Ketu Mantra: ಅನಾರೋಗ್ಯ, ವೈವಾಹಿಕ ಜೀವನದಲ್ಲಿ ಅಡೆತಡೆಗಳನ್ನ ಎದುರಿಸುತ್ತಿದ್ದೀರಾ? ಪರಿಹಾರಕ್ಕಾಗಿ ಈ ಕೇತು ಮಂತ್ರ ಪಠಿಸಿ

ವೈದಿಕ ಜ್ಯೋತಿಷ್ಯದ ಪ್ರಕಾರ, ಕೇತುವನ್ನು ನೆರಳು ಗ್ರಹ ಎಂದು ಕರೆಯಲಾಗುತ್ತದೆ. ಇದು ಜನರ ಜೀವನದ ಮೇಲೆ ಹೆಚ್ಚಿನ ಪ್ರಭಾವವನ್ನು ತೋರಿಸುತ್ತದೆ. ನವಗ್ರಹಗಳಲ್ಲಿ ರಾಹು ಮತ್ತು ಕೇತು ಮಾತ್ರ ಯಾವಾಗಲೂ ಹಿಮ್ಮುಖ ಹಂತದಲ್ಲಿ ಸಾಗುತ್ತಾರೆ. ಕೇತುವಿನ ವರವಿದ್ದರೆ ಜೀವನದಲ್ಲಿ ನೆಮ್ಮದಿಗೆ ಕೊರತೆ ಇರುವುದಿಲ್ಲ. ಜಾತಕದಲ್ಲಿ ಕೇತು ದೋಷಗಳಿದ್ದರೆ ಅನಿರೀಕ್ಷಿತ ಸಮಸ್ಯೆಗಳು, ವೈವಾಹಿಕ ಜೀವನದಲ್ಲಿ ಅಡೆತಡೆಗಳು ಮತ್ತು ಮದುವೆಗೆ ತೊಂದರೆಗಳು ಉಂಟಾಗುತ್ತವೆ. ಇವುಗಳಿಂದ ಮುಕ್ತಿ ಹೊಂದಲು ಕೇತು ಸ್ತೋತ್ರವನ್ನು ಪಠಿಸುವುದು ತುಂಬಾ ಒಳ್ಳೆಯದು. ಕೇತು ಸ್ತೋತ್ರವನ್ನು ಸ್ಕಂದ ಪುರಾಣದಲ್ಲಿ ವಿವರಿಸಲಾಗಿದೆ. ಒಬ್ಬ ವ್ಯಕ್ತಿಯು ತಮ್ಮ ಜಾತಕ ಚಕ್ರದಲ್ಲಿ ಕೇತುವಿನ ದುಷ್ಪರಿಣಾಮಗಳನ್ನು ನಿಯಂತ್ರಿಸಲು ಈ ಸ್ತೋತ್ರವನ್ನು ಪಠಿಸಬೇಕು. ಹೀಗೆ ಮಾಡುವುದರಿಂದ ಸವಾಲಿನ ಸನ್ನಿವೇಶವೂ ಸಕಾರಾತ್ಮಕವಾಗುತ್ತದೆ.

ಜೀವನದಲ್ಲಿನ ಸಮಸ್ಯೆಗಳ ಪರಿಹಾರಕ್ಕಾಗಿ ಪಠಿಸಬೇಕಾದ ಕೇತು ಮಂತ್ರಗಳು

ಕೇತುಃ ಕಾಲಃ ಧೂಮ್ರಕೇತುರ್ವಿವರ್ಣಕಃ ಧರ್ಮಃ ।

ಲೋಕಕೇತುರ್ಮಹಾಕೇತುಃ ಸರ್ವಕೇತುರ್ಭಯಪ್ರದಃ ।।೧।।

ರುದ್ರ ರುದ್ರಪ್ರಿಯೋ ರುದ್ರಃ ಕ್ರೂರಕರ್ಮ ಸುಗನ್ಧ್ರಕ್ ।

ಫಲಸಾ ಧೂಮಸಂಕಾಸಾ ಚಿತ್ರಯಜ್ಞೋಪವೀತಧೃಕ್

ತಾರಾಗಣವಿಮರ್ದೋ ಜೈಮಿನೇಯೋ ಗ್ರಹಾಧಿಪಃ ।

ಪಂಚವಿಂಸತಿ ನಾಮಾನಿ ಕೇತುರ್ಯಃ ಸತತಂ ಪಠೇತ್ ।।೩।।

ತಸ್ಯ ನಶ್ಯನ್ತಿ ಬಡಶ್ಚಾಸರ್ವಾಃ ಕೇತುಪ್ರಸಾದತಃ ।

ದಾಂಡನ್ಯಪಶೂನಾಂ ಚ ಭವೇದ್ ವ್ರದ್ವೀರ್ಣಸಂಶಯಃ ।।೪।।

ಕೇತು ಸ್ತೋತ್ರವನ್ನು ಪಠಿಸುವುದರಿಂದ ಆಗುವ ಲಾಭಗಳು

ಕೇತು ಸ್ತೋತ್ರವನ್ನು ನಿಯಮಿತವಾಗಿ ಪಠಿಸುವುದರಿಂದ ಕೇತುವಿನ ಋಣಾತ್ಮಕ ಪರಿಣಾಮಗಳನ್ನು ನಿಯಂತ್ರಿಸುತ್ತದೆ. ಈ ಚಿಕ್ಕ ಸ್ತೋತ್ರವು ಆರೋಗ್ಯ ಸಮಸ್ಯೆಗಳು ಮತ್ತು ಮಾರಣಾಂತಿಕ ರೋಗಗಳನ್ನು ನಿರ್ಮೂಲನೆ ಮಾಡಲು ಬಹಳ ಸಹಾಯಕವಾಗಿದೆ. ಇದನ್ನು ಪ್ರತಿದಿನ ಜಪಿಸುವುದರಿಂದ ದುಷ್ಟ ಭಯ ದೂರವಾಗುತ್ತದೆ. ಮನಸ್ಸು ಶಾಂತವಾಗಿರುತ್ತದೆ. ಯಾವುದೇ ಕಠಿಣ ಪರಿಸ್ಥಿತಿಯಲ್ಲಿ ಧೈರ್ಯಶಾಲಿಯಾಗಲು ಸಾಧ್ಯವಾಗುತ್ತದೆ. ಅವುಗಳನ್ನು ಎದುರಿಸಲು ಇದು ನಿಮಗೆ ಸಹಾಯ ಮಾಡುತ್ತದೆ.

ಇದನ್ನೂ ಓದಿ: ಧನು ರಾಶಿಯಲ್ಲಿ ಶುಕ್ರ ಸಂಕ್ರಮಣ; ಡಿಸೆಂಬರ್ ವರಿಗೆ ಈ 3 ರಾಶಿಯವರಿಗೆ ಶುಭ ಸಮಯ, ಸಂಪತ್ತಿನ ಸುರಿಮಳೆ

ಕೇತುವಿನ ಸಕಾರಾತ್ಮಕ ಶಕ್ತಿಗಳು ಮತ್ತು ಆಶೀರ್ವಾದಗಳು ಅಧ್ಯಾತ್ಮಿಕ ಜ್ಞಾನವನ್ನು ಸುಧಾರಿಸುತ್ತದೆ. ಜ್ಯೋತಿಷ್ಯಶಾಸ್ತ್ರದ ಪ್ರಕಾರ ಒಟ್ಟು 27 ನಕ್ಷತ್ರಗಳಿವೆ. ಅವುಗಳಲ್ಲಿ ಅಶ್ವಿನಿ, ಮಾಘ ಅಥವಾ ಮೂಲ ನಕ್ಷತ್ರಗಳ ಅಧಿಪತಿ ಕೇತು. ಆದ್ದರಿಂದ ಈ ನಕ್ಷತ್ರಗಳಲ್ಲಿ ಜನಿಸಿದವರು ಕೇತು ಸ್ತೋತ್ರವನ್ನು ಪಠಿಸುವುದರಿಂದ ಹೆಚ್ಚಿನ ಪ್ರಯೋಜನಗಳನ್ನು ಪಡೆಯುತ್ತಾರೆ. ಕೇತುವನ್ನು ಶಮನಗೊಳಿಸಲು ಇದನ್ನು ಪಠಿಸಬಹುದು. ಇದು ಕೆಟ್ಟ ಪರಿಣಾಮಗಳನ್ನು ತೆಗೆದುಹಾಕುತ್ತದೆ.

ಇದನ್ನೂ ಓದಿ: ದೀಪಾವಳಿ ಬಳಿಕ ಶನಿ ಸಂಚಾರ; ಯಾವ ರಾಶಿಯವರಿಗೆ ಹೆಚ್ಚು ಶುಭ ಫಲಗಳಿವೆ, ಯಾರು ಎಚ್ಚರಿಕೆಯಿಂದಿರಬೇಕು

ಹೇಗೆ ಮತ್ತು ಯಾವಾಗ ಪಠಿಸಬೇಕು?

ಪೂಜೆಯ ನಂತರ ಅಥವಾ ಬೆಳಿಗ್ಗೆಯೇ ನೀವು ಈ ಕೇತು ಸ್ತೋತ್ರವನ್ನು ಪಠಿಸಬಹುದು. ನಿಮಗೆ ತೊಂದರೆಯಾಗದಂತೆ ಕುಳಿತುಕೊಳ್ಳಲು ಆರಾಮದಾಯಕವಾದ ಸ್ಥಳವನ್ನು ಆರಿಸಿ. ಧ್ಯಾನ ಭಂಗಿಯಲ್ಲಿ ಕುಳಿತು ಪೂರ್ಣ ಶ್ರದ್ಧೆಯಿಂದ ಕೇತು ಸ್ತೋತ್ರವನ್ನು ಪಠಿಸಬೇಕು. ಪ್ರತಿಯೊಂದು ಪದವನ್ನು ಸರಿಯಾಗಿ ಉಚ್ಚರಿಸಬೇಕು.

ಇದನ್ನೂ ಓದಿ: ಶುಕ್ರ, ಬುಧ ಸಂಕ್ರಮಣ: ಮುಂದಿನ 2 ತಿಂಗಳು ಈ ರಾಶಿಯವರಿಗೆ ಬಂಗಾರದ ದಿನಗಳು, ಆರ್ಥಿಕವಾಗಿ ಉನ್ನತ ಮಟ್ಟಕ್ಕೆ ಹೋಗುತ್ತೀರಿ

ಇದನ್ನು ಮನಸ್ಸು ಮತ್ತು ಮೆದುಳಿನ ಏಕಾಗ್ರತೆಯಿಂದ ಪಠಿಸಬೇಕು. ಈ ಸ್ತೋತ್ರವನ್ನು ಪಠಿಸುವಾಗ, ನಿಮ್ಮ ಕಣ್ಣುಗಳನ್ನು ಮುಚ್ಚಿ ಮತ್ತು ದೇವರೊಂದಿಗೆ ಸಂಪರ್ಕ ಸಾಧಿಸಲು ಪ್ರಯತ್ನಿಸಿ. ಕೇತುವಿನ ದುಷ್ಪರಿಣಾಮದಿಂದ ಬಳಲುತ್ತಿರುವವರು ಪ್ರತಿದಿನ ಕೇತು ಸ್ತೋತ್ರವನ್ನು ಪಠಿಸಬಹುದು. ಹೀಗೆ ಮಾಡುವುದರಿಂದ ಆರ್ಥಿಕ ಸಮಸ್ಯೆಗಳು ಮತ್ತು ಆರೋಗ್ಯ ಸಮಸ್ಯೆಗಳು ದೂರವಾಗುತ್ತವೆ.

ಗಮನಿಸಿ: ಇದು ಪ್ರಚಲಿತದಲ್ಲಿರುವ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದ ಬರಹ. ಓದುಗರಿಗೆ ಮಾಹಿತಿ ನೀಡುವ ಉದ್ದೇಶದಿಂದಷ್ಟೇ ಪ್ರಕಟಿಸಲಾಗಿದೆ.