BBK 10: ರಕ್ಕಸರ ಆರ್ಭಟ, ನಿಗಿ ನಿಗಿ ಕೆಂಡದಂತಾಯ್ತು ಬಿಗ್ ಬಾಸ್ ಮನೆ! ‘ರಾಕ್ಷಸ’ ವಿನಯ್ ನಡೆಗೆ ಹರಿದು ಬಂದವು ಟೀಕೆಗಳ ಮಹಾಪೂರ
ಬಿಗ್ ಬಾಸ್ ಮನೆಯಲ್ಲಿ ರಕ್ಕಸರ ಅಟ್ಟಹಾಸಕ್ಕೆ ಗಂಧರ್ವರು ಅಕ್ಷರಶಃ ನಲುಗಿದ್ದಾರೆ. ಈ ನಡುವೆ ಎಂದಿನಂತೆ ವಿನಯ್ ಮತ್ತು ಕಾರ್ತಿಕ್ ನಡುವೆ ಮಾತಿನ ಕಾಳಗವೂ ನಡೆದಿದೆ.
BBK 10: ಕನ್ನಡದ ಬಿಗ್‌ಬಾಸ್‌ ಸೀಸನ್‌ 10ರಲ್ಲಿ ಎಲ್ಲವೂ ಅತಿಯಾಗುತ್ತಿದೆ. ಒಳ್ಳೆಯ ವಿಚಾರಕ್ಕೆ ಹೆಚ್ಚು ಸದ್ದು ಮಾಡದ ಈ ಬಾರಿಯ ಬಿಗ್ ಬಾಸ್ ಶೋ, ಕಿತ್ತಾಟ, ಜಗಳದ ಮೂಲಕವೇ ಸಾಕಷ್ಟು ನೆಗೆಟಿವ್ ಪ್ರತಿಕ್ರಿಯೆ ಗಿಟ್ಟಿಸಿಕೊಳ್ಳುತ್ತಿದೆ. ಮನೆಯ ಮಂದಿಯ ವರ್ತನೆ ಅಕ್ಷರಶಃ ಭಯ ಹುಟ್ಟಿಸುವಂತೆ ಮಾಡುತ್ತಿದೆ. ಅದರಲ್ಲೂ ವಿನಯ್ ಗೌಡ ಅವರ ಅತಿರೇಕದ ವರ್ತನೆ ವೀಕ್ಷಕರಿಗೂ ಕಿರಿಕಿರಿ ಉಂಟು ಮಾಡುತ್ತಿದೆ. ಈ ಹಿಂದೆಯೂ ವಿನಯ್ ಅವರ ಅಬ್ಬರದ ಮಾತುಗಳು ಕೇವಲ ಬಿಗ್ ಬಾಸ್ ಸ್ಪರ್ಧಿಗಳಿಗಷ್ಟೇ ಅಲ್ಲದೆ ನೋಡುಗರಿಗೂ ಅಸಹ್ಯ ಹುಟ್ಟಿಸಿದ್ದವು. ಇದೀಗ ಅದು ಮತ್ತೊಮ್ಮೆ ಪುನರಾವರ್ತನೆ ಆಗಿದೆ.
ಬಿಗ್ ಬಾಸ್ ಮನೆಯಲ್ಲೀಗ, ಬಿಗ್ ಬಾಸ್ ಲೋಕ ತೆರೆದುಕೊಂಡಿದೆ. ರಕ್ಕಸರು, ಗಂಧರ್ವರು ಎಂಬ ಎರಡು ತಂಡಗಳು ಟಾಸ್ಕ್‌ನಲ್ಲಿ ಮುಂದುವರಿದಿವೆ. ಮೊದಲ ದಿನ ರಕ್ಕಸರಾಗಿದ್ದ ಸಂಗೀತ ತಂಡ, ಗಂಧರ್ವರಾಗಿದ್ದ ವರ್ತೂರು ಸಂತೋಷ್ ಅವರಿದ್ದ ತಂಡದ ಮೇಲೆ ಹೀನವಾಗಿಯೇ ರಕ್ಕಸ ಬುದ್ಧಿ ತೋರಿತ್ತು. ಆಗ ಗಂಧರ್ವರಾಗಿದ್ದ ತಂಡವೂ ಅಷ್ಟೇ ನೋವು ಅನುಭವಿಸಿತ್ತು. ನಿನ್ನೆ ಎರಡನೇ ದಿನದಂದು ರಕ್ಕಸರಾಗಿದ್ದ ಸಂಗೀತಾ ತಂಡ, ಗಂಧರ್ವರಾಗಿದ್ದಾರೆ. ಮೊದಲ ದಿನ ರಕ್ಕಸರಿಂದ ಕಿರುಕುಳ ಅಪಮಾನ ಅನುಭವಿಸಿದ್ದ ವರ್ತೂರು ಸಂತೋಷ್ ತಂಡ, ದುಪ್ಪಟ್ಟು ರೋಷದೊಂದಿಗೆ ರಕ್ಕಸರಾಗಿ ಗಂಧರ್ವರ ಮೇಲೆ ದಾಳಿ ಮಾಡುತ್ತಿದೆ.
ವಿನಯ್ ರಕ್ಕಸ ಬುದ್ಧಿ
ಬಿಗ್‌ಬಾಸ್‌ ಮನೆಯಲ್ಲಿ ವಿನಯ್, ಸಂಗೀತಾ ಮತ್ತು ಕಾರ್ತಿಕ್ ನಡುವೆ ಮೊದಲಿಂದಲೂ ಮುನಿಸು ಇದ್ದೇ ಇದೆ. ಟಾಸ್ಕ್ ವಿಚಾರವಾಗಿರಲಿ, ಬಿಗ್ ಮನೆಯ ಯಾವುದೋ ವಿಚಾರವಾಗಿರಲಿ. ಆಗಾಗ ಈ ಮೂವರ ನಡುವೆ ಮಾತಿನ ಕಾಳಗ ನಡೆಯುತ್ತಲೇ ಇರುತ್ತದೆ. ಟಾಸ್ಕ್‌ನಲ್ಲಂತೂ ಒಂದು ಹೆಜ್ಜೆ ಮುಂದೆ ಹೋಗಿ ಬಡಿದಾಡಿಕೊಂಡ ಉದಾಹರಣೆಗಳೂ ಇವೆ. ಇದೀಗ ರಕ್ಕಸರಾಗಿ ಬದಲಾದ ವಿನಯ್, ಕಾರ್ತಿಕ್ ಮತ್ತು ಸಂಗೀತಾ ಮೇಲೆ ಅದೇ ರಕ್ಕಸ ಬುದ್ಧಿಯನ್ನು ತೋರುತ್ತಿದ್ದಾರೆ. ಅದ್ಯಾವ ಮಟ್ಟಿಗೆ ಎಂದರೆ, ಸಂಗೀತ ತಂಡ ಅಕ್ಷರಶಃ ಇವರ ಉಪಟಳಕ್ಕೆ ನಲುಗಿ ಹೋಗಿದೆ.
‘ಚೇರ್‌ ಆಫ್ ಥಾರ್ನ್ಸ್‌’ ಟಾಸ್ಕ್‌ನಲ್ಲಿ ವಿನಯ್ ಮತ್ತು ಕಾರ್ತಿಕ್ ನಡುವೆ ವಾಕ್ಸಮರವೇ ನಡೆಯಿತು. ತಾನು ಹೇಳಿದಂತೆ ಕೇಳಬೇಕು ಎಂಬ ರಾಕ್ಷಸ ವಿನಯ್ ನಡೆಗೆ ಕಾರ್ತಿಕ್ ಸಹ ಸಾಥ್‌ ನೀಡುತ್ತಿದ್ದರು. ಇದೇ ವೇಳೆ ಚಪಾತಿ ಹಿಟ್ಟನ್ನು ಮುಖಕ್ಕೆ ರಭಸವಾಗಿ ಎಸೆದ ಎಂಬ ಕಾರಣಕ್ಕೆ ಕಾರ್ತಿಕ್‌ಗೂ ಕೋಪ ನೆತ್ತಿಗೇರಿತು. ಇದರಿಂದ ತಮ್ಮದೇ ಚಪ್ಪಲಿ ತೆಗೆದು ನೆಲಕ್ಕೆ ಎಸೆದರು. ಕಾಕತಾಳೀಯ ಎಂಬಂತೆ ಅದು ವಿನಯ್ ಕಾಲಿಗೆ ತಾಗಿತು. ಇದೇ ವಿಚಾರವನ್ನು ಏರು ಧ್ವನಿಯಲ್ಲಿ ಕೂಗಾಡಿ, ನಾನು ಇಲ್ಲಿ ಇರಲ್ಲ, ಮನೆಯಿಂದ ಹೊರಡುತ್ತೇನೆ ಎಂದರು.
’ನನಗೆ ಚಪ್ಪಲಿಯಲ್ಲಿ ಹೊಡಿತೀಯಾ? ಇವನ ಹತ್ತಿರ ಚಪ್ಪಲಿಯಲ್ಲಿ ಹೊಡೆಸಿಕೊಂಡು ನಾನಿಲ್ಲಿ ಇರಬೇಕಾ? ನಾನಿಲ್ಲಿ ಇರೋಲ್ಲ. ಆಚೆ ಹೋಗ್ಬೇಕು ಎಂದು ಬಟ್ಟೆ ಪ್ಯಾಕ್‌ ಮಾಡಿಕೊಂಡಿದ್ದರು ವಿನಯ್. ಈ ನಡುವೆ ಕಾರ್ತಿಕ್‌ಗೆ ಬೋಡಾ, ತಗಡು ಎಂದೆಲ್ಲ ವಿನಯ್ ನಿಂದಿಸಿದ್ದಾರೆ. ಶೇವಿಂಗ್‌ ಫೋಮ್‌ ಬಳಸಿ ಕಾರ್ತಿಕ್, ಸಂಗೀತಾ ಮತ್ತು ಅವಿನಾಶ್‌ ಮುಖಕ್ಕೆ ಬಳಿದಿದ್ದಾರೆ. ರಾಕ್ಷಸರ ಈ ವರ್ತನೆಯಿಂದ ಬೇಸತ್ತ ಗಂಧರ್ವರು ಸುಸ್ತಾಗಿದ್ದಾರೆ.
ವಿನಯ್ ಆಟಕ್ಕೆ ವೀಕ್ಷಕ ಕೆಂಡ
- ಇವನಿಗೆ ಅಷ್ಟು ನ.. ಇಲ್ಲಾ ಬಿಡಿ ಬರೇ ಖಾಲಿ ಪಲಾವ್ ಇವ
- ಬರೀ ಬಳೆ ವಿಚಾರಕ್ಕೆ ಬೆವರಿದ್ದಾಲ್ಲೋ..
- ಬೇರೆಯವರು ಬಳೆ ಹಾಕೊಂಡು ಇದಾರೆ ಅನ್ಸುತ್ತೆ ಮೊದಲು ಆಹಾ ಹುಚ್ಚ ನಾ ಆಚೇಕಡೆ ಹಾಕಿ ಅವನೇನೋ ದೊಡ್ಡ ರೌಡಿ ಅಂತ ಅನ್ಕೊಂಡ ಇದಾನೆ 35 ಕಂಪನಿ ಓನರ್ ಬೇರೆ ಹೇಳ್ತಾನೆ
- ಜೊತೆಲಿ ಇಡೀ ಕರ್ನಾಟಕ ಹೇಳಿರೋ ಚಮಚಗಳಾದ ನಮ್ರತ ಸ್ನೇಹಿತ್ ನು ಕರ್ಕೊಂಡು ಹೋಗು.. ಬಿಗ್ ಬಾಸ್ ಮನೆಯಲ್ಲಿ ನೀವು ಮೂರು ಜನ ಕೂತ್ಕೊಂಡು ಬೇರೆ ವ್ಯಕ್ತಿಗಳ ಬಗ್ಗೆ ನೆಗೆಟಿವ್ ಆಗಿ ಮಾತಾಡೋದೇ ನಿಮಗೊಂದು ಟಾಸ್ಕ್ ಆಗೋಗಿದೆ.. ಹಾಗಾಗಿ ಬೇಗ ಬೇಗ ಬ್ಯಾಗ್‌ ತಗೊಂಡು ಹೋಗಿ
- ಅವನು ಹೇಗಾದ್ರೂ ಮಾಡಿ ಸಂಗೀತಾ ಕಾರ್ತಿಕ್ ನ ಕೆಟ್ಟವರಾಗಿ ತೋರಿಸೋಕೆ ಏನೆಲ್ಲಾ ಡ್ರಾಮಾ ಮಾಡ್ತಿದನೆ ಇವನು ಹೋಗೋದ ಚಾನ್ಸ್‌ ಇಲ್ಲ ಎಲ್ಲಾ ಬರಿ ಸಿಂಪತಿ ಗೋಸ್ಕರ ಡ್ರಾಮಾ
- ಹೋಗೋ ಹೋಗು... ಸಾಕಾಗಿದೆ ನಿನ್ ಹಾಗೂ ನಿನ್ ತಂಡದ ಸಲುವಾಗಿ... ಮನುಷ್ಯತ್ವ ಮರೆತು ನಿಂತಿದಿರ... ಬಿಗ್‌ಬಾಸ್‌ ನೋಡಬಾರದು ಅನ್ನೋ ತರ ಮಾಡಿ ಬಿಟ್ಟೀದಿರ
