Bhimaa On OTT: ಭೀಮಾ ಒಟಿಟಿ ಬಿಡುಗಡೆ ದಿನಾಂಕ ಪ್ರಕಟ; ಗೋಪಿಚಂದ್‌ ಆಕ್ಷನ್ ಸಿನಿಮಾವನ್ನು ಏಪ್ರಿಲ್ 25ರಿಂದ ಮನೆಯಲ್ಲೇ ನೋಡಿ
Bhimaa On OTT: ಗೋಪಿಚಂದ್‌ ನಟನೆಯ ಆಕ್ಷನ್ ಡ್ರಾಮಾ "ಭೀಮಾ" ಒಟಿಟಿಗೆ ಲಗ್ಗೆಯಿಡಲು ಸಿದ್ಧವಾಗಿದೆ. ಈ ತೆಲುಗು ಸಿನಿಮಾವನ್ನು ತಮಿಳು, ಮಲಯಾಳಂ ಭಾಷೆಗಳಲ್ಲೂ ನೋಡಬಹುದು. ಕನ್ನಡ ಆಡಿಯೋದಲ್ಲಿ ಲಭ್ಯವಿರುವ ಕುರಿತು ಸದ್ಯ ಮಾಹಿತಿ ಲಭ್ಯವಿಲ್ಲ.
ಬೆಂಗಳೂರು: ಗೋಪಿಚಂದ್‌ ನಟನೆಯ ರೋಷಾವೇಷದ ಆಕ್ಷನ್ ಥ್ರಿಲ್ಲರ್ ಸಿನಿಮಾ "ಭೀಮಾ" ಒಟಿಟಿಯಲ್ಲಿ ಬಿಡುಗಡೆಯಾಗಲು ಸಜ್ಜಾಗಿದೆ. ಎ. ಹರ್ಷ ನಿರ್ದೇಶನದ ಈ ಸಿನಿಮಾವು ಏಪ್ರಿಲ್ 25ರಂದು ರಿಲೀಸ್‌ ಆಗಲಿದೆ. ಮಾರ್ಚ್‌ 8ರಂದು ಚಿತ್ರಮಂದಿರಗಳಲ್ಲಿ ಈ ಸಿನಿಮಾ ಬಿಡುಗಡೆಯಾಗಿತ್ತು. ಈ ತೆಲುಗು ಸಿನಿಮಾ ಬಾಕ್ಸ್‌ ಆಫೀಸ್‌ನಲ್ಲಿ ಸಾಕಷ್ಟು ಗಳಿಕೆ ಮಾಡಿತ್ತು. ಇದೀಗ ಈ ಸಿನಿಮಾವನ್ನು ತೆಲುಗು ಭಾಷೆಯಲ್ಲಿ ಮಾತ್ರವಲ್ಲದೆ ಭಾರತದ ಇತರೆ ಕೆಲವು ಭಾಷೆಗಳಲ್ಲಿಯೂ ವೀಕ್ಷಿಸಬಹುದಾಗಿದೆ.
ಟ್ರೆಂಡಿಂಗ್ ಸುದ್ದಿ
ಭೀಮಾ ಸಿನಿಮಾದಲ್ಲಿ ಪ್ರಿಯಾ ಭವಾನಿ ಶಂಕರ್, ಮಾಳವಿಕಾ ಶರ್ಮಾ, ವೆನ್ನೆಲ ಕಿಶೋರ್, ರಘು ಬಾಬು, ನಾಸರ್, ನರೇಶ್, ಮುಖೇಶ್ ತಿವಾರಿ, ರೋಹಿಣಿ ಮುಂತಾದ ಪ್ರತಿಭಾನ್ವಿತ ತಾರಾಗಣವನ್ನು ಹೊಂದಿದೆ. ಈ ಸಿನಿಮಾ ತಮಿಳು, ತೆಲುಗು ಮತ್ತು ಮಲಯಾಳಂ ಭಾಷೆಗಳಲ್ಲಿ ಒಟಿಟಿ ಪ್ಲಾಟ್‌ಫಾರ್ಮ್‌ನಲ್ಲಿ ರಿಲೀಸ್‌ ಆಗಲಿದೆ.
ಯಾವ ಒಟಿಟಿಯಲ್ಲಿ ರಿಲೀಸ್‌?
ಭೀಮಾ ಸಿನಿಮಾದ ಡಿಜಿಟಲ್ ಸ್ಟ್ರೀಮಿಂಗ್ ಹಕ್ಕುಗಳನ್ನು ಡಿಸ್ನಿ ಪ್ಲಸ್ ಹಾಟ್ಸ್ಟಾರ್ ಪಡೆದುಕೊಂಡಿದೆ. ಈ ಕುರಿತು ಡಿಸ್ನಿ ಪ್ಲಸ್ ಹಾಟ್ಸ್ಟಾರ್ ಅಧಿಕೃತ ಪ್ರಕಟಣೆ ನೀಡಿದೆ. ನಾಳೆ ಅಂದರೆ ಏಪ್ರಿಲ್ 25ರಂದು ಈ ಸಿನಿಮಾ ಒಟಿಟಿಯಲ್ಲಿ ರಿಲೀಸ್‌ ಆಗಲಿದೆ.
ಒಟಿಟಿಯಲ್ಲಿದೆ ಹಲವು ಹೊಸ ಸಿನಿಮಾ
ಆರ್ಟಿಕಲ್ 370: ಇತ್ತೀಚೆಗೆ ಆರ್ಟಿಕಲ್ 370 ಸಿನಿಮಾ ಒಟಿಟಿಯಲ್ಲಿ ಬಿಡುಗಡೆಯಾಗಿದೆ. ಆರ್ಟಿಕಲ್ 370 (ಹಿಂದಿ) ಜಿಯೋದಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ. ಪ್ರಿಯಾಮಣಿ ಮತ್ತು ಯಾಮಿ ಗೌತಮ್ ಮುಖ್ಯ ಪಾತ್ರಗಳಲ್ಲಿ ನಟಿಸಿರುವ ಈ ಚಿತ್ರವು ಫೆಬ್ರವರಿ 23 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಯಿತು. ಈಗ ಇದು ಒಟಿಟಿಯಲ್ಲೂ ಉತ್ತಮ ಪ್ರತಿಕ್ರಿಯೆಯನ್ನು ಪಡೆಯುತ್ತಿದೆ. ಈ ಚಿತ್ರವನ್ನು ಆದಿತ್ಯ ಸುಹಾಸ್ ಜಂಬುಲ್ ನಿರ್ದೇಶಿಸಿದ್ದಾರೆ.
ಕಾಮ್ ಚಾಲು ಹೈ (ಹಿಂದಿ): ಜೀ 5 ನಲ್ಲಿ ಕ್ರೈಮ್ ಥ್ರಿಲ್ಲರ್ ಕಾಮ್ ಚಾಲು ಹೈ (ಹಿಂದಿ) ಬಿಡುಗಡೆಯಾಗಿದೆ. ಇದು ಪಲಾಶ್ ಮುಚಲ್ ನಿರ್ದೇಶನದ ಸಿನಿಮಾವಾಗಿದೆ. ರಾಜ್‌ಪಾಲ್‌ ಯಾದವ್‌, ಜಿಯಾ ಮಾನೆಕ್ ಮತ್ತು ಕುರಂಗಿ ನಾಗರಾಜ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ.
ರೆಬೆಲ್ ಮೂನ್ ಪಾರ್ಟ್ 2: ವೈಜ್ಞಾನಿಕ ಫ್ಯಾಂಟಸಿ ಆಕ್ಷನ್ ಥ್ರಿಲ್ಲರ್ ಸಿನಿಮಾವೂ ಒಟಿಟಿಯಲ್ಲಿ ರಿಲೀಸ್‌ ಆಗಿದೆ. ಏಪ್ರಿಲ್ 19 ರಿಂದ ನೆಟ್‌ಫ್ಲಿಕ್ಸ್‌ನಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ. ಇದು ಜಾಕ್ ಸ್ನೈಡರ್ ಆಕ್ಷನ್ ಕಟ್‌ ಹೇಳಿರುವ ಸಿನಿಮಾವಾಗಿದೆ.
ಸೈರನ್ : ತಮಿಳು ಮತ್ತು ತೆಲುಗು ಮತ್ತು ಇತರ ಭಾಷೆಗಳಲ್ಲಿ ಸೈರನ್ ಸಿನಿಮಾವು ಏಪ್ರಿಲ್ 19 ರಿಂದ ಡಿಸ್ನಿ ಹಾಟ್‌ಸ್ಟಾರ್‌ನಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ. ಇದರಲ್ಲಿ ಕೀರ್ತಿ ಸುರೇಶ್, ಜಯಂ ರವಿ, ಅನುಪಮಾ ಪರಮೇಶ್ವರನ್, ಸಮುದ್ರಕಣಿ ಮತ್ತು ಯೋಗಿ ಬಾಬು ನಟಿಸಿದ್ದಾರೆ.
ರಣಂ: ತಮಿಳು ಸಸ್ಪೆನ್ಸ್ ಕ್ರೈಮ್ ಥ್ರಿಲ್ಲರ್ ಚಿತ್ರ ರಣಂ ಒಟಿಟಿಯಲ್ಲಿ ಬಿಡುಗಡೆಯಾಗಿದೆ. ಇದು ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ. ಈ ತಮಿಳು ಕ್ರೈಮ್ ಥ್ರಿಲ್ಲರ್ ಅನ್ನು ಶರೀಫ್ ನಿರ್ದೇಶಿಸಿದ್ದಾರೆ. ಈ ಚಿತ್ರದಲ್ಲಿ ವೈಭವ್ ರೆಡ್ಡಿ, ನಂದಿತಾ ಶ್ವೇತಾ ಮತ್ತು ತಾನ್ಯಾ ಹೋಪ್ ಮುಖ್ಯ ಪಾತ್ರಗಳಲ್ಲಿದ್ದಾರೆ. ಈ ಚಿತ್ರವು ನರ್ಸ್ ಕೊಲೆಯ ಹಿನ್ನಲೆಯನ್ನು ಹೊಂದಿದೆ.
