Lakshmi Baramma: ಆಸ್ಪತ್ರೆಯಿಂದ ತಪ್ಪಿಸಿಕೊಂಡು ಬರುವ ಅವಕಾಶವನ್ನೂ ಕಳೆದುಕೊಂಡ ಲಕ್ಷ್ಮೀ; ಕಾವೇರಿ ಮುಖದಲ್ಲಿ ಮಂದಹಾಸ
ಲಕ್ಷ್ಮೀ ಬಾರಮ್ಮ ಧಾರಾವಾಹಿಯಲ್ಲಿ ತಾನು ತಪ್ಪಿಸಿಕೊಂಡು ಬರುವ ಎಲ್ಲಾ ಅವಕಾಶವನ್ನೂ ಲಕ್ಷ್ಮೀ ಈಗ ಕಳೆದುಕೊಂಡಿದ್ದಾಳೆ. ಕಾವೇರಿ ಮಾತ್ರ ಇದೆಲ್ಲವನ್ನು ನೋಡಿ ತುಂಬಾ ಖುಷಿಯಾಗಿದ್ದಾಳೆ. ಈಗ ಮತ್ತೆ ಎಲ್ಲವೂ ಕಾವೇರಿಯ ಹಿಡಿತಕ್ಕೆ ಬರುತ್ತಿದೆ.
ಲಕ್ಷ್ಮೀ ಬಾರಮ್ಮ ಧಾರಾವಾಹಿಯಲ್ಲಿ ಕೀರ್ತಿ ಮತ್ತೆ ಬಂದಿದ್ದಾಳೆ ಎಂದು ಅವರ ಅಭಿಮಾನಿಗಳು ಖುಷಿಯಾಗಿದ್ದರು. ಆದರೆ ಕೀರ್ತಿ ಲಕ್ಷ್ಮೀಯ ಭ್ರಮೆ ಮಾತ್ರ ಎಂದು ಗೊತ್ತಾಗಿ ಮತ್ತೆ ಬೇಸರ ಮಾಡಿಕೊಂಡಿದ್ದಾರೆ. ಇನ್ನು ಧಾರಾವಾಹಿಯಲ್ಲೂ ಮತ್ತೆ ಬೇಸರ ತರುತ್ತಿದೆ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. ಇಂದಿನ ಸಂಚಿಕೆಯಲ್ಲಿ ಲಕ್ಷ್ಮೀ ತಾನು ಎಲ್ಲ ಸತ್ಯವನ್ನೂ ಡಾಕ್ಟರ್ ಹತ್ತಿರ ಹೇಳಿಕೊಂಡಿರುತ್ತಾಳೆ. ಆದರೆ ಅವಳು ಹೇಳಿಕೊಂಡ ಸತ್ಯವೇ ಈಗ ಅವಳಿಗೆ ಮುಳುವಾಗಿದೆ. ಇಷ್ಟು ದಿನ ಒಪ್ಪಿಗೆ ನೀಡಿದ್ದ ಡಾಕ್ಟರ್ ಈಗ ಬೇಡ ಲಕ್ಷ್ಮೀ ಇಲ್ಲೇ ಇರಬೇಕು ಎಂದು ಹೇಳಿದ್ದಾರೆ. ಡಾಕ್ಟರ್ ಈ ರೀತಿ ಹೇಳಲು ಕಾರಣ ಏನು ಎಂದು ನೋಡಿದಾಗ ಲಕ್ಷ್ಮೀಗೆ ಸೈಕಾಲಜಿಕಲ್ ಪ್ರಾಬ್ಲಂ ಇದೆ ಎಂದು ಹೇಳುತ್ತಾರೆ.
ಕೀರ್ತಿ ಸತ್ತಿದ್ದಾಳೆ ಆದರೂ ಲಕ್ಷ್ಮೀಗೆ ಆಗಾಗ ಅವಳು ಕಾಣಿಸುತ್ತಾಳೆ. ಕೀರ್ತಿ ಸತ್ತಿದ್ದಾಳೆ ಎನ್ನುವುದನ್ನು ಲಕ್ಷ್ಮೀಗೆ ಒಪ್ಪಿಕೊಳ್ಳಲು ಸಾಧ್ಯ ಆಗುತ್ತಿಲ್ಲ. ಹಾಗಾಗಿ ಅವರಲ್ಲಿ ಸಮಸ್ಯೆ ಇದೆ ಎಂದು ಹೇಳುತ್ತಾರೆ. ಈ ಮಾತನ್ನು ಕೇಳಿ ಸುಪ್ರಿತಾ ಹಾಗೂ ವೈಷ್ಣವ್ ತುಂಬಾ ಶಾಕ್ ಆಗುತ್ತಾರೆ. ಹಾಗೆಲ್ಲ ಏನೂ ಇಲ್ಲ, ಮಹಾಲಕ್ಷ್ಮೀ ಸರಿಯಾಗೇ ಇದ್ದಾರೆ ಎಂದು ಹೇಳಿದ್ದಾನೆ. ಆದರೆ ಡಾಕ್ಟರ್ ಇದನ್ನು ಒಪ್ಪಿಕೊಂಡಿಲ್ಲ. ನೀವೇ ನಿಮ್ಮಷ್ಟಕ್ಕೆ ನಿರ್ಧಾರ ಮಾಡುವುದಾದರೆ ಅವರನ್ನು ಇಲ್ಲಿಗೆ ಯಾಕೆ ಕರೆದುಕೊಂಡು ಬಂದಿದ್ದೀರಿ ಎಂದು ಪ್ರಶ್ನೆ ಮಾಡಿದ್ದಾರೆ. ಡಾಕ್ಟರ್ ಹೀಗಂದ ಮೇಲೆ ಮತ್ತೇನು ಹೇಳೋದು ಎಂದು ಎಲ್ಲರೂ ಸುಮ್ಮನಾಗಿದ್ದಾರೆ.
ಆದರೆ ಲಕ್ಷ್ಮೀ ಮಾತ್ರ ಇಲ್ಲ ಡಾಕ್ಟರ್ ನನಗೆ ಈ ರೀತಿ ಯಾವ ಸಮಸ್ಯೆನೂ ಇಲ್ಲ. ನಾನು ಎಲ್ಲವನ್ನೂ ಸರಿಯಾಗಿ ನಿಮಗೆ ಹೇಳಿದಮೇಲೂ ನೀವು ಯಾಕೆ ಈ ರೀತಿ ಮಾಡ್ತಾ ಇದ್ದೀರಾ? ಎಂದು ಪ್ರಶ್ನೆ ಮಾಡುತ್ತಾಳೆ.
ಲಕ್ಷ್ಮೀ ಬಾರಮ್ಮ ಧಾರಾವಾಹಿ
ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ ಪ್ರೇಕ್ಷಕರಿಂದ ಭಾರೀ ಮೆಚ್ಚುಗೆ ಪಡೆದುಕೊಂಡಿತ್ತು. ಪ್ರತಿದಿನ ರಾತ್ರಿ 7:30ಕ್ಕೆ ಈ ಧಾರಾವಾಹಿ ಪ್ರಸಾರವಾಗುತ್ತದೆ. ಮೊದಲು ಒಂದಾಗಿದ್ದ ಭಾಗ್ಯಲಕ್ಷ್ಮೀ ಮತ್ತು ಲಕ್ಷ್ಮೀ ಬಾರಮ್ಮ ಈಗ ಎರಡು ಬೇರೆ ಬೇರೆ ಧಾರಾವಾಹಿಗಳಾಗಿ ಯಶಸ್ವಿಯಾಗಿದೆ. ಟಿಆರ್‌ಪಿ ರೇಟಿಂಗ್ಸ್‌ನಲ್ಲೂ ಈ ಧಾರಾವಾಹಿ ಮುಂದಿದೆ.
ಲಕ್ಷ್ಮೀ ಬಾರಮ್ಮ ಪಾತ್ರವರ್ಗ
ವೈಷ್ಣವ್ ಪಾತ್ರದಲ್ಲಿ ಶಮಂತ್‌ ಗೌಡ (ಬ್ರೋ ಗೌಡ)
ಕೀರ್ತಿ ಪಾತ್ರದಲ್ಲಿ ತನ್ವಿ ರಾವ್‌
ಲಕ್ಷ್ಮೀ ಪಾತ್ರದಲ್ಲಿ ಭೂಮಿಕಾ ರಮೇಶ್‌
ಕಾವೇರಿ ಪಾತ್ರದಲ್ಲಿ ಸುಷ್ಮಾ ನಾಣಯ್ಯ
ಸುಪ್ರಿತಾ ಪಾತ್ರದಲ್ಲಿ ರಜನಿ ಪ್ರವೀಣ್ ಅಭಿನಯಿಸುತ್ತಿದ್ದಾರೆ. ಲಕ್ಷ್ಮೀ ಬಾರಮ್ಮ ಧಾರಾವಾಹಿ ಎಲ್ಲಾ ಎಪಿಸೋಡ್‌ಗಳ ಕಥೆಯನ್ನು ಇಲ್ಲಿ ಓದಬಹುದು.
