Shikha Pandey Life Story: ಓದಿದ್ದು ಇಂಜಿನಿಯರಿಂಗ್, ಏರ್‌ಫೋರ್ಸ್ನಲ್ಲಿ ಉದ್ಯೋಗಿ, ಆಗಿದ್ದು ಕ್ರಿಕೆಟರ್: ಶಿಖಾ ಪಾಂಡೆ ಲೈಫ್ ಸ್ಟೋರಿ
- Shikha Pandey: ಶಿಖಾ ಪಾಂಡೆ ಭಾರತ ಮಹಿಳಾ ತಂಡದ ಬೌಲಿಂಗ್ ಆಲ್ರೌಂಡರ್. ಇವರ ಕ್ರಿಕೆಟ್ ಜರ್ನಿ ತುಂಬಾ ರೋಚಕವಾಗಿದ್ದು, ಸಾವಿರಾರು ಯುವ ಆಟಗಾರ್ತಿಯರಿಗೆ ಸ್ಫೂರ್ತಿಯಾಗಿದ್ದಾರೆ. ಅವರ ಕುತೂಹಲಕಾರಿ ಜೀವನದ ಕುರಿತು ಈ ಮುಂದೆ ನೋಡೋಣ.
- Shikha Pandey: ಶಿಖಾ ಪಾಂಡೆ ಭಾರತ ಮಹಿಳಾ ತಂಡದ ಬೌಲಿಂಗ್ ಆಲ್ರೌಂಡರ್. ಇವರ ಕ್ರಿಕೆಟ್ ಜರ್ನಿ ತುಂಬಾ ರೋಚಕವಾಗಿದ್ದು, ಸಾವಿರಾರು ಯುವ ಆಟಗಾರ್ತಿಯರಿಗೆ ಸ್ಫೂರ್ತಿಯಾಗಿದ್ದಾರೆ. ಅವರ ಕುತೂಹಲಕಾರಿ ಜೀವನದ ಕುರಿತು ಈ ಮುಂದೆ ನೋಡೋಣ.
(1 / 11)
ಭಾರತ ಮಹಿಳಾ ತಂಡದ ಪ್ರಮುಖ ಬೌಲರ್ ಆಗಿದ್ದ ಶಿಖಾ ಪಾಂಡೆ, ಎದುರಾಳಿಗಳಿಗೆ ನಡುಕ ಹುಟ್ಟಿಸುತ್ತಿದ್ದರು. ಪ್ರತಿಭಾನ್ವಿತ ವಿದ್ಯಾರ್ಥಿ ಆಗಿದ್ದ ಶಿಖಾ, ಸಿಬಿಎಸ್‌ಇ ಟಾಪರ್ ಆಗಿದ್ದರು. ಅಷ್ಟೇ ಅಲ್ಲದೆ, ಇಂಜಿನಿಯರಿಂಗ್ ಪದವೀದರೆಯಾಗಿದ್ದ ಆಟಗಾರ್ತಿ, ಏರ್‌ಫೋರ್ಸ್ನಲ್ಲೂ ಉದ್ಯೋಗ ಪಡೆದಿದ್ದರು ಎಂಬುದು ವಿಶೇಷ.
(2 / 11)
ಎಷ್ಟೋ ಮಂದಿ ಏರ್ಪೋರ್ಸ್ನಲ್ಲಿ ಕೆಲಸ ಸಿಕ್ಕರೆ ಸಾಕಪ್ಪ ಎನ್ನುವವರು ಇರುವವರ ನಡುವೆ, ಮಧ್ಯಮ ಬೌಲಿಂಗ್ ಆಟಗಾರ್ತಿ, ಏರ್ಪೋರ್ಸ್ನಲ್ಲಿ ಒಂದೊಳ್ಳೆ ಕೆಲಸ ಪಡೆದಿದ್ದರು. ಕೈ ತುಂಬಾ ಸಂಬಳ ದೊರೆತರೂ ಏರ್ಪೋರ್ಸ್ನಲ್ಲಿ ಹುದ್ದೆ ತೊರೆದ ಆಟಗಾರ್ತಿ ಹೆಜ್ಜೆ ಹಾಕಿದ್ದು ವೃತ್ತಿಪರ ಕ್ರಿಕೆಟ್ನತ್ತ.
(3 / 11)
ತೆಲಂಗಾಣ ರಾಜ್ಯದ ಸಣ್ಣ ಹಳ್ಳಿ ರಾಮಗುಂಡಂ (ಪ್ರಸ್ತುತ ಆಂಧ್ರಕ್ಕೆ ಸೇರಿದೆ) ಎಂಬಲ್ಲಿ ಹುಟ್ಟಿದ ಶಿಖಾ ಪಾಂಡೆ, ವಿದ್ಯಾಭ್ಯಾಸದಲ್ಲಿ ತುಂಬಾ ಪ್ರವೀಣೆಯಾಗಿದ್ದರು. ಓದಿನಲ್ಲಿ ಆಕೆಯನ್ನು ಹಿಂದಿಕ್ಕುವವರೇ ಇರಲಿಲ್ಲ. ಮತ್ತೊಂದು ವಿಶೇಷ ಅಂದರೆ, 10ನೇ ತರಗತಿಯ ಸಿಎಬಿಎಸ್ಇ ಎಕ್ಸಾಮ್ನಲ್ಲಿ ಟಾಪರ್ ಆಗಿದ್ದರು.
(4 / 11)
ಹುಟ್ಟಿದ್ದು ಆಂಧ್ರದಲ್ಲಿಯಾದರೂ, ನೆಲೆಸಿರುವುದು ಗೋವಾದಲ್ಲಿ. ಸಿಬಿಎಸ್‌ಇ ಎಕ್ಸಾಮ್ನಲ್ಲಿ ಟಾಪರ್ ಆದ ಬೆನ್ನಲ್ಲೇ ವಿದ್ಯಾಭ್ಯಾಸದ ಕಡೆ ಒಲವು ತೋರಿಸಿದ್ದರು. ಆದರೆ, ಅದಾಗಲೇ ಕ್ರಿಕೆಟ್ ಮೇಲೆ ಹೆಚ್ಚು ಪ್ರೀತಿ ಹೊಂದಿದ್ದ ಶಿಖಾ, ಓದಿನ ಕಡೆ ಗಮನ ಹರಿಸಿದ ಪರಿಣಾಮ ಕ್ರಿಕೆಟ್ ಮೇಲೆ ಕೊಂಚ ಇಳಿಮುಖವಾಗುತ್ತಾ ಸಾಗಿತು.
(5 / 11)
ಆದರೆ, ಅವರು ಗೋವಾ ಕಾಲೇಜಿನಲ್ಲಿ ಇಂಜಿನಿಯರಿಂಗ್ ಪದವಿ ಓದುತ್ತಿದ್ದಾಗ ಕ್ರಿಕೆಟ್ನತ್ತ ಫೋಕಸ್ ಮಾಡಿದರು. ಬೆಳಿಗ್ಗೆ ವ್ಯಾಸಾಂಗ ಮಾಡುತ್ತಿದ್ದರೆ, ಸಂಜೆಯ ಸಮಯದಲ್ಲಿ ಕ್ರಿಕೆಟ್ ಪ್ರಾಕ್ಟೀಸ್ ಮಾಡುತ್ತಿದ್ದರು.
(6 / 11)
ಇಂಜಿನಿಯರಿಂಗ್ ಮುಗಿಸುತ್ತಿದ್ದಂತೆ ಕ್ಯಾಂಪಸ್‌ ಸೆಲೆಕ್ಷನ್ ವೇಳೆ ಮೂರು ಕಂಪನಿಗಳು ದೊಡ್ಡ ಆಫರ್‌ ನೀಡಿದ್ದವು. ಉತ್ತಮ ಸಂಬಳದ ಆಫರ್‌ ನೀಡಿದ್ದವು. ಆದರೆ ಶಿಖಾ ತಿರಸ್ಕರಿಸಿದರು. ಬಳಿಕ ಕ್ರಿಕೆಟ್ನತ್ತ ಗಮನ ಹರಿಸಿದರು.
(7 / 11)
ಇದರ ಬೆನ್ನಲ್ಲೇ 2011ರಲ್ಲಿ ಶಿಖಾ ಇಂಡಿಯನ್‌ ಏರ್‌ಫೋರ್ಸ್ನಲ್ಲಿ ಕೆಲಸ ಆರಂಭಿಸಿದರು. ಆದರೆ ಇದಾದ ಒಂದು ವರ್ಷದಲ್ಲೇ ಏರ್ ಟ್ರಾಫಿಕ್ ಕಂಟ್ರೋಲರ್ ಆಗಿ ಪ್ರಮೋಷನ್ ಪಡೆದರು. ಆದರೆ, ಅವರ ಸೆಳೆತ ಇದ್ದದ್ದು ಕ್ರಿಕೆಟ್ನತ್ತ.
(8 / 11)
ಬಳಿಕ ಕ್ರಿಕೆಟ್ ಕಡೆ ಗಮನ ಹರಿಸಿದರ ಶಿಖಾ, 2014ರಲ್ಲಿ ಭಾರತ ಮಹಿಳಾ ಕ್ರಿಕೆಟ್ ತಂಡದ ಪರ ಪದಾರ್ಪಣೆ ಮಾಡಿದರು. ಈ ಮೂಲಕ ದಿಲೀಪ್ ಸರ್‌ದೇಸಾಯಿ ಬಳಿಕ ಭಾರತ ಪ್ರತಿನಿಧಿಸಿದ ಮೊದಲ ಗೋವಾ ಕ್ರಿಕೆಟರ್ ಎಂಬ ಹೆಗ್ಗಳಿಕೆಗೆ ಶಿಖಾ ಪಾತ್ರರಾಗಿದ್ದಾರೆ.
(9 / 11)
2014ರಲ್ಲೇ ಭಾರತ ಪರ ಟೆಸ್ಟ್, ಏಕದಿನ ಹಾಗೂ ಟಿ20ಗೆ ಪದಾರ್ಪಣೆ ಮಾಡಿ ಮಿಂಚಿದ ಶಿಖಾ ಪಾಂಡೆಗೆ ವಾಯುಪಡೆಯಿಂದ ಮತ್ತೊಂದು ಮತ್ತೊಂದು ಗೌರವ ಲಭಿಸಿತು. 2020ರ T20 ವಿಶ್ವಕಪ್ನಲ್ಲಿ ಭಾರತ ತಂಡ ಪ್ರತಿನಿಧಿಸಿದ ಪಾಂಡೆಗೆ ಭಾರತೀಯ ವಾಯುಪಡೆಯಲ್ಲಿ ಸ್ಕ್ವಾಡ್ರನ್ ಲೀಡರ್ ರ‍್ಯಾಂಕ್‌ ನೀಡಿ ಗೌರವಿಸಲಾಗಿತ್ತು.
(10 / 11)
ಅತ್ಯುತ್ತಮ ಜ್ಞಾನ ಹೊಂದಿದ್ದ ಪರಿಣಾಮ ಶಿಖಾ ಪಾಂಡೆ ಅವರನ್ನು 'ಶಿಖಿಪೀಡಿಯಾ' ಎಂಬ ಅಡ್ಡ ಹೆಸರಿನಿಂದ ಕರೆಯಲಾಗುತ್ತಿತ್ತು.
(11 / 11)
55 ಏಕದಿನಗಳಲ್ಲಿ 512 ರನ್ ಗಳಿಸಿದ್ದು, 75 ವಿಕೆಟ್ ಪಡೆದಿದ್ದಾರೆ. 3 ಟೆಸ್ಟ್ ಪಂದ್ಯಗಳಲ್ಲಿ 55 ರನ್ ಸಿಡಿಸಿದ್ದು, 4 ವಿಕೆಟ್ ಪಡೆದಿದ್ದಾರೆ. 62 ಟಿ20ಗಳ ಪೈಕಿ 208 ರನ್ ಕಲೆ ಹಾಕುವುದರ ಜೊತೆಗೆ 43 ವಿಕೆಟ್ ಉರುಳಿಸಿದ್ದಾರೆ.
ಇತರ ಗ್ಯಾಲರಿಗಳು