ಶನಿಯ ವಕ್ರಿತ್ಯಾಗದಿಂದ ಈ 6 ರಾಶಿಯವರಿಗೆ ಭಾರಿ ಅದೃಷ್ಟ; ಹಣಕಾಸಿನ ವ್ಯವಹಾರದಲ್ಲಿ ಉತ್ತಮ ಲಾಭ, ಆರೋಗ್ಯ ಸುಧಾರಿಸುತ್ತೆ

ಶನಿ ವಕ್ರಿತ್ಯಾಗ: ಶನಿಯು 2024ರ ನವೆಂಬರ್ 14 ರಂದು ವಕ್ರತ್ಯಾಗ ಮಾಡುತ್ತಾನೆ. ಶನಿಯು ಸ್ವಕ್ಷೇತ್ರದಲ್ಲಿ ಋಜುತ್ವ ಪಡೆವ ಕಾರಣ ಹೆಚ್ಚಿನ ಶಕ್ತಿಯನ್ನು ಪಡೆಯುತ್ತಾನೆ. ಇದದಿಂದಾಗಿ ವೃಷಭ, ಮಿಥುನ, ಕನ್ಯಾ, ತುಲಾ, ಮಕರ ಹಾಗೂ ಕುಂಭ ರಾಶಿಗಳಿಗೆ ಆಶಾದಾಯಕ ಫಲಗಳು ದೊರೆಯುತ್ತವೆ. ಶನಿಯ ಈ ಸಂಚಾರದಿಂದ ಹೆಚ್ಚು ಲಾಭಗಳನ್ನು ಪಡೆಯುವ ರಾಶಿಯವರ ಬಗ್ಗೆ ಇಲ್ಲಿ ತಿಳಿಯೋಣ.

ವೃಷಭ ರಾಶಿ

ನಿಧಾನ ಎನಿಸಿದರೂ ಆರಂಭಿಸಿದ ಕೆಲಸ ಕಾರ್ಯಗಳಲ್ಲಿ ನಿರೀಕ್ಷಿತ ಯಶಸ್ಸು ದೊರೆಯುತ್ತದೆ. ಕಠಿಣವಾದ ಕೆಲಸವೊಂದು ಸರಳರೀತಿಯಲ್ಲಿ ಕೈಗೂಡಲಿದೆ. ವ್ಯಾಪಾರ ವ್ಯವಹಾರದಲ್ಲಿ ನಿರೀಕ್ಷಿತ ಆದಾಯ ದೊರೆಯುತ್ತದೆ. ಉದ್ಯೋಗದಲ್ಲಿ ಹೊಸ ಅವಕಾಶಗಳು ದೊರೆಯಲಿವೆ. ಕೌಟುಂಬಿಕ ಸಮಸ್ಯೆಗಳು ಕ್ರಮೇಣವಾಗಿ ಮರೆಯಾಗುತ್ತವೆ. ಬೇರೆಯವರ ಮಾತು ಅಥವಾ ತೀರ್ಮಾನವನ್ನು ಸುಲಭವಾಗಿ ಒಪ್ಪಿಕೊಳ್ಳುವುದಿಲ್ಲ. ದೈನಂದಿನ ಜೀವನದಲ್ಲಿ ಶಾಂತಿ ನೆಮ್ಮದಿ ನೆಲೆಸುತ್ತದೆ. ಮನದಲ್ಲಿ ಇರುವ ಭಾವನೆಗೆ ಎಲ್ಲರ ಸ್ಪಂದನೆ ದೊರೆಯುತ್ತದೆ. ಹಣಕಾಸಿನ ವ್ಯವಹಾರದಲ್ಲಿ ಲಾಭವಿರುತ್ತದೆ. ಸ್ತ್ರೀಯರು ಕುಟುಂಬದ ಒಳಿತಿಗಾಗಿ ಶ್ರಮಿಸುತ್ತಾರೆ. ಬೇರೆಯವರಿಂದ ಯಾವುದೇ ಸಹಾಯ ನಿರೀಕ್ಷಿಸದೆ ಏಕಾಂಗಿಯಾಗಿ ಕೆಲಸ ಕಾರ್ಯಗಳಲ್ಲಿ ಮುಂದುವರೆಯುವಿರಿ.

ಮಿಥುನ ರಾಶಿ

ಒತ್ತಡದ ಸನ್ನಿವೇಶಗಳಲ್ಲಿ ಧೃತಿಗೆಡದೆ ಧೈರ್ಯದಿಂದ ಕೆಲಸ ನಿರ್ವಹಿಸುವಿರಿ. ಉದ್ಯೋಗದಲ್ಲಿ ನಿಮ್ಮ ಕೆಲಸ ಕಾರ್ಯದ ಮಿತಿಯು ಹೆಚ್ಚುತ್ತದೆ. ಕೆಲಸ ಮಾಡುವುದರಲ್ಲಿ ಸಂತಸವನ್ನು ಕಾಣುವಿರಿ. ಉನ್ನತ ಪದವಿ ಗಳಿಸುವುದೇ ನಿಮ್ಮ ಮೂಲ ಗುರಿಯಾಗುತ್ತದೆ. ಸ್ವಂತ ನಿರ್ಧಾರಗಳನ್ನು ತೆಗೆದುಕೊಳ್ಳದೆ ಹಿರಿಯರ ಸಲಹೆಯನ್ನು ಒಪ್ಪುವುದಿಲ್ಲ. ಆದಾಯದಲ್ಲಿ ಏರಿಕೆ ಕಂಡು ಬರುತ್ತದೆ. ನಿಮ್ಮಲ್ಲಿನ ಹಠದ ಗುಣವು ವಿವಾದವನ್ನು ಉಂಟು ಮಾಡಬಹುದು. ಕೆಟ್ಟ ಘಳಿಗೆಗಳನ್ನು ಒಳಿತನ್ನಾಗಿ ಬದಲಾಯಿಸಿಕೊಳ್ಳಬಲ್ಲ ಚತುರತೆ ನಿಮ್ಮಲ್ಲಿರುತ್ತದೆ. ನಿಮಗೆ ಇಷ್ಟವಾದ ಆಭರಣಗಳನ್ನು ಕೊಳ್ಳುವಿರಿ. ಕುಟುಂಬದಲ್ಲಿ ಮಂಗಳ ಕಾರ್ಯ ಒಂದು ನಡೆಯಲಿದೆ. ಎಲ್ಲರೊಂದಿಗೆ ಹೊಂದಿಕೊಂಡು ಬಾಳುವ ಕಾರಣ ಸಮಸ್ಯೆಗಳಿಂದ ದೂರ ಉಳಿಯುವಿರಿ. ಹಣಗಳಿಯೇ ನಿಮ್ಮ ಮುಖ್ಯ ಗುರಿಯಾಗಿರುತ್ತದೆ.

ಕನ್ಯಾ ರಾಶಿ

ಆರಂಭಿಸಿದಷ್ಟೇ ಸುಲಲಿತವಾಗಿ ನಿಮ್ಮ ಕರ್ತವ್ಯವನ್ನು ನಿರ್ವಹಿಸುವಿರಿ. ಅನಿರೀಕ್ಷಿತವಾದ ಯಶಸ್ಸು ನಿಮ್ಮ ಸಂತೋಷವನ್ನು ಇಮ್ಮಡಿ ಮಾಡುತ್ತದೆ. ಬಹುದಿನದಿಂದ ಕಾಡುತ್ತಿದ್ದ ಅನಾರೋಗ್ಯವು ಸರಿ ಹೊಂದುತ್ತದೆ. ಆತ್ಮೀಯರ ಜೊತೆಯಲ್ಲಿ ವಿವಾಹವಾಗಲಿದೆ. ಕುಟುಂಬದ ಹಿರಿತನ ದೊರೆಯುತ್ತದೆ. ನಿಮ್ಮ ಪಾಲಿನ ಹಳೆಯ ಮನೆಯನ್ನು ನವೀಕರಿಸುವಿರಿ. ಬೆಟ್ಟಗುಡ್ಡಗಳು ಇರುವ ಯಾತ್ರಾಸ್ಥಳಕ್ಕೆ ಭೇಟಿ ನೀಡುವಿರಿ. ಮಂತ್ರ ತಂತ್ರಗಳಲ್ಲಿ ಆಸಕ್ತಿ ಬೆಳೆಯಲಿದೆ. ಕೈ ಕಾಲುಗಳಲ್ಲಿದ್ದ ತೊಂದರೆಯೂ ಕಡಿಮೆಯಾಗುತ್ತದೆ. ಕ್ರಮೇಣವಾಗಿ ದೈಹಿಕ ಶಕ್ತಿಯು ಹೆಚ್ಚಲಿದೆ. ಬಹು ದಿನದ ನಂತರ ಉದ್ಯೋಗದಲ್ಲಿ ಉನ್ನತಿ ಸಾಧಿಸುವಿರಿ. ನೂತನ ವಾಹನ ಲಾಭವಿದೆ. ಬೇರೆಯವರ ಸ್ಪೂರ್ತಿ ಅಥವಾ ಸಹಾಯದಿಂದ ಮಾತ್ರ ಕೆಲಸವನ್ನು ನಿರ್ವಹಿಸಲು ಸಾಧ್ಯವಾಗುತ್ತದೆ.

ಇದನ್ನೂ ಓದಿ: ಧನುರಾಶಿಯಲ್ಲಿ ಶುಕ್ರನ ಸಂಚಾರ; ಯಾವ ರಾಶಿಯವರಿಗೆ ಏನು ಫಲ, ಇಲ್ಲಿದೆ ದ್ವಾದಶ ರಾಶಿಗಳ ಭವಿಷ್ಯ

ತುಲಾ ರಾಶಿ

ಕರ್ತವ್ಯ ನಿರ್ವಹಿಸುವ ಆತುರದಲ್ಲಿ ತಪ್ಪು ನಿರ್ಧಾರಗಳನ್ನು ತೆಗೆದುಕೊಳ್ಳುವಿರಿ. ಆತ್ಮೀಯರ ಸಹಯೋಗದಲ್ಲಿ ಯಶಸ್ಸನ್ನು ಕಾಣುವಿರಿ. ಅನಿರೀಕ್ಷಿತ ಧನ ಲಾಭವಿರುತ್ತದೆ. ನಿಮ್ಮ ಮಾತನ್ನು ಎಲ್ಲರೂ ಒಪ್ಪುತ್ತಾರೆ. ಎಚ್ಚರಿಕೆಯಿಂದ ತೆಗೆದುಕೊಳ್ಳುವ ತೀರ್ಮಾನಗಳು ನಿತ್ಯ ಜೀವನದ ತೊಂದರೆಯನ್ನು ಮರೆಮಾಡುತ್ತದೆ. ವಿದ್ಯಾರ್ಥಿಗಳಿಗೆ ಅತಿ ಮುಖ್ಯವಾದ ದಿನಗಳಾಗಲಿವೆ. ಕುಟುಂಬದಲ್ಲಿ ಸುಖ ಸಂತೃಪ್ತಿ ನೆಲೆಸಿರುತ್ತದೆ. ಮನದಲ್ಲಿರುವ ಅನಾವಶ್ಯಕ ಚಿಂತೆಯು ಮರೆಯಾಗುತ್ತದೆ. ಹಣದ ತೊಂದರೆ ಕಡಿಮೆಯಾಗುತ್ತದೆ. ಅವಶ್ಯಕತೆ ಇದ್ದರೆ ಮಾತ್ರ ಉದ್ಯೋಗವನ್ನು ಬದಲಾಯಿಸಿ. ಹಿರಿಯ ಅಧಿಕಾರಿಗಳ ಜೊತೆ ವಾದ ಮಾಡುತ್ತೀರಿ. ಅಂತಿಮ ಫಲಿತಾಂಶವೂ ನಿಮ್ಮದಾಗುತ್ತದೆ. ಉದ್ದಿಮೆ ಉಳ್ಳವರು ಹೊಸ ಅವಕಾಶಗಳನ್ನು ತಮ್ಮದಾಗಿಸಿಕೊಳ್ಳುತ್ತಾರೆ.

ಇದನ್ನೂ ಓದಿ: ಹೊಸ ವರ್ಷದಲ್ಲಿ 5 ಗ್ರಹಗಳಿಂದ ದೊಡ್ಡ ಬದಲಾವಣೆ; 3 ರಾಶಿಯವರಿಗೆ ನಿರೀಕ್ಷೆಗೂ ಮೀರಿದ ಲಾಭ

ಮಕರ ರಾಶಿ

ಹಣಕಾಸಿನ ವಿಚಾರದಲ್ಲಿ ಮಾಡಿದ ತಪ್ಪನ್ನು ಸರಿಪಡಿಸಿಕೊಳ್ಳುವಿರಿ. ಉತ್ತಮ ಆದಾಯ ಇರುತ್ತದೆ. ಮಾತಿನ ಮೇಲೆ ಹತೋಟಿ ಸಾಧಿಸುವಿರಿ. ನಿಮ್ಮ ಕೆಲಸ ಕಾರ್ಯಗಳನ್ನು ಏಕಾಂಗಿಯಾಗಿ ಪೂರ್ಣಗೊಳಿಸುವಿರಿ. ಉದ್ಯೋಗ ಕ್ಷೇತ್ರದಲ್ಲಿ ನಿಮ್ಮ ನಿರೀಕ್ಷೆಗಳು ಕೈಗೂಡಲಿವೆ. ವಿದ್ಯಾರ್ಥಿಗಳಿಗೆ ವಿಶೇಷವಾದ ಫಲಿತಾಂಶಗಳು ದೊರೆಯಲಿದೆ. ಮಕ್ಕಳಿಂದ ನಿಮ್ಮ ಮನಸ್ಸಿಗೆ ಸಂತಸ ದೊರೆಯಲಿದೆ. ಮಾನಸಿಕ ಒತ್ತಡದ ಕಾರಣ ಸುಲಭದ ಕೆಲಸ ಕಾರ್ಯಗಳಿಗೂ ಹೆಚ್ಚಿನ ಪ್ರಯತ್ನ ಅವಶ್ಯಕತೆ ಕಂಡುಬರುತ್ತದೆ. ಆಡುಮಾತಿನಲ್ಲಿ ಎಲ್ಲರ ಮನಸ್ಸನ್ನು ಗೆಲ್ಲುತ್ತೀರಿ. ಅತಿ ನಿಧಾನಗತಿಯಲ್ಲಿಅವಶ್ಯಕವಾದ ತೀರ್ಮಾನಗಳನ್ನು ತೆಗೆದುಕೊಳ್ಳುವಿರಿ. ಪ್ರವಾಸ ಮಾಡುವ ಆಸೆ ಇದ್ದರೂ ಸಾಧ್ಯವಾಗುವುದಿಲ್ಲ. ಬೇರೆವರಿಂದ ಅಲ್ಪ ಪ್ರಮಾಣದ ನಿರಾಸೆಯು ನಿಮಗೆ ದೊರಯುತ್ತದೆ. ಹಣಕಾಸಿನ ವ್ಯವಹಾರದಲ್ಲಿ ಉತ್ತಮ ಲಾಭವಿದೆ.

ಇದನ್ನೂ ಓದಿ: ನವೆಂಬರ್ 15ಕ್ಕೆ ಶನಿ ನೇರ ಸಂಕ್ರಮಣ; ಈ 3 ರಾಶಿಯವರ ಅದೃಷ್ಟ ಬದಲಾಗುತ್ತೆ, ಸಮಸ್ಯೆಗಳು ಇರಲ್ಲ

ಕುಂಭ ರಾಶಿ

ನಿಮ್ಮ ಉದ್ಯೋಗದಲ್ಲಿನ ತೊಂದರೆಯು ದೂರವಾಗುತ್ತದೆ. ನಿಮ್ಮಲ್ಲಿನ ಹಣವನ್ನು ಸದ್ಬಳಕೆ ಮಾಡಿಕೊಳ್ಳುವಿರಿ. ವಾದ ವಿವಾದಗಳಿಂದ ದೂರ ಉಳಿಯ ಬಯಸುವಿರಿ. ಉತ್ತಮ ಹೊಂದಾಣಿಕೆಯ ಗುಣವು ಕೌಟುಂಬಿಕ ಸೌಖ್ಯಕ್ಕೆ ರಹದಾರಿಯಾಗುತ್ತದೆ. ಮೌನವಾಗಿ ಕೆಲಸ ಸಾಧಿಸುವಿರಿ. ಕುಟುಂಬದ ಆದಾಯವು ಉತ್ತಮ ಮಟ್ಟದಲ್ಲಿ ಇರಲಿದೆ. ನಿಮ್ಮ ಚತುರ ತೀರ್ಮಾನ ಆಸ್ತಿವಿವಾದವನ್ನು ಗೊನೆಗೊಳಿಸುತ್ತದೆ. ಪ್ರಯತ್ನ ಪಟ್ಟಲ್ಲಿ ಹಣ ಉಳಿತಾಯ ಮಾಡಬಹುದು. ಕೈಕಾಲುಗಳಲ್ಲಿ ತೊಂದರೆ ಇರಲಿದೆ. ಸ್ವ ಗೃಹ ಭೂಲಾಭವಿದೆ. ವಿದೇಶ ಪ್ರಯಾಣ ಯೋಗವಿದೆ. ಕಾನೂನಿನ ಚೌಕಟ್ಟಿನಲ್ಲಿ ಹಣಕಾಸಿನ ವ್ಯವಹಾರದಲ್ಲಿ ಉತ್ತಮ ಲಾಭ ಗಳಿಸುವಿರಿ. ಅನಾವಶ್ಯಕ ಖರ್ಚು ವೆಚ್ಚಗಳನ್ನು ಕಡಿಮೆ ಮಾಡುವಿರಿ.

ಗಮನಿಸಿ: ಇದು ಪ್ರಚಲಿತದಲ್ಲಿರುವ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದ ಬರಹ. ಓದುಗರಿಗೆ ಮಾಹಿತಿ ನೀಡುವ ಉದ್ದೇಶದಿಂದಷ್ಟೇ ಪ್ರಕಟಿಸಲಾಗಿದೆ.