ರಾಹು ಸಂಕ್ರಮಣ 2025: ಕಟಕ ರಾಶಿಯವರ ಬಾಳಿನಲ್ಲಿ ಅನಿರೀಕ್ಷಿತ ಘಟನೆಗಳು ನಡೆಯಲಿವೆ, ಕನ್ಯಾರಾಶಿಯವರು ಸಹೋದ್ಯೋಗಿಗಳ ವಿಚಾರದಲ್ಲಿ ಎಚ್ಚರ ವಹಿಸಿ

ರಾಹು ಸಂಕ್ರಮಣ 2025: ಜ್ಯೋತಿಷ್ಯದಲ್ಲಿ ರಾಹುವನ್ನು ಕೆಟ್ಟ ಗ್ರಹ ಎಂದು ಪರಿಗಣಿಸಲಾಗುತ್ತದೆ. ಈ ಗ್ರಹದ ಸ್ಥಾನ ಬದಲಾವಣೆಯು ರಾಶಿಚಕ್ರಗಳ ಮೇಲೆ ಪರಿಣಾಮ ಬೀರುತ್ತದೆ. ರಾಹುವು ಒಂದೂವರೆ ವರ್ಷಕ್ಕೊಮ್ಮೆ ತನ್ನ ಸ್ಥಾನವನ್ನು ಬದಲಿಸುತ್ತದೆ. 2024 ಸಂಪೂರ್ಣ ವರ್ಷ ಮೀನ ರಾಶಿಯಲ್ಲೇ ಇದ್ದ ರಾಹು, ಇದೀಗ 2025ರ ಮೇ ತಿಂಗಳಲ್ಲಿ ಹಿಮ್ಮುಖವಾಗಿ ಚಲಿಸಿ ಕುಂಭರಾಶಿಯನ್ನು ಪ್ರವೇಶ ಮಾಡಲಿದ್ದಾನೆ.

2025ರ ಮೇ 18 ಮಧ್ಯಾಹ್ನ 3.08ಕ್ಕೆ ರಾಹುವು ಶನಿಯ ನಿಯಂತ್ರಣದ ಕುಂಭ ರಾಶಿಯನ್ನು ಪ್ರವೇಶ ಮಾಡುತ್ತಾನೆ. ಅಲ್ಲಿಂದ ಮುಂದೆ 18 ತಿಂಗಳುಗಳ ಕಾಲ ರಾಹು ಕುಂಭ ರಾಶಿಯಲ್ಲೇ ಸಂಚಾರ ಮಾಡುತ್ತಾನೆ. ರಾಹುವಿನ ಸ್ಥಾನಪಲ್ಲಟವು ಕೆಲವು ರಾಶಿಯವರಿಗೆ ಶುಭ, ಅಶುಭ ಫಲಗಳನ್ನು ನೀಡಲಿದೆ. ಹಾಗಾದರೆ ರಾಹುವಿನ ಸ್ಥಾನಪಲ್ಲಟದಿಂದ ಕಟಕದಿಂದ ಕನ್ಯಾರಾಶಿವರೆಗೆ ಏನೆಲ್ಲಾ ಪರಿಣಾಮಗಳಿವೆ ನೋಡಿ.

ಕಟಕ, ಸಿಂಹ, ಕನ್ಯಾ ರಾಶಿ ರಾಹು ಸಂಕ್ರಮಣ ಫಲ

ಕಟಕ ರಾಶಿ

ಕಟಕ ರಾಶಿಯ 8ನೇ ಮನೆಯಲ್ಲಿ ರಾಹು ಸಾಗುತ್ತಾನೆ. ಇದು ಕೆಲವು ಸಂದರ್ಭಗಳಲ್ಲಿ ಪ್ರತಿಕೂಲ ಪರಿಸ್ಥಿತಿಯನ್ನು ಉಂಟು ಮಾಡಬಹುದು. ಆದರೆ ಕೆಲವು ಸಂದರ್ಭಗಳಲ್ಲಿ ಅನಿರೀಕ್ಷಿತ ಶುಭಫಲಗಳೂ ದೊರೆಯಬಹುದು. ಹಾಗಾಗಿ ನೀವು ಪರಿಸ್ಥಿತಿಗಳ ಬಗ್ಗೆ ಹೆಚ್ಚಿನ ಗಮನ ಹರಿಸಬೇಕು.

ರಾಹುವಿನ ಕಾರಣದಿಂದಾಗಿ ನಿಮಗೆ ಆರೋಗ್ಯ ಸಮಸ್ಯೆಗಳು ತಲೆದೂರಬಹುದು. ಕಳಪೆ ಆಹಾರ ಪದ್ಧತಿಯ ಪರಿಣಾಮದಿಂದು ನೀವು ಸೋಂಕಿಗೆ ಒಳಗಾಗಬಹುದು ಅಥವಾ ಆರೋಗ್ಯ ಸಮಸ್ಯೆಗಳನ್ನು ಬೆಳೆಸಿಕೊಳ್ಳಬಹುದು. ಹಾಗಾಗಿ ಭವಿಷ್ಯದಲ್ಲಿ ಗಂಭೀರ ಸಮಸ್ಯೆ ಎದುರಾಗಬಾರದು ಎಂದರೆ ತಜ್ಞ ವೈದ್ಯರ ಬಳಿ ಪರೀಕ್ಷೆ ಮಾಡಿಸಿಕೊಳ್ಳಿ.

ಇದನ್ನೂ ಓದಿ: ಶಿಕ್ಷಣ ಭವಿಷ್ಯ 2025: ಸಂಶೋಧನಾ ಕ್ಷೇತ್ರದ ಕುಂಭ ರಾಶಿ ವಿದ್ಯಾರ್ಥಿಗಳಿಗೆ, ದೂರ ಶಿಕ್ಷಣ ಮಾಡುತ್ತಿರುವ ಮೀನ ರಾಶಿಯವರಿಗೆ ಶುಭ ಫಲ

ರಾಹುವಿನ ಉಪಸ್ಥಿತಿಯು ಅತ್ತೆಯ ಕಡೆಯಿಂದ ಹೆಚ್ಚಿನ ಹಸ್ತಕ್ಷೇಪವನ್ನು ಸೂಚಿಸುತ್ತದೆ. ನಿಮ್ಮ ಅತ್ತೆಯ ಕೆಲಸದಲ್ಲಿ ನೀವು ಹೆಚ್ಚು ಸಕ್ರಿಯ ಪಾತ್ರವನ್ನು ವಹಿಸುತ್ತೀರಿ.‌ ಈ ಸಮಯದಲ್ಲಿ ನೀವು ಷೇರು ಮಾರುಕಟ್ಟೆಯಲ್ಲಿ ಹಣ ಹೂಡಿಕೆ ಮಾಡುವುದನ್ನು ತಪ‍್ಪಿಸಬೇಕು. ಇಲ್ಲದಿದ್ದರೆ ನೀವು ಸಾಕಷ್ಟು ಹಣ ಕಳೆದುಕೊಳ್ಳಬೇಕಾಗುತ್ತದೆ. ಆದರೆ ರಾಹವಿನ ಕಾರಣದಿಂದ ನೀವು ಅನಿರೀಕ್ಷಿತ ಹಣ ಗಳಿಸುವ ಸಾಧ್ಯತೆಯೂ ಇದೆ. ಇದ್ದಕ್ಕಿದ್ದಂತೆ ಆಸ್ತಿ ನಿಮ್ಮ ಕೈ ಸೇರಬಹುದು. ರಾಹುವಿನ ಸಂಚಾರದ ಸಮಯದಲ್ಲಿ, ನೀವು ನಿಮ್ಮ ಧಾರ್ಮಿಕ ನಂಬಿಕೆಗಳಿಂದ ವಿಮುಖರಾಗಬಾರದು.

ಪರಿಹಾರ: ನೀವು ಶಿವನ ರುದ್ರಾಭಿಷೇಕವನ್ನು ಮಾಡಬೇಕು.

ಸಿಂಹ ರಾಶಿ

2025ರಲ್ಲಿ ರಾಹು ಸಿಂಹ ರಾಶಿಯ 7 ನೇ ಮನೆಯಲ್ಲಿ ಸಾಗುತ್ತಾನೆ. ರಾಹುವಿನ ಸಂಚಾರವು ನಿಮಗೆ ಮಿಶ್ರ ಫಲಿತಾಂಶಗಳನ್ನು ತಂದುಕೊಡಲಿದೆ. ನಿಮ್ಮ ಸಂಬಂಧವನ್ನು ಅಂದರೆ ವೈವಾಹಿಕ ಜೀವನದ ಮೇಲೆ ನೀವು ಹೆಚ್ಚಿನ ಗಮನ ಹರಿಸಬೇಕು. ಏಕೆಂದರೆ ಈ ಅವಧಿಯಲ್ಲಿ ನಿಮ್ಮ ಮತ್ತು ಸಂಗಾತಿಯ ನಡುವೆ ಅನೇಕ ರೀತಿಯ ತಪ್ಪುಗ್ರಹಿಕೆಗಳು ಉಂಟಾಗಬಹುದು. ಇದರಿಂದ ಮನಸ್ತಾಪಗಳೂ ಉಂಟಾಗಬಹುದು. ನೀವು ನಿಮ್ಮ ಸಂಗಾತಿಗೆ ಸತ್ಯವನ್ನು ಹೇಳಬೇಕು ಮತ್ತು ಏನನ್ನೂ ಮರೆಮಾಡಬಾರದು. ನಿಮ್ಮಿಬ್ಬರಲ್ಲಿ ಏನಾದರೂ ಭಿನ್ನಾಭಿಪ್ರಾಯವಿದ್ದರೆ, ಒಟ್ಟಿಗೆ ಕುಳಿತು ಅದನ್ನು ಸರಿಪಡಿಸಲು ಪ್ರಯತ್ನಿಸಿ ಮತ್ತು ಈ ಕೆಲಸದಲ್ಲಿ ಹೊರಗಿನಿಂದ ಯಾವುದೇ ಮೂರನೇ ವ್ಯಕ್ತಿಯ ಸಹಾಯವನ್ನು ಪಡೆಯಬೇಡಿ.ರಾಹುವಿನ ಸಂಚಾರದ ಸಮಯದಲ್ಲಿ, ನಿಮ್ಮ ವ್ಯವಹಾರಕ್ಕೆ ಹೆಚ್ಚಿನ ಗಮನ ನೀಡಬೇಕು. ನೀವು ನಂತರ ವಿಷಾದಿಸಬಹುದಾದ ಯಾವುದೇ ಅನೈತಿಕ ಅಥವಾ ಕಾನೂನುಬಾಹಿರ ನಡವಳಿಕೆಯಲ್ಲಿ ತೊಡಗಬೇಡಿ.

ರಾಹು ಸಂಕ್ರಮಣದ ಸಮಯದಲ್ಲಿ ನೀವು ವ್ಯಾಪಾರ ಯೋಜನೆಗಳನ್ನು ಅಭಿವೃದ್ಧಿಪಡಿಸುತ್ತೀರಿ, ಆದರೆ ನೀವು ಅವುಗಳನ್ನು ಕಾರ್ಯರೂಪಕ್ಕೆ ತರುವುದು ಬಹಳ ಮುಖ್ಯ. ನೀವು ಅಂತರರಾಷ್ಟ್ರೀಯ ಮಾಧ್ಯಮಗಳು ಮತ್ತು ವ್ಯಕ್ತಿಗಳಿಂದ ವಾಣಿಜ್ಯ ಸಹಾಯವನ್ನು ಪಡೆಯಬಹುದು.

ಪರಿಹಾರ: ಶನಿವಾರದಂದು ಕಪ್ಪು ಎಳ್ಳನ್ನು ದಾನ ಮಾಡಿ.

ಇದನ್ನೂ ಓದಿ: ನಕ್ಷತ್ರ ಭವಿಷ್ಯ 2025: ಮಾಘದವರು ಮಾಗುವಿಕೆಗೆ ಒಳಾಗಬಹುದಾದ ವರ್ಷ, ಪೂರ್ವ ಫಲ್ಗುಣಿ ಬದುಕು ರಹಸ್ಯ, ನಿಗೂಢಗಳೇ ಹೆಚ್ಚು

ಕನ್ಯಾ ರಾಶಿ

2025 ರಲ್ಲಿ ಕನ್ಯಾ ರಾಶಿಯ ಆರನೇ ಮನೆಯಲ್ಲಿ ರಾಹು ಸಂಕ್ರಮಿಸುತ್ತಾನೆ. ಸಾಮಾನ್ಯವಾಗಿ, ಆರನೇ ಮನೆಯಲ್ಲಿ ರಾಹುವಿನ ಸಂಚಾರವನ್ನು ಅನುಕೂಲಕರವೆಂದು ಪರಿಗಣಿಸಲಾಗುತ್ತದೆ. ಇದು ನಿಮಗೆ ಪ್ರಯೋಜನವನ್ನು ನೀಡುತ್ತದೆ. ರಾಹುವಿನ ಸಂಚಾರದ ಪರಿಣಾಮಗಳು ನಿಮ್ಮ ಜೀವನದಲ್ಲಿ ತೊಂದರೆಗಳನ್ನು ಕಡಿಮೆ ಮಾಡುತ್ತದೆ. ಎಲ್ಲಾ ಸಮಸ್ಯೆಗಳಿಗೆ ಪರಿಹಾರವನ್ನು ಹುಡುಕುವಲ್ಲಿ ನೀವು ಪರಿಣಾಮಕಾರಿಯಾಗಿರುತ್ತೀರಿ. ನೀವು ಆರೋಗ್ಯ ಸಮಸ್ಯೆಗಳನ್ನು ಸಹ ಅನುಭವಿಸುವಿರಿ ಮತ್ತು ಅನಾರೋಗ್ಯಕ್ಕೆ ಒಳಗಾಗಬಹುದು. ಆದರೆ ಸಮಸ್ಯೆಗಳು ಬಹಳ ಬೇಗ ದೂರಾಗುತ್ತವೆ.

ಉದ್ಯೋಗದಲ್ಲಿರುವ ಜನರು ತಮ್ಮ ವಿಶೇಷ ಸ್ನೇಹಿತರ ಬಗ್ಗೆ ಜಾಗರೂಕರಾಗಿರಬೇಕು, ಏಕೆಂದರೆ ನೀವು ಅವರನ್ನು ನಿಮ್ಮವರೆಂದು ಪರಿಗಣಿಸುತ್ತೀರಿ, ಆದರೆ ಅವರು ನಿಮ್ಮ ಬೆನ್ನಿನ ಹಿಂದೆ ನಿಮಗೆ ದ್ರೋಹ ಮಾಡಬಹುದು. ಹಾಗಾಗಿ ನೀವು ನಿರಂತರವಾಗಿ ಜಾಗರೂಕರಾಗಿರಬೇಕು. ನ್ಯಾಯಾಲಯದಲ್ಲಿ ಪ್ರಕರಣ ಬಾಕಿಯಿದ್ದರೆ ಅದು ನಿಮ್ಮ ಪರವಾಗಿಯೇ ಹೋಗುತ್ತದೆ.ಆರ್ಥಿಕ ಸುಧಾರಣೆಯ ನಿರೀಕ್ಷೆಗಳು ಇರುತ್ತವೆ. ವೆಚ್ಚಗಳು ಕಡಿಮೆಯಾಗುತ್ತವೆ ಮತ್ತು ನೀವು ಹಣವನ್ನು ಪಡೆಯಲು ಸಾಧ್ಯವಾಗುತ್ತದೆ. ಹಿಂದಿನ ಹೂಡಿಕೆಯಿಂದಲೂ ನೀವು ಲಾಭ ಪಡೆಯಬಹುದು.

ಪರಿಹಾರ: ನೀವು ರಾಹುವಿನ ಬೀಜ ಮಂತ್ರವನ್ನು ಪಠಿಸಬೇಕು.

(ಗಮನಿಸಿ: ಇದು ಪ್ರಚಲಿತದಲ್ಲಿರುವ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದ ಬರಹ. ಓದುಗರಿಗೆ ಮಾಹಿತಿ ನೀಡುವ ಉದ್ದೇಶದಿಂದಷ್ಟೇ ಪ್ರಕಟಿಸಲಾಗಿದೆ.)

ಇದನ್ನೂ ಓದಿ: ನಕ್ಷತ್ರ ಭವಿಷ್ಯ 2025: ಪುಷ್ಯದವರಿಗೆ ಜೀವನ ಪಾಠಶಾಲೆಯಲ್ಲಿ ಕಠಿಣ ಶಿಕ್ಷಣ, ಆಶ್ಲೇಷಾದವರಿಗೆ ವರ್ಷಾರಂಭ ಕಡುಕಷ್ಟ, ಅದಾಗಿ ಆನಂದ ಸಾಗರ