Worlds Fatty Cat: ಬರೋಬ್ಬರಿ 17 ಕೆಜಿ ತೂಕದ ದೈತ್ಯ ಬೆಕ್ಕು; ಮಾಂಸ, ವಿಸ್ಕಿ ಎಂದರೆ ಇದಕ್ಕೆ ಬಹು ಇಷ್ಟ, ಎಲ್ಲಿದೆ ಈ ಫ್ಯಾಟಿ ಕ್ಯಾಟ್‌ !

ಮಾಸ್ಕೋ: ಇದರ ಹೆಸರು ಕ್ರೋಶಿಕ್‌. ಇದು ಮನೆಯೊಂದರ ಪ್ರೀತಿಯ ಬೆಕ್ಕು. ಅದಕ್ಕೆ ಮಾಂಸ ಎಂದರೆ ಇಷ್ಟ. ಬಗೆಬಗೆಯ ಬಿಸ್ಕೆಟ್‌ಗಳು ಎಂದರೆ ಪಂಚಪ್ರಾಣ. ವಿಸ್ಕಿ ಎಂದರೆ ಬಲುವೇ ಇಷ್ಟ. ಇನ್ನೂ ಕೆಲವು ರುಚಿಕರ ಆಹಾರ ಹಾಕಿಕೊಟ್ಟರೆ ಮರು ಮಾತನಾಡದೇ ತಿಂದು ಕುಳಿತುಕೊಳ್ಳುತ್ತದೆ ಈ ಬೆಕ್ಕು. ಇದು ಮನೆಯವರಿಗೆ ಮಾತ್ರವಲ್ಲದೇ ಅಕ್ಕಪಕ್ಕದವರು, ಕುಟುಂದವರ ಮುದ್ದು. ಆದರೆ ಈ ಬೆಕ್ಕು ಸಾಮಾನ್ಯವಾಗಿಲ್ಲ. ಇದರ ತೂಕವೇ ಬರೋಬ್ಬರಿ 17 ಕೆಜಿ. ವಿಶ್ವದ ಅತಿ ಹೆಚ್ಚು ತೂಗುವ ಬೆಕ್ಕುಗಳ ಪಟ್ಟಿಯಲ್ಲಿ ಇದಕ್ಕೂ ಸ್ಥಾನ ಸಿಕ್ಕಿದೆ. ಅಷ್ಟರ ಮಟ್ಟಿಗೆ ಈ ಡುಮ್ಮ ಬೆಕ್ಕು ಖ್ಯಾತಿ ಪಡೆದಿದೆ. ಹುಟ್ಟಿದಾಗ ಸಾಮಾನ್ಯವಾಗಿಯೇ ಇದ್ದ, ಆನಂತರದಲ್ಲಿ ತೂಕ ಹೆಚ್ಚಿಸಿಕೊಂಡು ಫ್ಯಾಟಿ ಕ್ಯಾಟ್‌ ಆದ ಕಥಾನಕವೂ ವಿಶೇಷವಾಗಿಯೇ ಇದೆ.

ಈ ಬೆಕ್ಕು ಇರುವುದು ರಷ್ಯಾದಲ್ಲಿ. ಕಳೆದ ವಾರ ರಷ್ಯಾದ ಆಸ್ಪತ್ರೆಯೊಂದರ ನೆಲಮಾಳಿಗೆಯಲ್ಲಿ ಮಾನವ ಮಗುವಿನಷ್ಟು ತೂಕದ ಬೃಹತ್ ಬೆಕ್ಕು ವಾಸಿಸುತ್ತಿರುವುದು ಕಂಡುಬಂದಿತು. ಇದನ್ನು ಗಮನಿಸಿದ ಸಿಬ್ಬಂದಿ ಬೆಕ್ಕಿನ ದೈತ್ಯಾಕಾರವನ್ನು ಕಂಡು ಹೌಹಾರಿದರು. 

ಇದನ್ನೂ ಓದಿರಿ: Cholesterol: ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುವ 8 ಜೀವನಶೈಲಿ ಬದಲಾವಣೆಗಳು

ಇದು ಎಲ್ಲಿಂದ ತಪ್ಪಿಸಿಕೊಂಡು ಬಂದಿದೆ ಎನ್ನುವ ಮಾಹಿತಿ ಪಡೆದಾಗ ಸಮೀಪದಲ್ಲೇ ಇರುವ ಮನೆಯೊಂದರದ್ದು ಎನ್ನುವುದು ತಿಳಿಯಿತು. ಅದಕ್ಕೆ ಚಿಕಿತ್ಸೆ ಕೊಡಿಸಲು ಶುರು ಮಾಡಿದಾಗ ಮನೆಯಿಂದ ಬಂದು ಸೇರಿಕೊಂಡಿತ್ತು. ಸಮೀಪದ ಬೆಕ್ಕುಗಳ ಆಸ್ಪತ್ರೆಯಲ್ಲಿ ಇದಕ್ಕೆ ಚಿಕಿತ್ಸೆ ನಡೆದಿದೆ.

ರಷ್ಯಾದ ಪೆರ್ಮಾನ್‌ ನಗರದ ಈ ಬೆಕ್ಕಿನ ಮಾಲೀಕರು ಸಾಹಿತ್ಯ ಪ್ರಿಯರು. ಸಾಹಿತ್ಯ ಓದುತ್ತಲೇ ಅದಕ್ಕೆ ಕ್ರೋಶಿಕ್‌ ಎಂದು ನಾಮಕರಣ ಮಾಡಿದ್ದರು. ರಷ್ಯನ್ ಭಾಷೆಯಲ್ಲಿ "ಕ್ರೋಶಿಕ್" ಎಂಬ ಪದವು ತುಣುಕುಗಳು ಎನ್ನುವ ಅರ್ಥ ನೀಡುತ್ತದೆ. ಮನೆಯಲ್ಲಿ ಇದ್ದುಕೊಂಡೇ ಮನೆಯವರಂತೆಯೇ ಭರ್ಜರಿ ಊಟ ಮಾಡಲು ಕಲಿಯಿತು ಕ್ರೋಶಿಕ್‌.
 

ಇದನ್ನೂ ಓದಿರಿ: ಪ್ರತಿದಿನ ಈ ಐದು ಕೆಲಸ ಮಾಡಿ ದೇಹದಲ್ಲಿರುವ ಕೆಟ್ಟ ಕೊಬ್ಬಿನಾಂಶ ಬೆಣ್ಣೆಯಂತೆ ಕರಗದಿದ್ದರೆ ಕೇಳಿ!

ಸ್ಥಳೀಯ ಮಾಧ್ಯಮ ವರದಿಗಳ ಪ್ರಕಾರ, ಕ್ರೋಶಿಕ್‌ ಸೂಪ್, ವಿಸ್ಕಿ ಮತ್ತು ಮಾಂಸವನ್ನು ನಿಯಮಿತವಾಗಿ ಸೇವಿಸಿತು. ಇದರಿಂದ ಸ್ಥಿರ ಆಹಾರ ತೂಕವನ್ನು ಹೆಚ್ಚಿಸಿತು. ಅಂತಿಮವಾಗಿ ಅದು ನಡೆಯಲು ತುಂಬಾ ಭಾರವಾಗುವ ಸನ್ನಿವೇಶ ಎದುರಾಯಿತು. ಕೊನೆಗೆ ಮನೆಯವರು ಅದಕ್ಕೆ ಚಿಕಿತ್ಸೆ ಕೊಡಿಸಲು ಕರೆತಂದರು. ಮ್ಯಾಟ್ರೊಸ್ಕಿನ್ ಶೆಲ್ಟರ್ನ ಪಶುವೈದ್ಯರು ಕ್ರೋಶಿಕ್ ಗೆ ಅಲ್ಟ್ರಾಸೌಂಡ್ ಚಿಕಿತ್ಸೆಗೆ ಮುಂದಾದರೂ ಅದು ಸಾಧ್ಯವಾಗಲಿಲ್ಲ.

ಏಕೆಂದರೆ ಸಂವೇದಕವು ಬೆಕ್ಕಿನ ಕೊಬ್ಬಿನ ಪದರಗಳನ್ನು ಭೇದಿಸಲು ಸಾಧ್ಯವಾಗಲಿಲ್ಲ. ಕೊನೆಗೆ ತೂಕ ಇಳಿಸಲು ಅನಿವಾರ್ಯವಾಗಿ ಕ್ರೌಶಿಕ್‌ ನನನ್ನು ಸಮೀಪದ ಪುನರ್‌ ವಸತಿ ಕೇಂದ್ರಕ್ಕೆ ಹಾಕಿದರು.

ಇದನ್ನು ಓದಿರಿ: Ganesh Story for Kids: ಭಾದ್ರಪದ ಶುಕ್ಲ ಚೌತಿಯಂದು ಚಂದಿರನ ನೋಡಬಾರದು ಏಕೆ? ಗಣಪತಿ ಏಕದಂತ ಆದ ವೃತ್ತಾಂತ ತಿಳಿಯಿರಿ- ಓದಿ ಗಣೇಶನ ಕಥೆಗಳು

ಈಗ ನಿಧಾನವಾಗಿ ಬೆಕ್ಕು ತೂಕ ಇಳಿಸಿಕೊಳ್ಳುತ್ತಿದೆ ಒಂದೊಂದೆ ಹೆಜ್ಜೆ ಹಾಕುತ್ತಿದೆ. ಚಿಕಿತ್ಸೆ ಮೂಲಕವೂ ಕೊಬ್ಬನ್ನು ಕರಗಿಸಿ ಬೆಕ್ಕಿನ ತೂಕವನ್ನು ಸಾಮಾನ್ಯ ಸ್ಥಿತಿಗೆ ಇಳಿಸಲು ತಯಾರಿಗಳು ನಡೆದಿವೆ.

ಇದಕ್ಕೆ ಕೆಲ ಸಮಯ ಬೇಕಾಗುತ್ತದೆ ಎಂದು ಬೆಕ್ಕಿನ ಪುನರ್‌ ವಸತಿ ಕೇಂದ್ರದ ಪಶು ವೈದ್ಯಾಧಿಕಾರಿಗಳು ಹೇಳಿದ್ದಾರೆ.

ಕ್ರೋಶಿಕ್‌ಗೆ ಚಿಕಿತ್ಸೆ ನೀಡುತ್ತಿರುವ ಹಾಗೂ ಈಗ ನಡೆಯುತ್ತಿರುವ ವಿಡಿಯೋವನ್ನು ಇನ್‌ಸ್ಟಾದಲ್ಲಿ ಹಂಚಿಕೊಳ್ಳಲಾಗಿದ್ದು ಭಾರೀ ವೈರಲ್‌ ಆಗಿದೆ.