Bagheera Song lyrics: ಪರಿಚಯವಾದೆ ಪರಿಚಯವಾದೆ ಪರಿಪರಿಯಾಗಿ ನನಗೆ, ಬಘೀರ ಸಿನಿಮಾದ ಹಾಡಿನ ಲಿರಿಕ್ಸ್‌ ಕೇಳಿ
Bagheera Song lyrics: ಈ ವಾರ ಬಿಡುಗಡೆಯಾಗುತ್ತಿರುವ ಬಘೀರ ಸಿನಿಮಾದ ಹಾಡುಗಳು ಯೂಟ್ಯೂಬ್‌ನಲ್ಲಿ ಸದ್ದು ಮಾಡುತ್ತಿದೆ. ಇತ್ತೀಚೆಗೆ ಬಿಡುಗಡೆಯಾದ "ಪರಿಚಯವಾದೆ ಪರಿಚಯವಾದೆ ಪರಿಪರಿಯಾಗಿ ನನಗೆ ತರತರವಾದ ಸಡಗರವೊಂದು ತಂದಿರುವೆ ನನ್ನ ಎದೆಯೊಳಗೆ" ಹಾಡು ಕೂಡ ಸಂಗೀತಪ್ರಿಯರ ಗಮನ ಸೆಳೆದಿದೆ. ಈ ಹಾಡಿನ ಲಿರಿಕ್ಸ್‌ ಇಲ್ಲಿ ನೀಡಲಾಗಿದೆ.
Bagheera Song lyrics: ಈ ವಾರ ಬಿಡುಗಡೆಯಾಗುತ್ತಿರುವ ಬಘೀರ ಸಿನಿಮಾದ ಹಾಡುಗಳು ಯೂಟ್ಯೂಬ್‌ನಲ್ಲಿ ಸದ್ದು ಮಾಡುತ್ತಿದೆ. ಇತ್ತೀಚೆಗೆ ಬಿಡುಗಡೆಯಾದ "ಪರಿಚಯವಾದೆ ಪರಿಚಯವಾದೆ ಪರಿಪರಿಯಾಗಿ ನನಗೆ ತರತರವಾದ ಸಡಗರವೊಂದು ತಂದಿರುವೆ ನನ್ನ ಎದೆಯೊಳಗೆ" ಹಾಡು ಕೂಡ ಸಂಗೀತಪ್ರಿಯರ ಗಮನ ಸೆಳೆದಿದೆ. ಈ ಹಾಡಿನ ಲಿರಿಕ್ಸ್‌ ಇಲ್ಲಿ ನೀಡಲಾಗಿದೆ. ಈ ಸಿನಿಮಾದ ಹಾಡಿಗೆ ಬಿ ಅಜನೀಶ್ ಲೋಕನಾಥ್ ಸಂಗೀತ ನಿರ್ದೇಶಿಸಿದ್ದಾರೆ. ರಿತೇಶ್‌ ಜಿ ರಾವ್‌ ಧ್ವನಿಯಲ್ಲಿರುವ ಹಾಡಿಗೆ ಪ್ರಮೋದ್ ಮರವಂತೆ ಸಾಹಿತ್ಯ ಬರೆದಿದ್ದಾರೆ. ಈ ಹಾಡು ಬಿಡುಗಡೆಗೆ ಮುನ್ನ ರುಧಿರಾ ಧಾರಾ ಎಂಬ ಹಾಡನ್ನು ಬಿಡುಗಡೆ ಮಾಡಲಾಗಿತ್ತು. ಬಘೀರ ಸಿನಿಮಾ ಅಕ್ಟೋಬರ್‌ 31ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಹೊಂಬಾಳೆ ಫಿಲ್ಮ್ಸ್‌ನ ಈ ಸಿನಿಮಾ ಸಾಕಷ್ಟು ನಿರೀಕ್ಷೆ ಹುಟ್ಟುಹಾಕಿದೆ.
ಪರಿಚಯವಾದೆ ಹಾಡಿನ ಲಿರಿಕ್ಸ್‌ (Bagheera Parichayavade Song Lyrics)
ಮುಂಜಾನೆ ಎದ್ದ ಕೂಡಲೆ...
ನಿನ ನೋಡೋ ನೆಪವಾ ಹುಡುಕುವೆ
ಕೇಳೋಕ್ಕಂತ ನಿನ್ನ ಮಾತನು
ಮೌನಿಯಾಗಿ ನಾನು ನಿಂತೆನು
ಒಂದು ನಗುವ ನೀಡಬಾರದೇನು...
ನಿನ್ನ ಕಡೆಗೆ ನೋಡುವಾಗ ನಾನು..
ಕೂಗೋಕಂತ ನಿನ್ನ ಹೆಸರನು
ಧ್ವನಿಯ ಚಂದ ಮಾಡಿಕೊಂಡೆನು
ಒಂದು ಸನ್ನೆ ಮಾಡಬಾರದೇನೂ
ನಿನ್ನ ಕಡೆಗೆ ಓಡಿ ಬರುವೆ ನಾನು
ಪರಿಚಯವಾದೆ ಪರಿಚಯವಾದೆ
ಪರಿಪರಿಯಾಗಿ ನನಗೆ
ತರತರವಾದ ಸಡಗರವೊಂದು ತಂದಿರುವೆ ನನ್ನ ಎದೆಯೊಳಗೆ
ಸವಿನಯವಾಗೆ ಸೆಳೆದರೆ ಹೇಗೆ
ಸನಿಹಕೆ ಬರದೆ ಇರಲೇ
ತರತರವಾಗಿ ಹೊಸತರವಾಗಿ ಕಾಡಿರುವೆ ನನ್ನ ಕಾಡಿರುವೆ
ಏನು ನೀಡು ನನಗೆ ಈಗ
ನಿನಗೆ ಕಾಟ ಕೊಡುವ ಯೋಗ ದಿನವೂ...
ಆಹಾ... ಕೊನೆಯಿರದ ದಾರಿಮೇಲೆ
ಮನೆಯಂತೆ ಕಂಡೆನೀನು
ನನ್ನ ಬಾಳ ಅರ್ಧಚಂದ್ರ ಪೂರ್ಣವಾಗಿದೆ...
ಸವಿನಯವಾದ ಸೆಳೆದರೆ ಏಕೆ
ಸನಿಹಕೆ ಬರದೆ ಇರಲೇ
ತರತರವಾಗಿ ಹೊಸತರವಾಗಿ
ಕಾಡಿರುವೆ ನನ್ನ ಕಾಡಿರುವೆ.…
ಪ್ರಶಾಂತ್‌ ನೀಲ್‌ ನಿರ್ದೇಶನದ ಬಘೀರ ಸಿನಿಮಾದ ಪರಿಚಯವಾದೆ ಹಾಡು ಯೂಟ್ಯೂಬ್‌ನಲ್ಲಿ ಸಂಗೀತಪ್ರಿಯರ ಗಮನ ಸೆಳೆದಿದೆ. ಈಗಾಗಲೇ ಹನ್ನೆರಡು ಲಕ್ಷಕ್ಕೂ ಹೆಚ್ಚು ಜನರು ಯೂಟ್ಯೂಬ್‌ನಲ್ಲಿ ಈ ಹಾಡು ಕೇಳಿದ್ದಾರೆ. ಈ ಹಾಡನ್ನು ಮೆಚ್ಚಿ ಸಾಕಷ್ಟು ಜನರು ಕಾಮೆಂಟ್‌ ಮಾಡಿದ್ದಾರೆ. "ಮೊದಲನೇ ಸಲ ಒಂದು ಹಾಡು ಇನ್ನೂ ಒಂದ್ ಸ್ವಲ್ಪ ಜಾಸ್ತಿ ಇರಬೇಕಿತ್ತು ಅನ್ಸಿದ್ದು.." ಎಂದು ಒಬ್ಬರು ಕಾಮೆಂಟ್‌ ಮಾಡಿದ್ದಾರೆ. "ಕದ್ರಿ ಮಂಜುನಾಥ ದೇವಸ್ಥಾನ ಮತ್ತು ತಣ್ಣೀರಭಾವಿ ಬೀಚ್ ಮಂಗಳೂರು.." ಎಂದು ಕೆಲವರು ಹಾಡಿನ ಲೊಕೆಷನ್‌ ಗುರುತಿಸಿದ್ದಾರೆ. "ರುಕ್ಮಿಣಿ ವಸಂತ್‌ ತುಂಬಾ ಕ್ಯೂಟ್‌ ಆಗಿ ಕಾಣಿಸುತ್ತಿದ್ದಾರೆ" ಎಂದು ಕೆಲವರು ನಾಯಕಿಯ ಸೌಂದರ್ಯ ಹೊಗಳಿದ್ದಾರೆ. "ಅದ್ಭುತ ಮ್ಯೂಸಿಕ್ ಅಜನೀಶ್ ಲೋಕನಾಥ್ ಅವ್ರೆ" ಎಂದು ಕೆಲವರು ಅಜನೀಶ್ ಸಂಗೀತಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. "ಪ್ರಮೋದ್ ಮರವಂತೆ ಬರವಣಿಗೆ ಯಾವತ್ತೂ ಸುಂದರವಾಗಿರುತ್ತದೆ" ಎಂದು ಕೆಲವರು ಸಾಹಿತ್ಯಕ್ಕೂ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
