Kannadati Ending: ಕೊನೆಯಾಗ್ತಿದೆ ವೀಕ್ಷಕರ ಮೆಚ್ಚಿನ 'ಕನ್ನಡತಿ' ಧಾರಾವಾಹಿ..ಸುಳಿವು ನೀಡಿದ ಕಿರಣ್‌ ರಾಜ್‌
- ಕಿರುತೆರೆಪ್ರಿಯರಿಗೆ ಧಾರಾವಾಹಿ ಎಂದರೆ ಬಹಳ ಅಚ್ಚುಮೆಚ್ಚು. ಅದರಲ್ಲೂ ಮಹಿಳೆಯರ ಜೀವನದಲ್ಲಂತೂ ಧಾರಾವಾಹಿಗಳು ಪ್ರಮುಖ ಸ್ಥಾನ ಪಡೆದಿವೆ. ಚೆಂದದ ಧಾರಾವಾಹಿಗಳು ಪ್ರಸಾರವಾದರೆ ತಪ್ಪದೆ ನೋಡುತ್ತಾರೆ.
- ಕಿರುತೆರೆಪ್ರಿಯರಿಗೆ ಧಾರಾವಾಹಿ ಎಂದರೆ ಬಹಳ ಅಚ್ಚುಮೆಚ್ಚು. ಅದರಲ್ಲೂ ಮಹಿಳೆಯರ ಜೀವನದಲ್ಲಂತೂ ಧಾರಾವಾಹಿಗಳು ಪ್ರಮುಖ ಸ್ಥಾನ ಪಡೆದಿವೆ. ಚೆಂದದ ಧಾರಾವಾಹಿಗಳು ಪ್ರಸಾರವಾದರೆ ತಪ್ಪದೆ ನೋಡುತ್ತಾರೆ.
(1 / 9)
ಸದ್ಯಕ್ಕೆ ಕನ್ನಡ ಕಿರುತೆರೆಯಲ್ಲಿ ಜನಮನ ಗಳಿಸಿರುವ ಧಾರಾವಾಹಿಗಳಲ್ಲಿ 'ಕನ್ನಡತಿ' ಕೂಡಾ ಒಂದು. ಪ್ರತಿ ಸೋಮವಾರದಿಂದ ಶುಕ್ರವಾರದವರೆಗೂ ಕಲರ್ಸ್‌ ಕನ್ನಡ ವಾಹಿನಿಯಲ್ಲಿ ಸಂಜೆ 7.30ಕ್ಕೆ ಪ್ರಸಾರವಾಗುವ ಈ ಧಾರಾವಾಹಿಗೆ ಹೆಚ್ಚಿನ ವೀಕ್ಷಕರಿದ್ದಾರೆ.
(2 / 9)
ಹರ್ಷ, ಭುವಿ, ಅಮ್ಮಮ್ಮ ಸಾನಿಯಾ, ವರುಧಿನಿ ಸೇರಿದಂತೆ ಬಹುತೇಕ ಎಲ್ಲಾ ಪಾತ್ರಗಳು ಜನರಿಗೆ ಇಷ್ಟವಾಗಿದೆ. ಕೆಲವು ದಿನಗಳ ಹಿಂದಷ್ಟೇ ಚಿತ್ಕಳಾ ಬಿರಾದಾರ್‌ ಮಾಡುತ್ತಿದ್ದ ಅಮ್ಮಮ್ಮ ರತ್ನಮಾಲಾ ಪಾತ್ರ ಕೊನೆಯಾಗಿದೆ. ಸದ್ಯಕ್ಕೆ ಭುವನೇಶ್ವರಿ ಅಮ್ಮಮ್ಮನ ಸ್ಥಾನದಲ್ಲಿದ್ದು ಎಲ್ಲಾ ಜವಾಬ್ದಾರಿ ವಹಿಸಿಕೊಂಡಿದ್ದಾರೆ.
(3 / 9)
ರತ್ನಮಾಲಾ ಪಾತ್ರ ಅಂತ್ಯವಾಗುತ್ತಿದೆ ಎಂದು ತಿಳಿದಾಗ ಧಾರಾವಾಹಿ ಸೆಟ್‌ನಲ್ಲಿರುವ ಎಲ್ಲರೂ ಭಾವುಕರಾಗಿದ್ದರು. ಕೊನೆಯ ದಿನ ಚಿತ್ಕಳಾ ಅವರ ಬಳಿ ಬಂದು ಬೇಸರ ವ್ಯಕ್ತಪಡಿಸಿದ್ದರು. ಇದೀಗ 'ಕನ್ನಡತಿ' ಧಾರಾವಾಹಿ ಕೂಡಾ ಕೊನೆಯಾಗುತ್ತಿದೆ ಎಂಬ ಮಾತು ಕೇಳಿ ಬಂದಿದೆ.
(4 / 9)
27 ಜನವರಿ 2020 ರಂದು ಈ ಧಾರಾವಾಹಿಯ ಮೊದಲ ಸಂಚಿಕೆ ಪ್ರಸಾರವಾಗಿತ್ತು. ಅಂದಿನಿಂದ ಇದುವರೆಗೂ ಈ ಧಾರಾವಾಹಿ ಎಲ್ಲರಿಗೂ ಮೆಚ್ಚಿನ ಧಾರಾವಾಹಿ ಆಗಿತ್ತು.
(5 / 9)
ಒಂದೊಂದು ಪಾತ್ರವೂ ಜನರಿಗೆ ಬಹಳ ಇಷ್ಟವಾಗಿತ್ತು. ಭುವನೇಶ್ವರಿ ಪಾತ್ರದಲ್ಲಿ ನಟಿಸಿದ್ದ ರಂಜನಿ ರಾಘವನ್‌ ಈ ಧಾರಾವಾಹಿ ಮೂಲಕ ಮತ್ತಷ್ಟು ಜನರ ಮನ ಗೆದ್ದಿದ್ದಾರೆ. ಕನ್ನಡ ಶಿಕ್ಷಕಿಯಾಗಿ ಕನ್ನಡಿಗರ ಹೃದಯ ಗೆದ್ದಿದ್ದಾರೆ.
(6 / 9)
ರತ್ನಮಾಲಾ ಅಲಿಯಾಸ್‌ ಅಮ್ಮಮ್ಮ ಪಾತ್ರ ಮಾಡಿದ್ದ ಚಿತ್ಕಳಾ ಬಿರಾದಾರ್‌ ಕೂಡಾ ಈ ಧಾರಾವಾಹಿಯಿಂದ ಹೆಚ್ಚಿನ ಫ್ಯಾನ್‌ ಫಾಲೋಯಿಂಗ್‌ ಗಳಿಸಿದ್ದಾರೆ. ಈ ಪಾತ್ರ ಕೊನೆಯಾದಾಗ ಸಹ ಕಲಾವಿದರು ಮಾತ್ರವಲ್ಲ, ಅಭಿಮಾನಿಗಳು ಕೂಡಾ ಬೇಸರ ವ್ಯಕ್ತಪಡಿಸಿದ್ದರು.
(7 / 9)
ಇದೀಗ ನಟ ಕಿರಣ್‌ ರಾಜ್‌, ಈ ಧಾರಾವಾಹಿ ಕೊನೆಯಾಗುತ್ತಿರುವ ಸುಳಿವು ನೀಡಿದ್ದಾರೆ. ''ಇದೇ ಔಟ್‌ಫಿಟ್‌ನಿಂದ ಆರಂಭ, ಇದರಿಂದಲೇ ಒಂದು ಸುಂದರ ಜರ್ನಿ ಕೊನೆಯಾಗುತ್ತಿದೆ'' ಎಂದು ಹರ್ಷ ಪಾತ್ರಧಾರಿ ಕಿರಣ್‌ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಬರೆದುಕೊಂಡಿದ್ದಾರೆ.
(8 / 9)
ಮೂಲಗಳ ಪ್ರಕಾರ ಜನವರಿ ಅಂತ್ಯಕ್ಕೆ ಈ ಧಾರಾವಾಹಿ ಕೊನೆಗೊಳ್ಳುತ್ತಿದೆ. 3 ವರ್ಷಗಳ 'ಕನ್ನಡರಿ' ಜರ್ನಿ ಕೊನೆಯಾಗುತ್ತಿರುವುದನ್ನು ಕೇಳಿದ ಕಿರುತೆರೆ ಪ್ರಿಯರು ಬೇಸರ ವ್ಯಕ್ತಪಡಿಸಿದ್ದಾರೆ.
(9 / 9)
'ಕನ್ನಡತಿ' ಧಾರಾವಾಹಿ ಕೊನೆಯಾಗುತ್ತಿರುವ ವಿಚಾರವನ್ನು ಧಾರಾವಾಹಿ ತಂಡ ಅಧಿಕೃತವಾಗಿ ಘೋಷಿಸಿಲ್ಲ. ಇನ್ನಷ್ಟು ವರ್ಷಗಳ ಕಾಲ ಈ ಧಾರಾವಾಹಿ ಮುಂದುವರೆಯಲಿ ಎಂದು ಅಭಿಮಾನಿಗಳು ಮನವಿ ಮಾಡುತ್ತಿದ್ದಾರೆ.
ಇತರ ಗ್ಯಾಲರಿಗಳು