Lakshmi Baramma: ಡಾಕ್ಟರ್ ಮುಂದೆ ತನ್ನೆಲ್ಲ ನೋವು ತೋಡಿಕೊಂಡ ಲಕ್ಷ್ಮೀ; ಕೀರ್ತಿ ನೆನಪಿನಲ್ಲೇ ಮನೆ ಮಾಡಿದೆ ಮನಸು
ಲಕ್ಷ್ಮೀ ಬಾರಮ್ಮ ಧಾರಾವಾಹಿಯಲ್ಲಿ ಲಕ್ಷ್ಮೀ ಈಗ ಎಲ್ಲ ಸತ್ಯವನ್ನು ತಾನಾಗೇ ಬಾಯ್ಬಿಡುತ್ತಿದ್ದಾಳೆ. ಇದರಿಂದ ಕಾವೇರಿಗೆ ತೊಂದರೆ ಆಗಬಹುದು ಆದರೆ ಲಕ್ಷ್ಮೀ ಮಾತ್ರ ಎಲ್ಲ ಸಮಸ್ಯೆಗಳಿಂದ ಮುಕ್ತಿ ಪಡೆದುಕೊಳ್ಳುತ್ತಾಳೆ.
ಲಕ್ಷ್ಮೀ ಬಾರಮ್ಮ ಧಾರಾವಾಹಿಯಲ್ಲಿ ಲಕ್ಷ್ಮೀ ಡಾಕ್ಟರ್ ಹತ್ತಿರ ಎಲ್ಲ ಸತ್ಯವನ್ನೂ ಹೇಳುತ್ತಿದ್ದಾಳೆ. ಅವಳಿಗೆ ಕೀರ್ತಿ ಬಗ್ಗೆ ಯಾವ ರೀತಿ ಕನಸು ಬೀಳ್ತಾ ಇತ್ತು ಎಂದು ಮತ್ತೆ ವಿಸ್ತಾರವಾಗಿ, ವಿವರವಾಗಿ ಹೇಳಿಕೊಂಡಿದ್ದಾಳೆ. ಕೀರ್ತಿ ಬಗ್ಗೆ ನನಗೆ ಆಗಾಗ ಕನಸು ಬೀಳುತ್ತಾ ಇರುತ್ತದೆ. ಆಗ ನಾನು ತುಂಬಾ ಬೇಸರ ಮಾಡಿಕೊಳ್ಳುತ್ತೇನೆ. ಅವಳು ಬಂದು ನಾನು ಎಲ್ಲೋ ಸಿಕ್ಕಿ ಹಾಕಿಕೊಂಡಿದ್ದೇನೆ. ಹೇಗಾದರೂ ಮಾಡಿ ನನ್ನ ಇಲ್ಲಿಂದ ಬಿಡಿಸಿಕೊಂಡು ಹೋಗು ಎಂದು ನನ್ನ ಸಹಾಯ ಕೇಳುತ್ತಿದ್ದಾಳೆ ಎಂದು ಅನಿಸುತ್ತಾ ಇರುತ್ತದೆ. ಹಾಗನಿಸಿದಾಗಲೆಲ್ಲ ನನಗೆ ತುಂಬಾ ತೊಂದರೆ ಆಗುತ್ತದೆ. ಆದರೆ ಇಂದು ನಾನು ಅವಳನ್ನು ನಿಜವಾಗೂ ನೋಡಿದ್ದೇನೆ ಎಂದು ಹೇಳುತ್ತಾಳೆ.
ನನಗೆ ಕನಸು ಯಾವುದು? ನನಸು ಯಾವುದು ಎಂದು ಖಂಡಿತ ಅರ್ಥ ಆಗುತ್ತದೆ. ಆದರೆ ಇಂದು ಕಂಡದ್ದು ಮಾತ್ರ ನಿಜ ಎಂದು ಹೇಳುತ್ತಾಳೆ. “ಅವಳು ಕಾರ್ ಒಳಗಡೆ ಸಿಕ್ಕಿಹಾಕಿಕೊಂಡು ಸಹಾಯಕ್ಕಾಗಿ ಕರೀತಾ ಇದ್ಲು. ಅದನ್ನು ಕೇಳಿ ನಾನು ಅವಳಿಗೆ ಸಹಾಯ ಮಾಡಬೇಕು ಎಂದು ಹೋದೆ, ಆದ್ರೆ ಅಷ್ಟರಲ್ಲಾಗಲೇ ಅವಳು ಅಲ್ಲಿಂದ ಮಾಯ ಆಗಿ ಬಿಟ್ಟಿದ್ಲು. ಅವಳನ್ನು ಬಚಾವ್ ಮಾಡುವ ಸಲುವಾಗಿ ನಾನು ಕಲ್ಲಿನಲ್ಲಿ ಕಾರಿನ ಗ್ಲಾಸ್‌ ಪುಡಿ ಮಾಡಿದ್ದೆ” ಎಂದು ಹೇಳುತ್ತಾಳೆ.
“ಕೀರ್ತಿ ಯಾರು? ಅವಳು ನಿನಗೆ ಏನಾಗಬೇಕು” ಎಂದು ಡಾಕ್ಟರ್ ಕೇಳುತ್ತಾರೆ. ಆಗ ಅವಳು ಕೀರ್ತಿಯ ಬಗ್ಗೆ ಎಲ್ಲ ಸತ್ಯವನ್ನೂ ಹೇಳುತ್ತಾಳೆ “ಅವಳು ನನಗೆ ಆಪ್ತ ಸ್ನೇಹಿತೆ ಅವಳು ಕೆಟ್ಟವಳಲ್ಲ. ತುಂಬಾ ನೇರವಾಗಿ ಮಾತಾಡುವ ಒಂದು ಹುಡುಗಿ. ಅವಳಿಗೆ ಏನು ಬೇಕೋ ಅದನ್ನು ಬೇಕು ಎಂದು ಹಠ ಮಾಡಿಯಾದರೂ ಪಡೆದುಕೊಳ್ಳುವ ಅವಳು ನನಗೆ ತೊಂದರೆ ಕೊಟ್ಟಿಲ್ಲ ಎಂದಲ್ಲ. ಆದ್ರೆ ತುಂಬಾ ಸಲ ಅವಳು ನನ್ನ ಪರವಾಗಿ ನಿಂತಿದ್ದಳು” ಎಂದು ಹೇಳುತ್ತಾಳೆ. ಅವಳಾಡಿದ ಎಲ್ಲ ಮಾತುಗಳಲ್ಲೂ ನಿಜವೇ ಇರುತ್ತದೆ. ಕಾವೇರಿ ಮಾತ್ರ ಹೇಗಾದರೂ ತಪ್ಪನ್ನು ಎತ್ತಿ ಹಾಕಲು ಪ್ರಯತ್ನ ಮಾಡುತ್ತಾಳೆ.
ಲಕ್ಷ್ಮೀ ಬಾರಮ್ಮ ಧಾರಾವಾಹಿ
ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ ಪ್ರೇಕ್ಷಕರಿಂದ ಭಾರೀ ಮೆಚ್ಚುಗೆ ಪಡೆದುಕೊಂಡಿತ್ತು. ಪ್ರತಿದಿನ ರಾತ್ರಿ 7:30ಕ್ಕೆ ಈ ಧಾರಾವಾಹಿ ಪ್ರಸಾರವಾಗುತ್ತದೆ. ಮೊದಲು ಒಂದಾಗಿದ್ದ ಭಾಗ್ಯಲಕ್ಷ್ಮೀ ಮತ್ತು ಲಕ್ಷ್ಮೀ ಬಾರಮ್ಮ ಈಗ ಎರಡು ಬೇರೆ ಬೇರೆ ಧಾರಾವಾಹಿಗಳಾಗಿ ಯಶಸ್ವಿಯಾಗಿದೆ. ಟಿಆರ್‌ಪಿ ರೇಟಿಂಗ್ಸ್‌ನಲ್ಲೂ ಈ ಧಾರಾವಾಹಿ ಮುಂದಿದೆ.
ಲಕ್ಷ್ಮೀ ಬಾರಮ್ಮ ಪಾತ್ರವರ್ಗ
ವೈಷ್ಣವ್ ಪಾತ್ರದಲ್ಲಿ ಶಮಂತ್‌ ಗೌಡ (ಬ್ರೋ ಗೌಡ)
ಕೀರ್ತಿ ಪಾತ್ರದಲ್ಲಿ ತನ್ವಿ ರಾವ್‌
ಲಕ್ಷ್ಮೀ ಪಾತ್ರದಲ್ಲಿ ಭೂಮಿಕಾ ರಮೇಶ್‌
ಕಾವೇರಿ ಪಾತ್ರದಲ್ಲಿ ಸುಷ್ಮಾ ನಾಣಯ್ಯ
ಸುಪ್ರಿತಾ ಪಾತ್ರದಲ್ಲಿ ರಜನಿ ಪ್ರವೀಣ್ ಅಭಿನಯಿಸುತ್ತಿದ್ದಾರೆ. ಲಕ್ಷ್ಮೀ ಬಾರಮ್ಮ ಧಾರಾವಾಹಿ ಎಲ್ಲಾ ಎಪಿಸೋಡ್‌ಗಳ ಕಥೆಯನ್ನು ಇಲ್ಲಿ ಓದಬಹುದು.
