Little Hearts OTT: ಒಟಿಟಿಗೆ ಬರ್ತಿದೆ ರೊಮ್ಯಾಂಟಿಕ್ ಕಾಮಿಡಿ ಚಲನಚಿತ್ರ ಲಿಟಲ್ ಹಾರ್ಟ್ಸ್; ವಾರಾಂತ್ಯಕ್ಕೆ ನೋಡಲು ಈ ಸಿನಿಮಾ ಬೆಸ್ಟ್‌
ಬಿಡುಗಡೆಯಾಗಿ ಆರು ತಿಂಗಳ ನಂತರ ಮಲಯಾಳಂ ರೊಮ್ಯಾಂಟಿಕ್ ಕಾಮಿಡಿ ಚಲನಚಿತ್ರ ‘ಲಿಟಲ್ ಹಾರ್ಟ್ಸ್’ ಇನ್ನೊಂದು ಒಟಿಟಿಗೆಯಲ್ಲಿ ಬಿಡುಗಡೆಯಾಗಲಿದೆ. ಈ ವಾರಾಂತ್ಯಕ್ಕೆ ನೋಡು ಈ ಸಿನಿಮಾ ಬೆಸ್ಟ್‌
ಮಲಯಾಳಂ ರೊಮ್ಯಾಂಟಿಕ್ ಹಾಸ್ಯ ಚಲನಚಿತ್ರ ಲಿಟಲ್ ಹಾರ್ಟ್ಸ್ ಆರು ತಿಂಗಳ ನಂತರ ಒಟಿಟಿಗೆ ಬರುತ್ತಿದೆ. ಈ ವರ್ಷ ಜೂನ್ 7 ರಂದು ಚಿತ್ರಮಂದಿರಗಳಲ್ಲಿ ಈ ಸಿನಿಮಾ ಬಿಡುಗಡೆಯಾಗಿತ್ತು. ಮಿಶ್ರ ಪ್ರತಿಕ್ರಿಯೆಯನ್ನು ಪಡೆದುಕೊಂಡಿತ್ತು. ಲಿಟಲ್ ಹಾರ್ಟ್ಸ್. ಈಗಾಗಲೇ ಪ್ರೈಮ್ ವಿಡಿಯೋದಲ್ಲಿ ಸ್ಟ್ರೀಮ್ ಆಗುತ್ತಿದೆ. ಈಗ ಸನ್ ನೆಕ್ಸ್ಟ್‌ನಲ್ಲೂ ಕೂಡ ಪ್ರಸಾರವಾಗಲಿದೆ.
OTT ಬಿಡುಗಡೆ ದಿನಾಂಕ
ಶುಕ್ರವಾರದಿಂದ (ನವೆಂಬರ್ 29) ಸನ್ನೆಕ್ಸ್ಟ್ OTT ನಲ್ಲಿ ಲಿಟಲ್ ಹಾರ್ಟ್ಸ್ ಚಲನಚಿತ್ರವು ಸ್ಟ್ರೀಮ್ ಆಗಲಿದೆ ಎಂದು OTT ಬಹಿರಂಗಪಡಿಸಿದೆ . ಜೂನ್ 7 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಈ ಚಿತ್ರವು ಕೆಲವು ತಿಂಗಳ ನಂತರ ಪ್ರೈಮ್ ವಿಡಿಯೋವನ್ನು ಪ್ರವೇಶಿಸಿತ್ತು. ಈಗ ಸುಮಾರು ಆರು ತಿಂಗಳ ನಂತರ ಮತ್ತೊಂದು OTT ನಲ್ಲಿ ಸ್ಟ್ರೀಮಿಂಗ್ ಆಗಲಿದೆ. ಈ ರೊಮ್ಯಾಂಟಿಕ್ ಕಾಮಿಡಿ ಚಿತ್ರವನ್ನು ಅಬಿ ತ್ರೇಸಾ ಮತ್ತು ಆಂಟೊ ಜೋಸ್ ಪಿರೇರಾ ನಿರ್ದೇಶಿಸಿದ್ದಾರೆ. ರಾಜೇಶ್ ಪಿನ್ನಾಡನ್ ಚಿತ್ರಕಥೆ ಬರೆದಿದ್ದಾರೆ.
ಹೇಗಿದೆ ಸಿನಿಮಾ ಕಥೆ
ಪ್ರೇಕ್ಷಕರಿಂದ ಮಿಶ್ರ ಪ್ರತಿಕ್ರಿಯೆಯನ್ನು ಪಡೆದುಕೊಂಡಿದ್ದ ಸಿನಿಮಾ ಇದೀಗ ಮತ್ತೊಮ್ಮೆ ಜನರ ಕೈ ಸೇರಲಿದೆ. ನೀವು ಈ ವಾರಾಂತ್ಯಕ್ಕಾಗಿ ಯಾವುದಾದರೂ ಸಿನಿಮಾ ನೋಡಬೇಕು ಎಂದು ಬಯಸಿದ್ದರೆ ಈ ಸಿನಿಮಾವನ್ನು ನೋಡಬಹುದು. ಯಾಕೆಂದರೆ ಇದು ವಾರಾಂತ್ಯಕ್ಕೆ ವೀಕ್ಷಣೆಗೆ ಲಭ್ಯವಿರುತ್ತದೆ. ನಿಮ್ಮಲ್ಲಿ ಅಮೆಜಾನ್‌ ಪ್ರೈಂ ಇದೆ ಎಂದಾದರೆ ಈಗಲೂ ನೀವು ಈ ಸಿನಿಮಾ ನೋಡಬಹುದು. ಈ ಲಿಟಲ್ ಹಾರ್ಟ್ಸ್ ಸಿನಿಮಾ ಮೂರು ಪ್ರೇಮಕಥೆಗಳ ಸುತ್ತ ಸುತ್ತುತ್ತದೆ. ಪ್ರೀತಿ ಮತ್ತು ಕಾಮಿಡಿಗೆ ಸಂಬಂಧಿಸಿದ ಕಥೆಯನ್ನು ಈ ಸಿನಿಮಾ ಹೊಂದಿದೆ.
ಪ್ರೇಮ ಕಥನ
ಮುಕ್ತ ಮನಸ್ಸಿನಿಂದ ಯೋಚಿಸಿದರೆ ಎಲ್ಲ ರೀತಿಯ ಸಂಬಂಧಗಳು ಸರಿ ಎನಿಸುತ್ತದೆ ಎಂಬ ಸಂದೇಶದೊಂದಿಗೆ ಚಿತ್ರ ತೆರೆಕಂಡಿದೆ. ಆದರೆ ಈ ಪರಿಕಲ್ಪನೆಯು ಕೆಲವು ಪ್ರೇಕ್ಷಕರಿಗೆ ಸರಿಯಾಗಿ ಹೋಗಲಿಲ್ಲ. ಯಾಕೆಂದರೆ ಇದು ಮೂರು ಜನರ ಪ್ರೇಮ ಕಥೆ, ಟ್ರೈಯಾಂಗಲ್ ಲವ್‌ ಸ್ಟೋರಿಯಾಗಿದೆ. ಈ ಹಿಂದೆ ಕೂಡ ಇದೇ ರೀತಿ ಕತೆಯನ್ನಾದರಿಸಿದ ಸಿನಿಮಾಗಳು ಬಂದರೂ ಈ ಸಿನಿಮಾ ಭಿನ್ನವಾಗಿದೆ.
ಹೇಹಿದೆ ರೇಟಿಂಗ್?
ಚಿತ್ರದ ಮಿಶ್ರ ಟಾಕ್ ಇದೆ ಆದರೆ ಐಎಂಡಿಬಿಯಲ್ಲಿ 8.2 ರೇಟಿಂಗ್ ಪಡೆದಿರುವುದು ಗಮನಾರ್ಹ. ಸಾಮಾನ್ಯವಾಗಿ ಒಳ್ಳೆಯ ಸಿನಿಮಾಗಳಿಗೆ ಈ ರೇಟಿಂಗ್ ಸಿಗುತ್ತದೆ. ಥಿಯೇಟರ್‌ಗಳಲ್ಲಿ ಬಿಡುಗಡೆಯಾದ ಎರಡು ತಿಂಗಳ ನಂತರ, ಅಂದರೆ ಆಗಸ್ಟ್‌ನಲ್ಲಿ, ಇದು ಪ್ರೈಮ್ ವಿಡಿಯೋದಲ್ಲಿ ಸ್ಟ್ರೀಮ್ ಮಾಡಲು ಪ್ರಾರಂಭಿಸಿತು. ಇಂಗ್ಲೀಷ್ ಉಪಶೀರ್ಷಿಕೆಗಳೊಂದಿಗೆ ಮಲಯಾಳಂ ಆಡಿಯೋದಲ್ಲಿ ಈಗಲೂ ಲಭ್ಯವಿದೆ. ಈಗ ಸನ್ ನೆಕ್ಸ್ಟ್ ಒಟಿಟಿಯಲ್ಲಿ ನವೆಂಬರ್ 29ರಂದು ಬಿಡುಗಡೆಯಾಗಲಿದೆ.
