Seetha Rama Serial: ಸೀತಾ ರಾಮ ಸೀರಿಯಲ್‌ನಲ್ಲಿ ಬಿಗ್‌ ಟ್ವಿಸ್ಟ್‌; ಸಿಹಿಯ ಅವಳಿ ಸಹೋದರಿಯ ಅಚ್ಚರಿಯ ಆಗಮನ

Seetha Rama Serial: ಸೀತಾ ರಾಮ ಧಾರಾವಾಹಿಯಲ್ಲಿ ವೀಕ್ಷಕರಿಗೆ ಒಂದಾದ ಮೇಲೊಂದು ಅಚ್ಚರಿಗಳ ಹೂರಣವನ್ನೇ ಬಡಿಸುತ್ತಿದ್ದಾರೆ ನಿರ್ದೇಶಕರು. ಅದರಲ್ಲೂ ಇಡೀ ಸೀರಿಯಲ್‌ ಸಿಹಿಯನ್ನೇ ಹಿಂಬಾಲಿಸುತ್ತ ಸಾಗುತ್ತಿರುವುದರಿಂದ, ಆಕೆಯೇ ಈ ಧಾರಾವಾಹಿಯ ಪ್ರಧಾನ ಪಾತ್ರದಂತೆ ಮುನ್ನಡೆಯುತ್ತಿದ್ದಾಳೆ. ರಾಮಾಯಣದಲ್ಲಿ ಸೀತೆಯ ಸಲುವಾಗಿ ಏನೆಲ್ಲ ಘಟನಾವಳಿಗಳು ನಡೆದವೋ, ಈ ಸೀತಾ ರಾಮ ಸೀರಿಯಲ್‌ನಲ್ಲಿ ಸಿಹಿ ಸಲುವಾಗಿ ಒಂದಕ್ಕಿಂತ ಒಂದು ಅಚ್ಚರಿಗಳು, ಟ್ವಿಸ್ಟ್‌ಗಳು ನೋಡುಗನ ಕಣ್ಣಿಗೆ ಬೀಳುತ್ತಿವೆ. ಅದರಂತೆ ಈಗ ಯಾರೂ ನಿರೀಕ್ಷಿಸದ ಮಹಾತಿರುವೊಂದು ಈ ಸೀರಿಯಲ್‌ನಲ್ಲಿ ಎದುರಾಗಿದೆ.

ಸಿಹಿಯ ಕಿಡ್ನಾಪ್‌ ಪ್ರಹಸನ ಮುಗಿದಿದೆ. ಈ ನಡುವೆ ಜೀ ಕನ್ನಡ ವಾಹಿನಿ ತನ್ನ ಇನ್‌ಸ್ಟಾಗ್ರಾಂನಲ್ಲಿ ಹೊಸದೊಂದು ಹುಡುಗಿಯ ಫೋಟೋ ಹಾಕಿ, ವೀಕ್ಷಕರ ತಲೆಗೆ ಹುಳ ಬಿಡುವ ಕೆಲಸ ಮಾಡಿದೆ. ಈ ಮೊದಲು ಅನಿರೀಕ್ಷಿತ ತಿರುವಿನಲ್ಲಿ ಅಪಘಾತದಲ್ಲಿ ಸಿಹಿ ಸಾವನ್ನಪ್ಪುವ ದೃಶ್ಯದ ಪ್ರೋಮೋ ಹರಿಬಿಟ್ಟಿದ್ದ ವಾಹಿನಿ, ಈಗ ಸಿಹಿಯನ್ನೇ ಹೋಲುವ ಹುಡುಗಿಯನ್ನು ಪರಿಚಯಿಸಿದೆ. ಈ ಮೂಲಕ ಸೀತಾಳ ಹೊಟ್ಟೆಯಲ್ಲಿದ್ದ ಅವಳಿ ಜವಳಿ ಮಕ್ಕಳಲ್ಲಿ ಸಿಹಿ ಮಾತ್ರ ಬದುಕಿದ್ದ ಸತ್ಯ ಹೊರಬಿದ್ದಿತ್ತು. ಈಗ ಇನ್ನೊಂದು ಮಗುವೂ ಬದುಕಿದೆ ಎಂಬ ಸತ್ಯವನ್ನೂ ವೀಕ್ಷಕರ ಮುಂದಿಟ್ಟಿದ್ದಾರೆ ನಿರ್ದೇಶಕರು.

ಇದನ್ನೂ ಓದಿ: ಬಿಗ್‌ಬಾಸ್‌ನಲ್ಲಿ ಬಾಸ್‌ ದರ್ಶನ್‌ ನೆನಪಿಸಿಕೊಂಡ ರಜತ್‌; ಹೆಣ್ಮಕ್ಕಳ ಕೈಹಿಡದಂತೆ ಅಲ್ಲ, ಈ ಸೆಡೆಗಳನ್ನೆಲ್ಲ... ಬುಜ್ಜಿ ಮಾತಿಗಿಲ್ಲ ಕಡಿವಾಣ

ಬಾಡಿಗೆ ತಾಯ್ತನದ ಮೂಲಕ ಗರ್ಭಿಣಿಯಾದಾಗ, ಸೀತಾ ಹೊಟ್ಟೆಯಲ್ಲಿ ಎರಡು ಭ್ರೂಣ ಇದ್ದ ಬಗ್ಗೆ ಡಾಕ್ಟರ್‌ ಅನಂತಲಕ್ಷ್ಮೀ ಹೇಳಿದ್ದರು. ಆ ಎರಡು ಶಿಶುಗಳ ಪೈಕಿ ಒಂದು ಮಗುವಿನ ಬೆಳವಣಿಗೆ ಸರಿಯಾಗಿರಲಿಲ್ಲ. ಆ ಕಾರಣಕ್ಕೆ ಅದು ಸಾವನ್ನಪ್ಪಿತ್ತು ಎಂಬ ವಿಚಾರವನ್ನು ರಿವೀಲ್‌ ಮಾಡಿದ್ದರು. ಆದರೆ, ಆವತ್ತು ಅವಳಿ ಮಕ್ಕಳ ಪೈಕಿ ಒಂದು ಮಗು ಸಾವನ್ನಿಪ್ಪಿದ್ದು ನಿಜವಾ? ಅಥವಾ ಡಾಕ್ಟರ್‌ ಅನಂತಲಕ್ಷ್ಮೀ ಹೇಳಿದ್ದು ಸುಳ್ಳಾ? ಕೋರ್ಟ್‌ಗೆ ಬಂದು ಸಾಕ್ಷಿ ಹೇಳದಿದ್ದಕ್ಕೂ ಇದೇ ಕಾರಣ ಇರಬಹುದೇ? ಒಟ್ಟಾರೆ ಸೀತಾಳ ಗರ್ಭದಲ್ಲಿದ್ದ ಇಬ್ಬರೂ ಮಕ್ಕಳು ಬದುಕಿದ್ದಾರೆ ಎಂಬ ದೊಡ್ಡ ಸುಳಿವು ಇದೀಗ ಸಿಕ್ಕಿದಂತಾಗಿದೆ.

ವಾಹಿನಿ ಬಿಡುಗಡೆ ಮಾಡಿರುವ ಹೊಸ ಫೋಟೋದಲ್ಲಿ ರೀತು ಸಿಂಗ್‌ ಪಕ್ಕಾ ಹಳ್ಳಿ ಹುಡುಗಿಯಾಗಿ ಕಾಣಿಸಿಕೊಂಡಿದ್ದಾಳೆ. ಮೂಗಿಗೆ ನತ್ತು, ಹರಡಿದ ಕೂದಲು, ಗದ್ದಕ್ಕೆ ಹಚ್ಚೆಬೊಟ್ಟು ಹಾಕಿಸಿಕೊಂಡ ಲುಕ್‌ನಲ್ಲಿ ಎದುರಾಗಿದ್ದಾಳೆ ಸಿಹಿ ಸಹೋದರಿ. "ಸೀತಾರಾಮರ ಪ್ರಪಂಚಕ್ಕೆ ಅಚ್ಚರಿಯ ತಿರುವು ಹೊತ್ತು ಬಂದಿರೋ ಈ ಪುಟಾಣಿ ಯಾರಿರಬಹುದು?" ಎಂಬ ಕ್ಯಾಪ್ಷನ್‌ ನೀಡಿದೆ. ಈ ಮೂಲಕ ಧಾರಾವಾಹಿ ವೀಕ್ಷಕರಿಗೂ ಹೊಸ ಟ್ವಿಸ್ಟ್‌ ನೀಡಿದ್ದಾರೆ.

ಇದನ್ನೂ ಓದಿ: ಮನೋವ್ಯಾದಿಯಿಂದ ಕಸುವು ಕಳೆದುಕೊಂಡವಳ ಕಥೆ ಈ ‘ಅಂಶು’; ಸೈಕಲಾಜಿಕಲ್‌ ಥ್ರಿಲ್ಲರ್‌ ಅಂಶು ಚಿತ್ರ ವಿಮರ್ಶೆ

ಸೀತಾ ರಾಮ ಸೀರಿಯಲ್‌ ಪಾತ್ರವರ್ಗ

ನಿರ್ದೇಶಕ: ಮಧುಸೂಧನ್‌

ಗಗನ್‌ ಚಿನ್ನಪ್ಪ: ಶ್ರೀರಾಮ (ನಾಯಕ)

ವೈಷ್ಣವಿ ಗೌಡ: ಸೀತಾ (ನಾಯಕ)

ರೀತು ಸಿಂಗ್: ಸಿಹಿ (ಸೀತಾ ಮಗಳು)

ಅಶೋಕ ಶರ್ಮಾ: ಅಶೋಕ (ಶ್ರೀರಾಮನ ಪ್ರಾಣ ಸ್ನೇಹಿತ)

ಭಾರ್ಗವಿ: ಪೂಜಾ ಲೋಕೇಶ್‌ (ಶ್ರೀರಾಮನ ಚಿಕ್ಕಮ್ಮ)

ಮುಖ್ಯಮಂತ್ರಿ ಚಂದ್ರು: ಸೂರ್ಯ ಪ್ರಕಾಶ್‌ ದೇಸಾಯಿ (ಶ್ರೀರಾಮನ ತಾತ)

ಶ್ವೇತಾ ಶಂಕರಪ್ಪ: ಪ್ರಿಯಾ (ಸೀತಾಳ ಸ್ನೇಹಿತೆ)

ವಿಕಾಸ್‌ ಕಾರ್‌ಗೋಡ್:‌ ಲಾಯರ್‌ ರುದ್ರಪ್ರತಾಪ್

ಪೂರ್ಣಚಂದ್ರ ತೇಜಸ್ವಿ: ವಿಶ್ವಜೀತ್‌ (ಶ್ರೀರಾಮನ ಚಿಕ್ಕಪ್ಪ)

ಜಯದೇವ್‌ ಮೋಹನ್:‌ ಸತ್ಯಜೀತ್‌ (ಶ್ರೀರಾಮನ ಚಿಕ್ಕಪ್ಪ)

ಇದನ್ನೂ ಓದಿ: ಶಿವು ಬದುಕಲ್ಲಿ ತಂಗಾಳಿ ಬೀಸುವ ಹೊತ್ತಲ್ಲಿ, ಪಾರು ಬದುಕಿನಲ್ಲಿ ಬಿರುಗಾಳಿ; ನಿಜ ಹೇಳ್ತಾನಾ ಅಣ್ಣಯ್ಯ?