ಸೈಟ್‌ ವಾಪಸ್‌ ಪಡೆಯುವುದರ ಬಗ್ಗೆ ಕಾನೂನು ಸಲಹೆಗಾರರೊಂದಿಗೆ ಚರ್ಚಿಸಬೇಕಿದೆ; ಮುಡಾ ಆಯುಕ್ತ ರಘುನಂದನ್ ಪ್ರತಿಕ್ರಿಯೆ

ಮೂಡಾ ಪ್ರಕರಣ ದಿನೇ ದಿನೇ ತಾರಕಕ್ಕೆ ಏರುತ್ತಿದೆ. ಸಿಎಂ ಸಿದ್ದರಾಮಯ್ಯ ಪತ್ನಿ ಪಾರ್ವತಿ 14 ಸೈಟ್‌ಗಳನ್ನು ವಾಪಸ್‌ ನೀಡಿದ್ದಾರೆ. ಸಿಎಂ ಪುತ್ರ ಎಂಎಲ್‌ಸಿ. ಡಾ ಯತೀಂದ್ರ ಮುಡಾ ಕಚೇರಿಗೆ ತೆರಳಿ ಸೈಟ್ ಮರಳಿಸುವ ಬಗ್ಗೆ ಪತ್ರ ನೀಡಿದ್ದಾರೆ. ಈ ವಿಚಾರದ ಬಗ್ಗೆ ಮೂಡಾ ಆಯುಕ್ತ ರಘುನಂದನ್ ಪ್ರತಿಕ್ರಿಯಿಸಿದ್ದಾರೆ. ಯತೀಂದ್ರ ಕಚೇರಿಗೆ ಭೇಟಿ ನೀಡಿ ನಮ್ಮ ಕೈಗೆ ಪತ್ರ ಕೊಟ್ಟು ಹೋಗಿದ್ದಾರೆ. ಒಮ್ಮೆ ಕೊಟ್ಟ ಸೈಟ್‌ಗಳನ್ನು ವಾಸಪ್‌ ಪಡೆಯಬಹುದಾ ಅನ್ನೋದರ ಬಗ್ಗೆ ನಾನೂ ಪರಿಶೀಲಿಸಬೇಕಿದೆ. ನಾನು ಎಲ್ಲೂ ಕಮಿಷನರ್‌ ಆಗಿರಲಿಲ್ಲ, ಇಲ್ಲಿಗೆ ಬಂದು 2 ತಿಂಗಳಾಯ್ತು. ಕಾನೂನು ಸಲಹೆಗಾರರೊಂದಿಗೆ ಚರ್ಚಿಸಿ ಮುಂದಿನ ಕ್ರಮ ಕೈಗೊಳ್ಳುತ್ತೇವೆ ಎಂದು ಹೇಳಿದ್ದಾರೆ.