ದೀಪಾವಳಿಗೆ ಅಂದವಾಗಿ ರೆಡಿಯಾಗಿ ಫೋಟೋಶೂಟ್ ಮಾಡಿಸೋ ಪ್ಲ್ಯಾನ್‌ ಇದ್ಯಾ? ಕಿರುತೆರೆ ಸ್ಟಾರ್‌ಗಳ ಈ ಸ್ಟೈಲ್‌ ನಿಮಗೆ ಇಷ್ಟವಾಗಬಹುದು
- ದೀಪಾವಳಿ ಹಬ್ಬಕ್ಕೆ ಹಣತೆಗಳನ್ನು ಹಚ್ಚಿ ಸಂಭ್ರಮಿಸುವುದು ಸಾಮಾನ್ಯ. ಹಬ್ಬವೆಂದರೆ, ಹೊಸ ಹೊಸ ಉಡುಪು ಧರಿಸಿ ಹಬ್ಬ ಆಚರಿಸುವುದೆಂದರೆ ಖುಷಿ. ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಬಗೆಬಗೆಯ ಉಡುಪು ಧರಿಸಿ ಬೆಳಕಿನ ಹಬ್ಬವನ್ನು ಎಂಜಾಯ್‌ ಮಾಡಬಹುದು. ನಿಮಗಾಗಿ ದೀಪಾವಳಿ ಡ್ರೆಸಿಂಗ್‌ ಐಡಿಯಾ ನಾವು ಕೊಡ್ತೀವಿ.
- ದೀಪಾವಳಿ ಹಬ್ಬಕ್ಕೆ ಹಣತೆಗಳನ್ನು ಹಚ್ಚಿ ಸಂಭ್ರಮಿಸುವುದು ಸಾಮಾನ್ಯ. ಹಬ್ಬವೆಂದರೆ, ಹೊಸ ಹೊಸ ಉಡುಪು ಧರಿಸಿ ಹಬ್ಬ ಆಚರಿಸುವುದೆಂದರೆ ಖುಷಿ. ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಬಗೆಬಗೆಯ ಉಡುಪು ಧರಿಸಿ ಬೆಳಕಿನ ಹಬ್ಬವನ್ನು ಎಂಜಾಯ್‌ ಮಾಡಬಹುದು. ನಿಮಗಾಗಿ ದೀಪಾವಳಿ ಡ್ರೆಸಿಂಗ್‌ ಐಡಿಯಾ ನಾವು ಕೊಡ್ತೀವಿ.
(1 / 8)
ಈ ಬಾರಿಯ ದೀಪಾವಳಿಗೆ ಬಗೆಬಗೆಯ ಉಡುಪು ಪ್ಲಾನ್‌ ಮಾಡಿಕೊಳ್ಳಿ. ಕನ್ನಡ ಕಿರುತರೆಯ ಕಲಾವಿದರ ಫ್ಯಾಶನ್‌ ನಿಮಗೆ ನೆರವಾಗಬಹುದು. ಟಿವಿಯಲ್ಲಿ ಗಮನ ಸೆಳೆಯುವ ಕಲಾವಿದರು ಹಬ್ಬದ ಸಂಭ್ರಮಕ್ಕೆ ಧರಿಸಬಲ್ಲ ಉಡುಗೆಯೊಂದಿಗೆ ಕಾಣಿಸಿಕೊಂಡಿದ್ದಾರೆ. ಅದರ ಫೋಟೋ ಇಲ್ಲಿದೆ ನೋಡಿ.
(2 / 8)
ಯುವತಿಯರು ಅಥವಾ ವಿವಾಹಿತ ನಾರಿಯರು, ಜೊತೆಜೊತೆಯಲಿ ಧಾರಾವಾಹಿಯಲ್ಲಿ ಮಿಂಚಿದ್ದ ನಟಿ ಮೇಘಾಶೆಟ್ಟಿಯಂತೆ ಸರಳವಾಗಿ ಸೀರೆ ಉಟ್ಟು ಹಬ್ಬ ಆಚರಿಸಬಹುದು. ಇನ್ನೂ ಸಿಂಪಲ್‌ ಲುಕ್‌ ಬೇಕೆಂದರೆ ಸೆಲ್ವಾರ್‌ ಧರಿಸಬಹುದು.
(3 / 8)
ಗೀತಾ ಧಾರಾವಾಹಿಯಲ್ಲಿ ನಾಯಕ ನಟನಾಗಿ ಮಿಂಚಿದ್ದ ಧನುಶ್‌ ಅವರ ಫೋಟೋ ನೋಡಿ. ಹುಡುಗರು ಬಿಳಿ ಬಣ್ಣದ ಸಿಂಪಲ್‌ ಕುರ್ತಾ ಧರಿಸಿ ಬೆಳಕಿನ ಹಬ್ಬಕ್ಕೆ ರೆಡಿಯಾಗಬಹುದು. ಇದಕ್ಕೊಂದು ಧೋತಿ ಕಟ್ಟಿಕೊಂಡರೆ ಇನ್ನೂ ಚೆನ್ನಾಗಿ ಕಾಣಿಸುತ್ತದೆ.
(4 / 8)
ಮನೆಯಲ್ಲಿ ಮಕ್ಕಳು ಇದ್ದರೆ, ಗಂಡು ಮತ್ತು ಹೆಣ್ಣು ಮಕ್ಕಳಿಗೆ ಈ ರೀತಿಯ ಬಟ್ಟೆ ಪ್ಲಾನ್‌ ಮಾಡಬಹುದು. ಸೀತಾರಾಮ ಧಾರಾವಾಹಿಯ ಮಗು ಸಿಹಿ, ಹೆಣ್ಣು ಮಕ್ಕಳಿಗೆ ಒಪ್ಪುವಂತೆ ಸೀರೆ ಧರಿಸಿದ್ದಾಳೆ. ಮಕ್ಕಳಿಗೆ ಇಂಥಾ ಉಡುಗೆ ತುಂಬಾ ಇಷ್ಟವಾಗುತ್ತದೆ. ಹುಡುಗರು ಈ ಬಾಲಕನಂತೆ ಸಾಂಪ್ರದಾಯಿಕ ಬಟ್ಟೆ ಪ್ಲಾನ್‌ ಮಾಡಬಹುದು.
(5 / 8)
ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯ ಸಂಜನಾ ಬುರ್ಲಿ ಸಾಂಪ್ರದಾಯಿಕವಾಗಿ ಅದ್ಧೂರಿ ಸೀರೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಅದಕ್ಕೆ ಒಪ್ಪುವಂತೆ ಆಭರಣ ಧರಿಸಿದ್ದಾರೆ. ಅದ್ಧೂರಿಯಾಗಿ ಸಿದ್ಧರಾಗಲು ಬಯಸುವ ಮಹಿಳೆಯರು ಈ ರೀತಿ ಡ್ರೆಸಿಂಗ್‌ ಪ್ಲಾನ್‌ ಮಾಡಬಹುದು.
(6 / 8)
ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯಲ್ಲಿ ಕಂಠಿಯಾಗಿ ಮಿಂಚುತ್ತಿರುವ ಧನುಶ್‌, ಸ್ಮಾರ್ಟ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ದೀಪಾವಳಿಗೆ ಸಾಂಪ್ರದಾಯಿಕ ಬಿಳಿ ಪಂಚೆ ಧರಿಸಿದರೆ ಅದರ ಅಂದವೇ ಬೇರೆ. ಪುರುಷರಿಗೆ ಇನ್ನೂ ಅದ್ಧೂರಿ ಉಡುಗೆ ಬೇಕೆಂದರೆ ಧೋತಿ ಪ್ಯಾಂಟ್‌ ಜೊತೆಗೆ ಶೆರ್ವಾನಿ ಧರಿಸಬಹುದು.
(7 / 8)
ಬಿಗ್‌ಬಾಸ್‌ ವಿನ್ನರ್‌ ಕಾರ್ತಿಕ್‌ ಮಹೇಶ್‌ ಕಪ್ಪು ಮತ್ತು ಬಿಳಿ ಬಣ್ಣದ ಕಾಂಬಿನೇಶನ್‌ನಲ್ಲಿ ಸಿಂಪಲ್‌ ಕುರ್ತಾ ಧರಿಸಿದ್ದಾರೆ. ನಿಮಗೆ ಕಪ್ಪು ಬಣ್ಣ ಇಷ್ಟವಾಗುವುದಾದರೆ ಈ ಸರಳ ಡ್ರೆಸಿಂಗ್‌ ಮಾಡಬಹುದು.
(8 / 8)
ಅಮ್ಮ-ಮಗಳು ಧರಿಸಬಹುದಾದ ಉಡುಪಿನ ಐಡಿಯಾ ಇದು. ಸೀತಾರಾಮ ಧಾರಾವಾಹಿಯ ವೈಷ್ಣವಿ ಗೌಡ ಅವರು ರಿತು ಸಿಂಗ್‌ (ಸಿಹಿ) ಅವರೊಂದಿಗೆ ಹೀಗೆ ಪೋಸ್‌ ಕೊಟ್ಟಿದ್ದಾರೆ. ಅಮ್ಮ ಮಗಳು ಸೀರೆ ಉಟ್ಟು ಹಬ್ಬ ಆಚರಿಸಿದರೆ ಎಷ್ಟು ಚೆನ್ನಾಗಿರುತ್ತೆ ಅಲ್ವಾ?
ಇತರ ಗ್ಯಾಲರಿಗಳು