್‌ ಕೆಲಸದಲ್ಲಿ ಬಿಜಿಯಾಗಿದ್ದೆ ಹಾಗಾಗಿ ಸ್ವಲ್ಪ ತಡವಾಯ್ತು ಎಂದು ಸಮಜಾಯಿಷಿ ನೀಡಿದ್ದಾನೆ.
ಇಡೀ ದಿನ ಆಫೀಸ್‌ನಲ್ಲಿ ಇರಲಿಲ್ಲವಲ್ಲ, ಅಷ್ಟೊಂದು ಬಿಜಿಯಾಗಿದ್ಯಾ ಎಂದು ರಾಮ್‌ನನ್ನು ಕೇಳಿದ್ದಾಳೆ ಭಾರ್ಗವಿ. ಅದಕ್ಕೆ ಒಂದಷ್ಟು ನೆಪ ಹೇಳಿ ಜಾರಿಕೊಂಡಿದ್ದಾನೆ. ಇತ್ತ ರೂಮ್‌ನಲ್ಲಿ ಪ್ಯಾಥೋ ಸಾಂಗ್‌ ಹಾಕಿಕೊಂಡು ಗಂಭೀರವಾಗಿ ಕೂತ ಅಶೋಕನನ್ನು ಮಾತನಾಡಿಸಲೆಂದು ಬಂದಿದ್ದಾನೆ ರಾಮ. ಈಗ ನೆನಪಾಯ್ತೋ ಸಾಹೇಬ್ರಿಗೆ ಎಂದಿದ್ದಾನೆ ಅಶೋಕ. ಹೊಸ ಹೊಸ ಫ್ರೆಂಡ್ಸ್‌ ಬೇರೆ ಸಿಕ್ಕಿದ್ದಾರೆ, ನಾವೆಲ್ಲಿ ಕಾಣಬೇಕು ಎಂದು ರಾಮನನ್ನು ಟೀಸ್‌ ಮಾಡಿದ್ದಾನೆ. ಏನಾಯ್ತು ಎಂದು ಹೇಳು ಎಂದಿದ್ದಕ್ಕೆ, ನನ್ನ ಯೋಗ್ಯತೆ ನನಗೆ ಗೊತ್ತಾಯ್ತು ಎಂದಿದ್ದಾನೆ ಅಶೋಕ. ಹೀಗೆ ಇಬ್ಬರ ನಡುವಿನ ಮಾತುಕತೆ ಮುಂದುವರಿದಿದೆ. ತಪ್ಪು ಒಪ್ಪುಗಳ ಬಳಿಕ ಇಬ್ಬರ ನಡುವಿನ ಕೋಪ ತಣ್ಣಗಾಗಿದೆ.
ಇತ್ತ ದೂರದ ಸಂಬಂಧಿ ಮದುವೆಗೆ ಹೋಗಿದ್ದ ಅಜ್ಜಿ ತಾತ ಮತ್ತೆ ಮನೆಗೆ ಮರಳಿದ್ದಾರೆ. ಸೀತಾ ಮತ್ತು ಸಿಹಿ ಖುಷಿಯಲ್ಲಿದ್ದಾರೆ. ಇದೇ ವೇಳೆ ಅತ್ತಿಗೆ ಸುಲೋಚನಾ ನೇರವಾಗಿ ಸೀತಾಳ ಮನೆಗೆ ಬಂದು ಲಾಯರ್‌ ಬಗ್ಗೆ ಪ್ರಶ್ನಿಸಿದ್ದಾಳೆ. ಮತ್ತೊಂದೆಡೆ ಆಫೀಸ್‌ನಲ್ಲಿ ಎಲ್ಲವೂ ಸರಿಯಾಗಿದೆಯಲ್ಲ ಎಂದು ರಾಮ್‌ಗೆ ಕೇಳಿದ್ದಾಳೆ ಭಾರ್ಗವಿ. ಎಲ್ಲವೂ ಸರಿಯಾಗಿದೆ ಎಂದು ಹೇಳಿ ಅಲ್ಲಿಂದ ಕಾಲ್ಕಿತ್ತಿದ್ದಾನೆ ರಾಮ್. ಫೋನ್‌ ಮಾಡಿ ಉಪ್ಪಿಟ್ಟು ಮಾಡೋದು ಹೇಗೆ ಎಂದು ಕೇಳಿದಿಯಾ.. ಸಂಜೆ ಆಂಬುಲೆನ್ಸ್‌ ಕರಿಸಿದಿಯಾ.. ಈಗ ನೋಡಿದ್ರೆ ಕ್ಲೈಂಟ್‌ಗೆ ಆರೋಗ್ಯ ಸಮಸ್ಯೆ ಎಂದು ಹೇಳ್ತಿದ್ದೀಯಾ. ಸರಿಯಾಗಿ ಸುಳ್ಳು ಹೇಳುವುದಕ್ಕೂ ಬರಲ್ವಲ್ಲೋ ನಿನಗೆ ರಾಮ ಎಂದಿದ್ದಾಳೆ ಭಾರ್ಗವಿ. ಹಾಗಾದರೆ ರಾಮನ ಅಸಲಿ ವಿಚಾರ ಭಾರ್ಗವಿಗೆ ತಿಳಿಯುತ್ತಾ?
Seetha Rama Serial October 5th Episode Popular Kannada serials ಸೀತಾ ರಾಮ ಸೇರಿದಂತೆ ಕನ್ನಡ ಧಾರಾವಾಹಿಗಳ ತಾಜಾ ಮಾಹಿತಿಗಾಗಿ 'ಹಿಂದೂಸ್ತಾನ್ ಟೈಮ್ಸ್ ಕನ್ನಡ' kannada.hindustantimes.com ವೆಬ್‌ಸೈಟ್ ನೋಡಿ
ಮನರಂಜನೆ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್‌ ಮಾಡಿ
