ನುಡಿದಂತೆ ನಡೆದ ಡಾಲಿ; ಭೈರತಿ ರಣಗಲ್‌ ಗೆಟಪ್‌ನಲ್ಲಿ ಫಸ್ಟ್‌ ಡೇ ಫಸ್ಟ್‌ ಶೋ ಸಿನಿಮಾ ನೋಡಿದ ನಟ ಧನಂಜಯ್‌

ಶಿವರಾಜ್‌ಕುಮಾರ್‌ ಅಭಿನಯದ ಭೈರತಿ ರಣಗಲ್‌ ಸಿನಿಮಾ ಇಂದು ಬಿಡುಗಡೆಯಾಗಿದೆ. ಅಭಿಮಾನಿಗಳು ನಿನ್ನೆ ರಾತ್ರಿಯಿಂದಲೇ ಚಿತ್ರಮಂದಿರದ ಬಳಿ ಜಮಾಯಿಸಿ, ಶಿವರಾಜ್‌ಕುಮಾರ್‌ ಕಟೌಟ್‌, ಥಿಯೇಟರ್‌ಗಳಿಗೆ ಅಲಂಕಾರ ಮಾಡುತ್ತಿದ್ದಾರೆ. ಇಂದು ಬೆಳಗ್ಗೆ 6 ಗಂಟೆಯಿಂದ ಫಸ್ಟ್‌ ಶೋ ಆರಂಭವಾಗಿದ್ದು ಮುಂಗಡ ಬುಕ್ಕಿಂಗ್‌ ಮಾಡಿದ್ದವರು ಸಿನಿಮಾ ನೋಡುತ್ತಿದ್ದಾರೆ.

ಫಸ್ಟ್‌ ಡೇ ಫಸ್ಟ್‌ ಶೋ ನೋಡಿದ ಡಾಲಿ

ಡಾಲಿ ಧನಂಜಯ್‌ ಕೂಡಾ ಫಸ್ಟ್‌ ಡೇ ಫಸ್ಟ್‌ ಶೋ ಸಿನಿಮಾ ನೋಡಿದ್ದಾರೆ. ಮಫ್ತಿ ಚಿತ್ರದಲ್ಲಿ ಭೈರತಿ ರಣಗಲ್‌ ಪಾತ್ರ ಮಾಡಿದ್ದ ಶಿವರಾಜ್‌ಕುಮಾರ್‌ ಕಪ್ಪು ಪಂಚೆ, ಕಪ್ಪು ಷರ್ಟ್‌ ಧರಿಸಿ ಗಮನ ಸೆಳೆದಿದ್ದರು. ಇದೀಗ ಭೈರತಿ ರಣಗಲ್‌ ಸಿನಿಮಾದಲ್ಲಿ ಕೂಡಾ ಶಿವರಾಜ್‌ಕುಮಾರ್‌ ಅದೇ ಗೆಟಪ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇಂದು ಸಿನಿಮಾ ನೋಡಿದ ಅನೇಕರು ಭೈರತಿ ರಣಗಲ್‌ ಗೆಟಪ್‌ನಲ್ಲೇ ಚಿತ್ರಮಂದಿರಕ್ಕೆ ಬಂದಿದ್ದಾರೆ. ಡಾಲಿ ಧನಂಜಯ್‌ ಕೂಡಾ ಕಪ್ಪು ಪಂಚೆ, ಷರ್ಟ್‌ ಧರಿಸಿ ಗಮನ ಸೆಳೆದಿದ್ದಾರೆ. ಜೊತೆಗೆ ಫೋಟೋಶೂಟ್‌ ಕೂಡಾ ಮಾಡಿಸಿದ್ದಾರೆ. ಧನಂಜಯ್‌ ಚಿತ್ರಮಂದಿರಕ್ಕೆ ಬರುತ್ತಿದ್ದಂತೆ ಅಭಿಮಾನಿಗಳು ಅವರನ್ನು ಸುತ್ತುವರೆದು ಸ್ವಾಗತಿಸಿದ್ದಾರೆ. ಶಿವಣ್ಣ ಹಾಗೂ ಡಾಲಿಗೆ ಜೈಕಾರ ಹಾಕಿದ್ದಾರೆ. ಧನಂಜಯ್‌ಗೆ ಗೆಳೆಯ ನಾಗಭೂಷಣ್‌ ಕೂಡಾ ಸಾಥ್‌ ನೀಡಿದ್ದರು.

ಇದನ್ನೂ ಓದಿ: ಕಸ್ತೂರಿ ಶಂಕರ್‌ ನಿರೀಕ್ಷಣಾ ಜಾಮೀನು ವಜಾಗೊಳಿಸಿದ ಕೋರ್ಟ್‌: ಯಾವುದೇ ಕ್ಷಣದಲ್ಲಾದರೂ ಜಾಣ ಸಿನಿಮಾ ನಾಯಕಿ ಅರೆಸ್ಟ್‌ ಸಾಧ್ಯತೆ

300ಕ್ಕೂ ಹೆಚ್ಚು ಥಿಯೇಟರ್‌ಗಳಲ್ಲಿ ಸಿನಿಮಾ ರಿಲೀಸ್

5 ದಿನಗಳ ಹಿಂದೆ ಭೈರತಿ ರಣಗಲ್‌ ಚಿತ್ರದ ಪ್ರಿ ರಿಲೀಸ್‌ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಡಾಲಿ ಧನಂಜಯ್‌, ನಾನು ಶಿವಣ್ಣನ ಗೆಟಪ್‌ ಧರಿಸಿ ಚಿತ್ರಮಂದಿರಕ್ಕೆ ಬಂದು ಫಸ್ಟ್‌ ಡೇ ಫಸ್ಟ್‌ ಶೋ ನೋಡುವೆ ಎಂದು ಹೇಳಿದ್ದರು, ಅದರಂತೆ ಧನಂಜಯ್‌ ನುಡಿದಂತೆ ನಡೆದಿದ್ದಾರೆ. ಕರ್ನಾಟಕದ ಸುಮಾರು 300ಕ್ಕೂ ಹೆಚ್ಚು ಥಿಯೇಟರ್‌ಗಳಲ್ಲಿ ಭೈರತಿ ರಣಗಲ್‌ ಸಿನಿಮಾ ಬಿಡುಗಡೆ ಆಗಿದೆ. ಅಭಿಮಾನಿಗಳು ಹಬ್ಬದಂತೆ ಸಿನಿಮಾವನ್ನು ವೆಲ್‌ಕಮ್‌ ಮಾಡಿದ್ದಾರೆ. ಡಾಲಿ ಜೊತೆಗೆ ಇತರ ಸ್ಯಾಂಡಲ್‌ವುಡ್‌ ಸೆಲೆಬ್ರಿಟಿಗಳು ಕೂಡಾ ಇಂದು ಸಿನಿಮಾ ನೋಡಲು ಅಡ್ವಾನ್ಸ್‌ ಬುಕ್ಕಿಂಗ್‌ ಮಾಡಿದ್ದಾರೆ. ಇನ್ನು ಥಿಯೇಟರ್‌ನಲ್ಲಿ ಅಭಿಮಾನಿಗಳು ಶಿವರಾಜ್‌ಕುಮಾರ್‌ ಎಂಟ್ರಿ ಸೀನ್‌ ಬರುತ್ತಿದ್ದಂತೆ ಶಿಳ್ಳೆ ಹಾಕಿ ಪೇಪರ್‌ ಚೂರುಗಳನ್ನು ಎಸೆದು ಸಂಭ್ರಮಿಸಿದ್ದಾರೆ.

ಇದನ್ನೂ ಓದಿ: ಪರಸಂಗದ ಗೆಂಡೆತಿಮ್ಮ ಚಿತ್ರದಲ್ಲಿ ಲೋಕೇಶ್‌ ಜೊತೆ ನಟಿಸಿದ್ದ ರೀಟಾ ಅಂಚನ್ ರಾಧಾಕೃಷ್ಣ ನಿಧನ

ನರ್ತನ್‌ ನಿರ್ದೇಶನದ ಸಿನಿಮಾ

ಇನ್ನು ಮಫ್ತಿ ಚಿತ್ರದಲ್ಲಿ ಶ್ರೀಮುರಳಿ ಇನ್ಸ್‌ಪೆಕ್ಟರ್‌ ಗಣ ಪಾತ್ರದಲ್ಲಿ ನಟಿಸಿದ್ದರು. ಭೈರತಿ ರಣಗಲ್‌ ಚಿತ್ರದಲ್ಲಿ ಅವರೂ ಇರಲಿದ್ದಾರಾ ಎಂಬ ಪ್ರಶ್ನೆಗೆ ಶಿವಣ್ಣ ಉತ್ತರ ಕೊಟ್ಟಿದ್ದಾರೆ. ಶ್ರೀಮುರಳಿ ಫ್ಲಾಷ್‌ಬ್ಯಾಕ್‌ನಲ್ಲಿ ಬರ್ತಾರೆ, ಈ ಸಿನಿಮಾದಲ್ಲಿ ಇರುವುದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಭೈರತಿ ರಣಗಲ್‌ ಚಿತ್ರವನ್ನು ಗೀತಾ ಪಿಕ್ಚರ್ಸ್‌ ಬ್ಯಾನರ್‌ ಅಡಿಯಲ್ಲಿ ಶಿವಣ್ಣ ಪತ್ನಿ ಗೀತಾ ಶಿವರಾಜ್‌ಕುಮಾರ್‌ ನಿರ್ಮಾಣ ಮಾಡಿದ್ದಾರೆ. ಮಫ್ತಿ ಚಿತ್ರವನ್ನು ನಿರ್ದೇಶಿಸಿದ್ದ ನರ್ತನ್‌, ಈ ಚಿತ್ರಕ್ಕೆ ಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. ಚಿತ್ರದ ಹಾಡುಗಳಿಗೆ ರವಿ ಬಸ್ರೂರ್‌ ಸಂಗೀತ ನೀಡಿದ್ದಾರೆ. ಚಿತ್ರದಲ್ಲಿ ಶಿವರಾಜ್‌ಕುಮಾರ್‌, ಶ್ರೀಮುರಳಿ, ರುಕ್ಮಿಣಿ ವಸಂತ್‌, ರಾಹುಲ್‌ ಬೋಸ್‌, ನಾನಾ ಪಾಟೇಕರ್‌, ಯೋಗಿಬಾಬು, ಛಾಯಾಸಿಂಗ್‌, ದೇವರಾಜ್‌, ವಸಿಷ್ಠ ಸಿಂಹ ಹಾಗೂ ಇನ್ನಿತರರು ನಟಿಸಿದ್ದಾರೆ.

ಇದನ್ನೂ ಓದಿ: ಲಕ್ಷ್ಮೀ ನಿವಾಸ ಧಾರಾವಾಹಿ; ತಾತನ ಚಿತೆ ಮುಂದೆ ಜಯಂತನ ಡ್ಯಾನ್ಸ್‌; ದೀಪಕ್‌ ಸುಬ್ರಹ್ಮಣ್ಯ ಆಕ್ಟಿಂಗ್‌ ನೆಕ್ಸ್ಟ್‌ ಲೆವೆಲ್‌ ಎಂದ ಜನರು