Seetha Rama: ರಾಮನ ಜತೆಗಿದ್ದಾಗಲೇ ಸೀತಾಳ ಮನೆಗೆ ಪೊಲೀಸರ ಎಂಟ್ರಿ! ಸೀತಾಗೆ ತಿಳಿಯುತ್ತಾ ಶ್ರೀರಾಮನ ಅಸಲಿಯತ್ತು?
ಸೀತಾಳ ಆರೈಕೆಯಲ್ಲಿ ಮನೆಯವರನ್ನೇ ಮರೆತಿದ್ದಾನೆ ರಾಮ. ಶ್ರೀರಾಮ ಕಾಣಿಸುತ್ತಿಲ್ಲ ಎಂಬ ಭಯ ಸೂರ್ಯಪ್ರಕಾಶ್‌ಗೆ ಮೂಡಿದೆ. ಸೀತಾಳ ಮನೆಯಲ್ಲಿದ್ದಾಗಲೇ ರಾಮನನ್ನು ಹುಡುಕಿಕೊಂಡು ಪೊಲೀಸರ ಆಗಮನವಾಗಿದೆ. ರೋಚಕ ತಿರುವಿನತ್ತ ಸೀತಾ ರಾಮ.
Seetha Rama Serial 60th Episode: ಸಿಹಿ ಮತ್ತು ರಾಮನ ಬಾಂಡಿಂಗ್‌ ಮತ್ತಷ್ಟು ಗಟ್ಟಿಯಾಗಿದೆ. ನೀನು ನನಗೆ ಸಿಕ್ಕಿದ್ದೇ ಸ್ಪೇಷಲ್ ಎಂದಿದ್ದಾಳೆ ಸಿಹಿ. ರಾಮನ ಜತೆ ಸೇರಿ ಉಪ್ಪಿಟ್ಟು ಮಾಡಿದ್ಲು, ದೇವರಿಗೆ ದೀಪ ಹಚ್ಚಿದ್ಲು, ಇಬ್ಬರೂ ಡ್ರಾಯಿಂಗ್‌ ಬಿಡಿಸಿದ್ರು. ಒಟ್ಟಿನಲ್ಲಿ ಸಿಹಿ ಮನಸ್ಸು ಖುಷಿಯಲ್ಲಿದೆ. ನಿನ್ನ ಜತೆ ಇರೋದು ನನಗೆ ತುಂಬ ಇಷ್ಟ. ನೀನು ತುಂಬ ಒಳ್ಳೆಯವನು ದೇವರ ಥರ, ಎಲ್ಲರಿಗಿಂತ ನೀನೇ ನನ್ನ ಬೆಸ್ಟ್‌ ಫ್ರೆಂಡ್‌ ಎಂದೂ ರಾಮನಿಗೆ ಹೇಳಿದ್ದಾಳೆ.
ಸೀತಾಳಿಗೆ ಜ್ವರ ಹೆಚ್ಚಾಗಿದೆ. ಮನೆಯಲ್ಲಿಯೇ ಮತ್ತೆ ತಲೆ ಸುತ್ತು ಬಂದು ಬಿದ್ದಿದ್ದಾಳೆ. ಆಂಬುಲೆನ್ಸ್‌ಗೆ ಕರೆ ಮಾಡಿದ್ದಾನೆ ರಾಮ. ಇತ್ತ ರಾಮ್ ಮನೆಯಲ್ಲಿ ಟೆನ್ಷನ್‌ ಶುರುವಾಗಿದೆ. ಇಷ್ಟೊತ್ತಾದರೂ, ರಾಮ್ ಮನೆಗೆ ಬಂದಿಲ್ಲವಲ್ಲ ಎಂಬುದು ಒಂದೆಡೆಯಾದರೆ, ಆಫೀಸ್‌ಗೂ ಆತ ಹೋಗದಿರುವುದು ತಾತ ಸೂರ್ಯ ಪ್ರಕಾಶನಿಗೆ ಕೋಪ ತರಿಸಿದೆ. ಇತ್ತ ಆಂಬುಲೆನ್ಸ್‌ಗೆ ತನಗೆ ಅರಿವಿಲ್ಲದೆ ಸೀತಾ ಮನೆಯ ವಿಳಾಸ ಕೊಡುವುದರ ಬದಲು, ತನ್ನ ಮನೆಯ ವಿಳಾಸ ಕೊಟ್ಟು ಸಂಕಷ್ಟಕ್ಕೆ ಸಿಲುಕಿದ್ದಾನೆ ರಾಮ್.
ರಾಮ್ ಮನೆಗೆ ಅಂಬುಲೆನ್ಸ್‌ ಕಡೆಯಿಂದ ಫೋನ್‌ ಹೋಗಿದೆ. ರಾಮ್‌ಗೆ ಏನಾಯಿತು ಅನ್ನೋ ಗಾಬರಿಯಲ್ಲಿದೆ ಇಡೀ ಕುಟುಂಬ. ಇತ್ತ ಭಾರ್ಗವಿ ವಿರುದ್ಧ ತಿರುಗಿ ಬಿದ್ದಿದ್ದಾನೆ ಮೈದುನ ಸತ್ಯ. ನಿನ್ನ ಆಟ ಇನ್ನೇನು ಶೀಘ್ರದಲ್ಲೇ ಬಹಿರಂಗವಾಗಲಿದೆ ಎಂದು ಭಾರ್ಗವಿಗೆ ಎಚ್ಚರಿಸಿದ್ದಾನೆ. ಇತ್ತ ಅಶೋಕ್‌ಗೆ ಫೋನ್‌ ಮಾಡಿದ ಭಾರ್ಗವಿ, ರಾಮ್ ಬಗ್ಗೆ ವಿಚಾರಿಸಿದ್ದಾಳೆ. ಆಫೀಸ್‌ನಲ್ಲೂ ಇಲ್ಲ ಮನೆಗೂ ಬಂದಿಲ್ಲ ಎಂದಿದ್ದಾಳೆ. ಇದಕ್ಕೆ ಉತ್ತರವಾಗಿ ರಾಮ್ ಸ್ವಲ್ಪ ತಡವಾಗಿ ಮನೆಗೆ ಬರ್ತಾನೆ ಎಂದಿದ್ದಾನೆ ಅಶೋಕ.
ಸಿಹಿ ಮಾತ್ರವಲ್ಲದೆ ಸೀತಾ ಮತ್ತು ರಾಮನ ನಡುವಿನ ಬಾಂಡಿಂಗ್‌ ಮತ್ತಷ್ಟು ಬಿಗಿಯಾಗುತ್ತಿದೆ. ಸಿಹಿಗೂ ರಾಮನ ಜತೆಗೇ ಕಾಲ ಕಳೆಯಬೇಕೆಂಬ ಆಸೆ ಹೆಚ್ಚಾಗಿದೆ. ಮನೆಗೆ ಹೋಗಲೂ ಬಿಡದೇ, ಕಥೆ ಹೇಳಿಸಿಕೊಂಡು, ಕಥೆ ಕೇಳುತ್ತಲೇ ಮಲಗಿದ್ದಾಳೆ. ಇತ್ತ ರಾಮ್ ಕಾಣಿಸುತ್ತಿಲ್ಲ ಅಂತ ಕಮಿಷನರ್‌ಗೆ ಫೋನ್‌ ಮಾಡಿ ತಿಳಿಸಿದ್ದಾಳೆ ಭಾರ್ಗವಿ. ಅಚ್ಚರಿಯ ರೀತಿಯಲ್ಲಿ ರಾಮನ ಫೋನ್‌ ನೆಟ್‌ವರ್ಕ್‌ ಟ್ರೇಸ್‌ ಮಾಡಿಕೊಂಡು ನೇರವಾಗಿ ಶಾಂತಮ್ಮನ ವಠಾರಕ್ಕೆ ಪೊಲೀಸರ ಎಂಟ್ರಿಯಾಗಿದೆ.
ಪೊಲೀಸರು ಸೀತಾಳ ಮನೆಯ ಬಾಗಿಲು ಬಡಿಯುತ್ತಿದ್ದಂತೆ ರಾಮ್ ಎದುರಾಗಿದ್ದಾನೆ. ನಿಟ್ಟುಸಿರು ಬಿಟ್ಟ ಪೊಲೀಸರು, ಸರ್‌ ನೀವಿಲ್ಲಿದ್ದೀರಾ? ಎಲ್ಲರೂ ನಿಮ್ಮನ್ನು ಹುಡುಕುತ್ತಿದ್ದಾರೆ ಎಂದು ಹೇಳುತ್ತಿದ್ದಂತೆ, ಇನ್ನೊಂದು ಬದಿಯಲ್ಲಿ ಸೀತಾ ಸಹ ಕಾಣಿಸಿಕೊಂಡಿದ್ದಾಳೆ. ಏನಾಗ್ತಿದೆ ಎನ್ನುವಷ್ಟರಲ್ಲಿ ಸೀತಾ ಮತ್ತು ರಾಮನಿಗೆ ಆತಂಕ ಹೆಚ್ಚಾಗಿದೆ. ಹಾಗಾದ್ರೆ, ರಾಮನ ಅಸಲಿಯತ್ತು ಸೀತಾಗೆ ಗೊತ್ತಾಗಲಿದೆಯೇ?
