ಇಂದು ಹೇಗಿದೆ ಲವ್ ಲೈಫ್ ಜುಲೈ 13; ಸ್ನೇಹ ಬಳಗದಲ್ಲಿ ಸಂಗಾತಿಯ ಹುಡುಕಾಟ ನಡೆಸುವ ವೃಷಭ ರಾಶಿಯವರು, ಉಳಿದವರ ರಿಲೇಶನ್‌ಶಿಪ್ ಭವಿಷ್ಯ ಹೀಗಿದೆ

Love and Relationship Horoscope July 13 2024: ನಿತ್ಯ ಬದುಕಿನ ಪ್ರೀತಿ ಪ್ರೇಮ ಪ್ರಣಯ ಬಹಳ ಮುದ ನೀಡುವಂಥದ್ದು. ಆ ಸಂಬಂಧದಲ್ಲೊಂದು ಕಾತರ, ಕುತೂಹಲ ಇದ್ದೇ ಇರುತ್ತದೆ. ಹೀಗಾಗಿ ಅನೇಕರು ದಿನ ಭವಿಷ್ಯದಲ್ಲಿ ಪ್ರೀತಿ ಪ್ರೇಮ ಪ್ರಣಯದ ಬಗ್ಗೆ ಗಮನಿಸುತ್ತಾರೆ. ಇಂದು ಲವ್ ಲೈಫ್‌ ಹೇಗಿದೆ ಎಂಬ ಬಗ್ಗೆ ಕೂಡ ಹುಡುಕಾಡಿ ಮನದ ಆತಂಕ, ದುಗುಡ ತಣಿಸುವ ಪ್ರಯತ್ನ ಮಾಡುತ್ತಾರೆ. ರಾಶಿಫಲಗಳಿಗೆ ಅನುಗುಣವಾಗಿ ಆಯಾ ರಾಶಿಗಳ ಈ ದಿನದ (ಜುಲೈ 13) ಲವ್‌ ಲೈಫ್‌ ಹೇಗಿದೆ ಎಂದು ಗಮನಿಸೋಣ. ಅಂದ ಹಾಗೆ, ಹಿಂದೂಸ್ತಾನ್ ಟೈಮ್ಸ್ ಕನ್ನಡ ವೆಬ್‌ಸೈಟ್‌ನಲ್ಲಿ ದಿನ ಭವಿಷ್ಯವೂ ಪ್ರಕಟವಾಗುತ್ತಿದ್ದು, ನಿಮ್ಮ ರಾಶಿ ಫಲವನ್ನೂ ಓದಬಹುದು ನೋಡಿ.

ಮೇಷ ರಾಶಿ; ರಿಲೇಷನ್‌ಶಿಪ್ ಕುರಿತು ಉದಾಸೀನ ಭಾವ

ಇಂದು, ಸಂಬಂಧಗಳ ಬಗ್ಗೆ ನಿಮ್ಮ ಉದಾಸೀನದ ವರ್ತನೆ ನಿಮ್ಮ ಸಂಗಾತಿಯಾಗಬಹುದಾದವರ ಗಮನವನ್ನು ಸೆಳೆಯುತ್ತದೆ. ನಿಮ್ಮ ಸಂತಸದಾಯಕ ಸ್ವಭಾವ ಎಲ್ಲೆಡೆ ಸಂತಸವನ್ನು ಪಸರಿಸಲಿದೆ. ಜನರು ನಿಮ್ಮ ಧನಾತ್ಮಕ ಭಾವ ಬೆಳಕಿಗೆ ಮತ್ತು ಸಂತೋಷದ ಕಂಪನಗಳಿಗೆ ಸ್ವಾಭಾವಿಕವಾಗಿ ಆಕರ್ಷಿತರಾಗುತ್ತಾರೆ. ಪ್ರೀತಿಗೆ ಸಂಬಂಧಿಸಿದ ಕೊನೆಯ ಕ್ಷಣದ ನಡೆಗಳು ಅಥವಾ ಆತಂಕಗಳಿಗೆ ವಿದಾಯ ಹೇಳಲು ಮತ್ತು ವರ್ತಮಾನವನ್ನು ಸ್ವೀಕರಿಸಲು ಇದು ಸೂಕ್ತ ಸಮಯ. ಇದು ಜೀವನದಲ್ಲಿ ಚಿಕ್ಕ ಚಿಕ್ಕ ವಿಷಯಗಳನ್ನು ಆನಂದಿಸುವ ನಿಮ್ಮ ಅವಕಾಶವನ್ನು ಸುಧಾರಿಸುತ್ತದೆ.

ವೃಷಭ ರಾಶಿ; ಸ್ನೇಹಿತರ ಬಳಗದಲ್ಲಿ ಸಂಗಾತಿಯ ಹುಡುಕಾಟ

ಸ್ನೇಹಿತರ ವಲಯದಲ್ಲಿ ಪ್ರೀತಿ ಬೆಳಗಲಿದೆ. ಒಬ್ಬ ಸ್ನೇಹಿತ/ ಸ್ನೇಹಿತೆ ಇದ್ದಕ್ಕಿದ್ದಂತೆ ನಿಮ್ಮ ಬಗ್ಗೆ ಪ್ರೇಮ ಭಾವನೆಗಳನ್ನು ಬೆಳೆಸಿಕೊಳ್ಳಬಹುದು. ನೀವು ಕೂಡ ಅವನನ್ನು ಅಥವಾ ಅವಳನ್ನು ದೈಹಿಕವಾಗಿ ಆಕರ್ಷಿಸಲು ಪ್ರಾರಂಭಿಸುತ್ತೀರಿ. ನೀವು ಅವಿವಾಹಿತರಾಗಿದ್ದರೆ, ಅಂತಹ ಭಾವನೆಗಳಿಂದ ದೂರ ಸರಿಯಬೇಡಿ. ಆದಾಗ್ಯೂ, ನಿಮ್ಮ ಸ್ನೇಹವನ್ನು ನಿಮ್ಮ ವರ್ತನೆ ಹಾಳು ಮಾಡದಂತೆ ನೀವು ಜಾಗರೂಕರಾಗಿರಬೇಕು. ಸೆಳೆತವಿದ್ದರೆ ಅದರೊಂದಿಗೆ ಸಂಚರಿಸಿ, ನಿರಾಕರಿಸಬೇಡಿ. ಇಲ್ಲದಿದ್ದರೆ, ಯೋಜಿತ ರೀತಿಯಲ್ಲಿ ಕೆಲಸವಾಗದು.

ಮಿಥುನ ರಾಶಿ; ಪ್ರೀತಿ ಪಾತ್ರರೊಂದಿಗೆ ಸಮಯ ಕಳೆಯುವಿರಿ

ಇಂದು, ನೀವು ಸಮಸ್ಯೆಯನ್ನು ಪರಿಹರಿಸುವವರಂತೆ ಕೆಲಸ ನಿರ್ವಹಿಸಲಿದ್ದೀರಿ. ನಿಮ್ಮ ಸುತ್ತಮುತ್ತಲಿನ ಜನರು ತಮ್ಮ ಸಮಸ್ಯೆಗಳಿಗೆ ಪರಿಹಾರಕ್ಕಾಗಿ ನಿಮ್ಮತ್ತ ನೋಡುತ್ತಿರುತ್ತಾರೆ. ಈ ಹೊಣೆಗಾರಿಕೆಯು ಸಂಬಂಧದ ಮೋಸಗಳನ್ನು ತಪ್ಪಿಸಲು ಮತ್ತು ನೀವು ಕಾಳಜಿವಹಿಸುವ ಜನರೊಂದಿಗೆ ಅರ್ಥಪೂರ್ಣ ಮಾತುಕತೆಗೆ ವೇದಿಕೆ ಒದಗಿಸುತ್ತದೆ. ನೀವು ನಿಮ್ಮ ಪ್ರೀತಿಪಾತ್ರರೊಂದಿಗೆ ಗುಣಮಟ್ಟದ ಸಮಯವನ್ನು ಕಳೆಯುವಿರಿ, ಆಪ್ತ ಸಂವಾದ ನಡೆಸುವಿರಿ. ಅನುಭವಗಳನ್ನು ಸ್ಮರಣೀಯವಾಗಿಸುವಿರಿ. ನೀವು ಉತ್ತಮ ಅಂತಃಪ್ರಜ್ಞೆಯುಳ್ಳವರಾಗಿದ್ದು, ಯಾವುದೇ ನಿರ್ಧಾರಕ್ಕೂ ಅಂತರಂಗದ ಮಾತು ಗಮನಿಸಿ.

ಕರ್ಕ ರಾಶಿ; ಪ್ರಣಯ ಜೀವನದಲ್ಲಿ ರೊಮ್ಯಾಂಟಿಕ್ ಭಾವ

ಇಂದು, ನಿಮ್ಮ ಪ್ರಣಯ ಜೀವನವು ನಿಮ್ಮ ಸಂಬಂಧದಲ್ಲಿ ಬಹಳಷ್ಟು ರೊಮ್ಯಾಂಟಿಕ್ ಅನುಭವಗಳನ್ನು ಉಂಟುಮಾಡುವಂತಹ ಬದಲಾವಣೆಗಳನ್ನು ತರಲಿದೆ. ಪ್ರೇಮ ಸಂಬಂಧಗಳ ಬಗ್ಗೆ ನಿಮ್ಮ ನಿರ್ಣಯ ಮತ್ತು ಕಾರ್ಯತಂತ್ರವು ನಿಮ್ಮನ್ನು ಉತ್ತಮ ಸ್ಥಾನದಲ್ಲಿ ನಿಲ್ಲಿಸುತ್ತದೆ. ವಿಶೇಷವಾಗಿ ಅಡೆತಡೆಗಳನ್ನು ಎದುರಿಸುವಾಗ ಇದು ಹೆಚ್ಚು ಗಮನಸೆಳೆಯುತ್ತದೆ. ಸಣ್ಣ ಅಡೆತಡೆಗಳು ಕೂಡ ನಿಮ್ಮನ್ನು ಸಂಬಂಧ ಹಾಳುಮಾಡದಂತೆ ನೋಡಿಕೊಳ್ಳಿ. ಸಹಜ ಚತುರತೆ ಮತ್ತು ವರ್ಚಸ್ಸನ್ನು ಬಳಸಿಕೊಂಡು ವಿಷಮ ಪರಿಸ್ಥಿತಿಯನ್ನು ಕೂಡ ಅವಕಾಶವನ್ನಾಗಿ ಪರಿವರ್ತಿಸಲು ಬಳಸಿಕೊಳ್ಳಿ. ಹಾಸ್ಯ ಪ್ರಜ್ಞೆಯೊಂದಿಗೆ ಒತ್ತಡವನ್ನು ನಿಭಾಯಿಸಿದರೆ ಸಾಕು.

ಸಿಂಹ ರಾಶಿ; ಪ್ರೀತಿ ವಿಚಾರ ಬಹಿರಂಗಪಡಿಸಲು ಸುಸಮಯ

ಇಂದು, ನಿಮ್ಮ ರಹಸ್ಯ ಪ್ರೇಮ ವಿಚಾರ ಬಹಿರಂಗಪಡಿಸಲು ಸುಸಮಯ. ಪ್ರೀತಿ, ಪ್ರೇಮದ ವಿಚಾರದಲ್ಲಿ ನೀವು ಯಾವುದೇ ಮಾಹಿತಿ ಗುಪ್ತವಾಗಿಟ್ಟು, ಮೋಸಗೊಳಿಸಿದ್ದರೆ ಅಥವಾ ಮರೆಮಾಡಿದ್ದರೆ, ಶೀಘ್ರದಲ್ಲೇ ಸತ್ಯವು ಹೊರಬರುತ್ತದೆ ಎಂದು ನಕ್ಷತ್ರಗಳು ಭವಿಷ್ಯ ನುಡಿಯುತ್ತವೆ. ಗ್ರಹಗಳ ಪ್ರಸ್ತುತ ಶಕ್ತಿಗಳು ಇತರ ಜನರೊಂದಿಗೆ ಸಂಬಂಧಗಳಲ್ಲಿ ಸತ್ಯವಂತರಾಗಿರಲು ನಿಮ್ಮನ್ನು ಒತ್ತಾಯಿಸುತ್ತಿವೆ. ನೀವು ಏನು ಮಾಡುತ್ತಿದ್ದೀರಿ ಮತ್ತು ನಿಮ್ಮ ಕ್ರಿಯೆಗಳ ಪರಿಣಾಮಗಳ ಬಗ್ಗೆ ಜಾಗೃತರಾಗಿರಬೇಕಾದ್ದು ಅವಶ್ಯ.

ಕನ್ಯಾ ರಾಶಿ; ಭಾವುಕ ಜಗತ್ತಿನಲ್ಲಿ ಪ್ರೀತಿ ತುಂಬಿದ ಹೃದಯ

ಇಂದು, ನಿಮ್ಮ ಹೃದಯವು ಪ್ರೀತಿ ತುಂಬಿಕೊಂಡಿದೆ. ಹತ್ತು ಹಲವು ಕಾರ್ಯಗಳಿದ್ದರೂ ಮಿದುಳು ಕೆಲಸ ಮಾಡದು. ಭಾವುಕ ಪ್ರಪಂಚದಲ್ಲಿ ವಿಹರಿಸುತ್ತ, ಪ್ರೀತಿ ಪಾತ್ರರ ಜೊತೆಗೆ ಕಾಲಕಳೆಯುವಿರಿ. ಇಂತಹ ಸನ್ನಿವೇಶಕ್ಕೆ ಗ್ರಹಗತಿಗಳು ಕೂಡ ಪೂರಕವಾಗಿವೆ. ಆದರೆ, ನಿಜ ಜೀವನವು ಭ್ರಾಮಕ ಜಗತ್ತಿಗಿಂತ ಭಿನ್ನವಾದುದು. ಹೊಣೆಗಾರಿಕೆ ನಿಭಾಯಿಸಬೇಕಾದುದು. ಹೀಗಾಗಿ, ಅವುಗಳನ್ನು ಸಮಸ್ಯೆಯಾಗಿ ಕಾಣದೆ ಸಂಬಂಧ ಸುಧಾರಣೆಗೆ ಅವಕಾಶವಾಗಿ ನೋಡಿ.

ತುಲಾ ರಾಶಿ; ಸಕಾರಾತ್ಮಕ ಆಲೋಚನೆಗಳಿಂದ ಲವ್ ಸಕ್ಸಸ್‌

ತಮ್ಮ ಪ್ರಣಯ ಸಂಬಂಧಗಳಲ್ಲಿ ಸಮಸ್ಯೆಗಳನ್ನು ಎದುರಿಸುತ್ತಿರುವವರೊಂದಿಗೆ ಸಕಾರಾತ್ಮಕ ಆಲೋಚನೆಗಳನ್ನು ಹಂಚಿಕೊಳ್ಳಬೇಕು. ಇದು ಇಂದು ನೆರವಿಗೆ ಬರುತ್ತದೆ. ನಿಮ್ಮ ದೃಷ್ಟಿಕೋನವು ಸ್ನೇಹಿತರು ಅಥವಾ ಸಂಬಂಧಿಕರಿಗೆ ಅವರ ಪ್ರೀತಿಯ ಜೀವನದಲ್ಲಿ ಪ್ರಸ್ತುತ ಸಮಸ್ಯೆಗಳ ಬಗ್ಗೆ ಒಂದು ಸ್ವಾಗತಾರ್ಹ ಪರಿಹಾರವಾಗಿರಬಹುದು. ಪ್ರೀತಿಯೆಂದರೆ ಅದು ಯಾವಾಗಲೂ ಗಂಭೀರವಾಗಿರಬಾರದು ಅಥವಾ ಸಂಕೀರ್ಣವಾದ ಸಂಬಂಧಕ್ಕೆ ಬರುವುದಿಲ್ಲ. ಇದು ಧನಾತ್ಮಕ ಅನುಭವಗಳನ್ನು ಆಕರ್ಷಿಸಲು ನಿಮ್ಮ ನೆರವಿಗೆ ಬರುತ್ತದೆ.

ವೃಶ್ಚಿಕ ರಾಶಿ; ಸಂಬಂಧ ವೃದ್ಧಿಗೆ ಪ್ರೀತಿ ಬೇಕು

ಈ ದಿನವು ಪ್ರೀತಿ, ಪ್ರೇಮ ಭಾವನೆಗಳಿಗೆ ಪೂರಕವಾಗಿ ಇಲ್ಲದೇ ಇರಬಹುದು. ಆದರೆ ಸ್ವಲ್ಪ ಪ್ರೀತಿಯು ನಿಮ್ಮ ಸಂಬಂಧವನ್ನು ವೃದ್ಧಿಸುತ್ತದೆ. ನಿಮ್ಮ ಸಂಗಾತಿಯ ವಿಚಾರದಲ್ಲಿ ಸಕಾರಾತ್ಮಕ ಗಮನವನ್ನು ನೀಡಲು ಮತ್ತು ಅವರ ಬೆಂಬಲವನ್ನು ಒಪ್ಪಿಕೊಳ್ಳಲು ಮರೆಯಬೇಡಿ. ಬಹುಶಃ ನಿಮ್ಮಿಬ್ಬರಿಗೆ ಗಡಿಬಿಡಿ ಬದುಕಿನಿಂದ ಕೊಂಚ ವಿರಾಮ ಬೇಕಾಗಬಹುದು. ಮನೆಯಲ್ಲಿ ಒಂದು ಸಿಂಪಲ್‌ ಸಂಜೆ ನಿಮ್ಮ ಭಾವನೆಗಳನ್ನು ಸ್ಥಿರಗೊಳಿಸಲು ಪರಿಪೂರ್ಣವಾಗಬಹುದು. ವರ್ತಮಾನದಲ್ಲೇ ಇದ್ದು ಬದುಕಿ. ಭವಿಷ್ಯದ ಬಗ್ಗೆ ಭಾರಿ ಚಿಂತೆ ಬೇಡ.

ಧನು ರಾಶಿ; ಸಂಬಂಧದಲ್ಲಿ ಸ್ಥಿರತೆ ಸಾಧಿಸಲು ಪರಸ್ಪರ ಸ್ಪಂದಿಸಿ

ಮನೆಕೆಲಸಗಳನ್ನು ನಿಭಾಯಿಸುವ ಜವಾಬ್ದಾರಿಯನ್ನು ಹೆಚ್ಚಿಸುವುದರಿಂದ ಇಂದು ಕುಟುಂಬ ಮತ್ತು ಮನೆಯ ವ್ಯವಹಾರಗಳು ಪ್ರಮುಖವಾಗುತ್ತವೆ. ಈ ಬದಲಾವಣೆಯು ನಿಮ್ಮ ಮತ್ತು ಸಂಗಾತಿಯ ಸಂಬಂಧಗಳಲ್ಲಿ ಸ್ಥಿರತೆಯನ್ನು ಸಾಧಿಸಲು ಸಹಾಯ ಮಾಡುತ್ತದೆ. ನಿಮ್ಮ ಮನೆಯಲ್ಲಿ ಪ್ರಶಾಂತ ಮತ್ತು ಆರಾಮದಾಯಕ ವಾತಾವರಣವನ್ನು ಸಾಧಿಸಲು ನೀವು ಕೆಲಸ ಮಾಡುತ್ತಿರುವಾಗ, ನಿಮ್ಮ ಸಂಗಾತಿಯು ಈ ಕಾರಣಕ್ಕಾಗಿ ಕೊಡುಗೆ ನೀಡಲು ಪ್ರೇರೇಪಿಸಬಹುದು. ಇದರ ಕಡೆಗೆ ಗಮನಹರಿಸಿ.

ಮಕರ ರಾಶಿ; ಪ್ರೀತಿ ಎಂಬುದು ಅದ್ಭುತ ಶಕ್ತಿ

ಪ್ರೀತಿಯು ವಿಚಿತ್ರವಾದುದು. ಅನಿರೀಕ್ಷಿತ ಶಕ್ತಿ ಕೇಂದ್ರವೂ ಹೌದು. ಆದ್ದರಿಂದ, ಯಾವುದೋ ಸಭೆ ಸಮಾರಂಭಗಳಿಗೆ ದಿಢೀರ್ ಹೋಗಬೇಕಾಗಿ ಬಂದರೆ ಹಿಂದೆ ಸರಿಯಬೇಡಿ. ಅಲ್ಲಿ ಅಸಾಮಾನ್ಯ ಸಂಬಂಧಗಳು ಕುದುರಬಹುದು. ಮತ್ತೆ ಪುಟಿದೇಳುವ ಮತ್ತು ದಾಪುಗಾಲಿನಲ್ಲಿ ಬದಲಾವಣೆಯನ್ನು ಸ್ವೀಕರಿಸುವ ನಿಮ್ಮ ಸಾಮರ್ಥ್ಯವು ಕೆಲವರ ಗಮನಸೆಳೆಯಬಹುದು. ಅಂತೆಯೇ ನಿಮ್ಮತ್ತ ಯಾರಾದರೂ ಆಕರ್ಷಿತರಾಗಬಹುದು. ಪ್ರತಿ ಅಡೆತಡೆಯು ನಿಜವಾದ ಪ್ರೀತಿಯ ಹಾದಿಯಲ್ಲಿ ಮತ್ತೊಂದು ಸಾಧನೆಯಾಗಿದೆ ಎಂದು ನೆನಪಿಸಿಕೊಳ್ಳುವುದು ಮುಖ್ಯವಾಗಿದೆ. ನಿಮ್ಮ ಮೇಲೆ ನಂಬಿಕೆ ಇಡಿ.

ಕುಂಭ ರಾಶಿ; ನಿಮ್ಮನ್ನು ನೀವು ಪ್ರೀತಿಸಿ, ಮಾತನಾಡಿ

ನಿಮಗಾಗಿ ಮಾತನಾಡುವ ಮೊದಲು ಸತ್ಯ ಹೇಳುವ ಸಮಯ ಇದು. ನೀವು ಮುಕ್ತವಾಗಿ ಮಾತನಾಡಲು ಮತ್ತು ಪ್ರಾಮಾಣಿಕವಾಗಿರಲು ನಿರ್ಧರಿಸಿದರೆ, ನೀವು ನಂಬಿಕೆಯನ್ನು ಉಳಿಸಲು ಮತ್ತು ಸಂಬಂಧವನ್ನು ಬಲಪಡಿಸಲು ಸಾಧ್ಯವಾಗುತ್ತದೆ. ಇದು ನಿಮ್ಮ ಸಂಬಂಧದಲ್ಲಿ ನಿಮ್ಮನ್ನು ಹೆಚ್ಚು ವ್ಯಕ್ತಪಡಿಸುವ ದಿನವಾಗಿದೆ. ಇದು ನಿಮ್ಮಿಬ್ಬರಿಗೂ ಆರೋಗ್ಯಕರ, ಆಳವಾದ ಸಂಪರ್ಕವನ್ನು ಹೊಂದಲು ಸಾಧ್ಯವಾಗಿಸುತ್ತದೆ. ಪ್ರತಿಬಂಧಗಳನ್ನು ಬಿಡಿ ಮತ್ತು ನಿಮ್ಮ ವ್ಯವಹಾರಗಳಲ್ಲಿ ಪಾರದರ್ಶಕವಾಗಿರಿ.

ಮೀನ ರಾಶಿ; ಗೊಂದಲಗಳ ನಡುವೆ ರಿಲೇಶನ್‌ಶಿಪ್‌ಗೆ ಆದ್ಯತೆ ಇರಲಿ

ನಿಮ್ಮಲ್ಲಿ ಗೊಂದಲಗಳು ಇದ್ದರೂ, ರಿಲೇಶನ್‌ಶಿಪ್‌ಗೆ ಆದ್ಯತೆ ನೀಡಬೇಕಾದ್ದು ಇಂದಿನ ಅಗತ್ಯ. ಮನೆಕೆಲಸಗಳು ಬಹಳಷ್ಟು ಉಳಿದಿದ್ದು, ಅವುಗಳನ್ನು ಒಂದೊಂದಾಗಿ ನಿರ್ವಹಿಸುವುದು ಪ್ರೀತಿಯನ್ನು ತೋರಿಸುವ ಇನ್ನೊಂದು ಮಾರ್ಗವಾಗಿದೆ ಎಂಬುದನ್ನು ಮರೆಯಬೇಡಿ. ಪ್ರಣಯದ ವಿನೋದವನ್ನು ಅತ್ಯಂತ ಸಾಮಾನ್ಯ ಕಾರ್ಯಗಳಲ್ಲಿ ಅಳವಡಿಸಲು ಕಲಿಯಿರಿ. ದಿನಚರಿಯನ್ನು ನಿಕಟ ಅವಕಾಶಗಳ ಸರಣಿಯನ್ನಾಗಿ ಮಾಡಿ. ದೈನಂದಿನ ಚಟುವಟಿಕೆಗಳನ್ನು ಆನಂದಿಸಿ. ತಂಡವಾಗಿ ಕೆಲಸ ಮಾಡಲು ಮೋಜಿನ ಮಾರ್ಗಗಳನ್ನು ಪರಿಗಣಿಸಿ.

ಗಮನಿಸಿ: ಇದು ವೈದಿಕ ಜ್ಯೋತಿಷ್ಯದ ಪದ್ಧತಿಯಲ್ಲಿ ಗೋಚಾರ ಆಧರಿಸಿದ ಬರಹ. ನಿಖರ ವಿವರ ಮತ್ತು ಸಮರ್ಪಕ ಪರಿಹಾರಗಳಿಗಾಗಿ ಓದುಗರು ತಮ್ಮ ಜನ್ಮಜಾತಕವನ್ನು ಸಹ ಪರಿಗಣಿಸಬೇಕು. ನಿಮ್ಮ ಕುಲಗುರುಗಳು ಅಥವಾ ಜ್ಯೋತಿಷಿಗಳ ಸಲಹೆ ಪಡೆಯಬೇಕು. ಇದು ನಂಬಿಕೆ ಮತ್ತು ಶಾಸ್ತ್ರವನ್ನು ಆಧರಿಸಿದ ಬರಹ. ಇದರಲ್ಲಿರುವ ಎಲ್ಲ ಅಂಶಗಳನ್ನೂ "ಹಿಂದೂಸ್ತಾನ್ ಟೈಮ್ಸ್ ಕನ್ನಡ" ಪುಷ್ಟೀಕರಿಸುವುದಿಲ್ಲ. ನಿಮ್ಮ ಸ್ವಂತ ವಿವೇಚನೆ ಬಳಸಿ ನಿರ್ಧಾರಗಳನ್ನು ತೆಗೆದುಕೊಳ್ಳಿ.

ದೇವಾಲಯಗಳು, ಅಧ್ಯಾತ್ಮ,ದಿನ ಭವಿಷ್ಯ, ಗ್ರಹಗಳ ಸಂಚಾರ,ವಾಸ್ತು ಶಾಸ್ತ್ರ, ಪೂಜಾ ವಿಧಾನ, ವ್ರತ ವಿಧಾನ,ಹಬ್ಬ,ಸಂಸ್ಕೃತಿ,ಭಗವದ್ಗೀತೆ ಸೇರಿದಂತೆ ಜ್ಯೋತಿಷ್ಯಕ್ಕೆ ಸಂಬಂಧಿಸಿದ ಸಮಗ್ರ ಮಾಹಿತಿಗಾಗಿ'ಹಿಂದೂಸ್ತಾನ್ ಟೈಮ್ಸ್ ಕನ್ನಡ' ರಾಶಿ ಭವಿಷ್ಯವಿಭಾಗ ನೋಡಿ.