ಈ ಅದ್ಭುತ ಪ್ರಯೋಜನಗಳಿಗಾಗಿ ಬೇಸಿಗೆ ಕಾಲದಲ್ಲಿ ಡ್ರ್ಯಾಗನ್ ಹಣ್ಣು ಸೇವಿಸಿ..
ವಿಟಮಿನ್ ಎ ಮತ್ತು ಸಿ ಮತ್ತು ಖನಿಜಗಳಾದ ಕ್ಯಾಲ್ಸಿಯಂ, ಐರನ್ ಎಎಮ್‌ಡಿ ಮೆಗ್ನೀಸಿಯಮ್ ಹೊಂದಿರುವ ಡ್ರ್ಯಾಗನ್ ಫ್ರೂಟ್ ಅನೇಕ ಪ್ರಯೋಜನಗಳನ್ನು ಹೊಂದಿದೆ. ಸೆಲೆಬ್ರಿಟಿ ನ್ಯೂಟ್ರಿಷನಿಸ್ಟ್ ಮತ್ತು ಡಯೆಟಿಷಿಯನ್ ಶ್ವೇತಾ ಷಾ ಹಿಂದೂಸ್ತಾನ್ ಟೈಮ್ಸ್ ಡಿಜಿಟಲ್‌ಗೆ ನೀಡಿದ ಸಂದರ್ಶನದಲ್ಲಿ ಬೇಸಿಗೆಯಲ್ಲಿ ಡ್ರ್ಯಾಗನ್ ಹಣ್ಣನ್ನು ಏಕೆ ತಿನ್ನಬೇಕೆಂದು ವಿವರಿಸುತ್ತಾರೆ.
90ರ ದಶಕದಲ್ಲಿ ಭಾರತದಲ್ಲಿ ಮೊದಲು ಪರಿಚಯಿಸಲಾದ ಡ್ರ್ಯಾಗನ್ ಹಣ್ಣಿನ ಜನಪ್ರಿಯತೆಯು ಪ್ರತಿ ವರ್ಷವೂ ಹೆಚ್ಚುತ್ತಿದೆ. ಡ್ರ್ಯಾಗನ್ ಹಣ್ಣು ಅಥವಾ ಸ್ಟ್ರಾಬೆರಿ ಪಿಯರ್ ಭಾರತದಲ್ಲಿ ಕಮಲಂ ಎಂದೂ ಕರೆಯಲ್ಪಡುತ್ತದೆ, ಇದು ಕಪ್ಪು ಬೀಜಗಳಿಂದ ಕೂಡಿದ ಬಿಳಿ ಅಥವಾ ಕೆಂಪು ಮಾಂಸವನ್ನು ಹೊಂದಿರುವ ಸಿಹಿ, ರಸಭರಿತವಾದ ಹಣ್ಣಾಗಿದೆ. ಅದ್ಭುತವಾದ ಪೌಷ್ಟಿಕಾಂಶ ಹಾಗೂ ಕಡಿಮೆ ಕ್ಯಾಲೋರಿ ಒಳಗೊಂಡ ಹಣ್ಣಾಗಿದ್ದು, ನಿಮ್ಮ ಬೇಸಿಗೆಯ ಆಹಾರಕ್ರಮಕ್ಕೆ ಒಂದು ಪರಿಪೂರ್ಣ ಸೇರ್ಪಡೆಯಾಗಿದೆ. ಇದು ಉಷ್ಣೆತೆ, ಶಾಖದಿಂದ ನಿಮ್ಮನ್ನು ತಡೆಯುತ್ತದೆ.
ಡ್ರ್ಯಾಗನ್ ಹಣ್ಣಿನ ಸಸ್ಯವು ಪಾಪಾಸುಕಳ್ಳಿ ಕುಟುಂಬದ ಸದಸ್ಯ ಮತ್ತು ಗುಲಾಬಿ ಅಥವಾ ಹಳದಿ ಚರ್ಮವನ್ನು ಹೊಂದಿದ್ದು ಅದರ ಸುತ್ತಲೂ ಸ್ಪೈಕ್ ತರಹದ ಹಸಿರು ಎಲೆಗಳನ್ನು ಹೊಂದಿರುತ್ತದೆ. ಡ್ರ್ಯಾಗನ್ ಹಣ್ಣಿನ ರುಚಿಯು ಕಿವಿ, ಪೇರಳೆ ಮತ್ತು ಕಲ್ಲಂಗಡಿ ಹಣ್ಣಿನ ಮಿಶ್ರಿತ ರುಚಿಯಂತೆ ಇರುತ್ತದೆ ಹಾಗೂ ಅದರ ಬೀಜಗಳು ಅಡಿಕೆ ರುಚಿಯನ್ನು ಹೊಂದಿರುತ್ತವೆ. ನೋಡಲಿಕ್ಕೆ ಈ ಹಣ್ಣು ಇತರ ಹಣ್ಣುಗಳಿಗಿಂತ ವಿಭಿನ್ನವಾಗಿರುತ್ತದೆ.
ವಿಟಮಿನ್ ಎ ಮತ್ತು ಸಿ ಮತ್ತು ಖನಿಜಗಳಾದ ಕ್ಯಾಲ್ಸಿಯಂ, ಐರನ್ ಎಎಮ್‌ಡಿ ಮೆಗ್ನೀಸಿಯಮ್ ಹೊಂದಿರುವ ಡ್ರ್ಯಾಗನ್ ಫ್ರೂಟ್ ಅನೇಕ ಪ್ರಯೋಜನಗಳನ್ನು ಹೊಂದಿದೆ. ಸೆಲೆಬ್ರಿಟಿ ನ್ಯೂಟ್ರಿಷನಿಸ್ಟ್ ಮತ್ತು ಡಯೆಟಿಷಿಯನ್ ಶ್ವೇತಾ ಷಾ ಹಿಂದೂಸ್ತಾನ್ ಟೈಮ್ಸ್ ಡಿಜಿಟಲ್‌ಗೆ ನೀಡಿದ ಸಂದರ್ಶನದಲ್ಲಿ ಬೇಸಿಗೆಯಲ್ಲಿ ಡ್ರ್ಯಾಗನ್ ಹಣ್ಣನ್ನು ಏಕೆ ತಿನ್ನಬೇಕೆಂದು ವಿವರಿಸುತ್ತಾರೆ.
ಕ್ಯಾನ್ಸರ್ ವಿರುದ್ಧ ರಕ್ಷಿಸುತ್ತದೆ
ಡ್ರ್ಯಾಗನ್ ಹಣ್ಣಿನಲ್ಲಿ ಫ್ಲೇವನಾಯ್ಡ್‌ಗಳು, ಫೀನಾಲಿಕ್ ಆಮ್ಲ ಮತ್ತು ಬೆಟಾಸಯಾನಿನ್‌ನಂತಹ ಉತ್ಕರ್ಷಣ ನಿರೋಧಕಗಳ ಹೆಚ್ಚಿನ ಸಾಂದ್ರತೆಯಿದೆ. ಈ ನೈಸರ್ಗಿಕ ವಸ್ತುಗಳು ನಿಮ್ಮ ಜೀವಕೋಶಗಳನ್ನು ಸ್ವತಂತ್ರ ರಾಡಿಕಲ್ ಹಾನಿಯಿಂದ ರಕ್ಷಿಸುತ್ತವೆ, ಇದು ಕ್ಯಾನ್ಸರ್ ಮತ್ತು ಅಕಾಲಿಕವಾಗಿ ಬರುವ ವಯಸ್ಸಾದಂತಹ ಕಾಯಿಲೆಗಳಿಂದ ನಮ್ಮನ್ನು ರಕ್ಷಿಸುತ್ತದೆ.
ಮಧುಮೇಹ ಇರುವವರಿಗೆ ಅದ್ಭುತವಾದ ಹಣ್ಣು
ಮಧುಮೇಹ ಇರುವವರು ಹಗಲಿನಲ್ಲಿ ತಿನ್ನುವ ಹಣ್ಣುಗಳ ಬಗ್ಗೆ ಬಹಳ ಜಾಗರೂಕರಾಗಿರಬೇಕು. ಈ ನಿಟ್ಟಿನಲ್ಲಿ ಡ್ರ್ಯಾಗನ್ ಹಣ್ಣು ಅವರಿಗೆ ಸಾಕಷ್ಟು ಪ್ರಯೋಜನಕಾರಿಯಾಗಿದೆ. ಇದು ಸ್ವಾಭಾವಿಕವಾಗಿ ಕಡಿಮೆ ಕೊಬ್ಬಿನಾಂಶ ಮತ್ತು ಹೆಚ್ಚಿನ ಫೈಬರ್ ಅನ್ನು ಹೊಂದಿರುತ್ತದೆ. ಇದು ನಿಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಡಿಮೆ ಮಾಡಲು ಸಹ ಸಹಾಯ ಮಾಡುತ್ತದೆ.
ಪ್ರಿಬಯಾಟಿಕ್‌ಗಳಲ್ಲಿ ಸಮೃದ್ಧವಾಗಿದೆ
ಡ್ರ್ಯಾಗನ್ ಹಣ್ಣು ಪ್ರಿಬಯಾಟಿಕ್‌ಗಳ ಉಗ್ರಾಣವಾಗಿದೆ, ಇದು ಮಲಬದ್ಧತೆ, ಹೊಟ್ಟೆ ಉಬ್ಬುವುದು ಸೇರಿದಂತೆ ಮುಂತಾದ ಜೀರ್ಣಕಾರಿ ಸಮಸ್ಯೆಗಳನ್ನು ಹೋಗಲಾಡಿಸುತ್ತದೆ.
ರೋಗನಿರೋಧಕ ಶಕ್ತಿ ಬಲಪಡಿಸುತ್ತದೆ, ಕಬ್ಬಿಣದ ಮಟ್ಟ ಹೆಚ್ಚಿಸುತ್ತದೆ
ಡ್ರ್ಯಾಗನ್ ಹಣ್ಣು ನಿಮ್ಮ ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುತ್ತದೆ. ಇದು ವಿಟಮಿನ್ ಸಿ ಮತ್ತು ಇತರ ಉತ್ಕರ್ಷಣ ನಿರೋಧಕಗಳಲ್ಲಿ ಹೆಚ್ಚಿನ ಪ್ರಮಾಣದಲ್ಲಿರುತ್ತದೆ. ಇದು ಪ್ರತಿರಕ್ಷಣಾ ವ್ಯವಸ್ಥೆಗೆ ಪ್ರಯೋಜನಕಾರಿಯಾಗಿದೆ. ಇದು ನಿಮ್ಮ ಕಬ್ಬಿಣದ ಮಟ್ಟವನ್ನು ಸಹ ಹೆಚ್ಚಿಸುತ್ತದೆ. ನಿಮ್ಮ ದೇಹದ ಮೂಲಕ ಆಮ್ಲಜನಕವನ್ನು ಚಲಿಸಲು ಮತ್ತು ಶಕ್ತಿಯನ್ನು ಒದಗಿಸಲು ಕಬ್ಬಿಣವು ಅವಶ್ಯಕವಾಗಿದೆ ಮತ್ತು ಡ್ರ್ಯಾಗನ್ ಹಣ್ಣು ಕಬ್ಬಿಣವನ್ನು ಹೊಂದಿರುತ್ತದೆ. ಮತ್ತು ಡ್ರ್ಯಾಗನ್ ಹಣ್ಣಿನಲ್ಲಿರುವ ವಿಟಮಿನ್ ಸಿ ನಿಮ್ಮ ದೇಹವು ಕಬ್ಬಿಣದ ಅಂಶವನ್ನು ಹೀರಿಕೊಳ್ಳಲು ಮತ್ತು ಅದನ್ನು ಬಳಸಿಕೊಳ್ಳಲು ಸಹಾಯ ಮಾಡುತ್ತದೆ.
ಡ್ರ್ಯಾಗನ್ ಹಣ್ಣು ತಿನ್ನುವ ನಿಯಮಗಳು
- ಹೆಚ್ಚು ಮಾಗಿದ ಹಾಗೂ ಒಣ ಎಲೆಗಳನ್ನು ಹೊಂದಿರುವ ಹಣ್ಣುಗಳನ್ನು ತಪ್ಪಿಸಿ
- ನೀವು ಹಣ್ಣನ್ನು ಒತ್ತಿದಾಗ ಅದು ಗಟ್ಟಿಯಾಗಿದ್ದರೆ, ಅದನ್ನು ಕೆಲವು ದಿನಗಳವರೆಗೆ ಹಣ್ಣಾಗಲು ಬಿಡಿ
- ನೀವು ತಿಂದು ಉಳಿದಿರುವ ಹಣ್ಣನ್ನು ಬೇಕಾದರೆ ಫ್ರಿಡ್ಜ್‌ನಲ್ಲಿ 3-5 ದಿನಗಳವರೆಗೆ ಸಂಗ್ರಹಿಸಿ ಇಡಬಹುದು. ಇದಕ್ಕಿಂತ ಹೆಚ್ಚು ದಿನ ಇಡಬೇಡಿ.
- ಡ್ರ್ಯಾಗನ್ ಹಣ್ಣಿನ ಸಿಪ್ಪೆಯನ್ನು ತಿನ್ನಬೇಡಿ
- ಇತರ ಹಣ್ಣುಗಳೊಂದಿಗೆ ಸಲಾಡ್ ಮಾಡಿ ಕೂಡ ತಿನ್ನಬಹುದು
ವಿಭಾಗ