Bigg Boss Kannada 11: ಮತ್ತೆ ಹನುಮಂತನ ನಂಬಿಕೆ ಕಳೆದುಕೊಂಡ ಗೋಲ್ಡ್ ಸುರೇಶ್; ಮೋಸದಾಟಕ್ಕೆ ಮಾವನಿಗೆ ಅಳಿಯನಿಂದ ಸಿಕ್ತು ‘ಕಪ್ಪು’ ಉಡುಗೊರೆ
Bigg Boss Kannada 11: ಗೋಲ್ಡ್ ಸುರೇಶ್ ಮೋಸದಾಟಕ್ಕೆ ಹನುಮಂತು ಬೇಸತ್ತಿದ್ದಾನೆ. ಅದಕ್ಕಾಗಿ, ಕೆಂಪು ಹೂವು ನೀಡುವ ಬದಲು ಕಪ್ಪು ಗುಲಾಬಿ ನೀಡಿದ್ದಾರೆ. ಹಾಗೆ ಹೇಳಿದ್ದಕ್ಕೆ ಸೂಕ್ತ ಕಾರಣವನ್ನೂ ನೀಡಿದ್ದಾರೆ.
Bigg Boss Kannada 11: ಬಿಗ್ ಬಾಸ್ ಕನ್ನಡ 11 ಸದ್ಯ ಆರನೇ ವಾರದತ್ತ ಹೊರಳಿದೆ. ಇಡೀ ಮನೆ ಮಂದಿಯ ನಡುವೆ ಒಂದಷ್ಟು ಗಾಢ ಸ್ನೇಹ ಮೂಡಿದೆ. ಆ ಪೈಕಿ ಧನರಾಜ್‌ ಮತ್ತು ಹನುಮಂತು ನಡುವೆ ಒಳ್ಳೆಯ ಬಾಂಧವ್ಯವಿದೆ. ಅದೇ ರೀತಿ ಬೆಳಗಾವಿಯ ಗೋಲ್ಡ್ ಸುರೇಶ್ ಮತ್ತು ಹನುಮಂತು ನಡುವೆಯೇ ಒಂದೊಳ್ಳೆಯ ಒಡನಾಟವಿದೆ. ಮಾವ ಮಾವ ಎಂದು ಸುರೇಶ್ ಅವರ ಕಾಲೆಳೆಯುತ್ತಲೇ ಇರುತ್ತಾರೆ ಹನುಮಂತು. ತಪ್ಪಿದ್ದರೂ, ಮುಖಕ್ಕೆ ಹೊಡೆದಂತೆ ಹೇಳಿ, ಎಲ್ಲರ ಫೇವರಿಟ್‌ ಆಗಿದ್ದಾರೆ ಹನುಮಂತು. ಭಾನುವಾರದ ಏಪಿಸೋಡ್‌ನಲ್ಲಿ ಚಿನ್ನದ ಸರದ ವಿಚಾರವಾಗಿ ಅಳಿಯ ಮಾವನ ನಡುವೆ ಹಾಸ್ಯ ಉಕ್ಕಿದೆ. ಈಗ ಇಂದಿನ (ನವೆಂಬರ್‌ 11) ಏಪಿಸೋಡ್‌ನಲ್ಲಿ ಅದೇ ಸುರೇಶ್ ಆಟದ ವೈಖರಿಯ ಬಗ್ಗೆ ಟೀಕೆ ಮಾಡಿದ್ದಾರೆ.
ಭಾನುವಾರ ಸಖತ್‌ ಲೈವ್ಲಿಯಾಗಿ ವಾರದ ಕಥೆ ಕಿಚ್ಚನ ಜೊತೆ ಕಾರ್ಯಕ್ರಮ ನಡೆದಿತ್ತು. ಕೊನೇ ಕ್ಷಣದಲ್ಲಿ ಭವ್ಯಾ ಗೌಡ ಎಲಿಮಿನೇಟ್‌ ಆಗಿ ಮನೆಗೆ ಹೋಗಲಿದ್ದಾರೆ ಎಂದೇ ಹೇಳಲಾಗಿತ್ತು. ಅಚ್ಚರಿಯ ರೀತಿಯಲ್ಲಿ ಈ ವಾರ ಯಾರೂ ಮನೆಗೆ ಹೋಗಲಿಲ್ಲ. ಬಿಗ್ ಬಾಸ್ ಆದೇಶ ಕೇಳಿ ಕೆಲ ಕಾಲ ನಿಬ್ಬೆರಗಾಗಿ ನಿಂತಿದ್ದರು ಭವ್ಯಾ. ಈಗ ಸೋಮವಾರದ ಏಪಿಸೋಡ್‌ನಲ್ಲಿ ಮನೆ ಮಂದಿಗೆ ಹೊಸ ಟಾಸ್ಕ್‌ ನೀಡಿದ್ದಾರೆ ಬಿಗ್ ಬಾಸ್. ಕೆಂಪು ಗುಲಾಬಿ ಮತ್ತು ಬಿಳಿ ಗುಲಾಬಿಯನ್ನಿಟ್ಟು, ಯಾರಿಗೆ ಯಾವ ಹೂವು ನೀಡ್ತಿರಿ ಎಂದಿದ್ದಾರೆ. ಆ ಪೈಕಿ ಮಾವ ಗೋಲ್ಡ್ ಸುರೇಶ್‌ಗೆ ಕಪ್ಪು ಬಣ್ಣದ ಗುಲಾಬಿ ನೀಡಿ, ನಿಮ್ಮ ಮ್ಯಾಲೆ ನಂಬಿಕೆ ಇಡೋದು ಆಗಲ್ಲ ಎಂದಿದ್ದಾರೆ.
ನಂಬಿಕೆ ಕಳೆದುಕೊಂಡ ಗೋಲ್ಡ್ ಸುರೇಶ್
"ನಾನು ನಮ್ಮ ದೋಸ್ತಗ ಜೈಲಿನಲ್ಲಿದ್ದಾಗ ದಾಳಿಂಬೆ ಹಣ್ಣು ತಿನಿಸಿದ್ದೆ. ನಾನು ಅಂದುಕೊಂಡಿದ್ದೆ, ನಮ್ಮ ಮಾವ ಕ್ಯಾಪ್ಟನ್‌ಗೆ ಹೇಳಲ್ಲ ಎಂದುಕೊಂಡಿದ್ದೆ. ನಮ್ಮ ಮಾವ ನಮ್ಮ ಪರವಾಗಿ ಅದಾನ ಅಂತ ಅಂದುಕೊಂಡಿದ್ದೆ. ನಾನು ಭಾಳ ನಂಬಿದ್ದೆ ನಮ್ಮ ಮಾವಗ. ಆದ್ರ ಅವ ಮೋಸ ಮಾಡಿದ. ಲಕ್ಷುರಿ ಹೋಗಿದ್ದಕ್ಕೆ ನನಗೆ ಸಮಸ್ಯೆ ಇಲ್ಲ. ಅದು ನನ್ನಿಂದ ಹೋಗಿಲ್ಲ. ನಮ್ಮ ದೋಸ್ತನಿಂದ ಹೋಗಿದೆ. ನಮ್ಮ ದೋಸ್ತ ತಿಂದಿದ್ದು ಮೋಸಂಬಿ ಹಣ್ಣನ್ನು ತಿಂದಾನ. ದಾಳಿಂಬೆ ಹಣ್ಣನ್ನು ತಿನಿಸಿದ್ದಾನೆ ಅಂತ ಕ್ಯಾಪ್ಟನ್‌ಗೆ ಹೇಳ್ಯಾನ. ನಮ್ಮ ದೋಸ್ತಗ ಊಟಾಬಸ್ಕಿ ಹೊಡೆಸಿದಿ. ಹಾಗಾಗಿ ಮಾವನ ಮ್ಯಾಲೆ ನಂಬಿಕೆ ಇಡೋದು ಸ್ವಲ್ಪ ಕಷ್ಟ ಐತಿ" ಎಂದು ಹೇಳಿ ಕಪ್ಪು ಬಣ್ಣದ ಗುಲಾಬಿ ನೀಡಿದ್ದಾರೆ ಹನುಮಂತು.
ಹನುಮಂತನಿಂದ ಹೀಗೊಂದು ಹಾಡು...
ಭಾಳ ನಂಬಿದ್ನೇ ಹೇ ಮಾವ ನಿನ್ನ..
ಭಾಳ ನಂಬಿದ್ನೇ ಹೇ ಮಾವ ನಿನ್ನ..
ನಂಬಿದ ಅಳಿಯನಿಗೆ ಮೋಸ ಮಾಡಿದೀ ನೀನ..
ಚೈನ್‌ ಹಾಕಿ ವಾಪಸ್ ಪಡೆದ ಸುರೇಶ್..
ಮೊದಲಿನಿಂದಲೂ ಒಂದಿಲ್ಲ ಒಂದು ವಿಚಾರಲ್ಕೆ ಹನುಮಂತು ಮತ್ತು ಸುರೇಶ್ ನಡುವೆ ಮಾತುಕತೆಗಳು ನಡೆಯುತ್ತಲೇ ಬಂದಿದ್ದವು. ಆರಂಭದಿಂದಲೂ ಗೋಲ್ಡ್ ಸುರೇಶ್ ಬಗ್ಗೆ ತಮಗನಿಸಿದ್ದನ್ನು ಹೇಳುತ್ತಲೇ ಬಂದಿದ್ದಾರೆ. ಕ್ಯಾಪ್ಟನ್‌ ಆಗಿದ್ದಾಗ ನೇರವಾಗಿಯೂ ನಾಮಿನೇಟ್‌ ಮಾಡಿದ್ದರು. ಈ ವಾರ ಸ್ವತಃ ಸುರೇಶ್ ಸಲುವಾಗಿ ಕ್ಯಾಪ್ಟನ್ಸಿ ಟಾಸ್ಕ್‌ ಆಡಿದ್ದರು ಹನುಮಂತು. ಆದರೂ ಆ ಟಾಸ್ಕ್‌ ಗೆಲ್ಲಲು ಹನುಮಂತು ಕೈಯಲ್ಲಿ ಗೆಲ್ಲಲಾಗಲಿಲ್ಲ. ಇದೇ ಖುಷಿಗೆ ಕೊರಳಲ್ಲಿಲ್ಲನ ಚಿನ್ನದ ಸರವನ್ನು ಹನುಮಂತನಿಗೆ ಹಾಕುವಂತೆಯೂ ಸುದೀಪ್ ಹೇಳಿದ್ದರು. ಅದರಂತೆ ಚೈನ್‌ ತೆಗೆದು ಹನುಮನ ಕೊರಳಿಗೆ ಹಾಕಿದರು ಸುರೇಶ್. "ಸುರೇಶ್ ಅದನ್ನು ಖುಷಿಯಿಂದ ಕೊಟ್ಟಿಲ್ಲ ಅಂತ ನಿಮಗೆ ಅನ್ನಿಸಿದರೆ ವಾಪಸ್ ಕೊಟ್ಟುಬಿಡಿ.." ಎಂದು ಸುದೀಪ್ ಹನುಮಂತುಗೆ ಹೇಳಿದರು. ಆಗ ಚಿನ್ನದ ಸರವನ್ನು ಗೋಲ್ಡ್ ಸುರೇಶ್‌ಗೆ ವಾಪಸ್ ಕೊಟ್ಟರು.
