ಮೈಸೂರು ದಸರಾಕ್ಕೆ ಬರುತ್ತಿದ್ದೀರಾ, ಮೈಸೂರಿನಲ್ಲಿರುವ ಈ ಪ್ರಮುಖ, ವೈವಿಧ್ಯಮಯ 12 ಮ್ಯೂಸಿಯಂಗಳಿಗೆ ಭೇಟಿ ನೀಡದೇ ಹೋಗಬೇಡಿ photos
- ಮೈಸೂರು ಎಂದರೆ ಅರಮನೆಗಳ ನಗರಿ.ಪಾರಂಪರಿಕ ತಾಣಗಳ ಊರು ಹೌದು. ಇಲ್ಲಿ ಪ್ರಮುಖ 12 ಮ್ಯೂಸಿಯಂಗಳು ಕೂಡ ಪ್ರವಾಸಿಗರನ್ನು ಕೈ ಬೀಸಿ ಕರೆಯುತ್ತಿವೆ. ಅವುಗಳ ವಿವರ ಇಲ್ಲಿದೆ.
- ಮೈಸೂರು ಎಂದರೆ ಅರಮನೆಗಳ ನಗರಿ.ಪಾರಂಪರಿಕ ತಾಣಗಳ ಊರು ಹೌದು. ಇಲ್ಲಿ ಪ್ರಮುಖ 12 ಮ್ಯೂಸಿಯಂಗಳು ಕೂಡ ಪ್ರವಾಸಿಗರನ್ನು ಕೈ ಬೀಸಿ ಕರೆಯುತ್ತಿವೆ. ಅವುಗಳ ವಿವರ ಇಲ್ಲಿದೆ.
(1 / 12)
ಮೈಸೂರಿನ ಮರಳು ಕಲಾವಿದೆ ಗೌರಿ ಅವರು ದಶಕದಿಂದ ಹಲವು ಕಡೆಗಳಲ್ಲಿ ಮರಳು ಕಲಾಕೃತಿ ರಚಿಸುತ್ತಿದ್ದರು. ಈಗ ಚಾಮುಂಡಿಬೆಟ್ಟಕ್ಕೆ ಹೋಗುವ ರಸ್ತೆಯಲ್ಲಿಯೇ ಮರಳಿನ ಮ್ಯೂಸಿಯಂ ಆರಂಭಿಸಿದ್ದಾರೆ. ಚಾಮುಂಡಿಬೆಟ್ಟಕ್ಕೆ ಹೋಗುವವರು ಇಲ್ಲಿಗೂ ಹೋಗಬಹುದು.
(2 / 12)
ಮೈಸೂರಿನ ಅರಮನೆ ಒಳಗಡೆ ವಿಭಿನ್ನ ಮ್ಯೂಸಿಯಂ ಇದೆ. ಇದು ಪ್ರಾಣಿಗಳನ್ನು ಬೇಟೆಯಾಡಿ ಟ್ಯಾಕ್ಸಿ ಡರ್ಮಿ ಮೂಲಕ ಸಂರಕ್ಷಣೆ ಮಾಡಲಾಗಿದೆ. ಇಲ್ಲಿ ಬಗೆಬಗೆಯ ಪ್ರಾಣಿಗಳ ಸ್ಟಫ್ಫಿಂಗ್‌ ಪ್ರಾಣಿಗಳಿವೆ. ಪೂರ್ವಾನುಮತಿಯೊಂದಿಗೆ ಅರಮನೆಯಲ್ಲಿ ಇದನ್ನು ವೀಕ್ಷಿಸಬಹುದು.
(3 / 12)
ಮೈಸೂರಿನ ರೈಲ್ವೆ ನಿಲ್ದಾಣಕ್ಕೆ ಹೊಂದಿಕೊಂಡಂತೆ ಕೆಆರ್‌ಎಸ್‌ ಗೆ ಹೋಗುವ ರಸ್ತೆಯಲ್ಲಿರುವ ರೈಲ್ವೆ ಮ್ಯೂಸಿಯಂ ವಿಶೇಷ ಆಕರ್ಷಣೆ. ರೈಲುಗಳ ಬೆಳವಣಿಗೆ ಹಾದಿಯನ್ನು ವಿಭಿನ್ನ ರೈಲುಗಳ ಮೂಲಕ ಇಲ್ಲಿ ವೀಕ್ಷಿಸಬಹುದು.
(4 / 12)
ಕರ್ನಾಟಕದ ಮೊದಲ ಶ್ರೀಗಂಧ ಮ್ಯೂಸಿಯಂ ಅನ್ನು ಕರ್ನಾಟಕ ಅರಣ್ಯ ಇಲಾಖೆಯು ಮೈಸೂರಿನ ಅಶೋಕಪುರಂನಲ್ಲಿರುವ ಅರಣ್ಯ ಭವನದಲ್ಲಿ ಆರಂಭಿಸಿದೆ. ಶ್ರೀಗಂಧದ ಕುರಿತಾದ ಸಮಗ್ರ ಮಾಹಿತಿ ಇಲ್ಲಿ ಸಿಗಲಿದೆ.
(5 / 12)
ಕೇಂದ್ರ ಪರಿಸರ ಸಚಿವಾಲಯದ ಪ್ರಾದೇಶಿಕ ಪ್ರಾಕೃತಿಕ ವಸ್ತುಸಂಗ್ರಹಾಲಯವು ವಿಶೇಷವಾಗಿದ್ದು, ಮೈಸೂರಿನ ಸಿದ್ದಾರ್ಥನಗರದ ಡೇರಿ ಸಮೀಪದಲ್ಲಿಯೇ ಇದೆ. ಇದು ಮನುಷ್ಯನ ಬೆಳವಣಿಗೆ. ಪ್ರಾಣಿಗಳ ಬೆಳವಣಿಗೆ ಹಾದಿ, ಬದುಕಿನ ಕ್ರಮದ ವಿಭಿನ್ನ ಮಾಹಿತಿ ನೀಡುವ ಸಂಗ್ರಹಾಲಯ.
(6 / 12)
ಮೈಸೂರಿನ ಅರಮನೆ ಎದುರು ಇರುವ ಜಗನ್ಮೋಹನ ಅರಮನೆ ಮೈಸೂರು ಮಹಾರಾಜರ ಖಾಸಗಿ ಮ್ಯೂಸಿಯಂ. ಇಲ್ಲಿ ಮಹಾರಾಜರ ಹಿಂದಿನ ವೈಭವದ ದಿನಗಳನ್ನು ನೆನಪಿಸುವ ಹಲವಾರು ವಸ್ತುಗಳ ಸಂಗ್ರಹವಿದೆ,.
(7 / 12)
ಮೈಸೂರು ವಿಶ್ವವಿದ್ಯಾನಿಲಯದ ಮಾನಸ ಗಂಗೋತ್ರಿಯಲ್ಲಿರುವ ಜನಪದ ವಸ್ತು ಸಂಗ್ರಹಾಲಯವೂ ಜಯಲಕ್ಷ್ಮಿ ಅರಮನೆಯಲ್ಲಿ ನೆಲೆಗೊಂಡಿದೆ. ಜನಪದಕ್ಕೆ ಸಂಬಂಧಿಸಿದ ಹಲವಾರು ಮಾಹಿತಿ ಇಲ್ಲಿದೆ. ಇನ್ಫೋಸಿಸ್‌ ಫೌಂಡೇಷನ್‌ ಇದರ ಅಭಿವೃದ್ದಿಗೆ ನೆರವು ನೀಡಿದ್ದು ಮಾಹಿತಿ ಪೂರ್ಣವಾಗಿದೆ.
(8 / 12)
ಮೈಸೂರು -ಬೆಂಗಳೂರು ಹೆದ್ದಾರಿಯ ಶ್ರೀರಂಗಪಟ್ಟಣ ಸಮೀಪ ಇರುವ ಪಯಣ ಎನ್ನುವ ಹೆಸರಿನ ಹೊಸ ವಸ್ತು ಸಂಗ್ರಹಾಲಯವಿದು. ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಸಂಸ್ಥೆ ಆರಂಭಿಸಿರುವ ಇಲ್ಲಿ ಹತ್ತಾರು ಬಗೆಯ ಕಾರುಗಳ ಪ್ರದರ್ಶನವಿದೆ. ಗಣ್ಯರು ಬಳಸಿದ ಕಾರುಗಳ ಲೋಕವೇ ಇಲ್ಲಿದೆ.
(9 / 12)
ಮೈಸೂರು ಗ್ರಾಮಾಂತರ ಬಸ್‌ ನಿಲ್ದಾಣದಲ್ಲಿರುವ ಇಂದಿರಾಗಾಂಧಿ ಮಾನವ ವಸ್ತು ಸಂಗ್ರಹಾಲಯವು ದೇಶದ ಜನಪದ ಸಂಸ್ಕೃತಿ, ಬದುಕನ್ನು ಬಿಂಬಿಸುತ್ತದೆ. ಈಗ ಇದನ್ನೂ ಆಧುನೀಕರಣಗೊಳಿಸಲಾಗಿದೆ.
(10 / 12)
ಕರ್ನಾಟಕ ಪ್ರಾಚ್ಯವಸ್ತು, ಸಂಗ್ರಹಾಲಯಗಳು, ಪರಂಪರೆ ಇಲಾಖೆಯ ವಸ್ತು ಪ್ರದರ್ಶನವೂ ಮೈಸೂರಿನ ವಸ್ತು ಪ್ರದರ್ಶನ ಆವರಣದಲ್ಲಿ ಇದೆ. ಆಯುಕ್ತರ ಕಚೇರಿಯಲ್ಲಿ ಇರುವ ಇಲ್ಲಿ ಕರ್ನಾಟಕದ ಹಿರಿಮೆಯ ಕಟ್ಟಡಗಳು, ಪಾರಂಪರಿಕ ಮಹತ್ವ ನೀಡುವ ಮಾಹಿತಿಯ ವಸ್ತು ಸಂಗ್ರಹಾಲಯವಿದೆ.
(11 / 12)
ಮೈಸೂರು ಅರಮನೆ ಆವರಣದಲ್ಲಿಯೇ ಇರುವ ಮಹಾರಾಜರ ಮ್ಯೂಸಿಯಂ ಇದು. ಇಲ್ಲಿ ಮೈಸೂರು ಮಹಾರಾಜರು ಬಳಸುತಿದ್ದ ವಸ್ತುಗಳು, ಅವರ ಆಡಳಿತ ನೆನಪಿನ ವಸ್ತುಗಳ ಸಂಗ್ರಹವಿದೆ. ಇದು ರಾಜವಂಶಸ್ಥರ ಖಾಸಗಿ ಮ್ಯೂಸಿಯಂ. ವಿಶೇಷವಾಗಿದೆ.
(12 / 12)
ಮೈಸೂರು ನಂಜನಗೂಡು ರಸ್ತೆಯಲ್ಲಿರುವ ಗಣಪತಿ ಸಚ್ಚಿದಾನಂದ ಆಶ್ರಮದಲ್ಲಿರುವ ವಿಶ್ವ ಹೆಸರಿನ ವಿಶಾಲ ವಸ್ತು ಸಂಗ್ರಹಾಲಯವಿದು. ಗಣಪತಿ ಸಚ್ಚಿದಾನಂದ ಸ್ವಾಮೀಜಿ ಅವರು ಸಂಗ್ರಹಿಸಿರುವ ಹತ್ತಾರು ಬಗೆಯ ವಸ್ತುಗಳು ನಾಲ್ಕು ಮಹಡಿಯ ಮ್ಯೂಸಿಯಂನಲ್ಲಿ ನೆಲೆಗೊಂಡಿವೆ. ನಿಜಕ್ಕೂ ಇದು ಅಗತ್ಯ ವೀಕ್ಷಣೆ ಮಾಡಬಹುದಾದ ಸಂಗ್ರಹಾಲಯ.
ಇತರ ಗ್ಯಾಲರಿಗಳು