Bangalore Power Cut: ಬೆಂಗಳೂರಿನ ಹಲವೆಡೆ ಇಂದು ವಿದ್ಯುತ್‌ ಕಡಿತ, ಗ್ರಾಮಾಂತರ, ರಾಮನಗರ ಭಾಗದಲ್ಲೂ ಇರೋಲ್ಲ ಪವರ್‌

ಬೆಂಗಳೂರು: ಬೆಂಗಳೂರಿನ ಹಲವು ಭಾಗಗಳಲ್ಲಿ2024ರ ನವೆಂಬರ್‌ 11ರ ಸೋಮವಾರದಂದು ವಿದ್ಯುತ್‌ ನಿಲುಗಡೆಯಾಗಲಿದೆ. ಈಗಾಗಲೇ ಬೆಂಗಳೂರು ವಿದ್ಯುತ್‌ ಸರಬರಾಜು ಕಂಪೆನಿ ಬೆಸ್ಕಾಂ( Bescom) ಪ್ರಕಟಿಸಿರುವಂತೆ ಬೆಂಗಳೂರು ನಗರದ ಕೆಲವು ಪ್ರದೇಶಗಳಲ್ಲಿ ವಿದ್ಯುತ್‌ ನಿರ್ವಹಣಾ ಚಟುವಟಿಕೆ ಕೈಗೆತ್ತಿಕೊಂಡಿರುವುದರಿಂದ ಈ ಕಡಿತ ಇರಲಿದೆ. ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ, ರಾಮನಗರ ಭಾಗದಲ್ಲೂ ವಿದ್ಯುತ್‌ ಇರುವುದಿಲ್ಲ ಎಂದು ಬೆಸ್ಕಾಂ ತಿಳಿಸಿದೆ. ಬಹುತೇಕ ಬೆಳಿಗ್ಗೆ 10 ರಿಂದ ಸಂಜೆ 4 ರವರೆಗೆ ವಿದ್ಯುತ್‌ ಸರಬರಾಜಿನಲ್ಲಿ ವ್ಯತ್ಯಯವಾಗಲಿದ್ದು. ಕೆಲವು ಕಡೆ ಬೇಗನೇ ವಿದ್ಯುತ್‌ ಸರಬರಾಜು ಬರಲಿದೆ.

ಕರ್ನಾಟಕ ವಿದ್ಯುತ್​ ಪ್ರಸರಣ ನಿಗಮ ನಿಯಮಿತ ಲೈನ್‌ ದುರಸ್ತಿ ಮತ್ತು ನಿರ್ವಹಣಾ ಕಾಮಗಾರಿ ಸಲುವಾಗಿ ಸೋಮವಾರ ವಿದ್ಯುತ್‌ ವ್ಯತ್ಯಯವಾಗಲಿದೆ.

ಇದನ್ನೂ ಓದಿರಿ: ಬೆಂಗಳೂರಲ್ಲಿ ಇಂದು ಕೆಲವೆಡೆ ದಟ್ಟ ಮುಂಜಾನೆ ಮಂಜು, ವಿಮಾನ ಹಾರಾಟ ವಿಳಂಬ ಸಾಧ್ಯತೆ, ಕರ್ನಾಟಕ ಹವಾಮಾನ ವಿವರ ಹೀಗಿದೆ

ಎಲ್ಲೆಲ್ಲಿ ಕಡಿತ

ಅದರಲ್ಲೂ ಬೆಸ್ಕಾಂನ ರಾಜಾಜಿನಗರ ಉಪವಿಭಾಗ ವ್ಯಾಪ್ತಿಗೆ ಬರುವ ಚಂದ್ರಾ ಲೇಔಟ್ 80 ಅಡಿ ರಸ್ತೆ, ಬಿಬಿಎಂಪಿಯ ಪಾಲಿಕೆ ಸೌಧ, ಜೋತಿ ನಗರ, ಆದಾಯ ತೆರಿಗೆ ಲೇಔಟ್, ಚಂದ್ರಾ ಲೇಔಟ್ 1ನೇ ಮತ್ತು 2ನೇ ಹಂತ. ಬಸವೇಶ್ವರ ಬಡಾವಣೆ, ಕೆಎಚ್‌ಬಿ ಕಾಲೋನಿ 1 ನೇ ಹಂತ, ಶಾರದ ಕಾಲೋನಿ, ಶಕ್ತಿಗಣಪತಿನಗರದಲ್ಲಿ ವಿದ್ಯುತ್‌ ಇರೋಲ್ಲ.

ಇದಲ್ಲದೇ ಇದೇ ವ್ಯಾಪ್ತಿಯ ಮ್ಯಾಕ್ಸ್ಮುಲ್ಲರ್ ಶಾಲೆ, ಇಂಜಿನಿಯರ್ ಗಳ ಸಂಘ, ಬೆಮೆಲ್‌ ಲೇಔಟ್‌ನ ಭಾಗಶಃ ಪ್ರದೇಶ, ಶಿವನಗರ, ಮಹಾಗಣಪತಿ ನಗರ, ತಿಮ್ಮಯ್ಯ ರಸ್ತೆ, ಮೋದಿ ಮುಖ್ಯರಸ್ತೆ, ಸತ್ಯನಾರಾಯಣ ಲೇಔಟ್, ವಾಟರ್ ಟ್ಯಾಂಕ್ ಹತ್ತಿರ, ಅಂಚೆ ಕಛೇರಿ, ಶಂಕರಮಠ ವೃತ್ತದಲ್ಲಿ ಬೆಳಗ್ಗೆ 10 ರಿಂದ ಮಧ್ಯಾಹ್ನ 1.30ರವರೆಗೆ ವಿದ್ಯುತ್​ ಕಡಿತವಾಗಲಿದೆ.

ಇದನ್ನೂ ಓದಿರಿ: ಸಾಲ ಕೊಡಿಸುವುದಾಗಿ ನಂಬಿಸಿ 100 ಮಹಿಳೆಯರಿಂದ ಲಕ್ಷಾಂತರ ರೂಪಾಯಿ ದೋಚಿದ ತಾಯಿ ಮಗಳ ಜೋಡಿಯ ಬಂಧನ; ಕೇಸ್‌ ದಾಖಲು

ಕೋರಮಂಗಲ ವಿಭಾಗ

ಬೆಸ್ಕಾಂನ ಕೋರಮಂಗಲ ಉಪವಿಭಾಗ ವ್ಯಾಪ್ತಿಯ ಕೋರಮಂಗಲದ ಗುರಪ್ಪ ರೆಡ್ಡಿ ಲೇಔಟ್, ಪಾಳ್ಯ ಸುತ್ತಮುತ್ತ, ಪಾಣತ್ತೂರು, ಜೆರ್ ಲೇಔಟ್, ಭೋಗನಹಳ್ಳಿ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಬೆಳಗ್ಗೆ 10 ರಿಂದ ಮಧ್ಯಾಹ್ನ 3 ಗಂಟೆವರೆಗೆ ವಿದ್ಯುತ್‌ ವ್ಯತ್ಯಯವಾಗಲಿದೆ.

ಬೆಂಗಳೂರು ಗ್ರಾಮಾಂತರ ವಲಯ ನೆಲಮಂಗಲ, ದೇವನಹಳ್ಳಿ, ವಿಜಯಪುರ, ದಾಬಾಸ್‌ಪೇಟೆ ಸೋಂಪುರ ಕೆಐಎಡಿ ಬಿ ಕೈಗಾರಿಕಾ ಪ್ರದೇಶದಲ್ಲಿ ವಿದ್ಯುತ್​ ಸಂಪರ್ಕ ಇರುವುದಿಲ್ಲ.

ಕನಕಪುರ ವಿಭಾಗ

ಬೆಸ್ಕಾಂನ ಕನಕಪುರ ಉಪವಿಭಾಗ ವ್ಯಾಪ್ತಿಯ ಸಂಜೀವಯ್ಯನದೊಡ್ಡಿ, ಸೈಂಟ್‌ ಗೋಬಿನ್‌, ಭರೂಕ ಗ್ಯಾಸ್‌, ಎಒ ಸ್ಮಿತ್‌ ಅಂಡ್‌ ಆರ್ಕಿಡ್‌ ಲ್ಯಾಮಿನೇಟ್‌ನಲ್ಲಿ ಬೆಳಗ್ಗೆ 10 ರಿಂದ ಸಂಜೆ 4ರವರೆಗೆ, ರಾಮನಗರ ಉಪವಿಭಾಗದ ಕೂಟಗಲ್‌, ಯರೇಹಳ್ಳಿ, ಅಂಕನಹಳ್ಳಿ, ಬಿ.ಎಸ್.ದೊಡ್ಡಿ, ಹುಣಸೇದೊಡ್ಡಿ ಭಾಗದಲ್ಲೂ 0 1 2 3

ಬೆಳಗ್ಗೆ 10 ರಿಂದ ಮಧ್ಯಾಹ್ನ 3, ಚಂದಾಪುರ ಉಪವಿಭಾಗದ ಜಿಗಣಿ ಭಾಗದ ಹರಗದ್ದೆ, ದ್ಯಾವಸಂದ್ರ, ಕಚನಾಯಕಹಳ್ಳಿ ಗ್ರಾಮದಲ್ಲಿ ಬೆಳಗ್ಗೆ 11 ರಿಂದ ಮಧ್ಯಾಹ್ನ 2 ರವರೆಗೆ ಕರೆಂಟ್‌ ಕಡಿತ ಆಗಲಿದೆ.

ಇದನ್ನೂ ಓದಿರಿ: ಶಿವಾಜಿನಗರ ಬಸ್‌ನಿಲ್ದಾಣಕ್ಕೆ ಹೋಗಲು ಇನ್ನೊಂದು ತಿಂಗಳು ಈ ಮಾರ್ಗ ಬಳಸಿ ಅಂತಿದ್ದಾರೆ ಬೆಂಗಳೂರು ಸಂಚಾರ ಪೊಲೀಸರು

ಬಾಗೇಪಲ್ಲಿ ವಿಭಾಗ

ಚಿಕ್ಕಬಳ್ಳಾಪುರ ಜಿಲ್ಲೆ ಬಾಗೇಪಲ್ಲಿ ಭಾಗದ ಬಿಳ್ಳೂರು, ಮುಸ್ಲಿಗನಪಲ್ಲಿ, ಗದ್ದಂಪಲ್ಲಿ,. ಬಾಬೆನಾಯಕನಪಲ್ಲಿ, ಯರಗನಪಲ್ಲಿ, ರಾಚೇವ್ರು, ದಿಗವತಾಂಡ, ಉಗ್ರನಾಮಪಲ್ಲಿ, ತಾರಕೇಶಪಲ್ಲಿಯಲ್ಲಿ ಬೆಳಗ್ಗೆ 11ರವರೆಗೆ ವಿದ್ಯುತ್‌ ಇರುವುದಿಲ್ಲ.

ಬೆಂಗಳೂರಿನ ಕೆಲವು ಭಾಗಗಳಲ್ಲಿಪೂರ್ವನಿಯೋಜಿತ ವಿದ್ಯುತ್​ ವ್ಯತ್ಯಯವಾಗಲಿದೆ. ದುರಸ್ತಿ ಮತ್ತು ನಿರ್ವಹಣೆಯ ಕಾರಣಕ್ಕೆ ವಿದ್ಯತ್​ ಕಡಿತಗೊಳಿಸಲಾಗುತ್ತಿದೆ. ಈ ವೇಳೆ ಗ್ರಾಹಕರು ಸಹಕರಿಸಬೇಕು. ಹೆಚ್ಚಿನ ಮಾಹಿತಿ ಅಥವಾ ದೂರುಗಳಿಗೆ ಬೆಸ್ಕಾಂ ಸಹಾಯವಾಣಿ 1912 ಅಥವಾ http://bescom.karnataka.gov.in ಸಂಪರ್ಕಿಸಿ ಎಂದು ಬೆಸ್ಕಾಂ ಮನವಿ ಮಾಡಿದೆ.