Kriti Sanon: 33ನೇ ಬರ್ತ್‌ಡೇ ಸಂಭ್ರಮದಲ್ಲಿ ಕೃತಿ ಸನೊನ್:ಸ್ವಂತ ನಿರ್ಮಾಣದ ಸಿನಿಮಾ ಜೊತೆಗೆ 6 ಚಿತ್ರಗಳಲ್ಲಿ ಬ್ಯುಸಿ ಇರುವ ಆದಿಪುರುಷ್‌ ನಟಿ
ಕೃತಿ ಸನೊನ್, ಬ್ಲೂ ಬಟರ್‌ಫ್ಲೈ ಫಿಲ್ಮ್ಸ್‌ ಎಂಬ ತಮ್ಮ ಹೊಸ ಪ್ರೊಡಕ್ಷನ್‌ ಹೌಸ್‌ ಆರಂಭಿಸಿದ್ದಾರೆ. ಈ ಸಂಸ್ಥೆ ಮೂಲಕ ದೋ ಪತ್ತಿ ಎಂಬ ಸಿನಿಮಾ ನಿರ್ಮಿಸುತ್ತಿದ್ದು ನಟಿಸುತ್ತಿದ್ದಾರೆ.
ಬಾಲಿವುಡ್ ನಟಿ ಕೃತಿ ಸನೊನ್ 33ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಅಭಿಮಾನಿಗಳು ಸ್ನೇಹಿತರು, ಸಿನಿಮಾ ಗಣ್ಯರು ಕೃತಿಗೆ ಹುಟ್ಟುಹಬ್ಬದ ಶುಭಾಶಯ ಕೋರುತ್ತಿದ್ದಾರೆ. ದೆಹಲಿಗೆ ಸೇರಿಸಿ ಕೃತಿ ಸನೊನ್ 2014ರಲ್ಲಿ 'ನೇನೊಕ್ಕಡೆನೆ' ತೆಲುಗು ಸಿನಿಮಾ ಮೂಲಕ ಬಣ್ಣದ ಬದುಕು ಆರಂಭಿಸಿದರು. ಈಗ ಬಾಲಿವುಡ್‌ನ ಬೇಡಿಕೆ ನಟಿಯರಲ್ಲಿ ಕೃತಿ ಕೂಡಾ ಒಬ್ಬರು.
ಕೃತಿ ಸನೊನ್ ಇತ್ತೀಚೆಗೆ 'ಆದಿಪುರುಷ್‌' ಚಿತ್ರದಲ್ಲಿ ಸೀತೆ ಪಾತ್ರದಲ್ಲಿ ಮಿಂಚಿದ್ದರು. ಸಿನಿಮಾ ಸಾಕಷ್ಟು ಅಡೆತಡೆಗಳನ್ನು ಎದುರಿಸಿದರೂ ಕೃತಿ ಪಾತ್ರಕ್ಕೆ ಮೆಚ್ಚುಗೆ ವ್ಯಕ್ತವಾಗಿತ್ತು. ಸಿನಿಮಾಗೆ ಬರುವ ಮುನ್ನ ಕೃತಿ ಕ್ಲೋಸ್‌ ಅಪ್‌, ವಿವೆಲ್‌, ಸ್ಯಾಮ್‌ಸಂಗ್‌, ಬಾಟಾ, ಅಮುಲ್‌ ಸೇರಿದಂತೆ ಅನೇಕ ಜಾಹೀರಾತುಗಳಲ್ಲಿ ಕೂಡಾ ನಟಿಸಿದ್ದಾರೆ. ಸೂಪರ್‌ ಸ್ಟಾರ್‌ ಮಹೇಶ್‌ ಬಾಬು ಜೊತೆ ಸಿನಿಮಾ ಪಯಣ ಆರಂಭಿಸಿದ ಕೃತಿ ಬಾಲಿವುಡ್ ಸ್ಟಾರ್‌ ನಟರೊಂದಿಗೆ ಕೂಡಾ ತೆರೆ ಹಂಚಿಕೊಂಡಿದ್ದಾರೆ.
ಕೃತಿ ಬಾಲಿವುಡ್‌ಗೆ ಬಂದಿದ್ದು ಹೀರೋಪಂತಿ ಸಿನಿಮಾ ಮೂಲಕ. ಈ ಚಿತ್ರದಲ್ಲಿ ಕೃತಿ, ಟೈಗರ್‌ ಶ್ರಾಫ್‌ ಜೊತೆ ತೆರೆ ಹಂಚಿಕೊಂಡಿದ್ದರು. ಈ ಸಿನಿಮಾ ನಟನೆಗಾಗಿ ಕೃತಿಗೆ ಬೆಸ್ಟ್‌ ಆಕ್ಟ್ರಸ್‌ ಪ್ರಶಸ್ತಿ ದೊರೆತಿತ್ತು.
ಇತ್ತೀಚೆಗೆ ಭೇಡಿಯಾ, ಶೆಹಜಾದ, ಆದಿಪುರುಷ್‌ ಸಿನಿಮಾಗಳಲ್ಲಿ ನಟಿಸಿದ್ದ ಕೃತಿ ಕೈಯಲ್ಲಿ ಈಗ 6 ಸಿನಿಮಾಗಳಿವೆ.
ಗಣಪತ್‌ 1
ಈ ಚಿತ್ರವನ್ನು ವಿಕಾಶ್‌ ಬಹಲ್‌ ನಿರ್ದೇಶಿಸುತ್ತಿದ್ದಾರೆ. ಇದೊಂದು ಆಕ್ಷನ್‌ ಸಿನಿಮಾವಾಗಿದ್ದು ಹೀರೋಪಂತಿ ನಟ ಟೈಗರ್‌ ಶ್ರಾಫ್‌ ಜೊತೆ ಕೃತಿ ಮತ್ತೊಮ್ಮೆ ಈ ಚಿತ್ರದಲ್ಲಿ ತೆರೆ ಹಂಚಿಕೊಳ್ಳುತ್ತಿದ್ದಾರೆ.
ದಿ ಕ್ಯ್ರೂ
ಏರ್‌ಲೈನ್‌ ಉದ್ಯಮದಲ್ಲಿ ಕೆಲಸ ಮಾಡುವ ಮಹಿಳೆಯರ ಮೇಲೆ ಸುತ್ತುವ ಕಥೆ ಇದ್ದಾಗಿದ್ದು ಈ ಚಿತ್ರದಲ್ಲಿ ಕೃತಿ ಜೊತೆಗೆ ಕರೀಣಾ ಕಪೂರ್‌, ಟಬು , ದಿಲ್ಜಿತ್‌ ದೋಸಾಂಜ್‌ ಹಾಗೂ ಇನ್ನಿತರರು ನಟಿಸಿದ್ದಾರೆ. ಕಷ್ಟಪಟ್ಟು ದುಡಿಯುವ ಮೂವರು ಮಹಿಳೆಯರು ಜೀವನದಲ್ಲಿ ಏನೆಲ್ಲಾ ಸಮಸ್ಯೆಗಳು ಸವಾಲುಗಳನ್ನು ಎದುರಿಸುತ್ತಾರೆ ಎಂಬುದನ್ನು ಈ ಚಿತ್ರದಲ್ಲಿ ತೋರಿಸಲಾಗಿದೆ.
ದೋ ಪತ್ತಿ
ಕೃತಿ ಸನೊನ್, ಬ್ಲೂ ಬಟರ್‌ಫ್ಲೈ ಫಿಲ್ಮ್ಸ್‌ ಎಂಬ ತಮ್ಮ ಹೊಸ ಪ್ರೊಡಕ್ಷನ್‌ ಹೌಸ್‌ ಆರಂಭಿಸಿದ್ದಾರೆ. ಈ ಸಂಸ್ಥೆ ಮೂಲಕ ನಿರ್ಮಾಣವಾಗುತ್ತಿರುವ ಮೊದಲ ಸಿನಿಮಾ ದೋ ಪತ್ತಿ. ಚಿತ್ರದಲ್ಲಿ ಕೃತಿ ಜೊತೆಗೆ ಕಾಜೊಲ್‌ ಕೂಡಾ ನಟಿಸುತ್ತಿದ್ದಾರೆ.
ಹೌಸ್‌ಫುಲ್‌ 5
ನಟ ಅಕ್ಷಯ್‌ ಕುಮಾರ್‌ ಇತ್ತೀಚೆಗೆ ಹೌಸ್‌ಫುಲ್‌ 5 ಚಿತ್ರವನ್ನು ಅನೌನ್ಸ್‌ ಮಾಡಿದ್ದರು. ಈ ಕಾಮಿಡಿ ಚಿತ್ರವನ್ನು ತರುಣ್‌ ಮನುಸುಖಾನಿ ನಿರ್ದೇಶಿಸಲಿದ್ದು ಮುಂದಿನ ವರ್ಷ ದೀಪಾವಳಿಗೆ ಸಿನಿಮಾ ತೆರೆಗೆ ಅಪ್ಪಳಿಸಲಿದೆ. ಅಕ್ಷಯ್‌ ಕುಮಾರ್‌ ಜೊತೆಗೆ ಜಾನ್‌ ಅಬ್ರಾಹಮ್‌, ಪೂಜಾ ಹೆಗ್ಡೆ, ಕೃತಿ ಸನನ್‌, ಸಂಜಯ್‌ ದತ್‌, ರಾಣಾ ದಗ್ಗುಬಾಟಿ, ಸೋನಾಕ್ಷಿ ಸಿನ್ಹಾ, ಜಾಕ್ವೆಲಿನ್‌ ಫರ್ನಾಂಡಿಸ್‌ ಹಾಗೂ ಇನ್ನಿತರರು ಈ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.
ಮೀನಾ ಕುಮಾರಿ ಬಯೋಪಿಕ್‌
ಬಾಲಿವುಡ್‌ನ ಖ್ಯಾತ ಹಿರಿಯ ನಟಿ ಮೀನಾ ಕುಮಾರಿ ಬಯೋಪಿಕ್‌ನಲ್ಲಿ ಕೃತಿ ನಟಿಸುತ್ತಿದ್ಧಾರೆ. ಮೀನಾ ಕುಮಾರಿ ಚಿತ್ರರಂಗದ ಟ್ರಾಜಿಡಿ ಕ್ವೀನ್‌ ಎಂದೇ ಹೆಸರಾಗಿದ್ದಾರೆ. ಈ ಚಿತ್ರವನ್ನು ಖ್ಯಾತ ಫ್ಯಾಷನ್‌ ಡಿಸೈನರ್‌ ಮನಿಷ್‌ ಮಲ್ಹೊತ್ರಾ ನಿರ್ದೇಶಿಸುತ್ತಿದ್ದಾರೆ.
ಶಾಹೀದ್‌ ಕಪೂರ್‌ ಜೊತೆ ಸಿನಿಮಾ
ಇದನ್ನು ಹೊರತುಪಡಿಸಿ ಹೆಸರಿಡದ ಮತ್ತೊಂದು ಚಿತ್ರದಲ್ಲಿ ಕೃತಿ ನಟಿಸುತ್ತಿದ್ಧಾರೆ. ಈ ಚಿತ್ರದಲ್ಲಿ ಕೃತಿಗೆ ಜೋಡಿಯಾಗಿ ಶಾಹೀದ್‌ ಕಪೂರ್‌ ನಟಿಸುತ್ತಿದ್ದಾರೆ. ಚಿತ್ರವನ್ನು ಮ್ಯಾಡ್‌ ಡಾಕ್‌ ಫಿಲ್ಮ್ಸ್‌ ಬ್ಯಾನರ್‌ ನಿರ್ಮಿಸುತ್ತಿದೆ. ನಾಯಕನ ಜೀವನದಲ್ಲಿ ಹುಡುಗಿ ಬಂದಾಗ ಏನೆಲ್ಲಾ ತಿರುವು ಪಡೆಯುತ್ತದೆ ಎಂಬುದನ್ನು ಈ ಚಿತ್ರದಲ್ಲಿ ತೋರಿಸಲಾಗಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗೆ ಈ ಲಿಂಕ್‌ ಕ್ಲಿಕ್‌ ಮಾಡಿ
