Dunki box office: ಸಲಾರ್‌ ಮುಂದೆ ಮಂಕಾಯ್ತ ಡಂಕಿ; ಜಗತ್ತಿನಾದ್ಯಂತ ಶಾರೂಖ್‌ ಖಾನ್‌ ಸಿನಿಮಾದ ಗಳಿಕೆ ಇಷ್ಟಿದೆ ನೋಡಿ
Dunki worldwide box office collection day 5: ಸಲಾರ್‌ ಸಿನಿಮಾಕ್ಕಿಂತ ಒಂದು ದಿನ ಮೊದಲೇ ಜಗತ್ತಿನಾದ್ಯಂತ ಬಿಡುಗಡೆಯಾಗಿದ್ದ ಶಾರೂಖ್‌ ಖಾನ್‌ ನಟನೆಯ ಡಂಕಿ ಸಿನಿಮಾವು ಜಗತ್ತಿನಾದ್ಯಂತ ಗಳಿಕೆ ಮುಂದುವರೆಸಿದೆ. ಕಳೆದ ಐದು ದಿನಗಳಲ್ಲಿ ಡಂಕಿ ಒಟ್ಟು 256 ಕೋಟಿ ಗಳಿಕೆ ಮಾಡಿದೆ.
Dunki worldwide box office collection day 5: ಶಾರೂಖ್‌ ಖಾನ್‌ ಮತ್ತು ತಾಪ್ಸೆ ಪನ್ನು ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಡಂಕಿ ಸಿನಿಮಾವು ಕಳೆದ ಗುರುವಾರ ಜಗತ್ತಿನಾದ್ಯಂತ ಬಿಡುಗಡೆಯಾಗಿತ್ತು. ರಾಜ್‌ಕುಮಾರ್‌ ಹಿರಾನಿ ನಿರ್ದೇಶನದ ಈ ಸಿನಿಮಾವು ಜಗತ್ತಿನಾದ್ಯಂತ ಬಾಕ್ಸ್‌ ಆಫೀಸ್‌ನಲ್ಲಿ ಚೆನ್ನಾಗಿಯೇ ಗಳಿಕೆ ಮಾಡುತ್ತಿದೆ. ಸೋಮವಾರ ಈ ಸಿನಿಮಾ 200 ಕೋಟಿ ರೂಪಾಯಿ ಕ್ಲಬ್‌ಗೆ ಸೇರಿತ್ತು. ಇಲ್ಲಿಯವರೆಗೆ ಕಳೆದ ಐದು ದಿನಗಳಲ್ಲಿ ಒಟ್ಟು 256 ಕೋಟಿ ರೂಪಾಯಿ ಗಳಿಕೆ ಮಾಡಿತ್ತು.
ಡಂಕಿ ಸಿನಿಮಾದ ಬಾಕ್ಸ್‌ ಆಫೀಸ್‌ ಕಲೆಕ್ಷನ್‌
ಎಕ್ಸ್‌ ಸೋಷಿಯಲ್‌ ಮೀಡಿಯಾದಲ್ಲಿ ರೆಡ್‌ ಚಿಲ್ಲೀಸ್‌ ಎಂಟರ್‌ಟೇನ್‌ಮೆಂಟ್‌ ಸಂಸ್ಥೆಯು ಬಾಕ್ಸ್‌ ಆಫೀಸ್‌ ಕಲೆಕ್ಷನ್‌ ಮಾಹಿತಿ ನೀಡಿದೆ. "ಇದು ಸಂತೋಷದ ಸುದ್ದಿ. ಜಗತ್ತಿನಾದ್ಯಂತ ಬಾಕ್ಸ್‌ ಆಫೀಸ್‌ನಲ್ಲಿ 256.40 ಕೋಟಿ ರೂಪಾಯಿ ಗಳಕೆ ಮಾಡಿದ್ದೇವೆ" ಎಂದು ಟ್ವೀಟ್‌ ಮಾಡಲಾಗಿದೆ. "ಇದು ಪ್ರೀತಿಯ ಕಥೆ. ಇದೇ ಕಾರಣಕ್ಕೆ ನೀವೆಲ್ಲ ಇಷ್ಟು ಪ್ರೀತಿ ತೋರುತ್ತಿದ್ದೀರಿ" ಎಂದು ಟ್ವೀಟ್‌ ಮಾಡಲಾಗಿದೆ.
ಜಗತ್ತಿನಾದ್ಯಂತ ಡಂಕಿ ಸಿನಿಮಾವು 256 ಕೋಟಿ ರೂಪಾಯಿ ಗಳಿಕೆ ಮಾಡಿದೆ. ಇದರಲ್ಲಿ ಭಾರತದ ಗಳಿಕೆ 130 ಕೋಟಿ ರೂಪಾಯಿ ಇದೆ. ಆದರೆ, ಸಲಾರ್‌ ಸಿನಿಮಾ ಈಗಾಗಲೇ ಭಾರತದಲ್ಲಿ 256 ಕೋಟಿ ರೂಪಾಯಿ ಗಳಿಕೆ ಮಾಡಿದೆ. ಡಂಕಿ ಸಿನಿಮಾವು ಕಳೆದ ಗುರುವಾರ ಬಿಡುಗಡೆಯಾದ ದಿನದಂದು 30 ಕೋಟಿ ರೂಪಾಯಿ ಗಳಿಕೆ ಮಾಡಿತ್ತು.
ಮೊದಲ ದಿನ ಈ ಸಿನಿಮಾದ ಕುರಿತು ಹೆಚ್ಚಿನ ನಿರೀಕ್ಷೆ ಇತ್ತು. ಎಲ್ಲಾದರೂ ಗುರುವಾರವೇ ಈ ಸಿನಿಮಾ ಸೂಪರ್‌ ಎಂಬ ಅಭಿಪ್ರಾಯ ಗಳಿಸುತ್ತಿದ್ದರೆ. ಶುಕ್ರವಾರ, ಶನಿವಾರ, ಭಾನುವಾರ ಭರ್ಜರಿ ಗಳಿಕೆ ಮಾಡುತ್ತಿತ್ತು. ಮೊದಲ ದಿನ ಡಂಕಿ 30 ಕೋಟಿ ರೂಪಾಯಿ ಗಳಿಕೆ ಮಾಡಿತ್ತು. ಶಾರೂಖ್‌ ಖಾನ್‌ ನಟನೆಯ ಈ ವರ್ಷದ ಜವಾನ್‌ ಮತ್ತು ಪಠಾಣ್‌ಗಿಂತ ಮೊದಲ ದಿನದ ಆದಾಯ ಕಡಿಮೆಯಾಗಿತ್ತು.
ಶಾರೂಖ್‌ ಖಾನ್‌ ನಟನೆಯ ಡಂಕಿ ಸಿನಿಮಾವು ಬಿಡುಗಡೆಯಾದ ಬಳಿಕ ಮಿಶ್ರ ಪ್ರತಿಕ್ರಿಯೆ ಪಡೆದುಕೊಂಡಿತ್ತು. ಇದು ಶಾರೂಕ್‌ ನಟನೆಯ ಈ ವರ್ಷದ ಮೂರನೇ ಸಿನಿಮಾ. ಈ ಸಿನಿಮಾ ಪ್ರಭಾಸ್‌ ನಟನೆಯ ಸಲಾರ್‌ಗೆ ನೇರ ಪ್ರತಿಸ್ಪರ್ಧಿ ಎನ್ನಲಾಗಿತ್ತು. ಆದರೆ, ಮೊದಲ ದಿನ ಸಿನಿಮಾ ನೋಡಿದ ಜನರು ಈ ಸಿನಿಮಾ ಬೋರಿಂಗ್‌, ಚೆನ್ನಾಗಿಲ್ಲ, ಓಕೆ ಎಂದೆಲ್ಲ ಅಭಿಪ್ರಾಯಪಟ್ಟಿದ್ದರಿಂದ ಡಂಕಿ ಸಲಾರ್‌ ಮುಂದೆ ಮಂಕಾಗಿತ್ತು.
ನಿರ್ದೇಶಕ ರಾಜ್‌ಕುಮಾರ್‌ ಹಿರಾನಿ ನಿರ್ದೇಶನದ ಈ ಚಿತ್ರದ ಕುರಿತು ನಿರೀಕ್ಷೆ ಹೆಚ್ಚಾಗಿತ್ತು. ಏಕೆಂದರೆ, ಹಿರಾನಿ ಅವರು ಮುನ್ನಾ ಭಾಯ್‌ ಎಂಬಿಬಿಎಸ್‌, ಸಂಜುನಂತಹ ಅದ್ಭುತ ಸಿನಿಮಾಗಳನ್ನು ಮಾಡಿದ್ದರು. ಸುಮಾರು 120 ಕೋಟಿ ಬಜೆಟ್‌ನಲ್ಲಿ ನಿರ್ಮಾಣವಾದ ಈ ಚಿತ್ರ ಈಗಾಗಲೇ ಇದಕ್ಕಿಂತ ಹೆಚ್ಚು ಮೊತ್ತವನ್ನು ಗಳಿಸಿಯಾಗಿದೆ. ಆದರೆ, ಶಾರೂಖ್‌ ಖಾನ್‌ ಸಿನಿಮಾಗಳು ಹಾಕಿದ ದುಡ್ಡಿಗಿಂತ ಹತ್ತು ಹಲವು ಪಟ್ಟು ಹೆಚ್ಚು ಗಳಿಕೆ ಮಾಡುತ್ತವೆ.
