ಏಷ್ಯನ್ ಕಬಡ್ಡಿ ಚಾಂಪಿಯನ್‌ಶಿಪ್‌, ಏಷ್ಯನ್ ಗೇಮ್ಸ್​ನಲ್ಲಿ ಭಾರತಕ್ಕೆ ಚಿನ್ನ ಗೆದ್ದುಕೊಟ್ಟಿದ್ದ ಈತ ಪಿಕೆಎಲ್​ನಲ್ಲೂ ಅಬ್ಬರ

ಪ್ರೊ ಕಬಡ್ಡಿ ಲೀಗ್​ ಸೀಸನ್​ 11 ಅದ್ಧೂರಿ ಆರಂಭ ಪಡೆದುಕೊಂಡಿದೆ. ಎಲ್ಲಾ ತಂಡಗಳು ಅಬ್ಬರದ ಪ್ರದರ್ಶನ ನೀಡುತ್ತಿವೆ. ಆದರೆ ತಮಿಳ್ ತಲೈವಾಸ್ ತಂಡದ ಈ ಆಟಗಾರ ಎಲ್ಲರ ಗಮನ ಸೆಳೆದಿದ್ದಾರೆ. ಆತನ ಹೆಸರು ಸಚಿನ್ ತನ್ವರ್​.. 2024ರ ಪ್ರೊ ಕಬಡ್ಡಿ ಲೀಗ್​ನಲ್ಲಿ ಅತ್ಯಂತ ದುಬಾರಿ ಆಟಗಾರ ಎಂಬ ಇತಿಹಾಸ ಬರೆದಿದ್ದಾರೆ. ಆಗಸ್ಟ್​ನಲ್ಲಿ ಜರುಗಿದ ಹರಾಜಿನಲ್ಲಿ ತಮಿಳ್ ತಲೈವಾಸ್ ತಂಡವು 2.15 ಕೋಟಿ ಸುರಿದಿದೆ. ಇದರೊಂದಿಗೆ ಪಿಕೆಎಲ್ ಇತಿಹಾಸದಲ್ಲಿ ಅತಿ ದುಬಾರಿ ಆಟಗಾರ ಅಂದರೆ ಪವನ್ ಸೆಹ್ರಾವತ್. ಈತ 2.60 ಕೋಟಿ ಪಡೆದಿದ್ದಾರೆ. ಸಚಿನ್ ಎರಡನೇ ಮೋಸ್ಟ್ ಎಕ್ಸ್​ಪೆನ್ಸಿವ್ ಆಟಗಾರ.

11ನೇ ಆವೃತ್ತಿಯ ಪಿಕೆಎಲ್​ನಲ್ಲಿ ಆಡಿರುವ 4 ಪಂದ್ಯಗಳಲ್ಲಿ 35 ರೇಡ್ ಅಂಕಗಳನ್ನು ಪಡೆದಿರುವ ಸಚಿನ್, ಶೇಕಡಾ 100 ರಷ್ಟು ಟ್ಯಾಕಲ್ ಸ್ಟ್ರೈಕ್​ರೇಟ್​ ಹೊಂದಿದ್ದಾರೆ. ಇಷ್ಟಕ್ಕೂ ಈತ ಯಾರು? ಇಲ್ಲಿದೆ ವಿವರ. ಭಾರತ ತಂಡದ ಸ್ಟಾರ್ ಆಟಗಾರನಾಗಿರುವ ಸಚಿನ್, ಏಷ್ಯನ್ ಕಬಡ್ಡಿ ಚಾಂಪಿಯನ್‌ಶಿಪ್‌, ಏಷ್ಯನ್ ಗೇಮ್ಸ್​ನಲ್ಲಿ ಭಾರತಕ್ಕೆ ಚಿನ್ನ ಗೆದ್ದುಕೊಟ್ಟಿದ್ದರು. ಅಲ್ಲದೆ, ಈತ ಕ್ರೀಡಾ ಹಿನ್ನೆಲೆಯ ಕುಟುಂಬದಿಂದ ಬಂದವರು ಎಂಬುದು ಮತ್ತೊಂದು ವಿಶೇಷ.

ರಾಜಸ್ಥಾನದ ಸಚಿನ್ ಸನ್ವರ್…

ತನ್ವರ್ ಅವರು 19 ಜುಲೈ 1999 ರಂದು ರಾಜಸ್ಥಾನದ ಜುಂಜುನು ಜಿಲ್ಲೆಯ ಬದ್ಬಾರ್ ಗ್ರಾಮದಲ್ಲಿ ಜನಿಸಿದರು. ಪಿಕೆಎಲ್​​ನಲ್ಲಿ ತಮಿಳು ತಲೈವಾಸ್ ಪರ ಆಡುತ್ತಿರುವ ಸಚಿನ್, ಇದಕ್ಕೂ ಮುನ್ನ 2023ರಲ್ಲಿ ಪಾಟ್ನಾ ಪೈರೇಟ್ಸ್ ಪರ ಆಡಿದ್ದರು. ಭಾರತೀಯ ಕಬಡ್ಡಿ ಆಟಗಾರನೂ ಆಗಿರುವ ಸಚಿನ್, 2017ರಲ್ಲಿ ಚೊಚ್ಚಲ ಪ್ರವೇಶ ಮಾಡಿದ ನಂತರ ಲೀಗ್‌ನಲ್ಲಿ ತನ್ನ ಮೊದಲ 2 ಸೀಸನ್‌ಗಳಲ್ಲಿ ಅಗ್ರ 10 ರೇಡ್ ಪಾಯಿಂಟ್ ಸ್ಕೋರರ್‌ಗಳಲ್ಲಿ ಒಬ್ಬರಾಗಿದ್ದರು.

ತಲೈವಾಸ್ ತಂಡದ ತಾರೆ, ಕ್ರೀಡಾ ಕುಟುಂಬದಿಂದ ಬಂದವರು. ಅವರ ಹಿರಿಯ ಸಹೋದರ ದೀಪಕ್ ಮತ್ತು ಚಿಕ್ಕಪ್ಪ ರಾಕೇಶ್ ಎನ್ನುವವರು ಸಹ ಕಬಡ್ಡಿ ಆಟಗಾರರಾಗಿದ್ದರು. ಸಚಿನ್ ಅಂಡರ್-14 ಮತ್ತು ಅಂಡರ್-16 ಪಂದ್ಯಾವಳಿಗಳಲ್ಲಿ ಆಡಿದ್ದ 25 ವರ್ಷದ ಸ್ಟಾರ್ ಪ್ಲೇಯರ್, ಭಾರತ ರಾಷ್ಟ್ರೀಯ ತಂಡಕ್ಕೂ ಆಯ್ಕೆಯಾಗಿದ್ದಾರೆ. 2017 ರಲ್ಲಿ ಏಷ್ಯನ್ ಕಬಡ್ಡಿ ಚಾಂಪಿಯನ್‌ಶಿಪ್‌ನಲ್ಲಿ ಭಾರತೀಯ ಕಬಡ್ಡಿ ತಂಡಕ್ಕೆ ಪಾದಾರ್ಪಣೆ ಮಾಡಿದರು. ಅಲ್ಲದೆ, ಈ ಟೂರ್ನಿಯನ್ನು ಗೆಲ್ಲುವಲ್ಲಿ ಪ್ರಮುಖ ಪಾತ್ರವಹಿಸಿದ್ದರು. 2022ರ ಏಷ್ಯನ್ ಗೇಮ್ಸ್ ಕಬಡ್ಡಿ ಸ್ಪರ್ಧೆಗಳಲ್ಲಿ ಚಿನ್ನ ಗೆದ್ದ ಭಾರತ ತಂಡದ ಭಾಗವಾಗಿದ್ದರು.

ಇದನ್ನೂ ಓದಿ: 92 ವರ್ಷಗಳಲ್ಲಿ ಯಾವತ್ತೂ ಎದುರಾಗದ ಅಪಾಯದಲ್ಲಿ ಟೀಮ್ ಇಂಡಿಯಾ: ಮಾನ ಉಳಿಸಿಕೊಳ್ಳಲು ಕೊನೇ ಅವಕಾಶ

ಇದನ್ನೂ ಓದಿ: 2015ರ ನಂತರ ಮೊದಲ ಬಾರಿಗೆ ಇಂಗ್ಲೆಂಡ್ ವಿರುದ್ಧ ಟೆಸ್ಟ್ ಸರಣಿ ಗೆದ್ದ ಪಾಕಿಸ್ತಾನ; ಬಾಬರ್-ಅಫ್ರಿದಿ ಹೊರಗಿಟ್ಟು ಒಲಿಯಿತು ಜಯ