ಬಿಗ್‌ ಬಾಸ್‌ಗೆ ಟಕ್ಕರ್‌! ಕಿರುತೆರೆಯ ದೊಡ್ಡ ಎಂಟರ್ಟೈನ್ಮೆಂಟ್‌ ಶೋ ಆಗಮನಕ್ಕೆ ದಿನಗಣನೆ; ಹೇಗಿರುತ್ತೆ, ಯಾರೆಲ್ಲ ಇರ್ತಾರೆ, ಯಾವಾಗ ಶುರು?
Zee Entertainers Show: ಜೀ ಕನ್ನಡದಲ್ಲಿ ವಾರಾಂತ್ಯದ ಎರಡು ದಿನ ರಿಯಾಲಿಟಿಗಳದ್ದೇ ಸುಗ್ಗಿ. ಈಗ ಇನ್ನೊಂದು ಬಿಗ್ಗೆಸ್ಟ್‌ ರಿಯಾಲಿಟಿ ಶೋವೊಂದನ್ನು ಪರಿಚಯಿಸಲು ಮುಂದಾಗಿದೆ ಜೀ ಕನ್ನಡ. ಆ ಶೋಗೆ ಜೀ ಎಂಟರ್ಟ್ರೇನರ್ಸ್‌ ಎಂಬ ಹೆಸರನ್ನೂ ಇಡಲಾಗಿದೆ. ಏನಿದು ಶೋ, ಯಾವಾಗ ಶುರು? ಇಲ್ಲಿದೆ ಮಾಹಿತಿ.
Zee Entertainers New Show: ಕನ್ನಡ ಕಿರುತೆರೆಯ ರಿಯಾಲಿಟಿ ಶೋಗಳಲ್ಲಿ ಒಂದಕ್ಕಿಂತ ಒಂದು ಶೋಗಳು ವೀಕ್ಷಕರನ್ನು ರಂಜಿಸುತ್ತಲೇ ಬರುತ್ತಿವೆ. ಈಗಾಗಲೇ ಹತ್ತಾರು ಶೋಗಳು ಪ್ರತಿ ವರ್ಷ ಹೊಸ ಹೊಸ ಪರಿಕಲ್ಪನೆಯ ಜತೆಗೆ ಆಗಮಿಸುತ್ತಲೇ ಇವೆ. ಜೀ ಕನ್ನಡದಲ್ಲಿ ವಾರಾಂತ್ಯದ ಎರಡು ದಿನ ರಿಯಾಲಿಟಿಗಳದ್ದೇ ಸುಗ್ಗಿ. ಈಗ ಇನ್ನೊಂದು ಬಿಗ್ಗೆಸ್ಟ್‌ ರಿಯಾಲಿಟಿ ಶೋವೊಂದನ್ನು ಪರಿಚಯಿಸಲು ಮುಂದಾಗಿದೆ ಜೀ ಕನ್ನಡ. ಆ ಶೋಗೆ ಜೀ ಎಂಟರ್ಟ್ರೇನರ್ಸ್‌ ಎಂಬ ಹೆಸರನ್ನೂ ಇಡಲಾಗಿದೆ.
ಫಿಕ್ಷನ್‌ ಮತ್ತು ನಾನ್‌ ಫಿಕ್ಷನ್‌ನ ಟಿಆರ್‌ಪಿ ವಿಚಾರದಲ್ಲಿ ಜೀ ಕನ್ನಡ ಮೊದಲ ಸ್ಥಾನದಲ್ಲಿದೆ. ಹಲವು ರಿಯಾಲಿಟಿ ಶೋಗಳ ಮೂಲಕ ಗಮನ ಸೆಳೆದಿದೆ ಈ ವಾಹಿನಿ. ಈಗ ಅತೀ ದೊಡ್ಡ ಮನರಂಜನಾ ಶೋವೊಂದನ್ನು ಕಿರುತೆರೆ ವೀಕ್ಷಕರ ಮುಂದಿಡಲು ಸಿದ್ಧವಾಗಿದೆ. ಜೀ ಎಂಟರ್ಟ್ರೇನರ್ಸ್‌ ಹೆಸರಿನಲ್ಲಿ ಕಿರುತೆರೆಯ ಕಲಾವಿದರನ್ನು ಒಂದೆಡೆ ಸೇರಿಸಿ ಮನರಂಜನೆಯ ಮಹಾಪೂರವನ್ನೇ ಉಣಬಡಿಸಲು ಬರುತ್ತಿದೆ. ಹಾಗಾದರೆ ಏನಿದು ಶೋ? ಈ ಶೋ ಹೇಗಿರುತ್ತೆ, ಯಾರೆಲ್ಲ ಇರಲಿದ್ದಾರೆ, ಶೋ ಶುರು ಯಾವಾಗ? ಇಲ್ಲಿದೆ ಮಾಹಿತಿ.
ಏನಿದು ಜೀ ಎಂಟರ್ಟ್ರೇನರ್ಸ್‌ ಶೋ?
ಜೀ ಎಂಟರ್ಟ್ರೇನರ್ಸ್‌ ಶೋನ ಹೊಸ ಪ್ರೋಮೋ ಬಿಡುಗಡೆ ಆಗಿದೆ. ಈ ತಿಂಗಳ ಆರಂಭದಲ್ಲಿ ಬಿಗ್ಗೆಸ್ಟ್‌ ಮನರಂಜನೆ ಎಂದು ಸೈರನ್‌ ಸೌಂಡ್‌ ಮಾಡಿದ್ದ ಈ ಶೋ ಇದೀಗ, ಮತ್ತೊಂದು ಸಣ್ಣ ಪ್ರೋಮೋ ಝಲಕ್‌ ಹೊರತಂದಿದೆ. ಈ ಪ್ರೋಮೋ ನೋಡುತ್ತಿದ್ದಂತೆ, ಈ ಶೋನಲ್ಲಿ ಏನೆಲ್ಲ ಇರಬಹುದು ಎಂಬ ಅಂದಾಜಾಗಿದೆ. ಜೀ ಕನ್ನಡದ ಧಾರಾವಾಹಿಗಳ ಖ್ಯಾತ ಜೋಡಿಗಳೇ ಈ ಶೋನ ಹೈಲೈಟ್‌. ಡಾನ್ಸ್‌ನಿಂದ ಹಿಡಿದು, ಹಾಡು ಹರಟೆ, ಮೋಜು ಮಸ್ತಿ ಜತೆಗೆ ಸಖತ್‌ ಮನರಂಜನೆಯ ಅಂಶಗಳನ್ನು ಈ ಶೋ ಹೊಂದಿರಲಿದೆ.
ಯಾರೆಲ್ಲ ಭಾಗವಹಿಸಲಿದ್ದಾರೆ?
ಸದ್ಯ ಬಿಡುಗಡೆ ಆಗಿರುವ ಪ್ರೋಮೋದಲ್ಲಿ ಎಂಟರ್‌ಟೈನ್‌ಮೆಂಟ್‌ನ ಸೈರನ್‌ ಕೊಡೋಕೆ ಬರ್ತಿದ್ದಾರೆ ಜೀ ಎಂಟರ್‌ಟ್ರೈನರ್ಸ್‌. ನೋಡೋಕೆ ರೆಡಿನಾ? ಎಂಬ ಹಿನ್ನೆಲೆ ಧ್ವನಿ ಇದೆ. ಇನ್ನು ಇದೇ ಪ್ರೋಮೋದಲ್ಲಿ ಸೀತಾ ರಾಮ ಸೀರಿಯಲ್‌ನ ರಾಮ್‌-ಸೀತಾ, ಪ್ರಿಯಾ ಅಶೋಕ ಮತ್ತು ಸಹಿ, ಲಕ್ಷ್ಮೀ ನಿವಾಸ ಧಾರಾವಾಹಿಯಿಂದ ಜಾನು- ಜಯಂತ್‌, ಸಿದ್ಧೇಗೌಡ- ಭಾವನಾ ಸಹ ಕಂಡಿದ್ದಾರೆ. ಅಮೃತಧಾರೆ ಸೀರಿಯಲ್‌ನ ಪಾರ್ಥ ಮತ್ತು ಅಪ್ಪಿ ಕಾಣಿಸಿದರೆ, ಪುಟ್ಟಕ್ಕನ ಮಕ್ಕಳು ಸೀರಿಯಲ್‌ನ ಕಂಠಿ ಸಖತ್‌ ಬೈಕ್‌ ಸ್ಟಂಟ್‌ ಮಾಡಿ ಸಾಹಸ ಮೆರೆದಿದ್ದಾರೆ. ಅಣ್ಣಯ್ಯ ಮತ್ತು ಬ್ರಹ್ಮಗಂಟು ಸೀರಿಯಲ್‌ ಕಲಾವಿದರೂ ಪ್ರೋಮೋದಲ್ಲಿದ್ದಾರೆ.
ಯಾವಾಗಿನಿಂದ ಶುರು?
ಸದ್ಯ ಇನ್ನೇನು ಶೀಘ್ರದಲ್ಲಿಯೇ ಶುರುವಾಗಲಿದೆ ಎಂಬ ಸುಳಿವಿನ ಜತೆಗೆ ಜೀ ಎಂಟರ್ಟ್ರೇನರ್ಸ್‌ ಶೋ ಹೊಸ ಹೊಸ ಪ್ರೋಮೋಗಳನ್ನು ರಿಲೀಸ್‌ ಮಾಡುತ್ತಿದೆ. ಹಾಗಾದರೆ ಈ ಶೋ ಯಾವಾಗ ಶುರುವಾಗಲಿದೆ? ಇದಕ್ಕೆ ಉತ್ತರವೂ ಸಿಕ್ಕಿದೆ. ಸದ್ಯ ಜೀ ಕನ್ನಡದಲ್ಲಿ ಶನಿವಾರ ಮತ್ತು ಭಾನುವಾರ ರಾತ್ರಿ 9 ಗಂಟೆಗೆ ಎಲ್ಲರನ್ನು ರಂಜಿಸುತ್ತಿರುವ ಕಾಮಿಡಿ ಕಿಲಾಡಿಗಳು ಪ್ರೀಮಿಯರ್‌ ಲೀಗ್‌ ಕೊನೇ ಹಂತಕ್ಕೆ ಆಗಮಿಸಿದೆ. ಈ ಶೋ ಮುಗಿದ ಬಳಿಕ ಇದೇ ಸಮಯಕ್ಕೆ ಜೀ ಎಂಟರ್ಟ್ರೇನರ್ಸ್‌ ಹೊಸ ಶೋ ಆರಂಭವಾಗಲಿದೆ.
ಬಿಗ್‌ಬಾಸ್‌ಗೆ ಟಕ್ಕರ್‌ ಕೊಡುತ್ತಾ ಈ ಶೋ?
ಸದ್ಯ ಕಲರ್ಸ್‌ ಕನ್ನಡದಲ್ಲಿ ಬಿಗ್‌ ಬಾಸ್‌ ಸೀಸನ್‌ 11 ಶುರುವಾಗಿದೆ. ಈ ರಿಯಾಲಿಟಿ ಶೋಗೆ ಟಿಆರ್‌ಪಿಯಲ್ಲಿಯೂ ಒಳ್ಳೆಯ ನಂಬರ್‌ ಸಿಕ್ಕಿದೆ. ಇದೀಗ ಇದೇ ಬಿಗ್‌ಬಾಸ್‌ ಪ್ರಸಾರ ಸಮಯದಲ್ಲಿಯೇ, ಆ ಶೋಗೆ ಠಕ್ಕರ್‌ ಕೊಡಲು ಜೀ ಕನ್ನಡ ಹೊಸ ಶೋ ಹೊರತರುತ್ತಿದೆಯಾ ಎಂಬ ಮಾತೂ ಕೇಳಿಬಂದಿದೆ. ಆದರೆ, ಜನ ಮಾತ್ರ ಬಿಗ್‌ಬಾಸೇ ಯಾವತ್ತಿದ್ದರೂ ಟಾಪ್‌ ಎಂದು ಕಾಮೆಂಟ್‌ ಮಾಡುತ್ತಿದ್ದಾರೆ.
ವಿಭಾಗ