ಜಗತ್ತಿನ ಅತ್ಯಂತ ಐಷಾರಾಮಿ ಹೋಟೆಲ್ ರೂಮ್‌ಗಳ ಬಾಡಿಗೆ ಎಷ್ಟಿರಬಹುದು; ಇಲ್ಲಿದೆ ನೋಡಿ 10 ಲಕ್ಷುರಿ ಸ್ಯೂಟ್‌ಗಳ ವಿವರ
ಜಗತ್ತಿನ ಅತ್ಯಂತ ಐಷಾರಾಮಿ ಹೋಟೆಲ್ ರೂಮ್‌ಗಳ ಬಾಡಿಗೆ ಎಷ್ಟಿರಬಹುದು? ಗೆಸ್ ಮಾಡಬಹುದಾ. 10 ಲಕ್ಷುರಿ ಸ್ಯೂಟ್‌ಗಳ ವಿವರ ಇಲ್ಲಿದೆ ಗಮನಿಸಿ.
(1 / 10)
ದ ಎಂಪತಿ ಸ್ಯೂಟ್, ಪಾಮ್ಸ್ ಕ್ಯಾಸಿನೋ ರೆಸಾರ್ಟ್, ಲಾಸ್ ವೇಗಾಸ್, ಅಮೆರಿಕ. ಇಲ್ಲಿನ ದ ಎಂಪತಿ ಸ್ಯೂಟ್ ಸ್ಕೈ ವಿಲ್ಲಾಗೆ ಒಂದು ರಾತ್ರಿ 1 ಲಕ್ಷ ಅಮೆರಿಕನ್ ಡಾಲರ್ ಬಾಡಿಗೆ ಇದೆ. ಇದನ್ನು ಬ್ರಿಟಿಷ್ ಕಲಾವಿದ ಡ್ಯಾಮಿಯೆನ್‌ ಹಿರ್ಸ್ಟ್ ವಿನ್ಯಾಸಗೊಳಿಸಿದ್ದು, 2 ಮಾಸ್ಟರ್ ಬೆಡ್ರೂಮ್, ಮಸಾಜ್ ಟೇಬಲ್‌, ಸಾಲ್ಟ್ ರಿಲಾಕ್ಷೇಷನ್ ರೂಮ್‌ ಸೇರಿ ಐಷಾರಾಮಿ ಸೌಕರ್ಯಗಳಿವೆ.
(Palms Casino Resort)
(2 / 10)
ರಾಯಲ್ ಪೆಂಟ್ಹೌಸ್ ಸ್ಯೂಟ್, ಹೋಟೆಲ್ ಪ್ರೆಸಿಡೆಂಟ್‌ ವಿಲ್ಸನ್‌ ಜಿನೇವಾ, ಸ್ವಿಜರ್ಲೆಂಡ್‌. ಈ ಹೋಟೆಲ್‌ನ ರಾಯಲ್ ಪೆಂಟ್‌ ಹೌಸ್‌ ಸ್ಯೂಟ್‌ನಲ್ಲಿ ಒಂದು ರಾತ್ರಿ ಇರಬೇಕಾದರೆ 80,000 ಅಮೆರಿಕನ್ ಡಾಲರ್ ಪಾವತಿಸಬೇಕು. ಇದರಲ್ಲಿ 12 ಬೆಡ್ರೂಮ್, 103 ಇಂಚಿನ ಟಿವಿ ಪರದೆ, ಟೆರೆಸ್‌ನಲ್ಲಿ ನಿಂತು ಆಗಸ ನೋಡಲು ಟೆಲಿಸ್ಕೋಪ್‌ ಸೇರಿ ಅತ್ಯಾಧುನಿಕ ಸೌಕರ್ಯಗಳಿವೆ.
(Hotel President Wilson, a Luxury Collection Hotel)
(3 / 10)
ದ ಮಾರ್ಕ್‌ ಪೆಂಟ್ಹೌಸ್ ಸ್ಯೂಟ್, ದ ಮಾರ್ಕ್‌ ಹೋಟೆಲ್, ನ್ಯೂಯಾರ್ಕ್‌, ಅಮೆರಿಕ. ಫ್ರೆಂಚ್ ಇಂಟೀರಿಯರ್ ಡಿಸೈನರ್‌ ಜಾಕ್ವೆಸ್ ಗ್ರಾಂಜೆ ಇದರ ವಿನ್ಯಾಸಕಾರ. ಮಾರ್ಕ್‌ ಪೆಂಟ್‌ಹೌಸ್‌ನಲ್ಲಿ ಒಂದು ರಾತ್ರಿ ತಂಗಬೇಕಾದರೆ 75000 ಡಾಲರ್ ಕೊಡಬೇಕು. ಇದರಲ್ಲಿ ರೂಫ್‌ಟಾಪ್‌ ಟೆರೇಸ್‌ ಸೇರಿ ಹಲವು ಐಷಾರಾಮಿ ಸೌಕರ್ಯಗಳಿವೆ.
(The Mark)
(4 / 10)
ದ ಮುರಕ ಸ್ಯೂಟ್, ಕೊನಾರ್ಡ್‌ ರಂಗಲಿ ಐಲ್ಯಾಂಡ್‌, ಮಾಲ್ಡೀವ್ಸ್. ದ ಮುರಕ ಸ್ಯೂಟ್‌ನಲ್ಲಿರಬೇಕಾದರೆ ಒಂದು ರಾತ್ರಿಗೆ 60,000 ಡಾಲರ್ ಕೊಡಬೇಕು. ಇದರಲ್ಲೂ ಅಷ್ಟೇ ಹಲವು ಐಷಾರಾಮಿ ಸೌಕರ್ಯಗಳಿವೆ. ಫೋನ್‌ ಮಾಡಿದರೆ ಸಾಕು ಸ್ಪೀಡ್‌ ಬೋಟ್ ಸೇವೆ ಲಭ್ಯವಿದೆ. ಪರ್ಸನಲ್ ಟ್ರೈನರ್ ಕೂಡ ಇರುತ್ತಾರೆ.
(Conrad Maldives Rangali Island)
(5 / 10)
ದ ಪೆಂಟ್ಹೌಸ್ ಸ್ಯೂಟ್, ಹೋಟೆಲ್ ಮಾರ್ಟಿನೆಝ್ ಬೈ ಹೈಟ್‌, ಕ್ಯಾನ್ನೆಸ್ ಫ್ರಾನ್ಸ್‌. ಈ ಪ್ರತಿಷ್ಠಿತ ಪೆಂಟ್‌ಹೌಸ್‌ನಲ್ಲಿ ಒಂದು ರಾತ್ರಿ ಉಳಿದುಕೊಳ್ಳಲು 55,000 ಡಾಲರ್ ಕೊಡಬೇಕು. ಇದು ಹೋಟೆಲ್‌ನ ತುತ್ತತುದಿಯ ಮಹಡಿಯಲ್ಲಿದ್ದು, ಬಹುದೊಡ್ಡ ಟೆರೇಸ್‌ ಕೂಡ ಇದೆ. ಅಲ್ಲಿಂದ ಸಮುದ್ರ ವೀಕ್ಷಣೆ ಸೌಲಭ್ಯ ಸೇರಿ ಹಲವು ಐಷಾರಾಮಿ ಸೌಲಭ್ಯಗಳಿವೆ.
(Hôtel Martinez)
(6 / 10)
ಹಿಲ್‌ಟಾಪ್ ವಿಲ್ಲಾ, ಕೊಮೊ ಲೌಕಲಾ ಐಲ್ಯಾಂಡ್‌, ಫಿಜಿ. ಇದು ಕೂಡ ದ್ವೀಪದ ತುತ್ತ ತುದಿಯಲ್ಲಿದ್ದು ಮೂರು ಬೆಡ್‌ರೂಮ್‌ನ ವಿಲ್ಲಾ. ಇದರಲ್ಲಿ ಒಂದು ರಾತ್ರಿ ಉಳಿಯಬೇಕಾದರೆ 55,000 ಡಾಲರ್ ಕೊಡಬೇಕು.
(HILLTOP VILLA)
(7 / 10)
ಪ್ರೈವೇಟ್ ಐಲ್ಯಾಂಡ್‌, ಚೆವಲ್‌ ಬ್ಲಾಂಕ್‌ ರಾಂಧೆಲಿ, ಮಾಲ್ಡೀವ್ಸ್. ಈ ರೆಸಾರ್ಟ್ 46 ದ್ವೀಪ ವೀಕ್ಷಣೆಗೆ ಅನುಕೂಲಕರವಾಗಿದ್ದು, ಒಂದು ರಾತ್ರಿಗೆ 50,000 ಡಾಲರ್ ಶುಲ್ಕ ವಿಧಿಸುತ್ತದೆ. ನಾಲ್ಕು ಬೆಡ್ರೂಮ್ ವಿಲ್ಲಾ ಇದಾಗಿದ್ದು, ಖಾಸಗಿ ದ್ವೀಪದಲ್ಲಿದೆ.
(Cheval Blanc Randheli)
(8 / 10)
ರಾಯಲ್ ವಿಲ್ಲಾ, ಗ್ರಾಂಡ್ ರೆಸಾರ್ಟ್ ಲಾಗನಿಸಿ, ಅಥೇನ್ಸ್ ಗ್ರೀಸ್‌. ಈ ರಾಯಲ್ ವಿಲ್ಲಾದಲ್ಲಿ ಉಳಿದುಕೊಳ್ಳಲು 45,000 ಡಾಲರ್ ಕೊಡಬೇಕು. ಅದ್ಬುತ ಒಳಾಂಗಣ ವಿನ್ಯಾಸ, ಐಷಾರಾಮಿ ಸೌಲಭ್ಯಗಳು ಗಮನಸೆಳೆಯುತ್ತವೆ.
(Grand Resort Lagonissi)
(9 / 10)
ದ ಬೌಲ್‌ಗರಿ ವಿಲ್ಲಾ, ಬೌಲ್‌ಗರಿ ರೆಸಾರ್ಟ್ ದುಬೈ, ಯುಎಇ. ಈ ರೆಸಾರ್ಟ್‌ನಲ್ಲಿ 101 ರೂಮ್‌ ಮತ್ತು ಸ್ಯೂಟ್‌ಗಳಿವೆ. ಇದರಲ್ಲಿ ಅತ್ಯುತ್ತಮ ದರ್ಜೆಯ ದ ಬೌಲ್‌ಗರಿ ವಿಲ್ಲಾದಲ್ಲಿ ಒಂದು ರಾತ್ರಿ ಉಳಿದುಕೊಳ್ಳಬೇಕಾದರೆ 35,000 ಡಾಲರ್ ಕೊಡಬೇಕು. ಇದು ಐಷಾರಾಮಿ ಸೌಲಭ್ಯಗಳೊಂದಿಗೆ ಇದ್ದು, ಅತಿಶ್ರೀಮಂತರ ಕುಟುಂಬ, ಸ್ನೇಹಿತರ ಮೆಚ್ಚಿನ ತಾಣವಾಗಿ ಬಳಕೆಯಲ್ಲಿದೆ.
(. THE BVLGARI VILLA, THE BVLGARI RESORT DUBAI, UAE)
(10 / 10)
ದ ಗ್ರಾಂಡ್ ರಿಯಾದ್, ದ ರಾಯಲ್ ಮನ್ಸೂರ್, ಮರಾಕೆಚ್‌, ಮೊರಾಕ್ಕೊ, ದ ಗ್ರಾಂಡ್ ರಿಯಾದ್ ಸ್ಯೂಟ್‌ನಲ್ಲಿ ಒಂದು ರಾತ್ರಿ ಉಳಿಯಬೇಕಾದರೆ 30,000 ಡಾಲರ್ ಪಾವತಿಸಬೇಕು. ರಿಯಾದ್‌ನ ಅತ್ಯಂತ ಐಷಾರಾಮಿ ಸ್ಯೂಟ್ ಇದಾಗಿದ್ದು, ಬಹುತೇಕ ಅತಿ ಶ್ರೀಮಂತರ ನೆಚ್ಚಿನ ತಾಣವಾಗಿದೆ.
(THE ROYAL MANSOUR, MARRAKECH, MOROCCO)ಇತರ ಗ್ಯಾಲರಿಗಳು