ಅಮರನ್: ಸಾಯಿ ಪಲ್ಲವಿ, ಶಿವ ಕಾರ್ತಿಕೇಯನ್ ಅಭಿನಯಕ್ಕೆ ಫುಲ್ ಮಾರ್ಕ್ಸ್‌ ಎಂದ ನೆಟ್ಟಿಗರು; ಡೈಲಾಗ್ ಕೇಳ್ತಿದ್ರೆ ರೋಮಾಂಚನ ಎಂದು ತಾರೀಪು
Amaran Twitter Review: ಸಾಯಿ ಪಲ್ಲವಿ, ಶಿವ ಕಾರ್ತಿಕೇಯನ್ ಅಭಿನಯದ ಬಹುನಿರೀಕ್ಷಿತ ತಮಿಳು ಸಿನಿಮಾ 'ಅಮರನ್' ಬೆಂಗಳೂರು ಸೇರಿದಂತೆ ಕರ್ನಾಟಕದಲ್ಲಿಯೂ ಮೆಚ್ಚುಗೆ ಪಡೆಯುತ್ತಿದೆ. 'ದಕ್ಷಿಣ ಭಾರತದ ಶೇರ್‌ ಶಾ' ಎಂದು ಈ ಸಿನಿಮಾನವನ್ನು ಮತ್ತೊಂದು ಮಹತ್ವದ ಬಾಲಿವುಡ್ ಸಿನಿಮಾಗೆ ಅಭಿಮಾನಿಗಳು ಹೋಲಿಸುತ್ತಿದ್ದಾರೆ.
ಅಮರನ್ ಟ್ವಿಟರ್ ರಿವ್ಯೂ: ಶಿವ ಕಾರ್ತಿಕೇಯನ್ ಮತ್ತು ಸಾಯಿ ಪಲ್ಲವಿ ಅಭಿನಯದ ಅಮರನ್ ಕರ್ನಾಟಕದಲ್ಲಿಯೂ ಸದ್ದು ಮಾಡುತ್ತಿದೆ. ಕನ್ನಡದಲ್ಲಿಯೂ ತೆರೆ ಕಂಡಿರುವ ಈ ಸಿನಿಮಾ ನೋಡಿದ ಹಲವರು ಭಾವುಕಾರಾಗುತ್ತಿದ್ದಾರೆ. ಪಂಚಿಂಗ್ ಡೈಲಾಗ್, ಮನೋಜ್ಞ ಅಭಿನಯ, ಸಾಯಿ ಪಲ್ಲವಿಯ ಸ್ನಿಗ್ಧ ಸೌಂದರ್ಯ, ಭಾವುಕ ದೃಶ್ಯಗಳನ್ನು ಪ್ರೇಕ್ಷಕರು ಕೊಂಡಾಡುತ್ತಿದ್ದಾರೆ. ಈ ಚಿತ್ರದ ಟ್ವಿಟರ್ ರಿವ್ಯೂ ಇಲ್ಲಿದೆ.
ಅಮರನ್ ಸಿನಿಮಾ ಟ್ವಿಟರ್ ರಿವ್ಯೂ ಇಲ್ಲಿದೆ
ಸಿನಿಮಾ ಬಹಳ ಚೆನ್ನಾಗಿದೆ. ಪ್ರೇಮಿಯಾಗಿ, ಆರ್ಮಿ ಮೇಜರ್ ಆಗಿ ಶಿವಕಾರ್ತಿಕೇಯನ್‌ ಆಕ್ಟಿಂಗ್‌ ಸೂಪರ್‌. ಇತ್ತೀಚೆಗೆ ರಿಲೀಸ್‌ ಆದ ಸಿನಿಮಾಗಲ್ಲಿ ಅಮರನ್ ಬೆಸ್ಟ್‌ ಸಿನಿಮಾ. ಇಂಟರ್‌ವೆಲ್‌ ಸಮಯದಲ್ಲಿ ನಾಯಕ ಭಯೋತ್ಪಾದಕರನ್ನು ಕೊಲ್ಲುವಾಗ ಹೇಳುವ ಡೈಲಾಗ್ ಗೂಸ್‌ ಬಂಪ್ಸ್‌ ತರಿಸುತ್ತದೆ. ಎಂದು ರಘು ರಾಜರಾಮ್‌ ಎನ್ನುವವರು ಬರೆದುಕೊಂಡಿದ್ದಾರೆ.
ಅಮರನ್ ಫಸ್ಟ್‌ ಹಾಫ್‌ ಬಹಳ ಚೆನ್ನಾಗಿದೆ. ಪ್ರೀ ಇಂಟರ್‌ವೆಲ್‌ ಕೂಡಾ ಓಕೆ ಎಂದು @filmyupdatesz ಎಕ್ಸ್‌ ಯೂಸರ್ ರಿವ್ಯೂ ಬರೆದುಕೊಂಡಿದ್ದಾರೆ.
ಶಿವಕಾರ್ತಿಕೇಯನ್‌ ಚಿತ್ರಕ್ಕಾಗಿ ಒಳ್ಳೆ ಎಫರ್ಟ್‌ ಹಾಕಿದ್ದಾರೆ, ನಟನೆ ಬಹಳ ಚೆನ್ನಾಗಿದೆ. ಎಲ್ಲಾ ರೀತಿಯಲ್ಲೂ ಸಿನಿಮಾ ಚೆನ್ನಾಗಿದೆ. ಚಿತ್ರ ಬ್ಲಾಕ್‌ ಬಸ್ಟರ್‌ ಆಗಲಿದೆ @sk_returns ಎಕ್ಸ್‌ ಯೂಸರ್, ಶಿವಕಾರ್ತಿಕೇಯನ್‌ ಅಭಿಮಾನಿಯೊಬ್ಬರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ಸಿನಿಮಾ ಸೂಪರ್‌, ಅಮರನ್ ಚಿತ್ರದ ಫಸ್ಟ್‌ ಹಾಫ್‌ ಬಹಳ ಚೆನ್ನಾಗಿದೆ. ಸಿನಿಮಾ ಬಹಳ ಎಂಟರ್‌ಟೈನರ್‌ ಆಗಿದೆ, ಎಲ್ಲಿಯೂ ಬೋರ್‌ ಎನಿಸುವುದಿಲ್ಲ. ಶಿವಕಾರ್ತಿಕೇಯನ್‌ ಹಾಗೂ ಸಾಯಿ ಪಲ್ಲವ ಇಬ್ಬರ ಆಕ್ಟಿಂಗ್‌ ಚೆನ್ನಾಗಿದೆ. ಸಿನಿಮಾ ಮೂಸಿಕ್‌ ಕೂಡಾ ಚೆನ್ನಾಗಿದೆ. ಶಿವಕಾರ್ತಿಕೇಯನ್‌ ವೃತ್ತಿ ಜೀವನದಲ್ಲಿ ಇದು ಅತ್ಯುತ್ತಮ ಚಿತ್ರವಾಗಿದೆ ಎಂದು @Cinegasm_ ಎಕ್ಸ್‌ನಲ್ಲಿ ಬರೆಯಲಾಗಿದೆ.
ವಿದೇಶಗಳಲ್ಲಿ ಕೂಡಾ ಸಿನಿಮಾ ಬಗ್ಗೆ ಪಾಸಿಟಿವ್‌ ಪ್ರತಿಕ್ರಿಯೆ ದೊರೆಯುತ್ತಿದೆ. ಫಸ್ಟ್‌ ಹಾಫ್‌ ತುಂಬಾ ಚೆನ್ನಾಗಿದೆ ಎಂದು @HariVjSam ಎಂಬ ಎಕ್ಸ್‌ ಯೂಸರ್ ರಿವ್ಯೂ ಬರೆದುಕೊಂಡಿದ್ದಾರೆ.
ಇದುವರೆಗೂ ಶಿವಕಾರ್ತಿಕೇಯನ್‌ ಅವರನ್ನು ಫನ್‌, ಫ್ಯಾಮಿಲಿ ಮ್ಯಾನ್‌ ಪಾತ್ರಗಳಲ್ಲಿ ನೋಡುತ್ತಿದ್ದೆವು. ಆದರೆ ಈ ಸಿನಿಮಾದಲ್ಲಿ ಅವರ ಆಕ್ಟಿಂಗ್‌ ಬೇರೆ ಲೆವೆಲ್‌ ಇದೆ. ಈ ಚಿತ್ರದಲ್ಲಿ ಅವರ ಪಾತ್ರ ನೋಡಿ ಬಹಳ ಖುಷಿಯಾಯ್ತು. ಅವರಿಗೆ ಒಳ್ಳೆ ಭವಿಷ್ಯವಿದೆ. ಫಸ್ಟ್‌ ಹಾಫ್‌ ಬಹಳ ಚೆನ್ನಾಗಿದೆ ಎಂದು ಕಾರ್ತಿಕ್‌ ಎಂಬ ಸಿನಿಪ್ರಿಯ ಟ್ವಿಟರ್ ರಿವ್ಯೂ ನೀಡಿದ್ದಾರೆ.
ಅಮರನ್ ಚಿತ್ರವನ್ನು ರಾಜ್‌ಕಮಲ್‌ ಫಿಲ್ಮ್ಸ್‌ ಇಂಟರ್‌ನ್ಯಾಷನಲ್‌, ಸೋನಿ ಪಿಕ್ಚರ್ಸ್‌ ಫಿಲ್ಮ್‌ ಇಂಡಿಯಾ ಬ್ಯಾನರ್‌ ಅಡಿ ಕಮಲ್‌ ಹಾಸನ್‌, ಆರ್‌ ಮಹೇಂದ್ರನ್‌ ಹಾಗೂ ವಿವೇಕ್‌ ಕೃಷ್ಣಾನಿ ಜೊತೆ ಸೇರಿ ನಿರ್ಮಿಸಿದ್ದಾರೆ. ಚಿತ್ರಕ್ಕೆ ರಾಜ್‌ಕುಮಾರ್‌ ಪೆರಿಯಸಾಮಿ ಚಿತ್ರಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. ಚಿತ್ರದ ಹಾಡುಗಳಿಗೆ ಜಿವಿ ಪ್ರಕಾಶ್‌ ಕುಮಾರ್‌ ಸಂಗೀತ ನೀಡಿದ್ದಾರೆ. ಚಿತ್ರದಲ್ಲಿ ಶಿವಕಾರ್ತಿಕೇಯನ್‌, ಸಾಯಿ ಪಲ್ಲವಿ ಜೊತೆಗೆ ಭುವನ್‌ ಅರೋರಾ, ರಾಹುಲ್‌ ಬೋಸ್‌, ಶ್ಯಾಮ್‌ ಮೋಹನ್‌ ಹಾಗೂ ಇನ್ನಿತರರು ನಟಿಸಿದ್ದಾರೆ. ಚಿತ್ರದಲ್ಲಿ ಶಿವಕಾರ್ತಿಕೇಯನ್‌ ಮೇಜರ್ ಮುಕುಂದ್ ವರದರಾಜನ್ ಪಾತ್ರದಲ್ಲಿ ನಟಿಸಿದರೆ ಸಾಯಿ ಪಲ್ಲವಿ, ಮೇಜರ್ ಪತ್ನಿ ಇಂದೂ ರೆಬೆಕಾ ವರ್ಗೀಸ್ ಪಾತ್ರದಲ್ಲಿ ನಟಿಸಿದ್ದಾರೆ. ಈ ಸಿನಿಮಾ ಮೂಲಕ 2 ವರ್ಷಗಳ ನಂತರ ಸಾಯಿ ಪಲ್ಲವಿ ಕಮ್‌ ಬ್ಯಾಕ್‌ ಮಾಡಿದ್ದಾರೆ.
ಭಯೋತ್ಪಾದಕರೊಂದಿಗೆ ಹೋರಾಡುವಾಗ ಹುತಾತ್ಮರಾದ ಮೇಜರ್ ಮುಕುಂದ್ ವರದರಾಜನ್ ಅವರ ಬಯೊಪಿಕ್ 'ಅಮರನ್'ಗೆ ಸೇನಾ ಸಿಬ್ಬಂದಿಯಷ್ಟೇ ಅಲ್ಲ, ಸಾಮಾನ್ಯ ಜನರಿಂದಲೂ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಇದು 'ದಕ್ಷಿಣ ಭಾರತದ ಶೇರ್‌ ಶಾ' ಎಂದು ಕಾರ್ಗಿಲ್ ಬಗ್ಗೆ ಬಂದಿದ್ದ ಮಹತ್ವದ ಬಾಲಿವುಡ್ ಚಿತ್ರದೊಂದಿಗೆ ಈ ಚಿತ್ರವನ್ನು ಹೋಲಿಸಲಾಗುತ್ತಿದೆ. ಮೊದಲ ದಿನ ಉತ್ತಮ ಪ್ರತಿಕ್ರಿಯೆ ಪಡೆದಿರುವ ಈ ಚಿತ್ರದ ಕಲೆಕ್ಷನ್ ವಿವರ, ಸ್ಟಾರ್‌ಗಳ ಅಭಿಪ್ರಾಯ ಸೇರಿದಂತೆ ಮತ್ತಷ್ಟು ವಿವರಗಳಿಗಾಗಿ 'ಹಿಂದೂಸ್ತಾನ್ ಟೈಮ್ಸ್ ಕನ್ನಡ' ಜಾಲತಾಣ ನೋಡುತ್ತಿರಿ.
