ಐಪಿಎಲ್ನಲ್ಲಿ ಆ್ಯಂಡ್ರೆ ರಸೆಲ್ ‘ದ್ವಿಶತಕ’; ಕ್ರಿಸ್ ಗೇಲ್ ದಾಖಲೆ ಮುರಿದು ರೋಹಿತ್ ಕ್ಲಬ್ಗೆ ಸೇರಿದ ಪವರ್ ಹಿಟ್ಟರ್
- Andre Russell: 2024ರ ಐಪಿಎಲ್ 3ನೇ ಪಂದ್ಯದಲ್ಲಿ ಸಿಡಿಲಬ್ಬರದ ಬ್ಯಾಟಿಂಗ್ ನಡೆಸಿದ ಕೋಲ್ಕತ್ತಾ ನೈಟ್ ರೈಡರ್ಸ್ ಆಟಗಾರ ಆ್ಯಂಡ್ರೆ ರಸೆಲ್ ಶ್ರೀಮಂತ ಲೀಗ್ ಸಿಕ್ಸರ್ಗಳ ಮೂಲಕ ಹೊಸದೊಂದು ದಾಖಲೆ ಬರೆದಿದ್ದಾರೆ.
- Andre Russell: 2024ರ ಐಪಿಎಲ್ 3ನೇ ಪಂದ್ಯದಲ್ಲಿ ಸಿಡಿಲಬ್ಬರದ ಬ್ಯಾಟಿಂಗ್ ನಡೆಸಿದ ಕೋಲ್ಕತ್ತಾ ನೈಟ್ ರೈಡರ್ಸ್ ಆಟಗಾರ ಆ್ಯಂಡ್ರೆ ರಸೆಲ್ ಶ್ರೀಮಂತ ಲೀಗ್ ಸಿಕ್ಸರ್ಗಳ ಮೂಲಕ ಹೊಸದೊಂದು ದಾಖಲೆ ಬರೆದಿದ್ದಾರೆ.
(1 / 7)
ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ 4 ರನ್ಗಳ ರೋಚಕ ಗೆಲುವು ಸಾಧಿಸಿದೆ. ಕೆಕೆಆರ್ ಪರ ಸುನಾಮಿ ಬ್ಯಾಟಿಂಗ್ ನಡೆಸಿದ ಆ್ಯಂಡ್ರೆ ರಸೆಲ್, 25 ಎಸೆತಗಳಲ್ಲಿ 7 ಸಿಕ್ಸರ್, 3 ಬೌಂಡರಿ ಸಹಾಯದಿಂದ ಅಜೇಯ 64 ರನ್ ಗಳಿಸಿದ್ದಾರೆ.
(2 / 7)
ಕೋಲ್ಕತ್ತಾದ ಈಡನ್ ಗಾರ್ಡನ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಕೆಕೆಆರ್ 7 ವಿಕೆಟ್ ನಷ್ಟಕ್ಕೆ 208 ರನ್ ಗಳಿಸಿತು. ಈ ಗುರಿ ಬೆನ್ನಟ್ಟಿದ ಸನ್ರೈಸರ್ಸ್ ಹೈದರಾಬಾದ್ 7 ವಿಕೆಟ್ ನಷ್ಟಕ್ಕೆ 204 ರನ್ ಗಳಿಸಿ 4 ರನ್ಗಳಿಂದ ಶರಣಾಯಿತು.
(3 / 7)
ಎಸ್ಆರ್ಹೆಚ್ ವಿರುದ್ಧ ಸಿಕ್ಸರ್ಗಳ ಸುರಿಮಳೆಗೈದ ರಸೆಲ್ ಅವರು ಐಪಿಎಲ್ನಲ್ಲಿ 200 ಸಿಕ್ಸರ್ಗಳ ಮೈಲಿಗಲ್ಲನ್ನು ತಲುಪಿದ್ದಾರೆ. ಆ ಮೂಲಕ ಐಪಿಎಲ್ನಲ್ಲಿ 200 ಸಿಕ್ಸರ್ ಸಿಡಿಸಿದ 9ನೇ ಬ್ಯಾಟರ್ ಎಂಬ ದಾಖಲೆಗೆ ರಸೆಲ್ ಪಾತ್ರರಾಗಿದ್ದಾರೆ. ಸದ್ಯ ಅವರ ಸಿಕ್ಸರ್ ಸಂಖ್ಯೆ 202.
(4 / 7)
ಮತ್ತೊಂದು ದಾಖಲೆ ಅಂದರೆ ಐಪಿಎಲ್ನಲ್ಲಿ ಅತಿ ವೇಗದ 200 ಸಿಕ್ಸರ್ಬಾರಿಸಿದ ಆಟಗಾರ ಎನಿಸಿದ್ದಾರೆ. ರಸೆಲ್ 1322 ಎಸೆತಗಳಲ್ಲಿ 200 ಸಿಕ್ಸರ್ಗಳ ಮೈಲಿಗಲ್ಲನ್ನು ತಲುಪಿದ್ದಾರೆ. ಕ್ರಿಸ್ಗೇಲ್ 2ನೇ ಪಡೆದಿದ್ದು, 200 ಸಿಕ್ಸರ್ ಸಿಡಿಸಲು 1811 ಎಸೆತ ತೆಗೆದುಕೊಂಡಿದ್ದರು. ಆ ಮೂಲಕ ವೇಗದ 200 ಸಿಕ್ಸರ್ ಸಿಡಿಸಿದ್ದ ಗೇಲ್ ದಾಖಲೆ ಮುರಿದು ರಸೆಲ್ ಅಗ್ರಸ್ಥಾನಕ್ಕೇರಿದ್ದಾರೆ.
(5 / 7)
ಗೇಲ್ ಐಪಿಎಲ್ನಲ್ಲಿ ಅತಿ ಹೆಚ್ಚು ಸಿಕ್ಸರ್ಗಳನ್ನು ಬಾರಿಸಿದ ಆಟಗಾರ ಎಂಬ ದಾಖಲೆಯನ್ನು ಹೊಂದಿದ್ದಾರೆ. ಅವರು ಒಟ್ಟು 357 ಸಿಕ್ಸರ್ ಸಿಡಿಸಿದ್ದಾರೆ. 257 ಸಿಕ್ಸರ್ ಸಿಡಿಸಿದ ರೋಹಿತ್ ಶರ್ಮಾ 2ನೇ ಸ್ಥಾನದಲ್ಲಿದ್ದಾರೆ.
(6 / 7)
ಎಬಿ ಡಿವಿಲಿಯರ್ಸ್ (251), ಎಂಎಸ್ ಧೋನಿ (239), ವಿರಾಟ್ ಕೊಹ್ಲಿ (235), ಡೇವಿಡ್ ವಾರ್ನರ್ (228), ಕೀರನ್ ಪೊಲಾರ್ಡ್ (223) ಮತ್ತು ಸುರೇಶ್ ರೈನಾ (203) ನಂತರದ ಸ್ಥಾನಗಳಲ್ಲಿದ್ದಾರೆ. ಇವರ ನಂತರ ರಸೆಲ್ ಸ್ಥಾನ ಪಡೆದಿದ್ದಾರೆ.(PTI)
(7 / 7)
ಕ್ಷಣಕ್ಷಣದ ಅಪ್ಡೇಟ್ಸ್ಗಾಗಿ ಹಿಂದೂಸ್ತಾನ್ ಟೈಮ್ಸ್ ಕನ್ನಡ ಓದಿ.
ಇತರ ಗ್ಯಾಲರಿಗಳು