ಚದುರಂಗ ಚತುರ ಗುಕೇಶ್ ದೊಮ್ಮರಾಜು ಆಟಕ್ಕೆ ವಿಶ್ವದಾಖಲೆಯೇ ಧ್ವಂಸ; ಈ ಸಾಧನೆ ಮಾಡಿದ ಎರಡನೇ ಭಾರತೀಯ

ಡಿಸೆಂಬರ್ 12ರಂದು ನಡೆದ ವಿಶ್ವ ಚೆಸ್ ಚಾಂಪಿಯನ್​ ಅಂತಿಮ ಅಥವಾ 14ನೇ ಸುತ್ತಿನಲ್ಲಿ ಚೀನಾದ ಡಿಂಗ್ ಲಿರೆನ್ ಅವರನ್ನು ಸೋಲಿಸಿ ವಿಶ್ವ ಚೆಸ್ ವಿಶ್ವ ಚಾಂಪಿಯನ್ ಆಗುವ ಮೂಲಕ ಭಾರತದ ಗ್ರ್ಯಾಂಡ್ ಮಾಸ್ಟರ್​ ಗುಕೇಶ್ ದೊಮ್ಮರಾಜು ಹೊಸ ಇತಿಹಾಸ ನಿರ್ಮಿಸಿದ್ದಾರೆ. ಸಿಂಗಾಪುರದ ರೆಸಾರ್ಟ್ಸ್ ವರ್ಲ್ಡ್ ಸೆಂಟೋಸಾದಲ್ಲಿರುವ ಈಕ್ವೇರಿಯಸ್ ಹೋಟೆಲ್‌ನಲ್ಲಿ ಈ ಪಂದ್ಯ ನಡೆಯಿತು. 18 ವರ್ಷದ ಗುಕೇಶ್, 1985 ರಲ್ಲಿ 22ನೇ ವಯಸ್ಸಿನಲ್ಲಿ ಪ್ರಶಸ್ತಿ ಜಯಿಸಿದ್ದ ಗ್ಯಾರಿ ಕಾಸ್ಪರೋವ್​ ಅವರ ಹೆಸರಿನಲ್ಲಿದ್ದ ದಾಖಲೆಯನ್ನು ಪುಡಿಗಟ್ಟಿದ್ದಾರೆ.

ಕಾಸ್ಪರೋವ್​ ಅವರ ದಾಖಲೆಯನ್ನು ಮುರಿಯುವ ಮೂಲಕ ಅತ್ಯಂತ ಕಿರಿಯ ಆಟಗಾರ ಚಾಂಪಿಯನ್ ಪಟ್ಟ ಅಲಂಕರಿಸಿದ ಹೆಗ್ಗಳಿಕೆಗೆ ಗುಕೇಶ್ ಪಾತ್ರರಾಗಿದ್ದಾರೆ. ಮ್ಯಾಗ್ನಸ್ ಕಾರ್ಲ್ಸೆನ್ ಅವರು 2003ರಲ್ಲಿ 22ನೇ ವಯಸ್ಸಿನಲ್ಲಿ ವಿಶ್ವ ಚಾಂಪಿಯನ್ ಕಿರೀಟಕ್ಕೆ ಮುತ್ತಿಕ್ಕಿದ್ದರು. ವಿಶ್ವನಾಥನ್ ಆನಂದ್ ನಂತರ ಈ ಪ್ರಶಸ್ತಿ ಗೆದ್ದ 2ನೇ ಭಾರತೀಯ ಎಂಬ ಹೆಗ್ಗಳಿಕೆಗೆ ಗುಕೇಶ್ ಪಾತ್ರರಾಗಿದ್ದಾರೆ. ಭಾರತದ ಮೊದಲ ಚೆಸ್ ಗ್ರ್ಯಾಂಡ್ ಮಾಸ್ಟರ್ ಆನಂದ್ 2000ರಲ್ಲಿ 31ನೇ ವಯಸ್ಸಿನಲ್ಲಿ ಮೊದಲ ಪ್ರಶಸ್ತಿಯನ್ನು ಗೆದ್ದರು. ಅವರು 2007, 2008, 2010 ಮತ್ತು 2012 ರಲ್ಲಿ ಸತತವಾಗಿ ಪ್ರಶಸ್ತಿಯನ್ನು ಗೆದ್ದುಕೊಂಡಿದ್ದರು.

ಕಿರಿಯ ವಿಶ್ವ ಚೆಸ್ ಚಾಂಪಿಯನ್

ಡಿ ಗುಕೇಶ್ - 18 ವರ್ಷ 8 ತಿಂಗಳು 14 ದಿನ - ಡಿಸೆಂಬರ್ 12, 2024

ಗ್ಯಾರಿ ಕಾಸ್ಪರೋವ್ - 22 ವರ್ಷ 6 ತಿಂಗಳು 27 ದಿನಗಳು - ನವೆಂಬರ್ 9, 1985

ಮ್ಯಾಗ್ನಸ್ ಕಾರ್ಲ್ಸೆನ್ - 22 ವರ್ಷಗಳು 11 ತಿಂಗಳುಗಳು 24 ದಿನಗಳು - ನವೆಂಬರ್ 23, 2013

ಮಿಖಾಯಿಲ್ ತಾಲ್ - 23 ವರ್ಷ 5 ತಿಂಗಳು 28 ದಿನಗಳು - ಮೇ 7, 1960

ಅನಾಟೊಲಿ ಕಾರ್ಪೋವ್ - 23 ವರ್ಷ 10 ತಿಂಗಳು 11 ದಿನಗಳು - ಏಪ್ರಿಲ್ 3, 1975

ವ್ಲಾಡಿಮಿರ್ ಕ್ರಾಮ್ನಿಕ್ - 25 ವರ್ಷ 4 ತಿಂಗಳು 10 ದಿನಗಳು - ನವೆಂಬರ್ 4, 2000

ಇಮ್ಯಾನುಯೆಲ್ ಲಾಸ್ಕರ್ - 25 ವರ್ಷ 5 ತಿಂಗಳು 2 ದಿನಗಳು - ಮೇ 26, 1894

ಇದನ್ನೂ ಓದಿ: 18 ವರ್ಷದ ಭಾರತೀಯ ಆಟಗಾರ ಚೆಸ್ ಲೋಕಕ್ಕೆ ಅಧಿಪತಿ; ವಿಶ್ವ ಚೆಸ್ ಚಾಂಪಿಯನ್ ಪ್ರಶಸ್ತಿ ಗೆದ್ದ ಗುಕೇಶ್ ದೊಮ್ಮರಾಜು

ಕಣ್ಣೀರು ಹಾಕಿದ ಗುಕೇಶ್

ಗುಕೇಶ್ 7.5-6.5 ಅಂಕಗಳ ಅಂತರದಿಂದ ಜಯಿಸಿದರು. ಪಂದ್ಯವು ಬಹುಪಾಲು ಡ್ರಾದತ್ತ ಸಾಗಿತು. ಹೀಗಾಗಿ, ಟೈಬ್ರೇಕ್ ಸನ್ನಿಹಿತವಾಗಿತ್ತು. ಆದರೆ, 55ನೇ ನಡೆಯಲ್ಲಿ ಡಿಂಗ್ ಪ್ರಮಾದ ಎಸಗಿದ ಕಾರಣ ಗುಕೇಶ್ ಯಾವುದೇ ತಪ್ಪು ಮಾಡದೆ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡರು. 18ರ ಹರೆಯದ ಯುವಕ ಕಿರೀಟವನ್ನು ಮುದ್ರೆಯೊತ್ತಲು ಗೆಲುವಿನ ನಡೆ ಆಡಿದ ತಕ್ಷಣ ಕಣ್ಣೀರಿಟ್ಟರು. ಗೆಲುವು ಸಾಧಿಸಿದ ನಂತರ ಗುಕೇಶ್, ಕೂತಲೇ ಕಣ್ಣೀರು ಹಾಕಿದರು. ಇದರ ವಿಡಿಯೋಗಳು ವೈರಲ್ ಆಗುತ್ತಿದೆ. ಇಡೀ ದೇಶವೇ ಗುಕೇಶ್ ಸಾಧನೆ ಅಭಿನಂದನೆ ಸಲ್ಲಿಸುತ್ತಿದೆ.

ಇದನ್ನೂ ಓದಿ: ಜೋಶ್ ಹೇಜಲ್​​ವುಡ್ ಇನ್, ಇಬ್ಬರು ಔಟ್; ಗಬ್ಬಾದಲ್ಲಿ ಭಾರತ ತಂಡ ವಿರುದ್ಧದ 3ನೇ ಟೆಸ್ಟ್‌ಗೆ ಆಸ್ಟ್ರೇಲಿಯಾ ಸಂಭಾವ್ಯ XI

ಇದನ್ನೂ ಓದಿ: D Gukesh profile: 7ನೇ ವಯಸ್ಸಿಗೆ ಚೆಸ್ ಕಲಿಕೆ, 12ಕ್ಕೆ ಗ್ರ್ಯಾಂಡ್ ಮಾಸ್ಟರ್, 18ಕ್ಕೆ ವಿಶ್ವ ಚಾಂಪಿಯನ್; ಇದು ಗುಕೇಶ್ ಜೀವನ ಚರಿತ್ರೆ