Chanakya Niti: ಚಾಣಕ್ಯನ ಪ್ರಕಾರ ಈ 4 ಗುಣಗಳಿರುವ ಹುಡುಗಿಯನ್ನ ಮದುವೆಯಾದರೆ ಜೀವನದಲ್ಲಿ ಸಂತೋಷ ಹೆಚ್ಚಿರುತ್ತೆ

ಆಚಾರ್ಯ ಚಾಣಕ್ಯರು ತಮ್ಮ ತಂತ್ರಗಳು ಮತ್ತು ಕೌಶಲ್ಯಗಳಿಂದ ಯಶಸ್ವಿಯಾಗಿ ಸಾಮ್ರಾಜ್ಯವನ್ನು ಆಳಿದವರು. ಅವರ ತತ್ವಗಳು ಮತ್ತು ನೀತಿಗಳು ಎಷ್ಟು ಪರಿಣಾಮಕಾರಿ ಎಂದು ಎಲ್ಲರಿಗೂ ಗೊತ್ತು. ರಾಜಕೀಯ ಮಾತ್ರವಲ್ಲದೆ, ಅರ್ಥಶಾಸ್ತ್ರ ಮತ್ತು ತತ್ತ್ವಶಾಸ್ತ್ರದ ಅನೇಕ ಮೌಲ್ಯಯುತ ವಿಷಯಗಳನ್ನು ವಿವರಿಸಿದ್ದಾರೆ. ಚಾಣಕ್ಯರ ನೀತಿಶಾಸ್ತ್ರದಲ್ಲಿ ಉಲ್ಲೇಖವಾಗಿರುವ ಅದ್ಭುತ ಸಂಗತಿಗಳು ಇಂದಿನ ಪೀಳಿಗೆಗೂ ಸ್ಪೂರ್ತಿಯಾಗಿವೆ. ಚಾಣಕ್ಯರು ಬರೆದ ನೀತಿ ಗ್ರಂಥ ಇಂದಿಗೂ ಬಹಳ ಜನಪ್ರಿಯವಾಗಿದೆ. ಚಾಣಕ್ಯ ನೀತಿಶಾಸ್ತ್ರದ ಪ್ರಕಾರ, ಯಾವುದೇ ವ್ಯಕ್ತಿಯನ್ನು ನಂಬುವ ಮುನ್ನ ಕೆಲವೊಂದು ವಿಚಾರಗಳನ್ನು ಪರೀಕ್ಷಿಸಬೇಕು. ಆ ಮೂಲಕ ಅವರ ಸ್ವಭಾವ ಮತ್ತು ಗುಣಲಕ್ಷಣಗಳನ್ನು ಸುಲಭವಾಗಿ ಅರ್ಥ ಮಾಡಿಕೊಳ್ಳಬಹುದು.

ಆಚಾರ್ಯ ಚಾಣಕ್ಯರ ನೀತಿಗಳನ್ನು ಅನುಸರಿಸುವ ಮೂಲಕ ಜೀವನದಲ್ಲಿ ಯಶಸ್ಸು ಸಾಧಿಸಬಹುದು. ಆಚಾರ್ಯ ಚಾಣಕ್ಯನ ನೀತಿಯಿಂದಾಗಿ ಚಂದ್ರಗುಪ್ತ ಮೌರ್ಯ ರಾಜನಾದ. ಆಚಾರ್ಯ ಚಾಣಕ್ಯ ಭಾರತದ ಶ್ರೇಷ್ಠ ವಿದ್ವಾಂಸರಲ್ಲಿ ಒಬ್ಬರು. ಚಾಣಕ್ಯನ ನೀತಿಗಳು ಇಂದಿಗೂ ಪರಿಣಾಮಕಾರಿ ಎಂದು ಸಾಬೀತಾಗಿದೆ. ಚಾಣಕ್ಯ ನೀತಿಯು ಮಹಿಳೆಯರ ಬಗ್ಗೆಯೂ ವಿವರಿಸುತ್ತದೆ. ಪುರುಷನು ಯಾವ ರೀತಿಯ ಯುವತಿಯನ್ನು ಮದುವೆಯಾದರೆ ಕುಟುಂಬವು ಎಷ್ಟು ಸಂತೋಷವಾಗಿರುತ್ತೆ? ಹೆಂಡತಿಗೆ ಯಾವುದಾದರೂ ಅಭ್ಯಾಸಗಳಿದ್ದರೆ ಜೀವನವು ನರಕವಾಗುತ್ತದೆ ಎಂದು ಚೆನ್ನಾಗಿ ವಿವರಿಸಲಾಗಿದೆ.

ಧಾರ್ಮಿಕ ಮಾರ್ಗವನ್ನು ಅನುಸರಿಸುವ ಯುವತಿ

ಆಚಾರ್ಯ ಚಾಣಕ್ಯರ ಪ್ರಕಾರ, ಧಾರ್ಮಿಕ ಮಾರ್ಗವನ್ನು ಅನುಸರಿಸುವ ಯುವತಿಯನ್ನು ಮದುವೆಯಾಗುವುದು ವ್ಯಕ್ತಿಗೆ ಅದೃಷ್ಟವನ್ನು ತರುತ್ತದೆ. ನಿತ್ಯ ಪೂಜೆ ನಡೆಯುವ ಮನೆಯಲ್ಲಿ ದೇವರು ಇರುತ್ತಾನೆ. ಅಂತಹ ಮನೆಗಳಲ್ಲಿ ಯಾವುದೇ ಸಮಸ್ಯೆಗಳು ಇರುವುದಿಲ್ಲ. ಪ್ರತಿ ದಿನ ಬೆಳಗ್ಗೆ ಬೇಗ ಎದ್ದು ಮನೆಯಲ್ಲಿನ ದೇವರ ಕೋಣೆಯಲ್ಲಿ ದೀಪ ಹಚ್ಚುವ ಮಹಿಳೆ ಶ್ರೇಷ್ಠ ಎಂದು ವಿವರಿಸಲಾಗಿದೆ.

ಇದನ್ನೂ ಓದಿ: ಚಾಣಕ್ಯ ಹೇಳುವಂತೆ ಈ 4 ಗುಣಗಳನ್ನು ಹೊಂದಿರುವ ನಿಜವಾದ ಸ್ನೇಹಿತರು ನಿಮಗೆ ದೊಡ್ಡ ಆಸ್ತಿ

ಸಂತೃಪ್ತ ಮತ್ತು ತಾಳ್ಮೆಯ ಮಹಿಳೆ

ಆಚಾರ್ಯ ಚಾಣಕ್ಯರ ಪ್ರಕಾರ, ಸಂತೃಪ್ತ ಮತ್ತು ತಾಳ್ಮೆಯ ಮಹಿಳೆಯನ್ನು ಮದುವೆಯಾಗುವುದು ಒಬ್ಬರಿಗೆ ಅದೃಷ್ಟವನ್ನು ತರುತ್ತದೆ. ಅಂತಹ ಮಹಿಳೆ ತನ್ನ ಗಂಡನನ್ನು ಪ್ರತಿ ಪರಿಸ್ಥಿತಿಯಲ್ಲಿಯೂ ಬೆಂಬಲಿಸುತ್ತಾಳೆ. ಸಹಿಷ್ಣು ಮಹಿಳೆಯನ್ನು ಮದುವೆಯಾಗುವುದು ವ್ಯಕ್ತಿಯ ಭವಿಷ್ಯವನ್ನು ಬದಲಾಯಿಸುತ್ತದೆ. ಗಂಡ ಸಣ್ಣದೊಂದು ವಸ್ತು ತಂದು ಅದರಲ್ಲಿ ಸುಖವನ್ನು ಕಂಡು ತೃಪ್ತಿಪಟ್ಟರೆ ಆ ಗಂಡನಷ್ಟು ಭಾಗ್ಯವಂತರು ಮತ್ತೊಬ್ಬರಿಲ್ಲ.

ಇದನ್ನೂ ಓದಿ: ಪತ್ನಿಯ ಈ 3 ಅಭ್ಯಾಸಗಳಿಂದ ಮನೆಯಲ್ಲಿ ಸಮಸ್ಯೆಗಳು ಹೆಚ್ಚಾಗುತ್ತವೆ; ಸಂತೋಷ, ನೆಮ್ಮದಿ ಇರುವುದಿಲ್ಲ

ಕೋಪ ಮಾಡಿಕೊಳ್ಳದ ಮಹಿಳೆ

ಕೋಪವು ಎಲ್ಲವನ್ನೂ ನಾಶಪಡಿಸುತ್ತದೆ. ಒಂದು ಕುಟುಂಬ ನಿಲ್ಲಬೇಕು ಎಂದರೆ ಮಹಿಳೆ ಎಂದಿಗೂ ಕೋಪಗೊಳ್ಳಬಾರದು. ಆಚಾರ್ಯ ಚಾಣಕ್ಯನ ಪ್ರಕಾರ, ಕೋಪಗೊಳ್ಳದ ಮಹಿಳೆಯನ್ನು ಮದುವೆಯಾದರೆ, ವ್ಯಕ್ತಿಯ ಜೀವನವು ಹೂವಿನ ಹಾಸಿಗೆಯಂತೆ ಇರುತ್ತದೆ. ಕೋಪವು ವ್ಯಕ್ತಿಯ ದೊಡ್ಡ ಶತ್ರುವಾಗಿದೆ.

ಸಿಹಿ ಮಾತುಗಳನ್ನು ಮಾತನಾಡುವ ಮಹಿಳೆ

ಆಚಾರ್ಯ ಚಾಣಕ್ಯರ ಪ್ರಕಾರ, ಸಿಹಿ ಮಾತುಗಳನ್ನು ಮಾತನಾಡುವ ಮಹಿಳೆಯನ್ನು ಮದುವೆಯಾಗುವುದು ವ್ಯಕ್ತಿಯ ಭವಿಷ್ಯವನ್ನು ಬದಲಾಯಿಸುತ್ತದೆ. ಅಂತಹ ಮಹಿಳೆಯರ ಮನೆಯಲ್ಲಿ ವಾತಾವರಣ ಯಾವಾಗಲೂ ಆಹ್ಲಾದಕರವಾಗಿರುತ್ತದೆ. ಎಲ್ಲರೊಂದಿಗೆ ಪ್ರೀತಿಯಿಂದ ಮಾತನಾಡುವ ಹೆಣ್ಣಿನ ಮನೆಯಲ್ಲಿ ಜಗಳಗಳಿರುವುದಿಲ್ಲ.

ಇದನ್ನೂ ಓದಿ: ಚಾಣಕ್ಯ ನೀತಿ: ಆರೋಗ್ಯ ಸಮಸ್ಯೆ, ಹಣಕಾಸಿನ ಕೊರತೆ ಎಂದಿಗೂ ನಿಮ್ಮನ್ನ ಕಾಡಬಾರದು ಅಂದ್ರೆ ಬೆಳಗಿನ ದಿನಚರಿ ಹೀಗಿರಬೇಕು

ಯಾವುದೇ ಸಮಸ್ಯೆ ಎದುರಾದಾಗ ಪತಿ-ಪತ್ನಿ ಒಟ್ಟಾಗಿ ಸಮಸ್ಯೆಗಳನ್ನು ಎದುರಿಸಬೇಕು. ಜೀವನದಲ್ಲಿ ಕಷ್ಟ ಸುಖಗಳು ಸಾಮಾನ್ಯ. ಆದರೆ ಸಮಸ್ಯೆಗಳು ಬಂದಾಗ ಧೈರ್ಯ ಕಳೆದುಕೊಳ್ಳದೆ ಪ್ರತಿಯೊಬ್ಬ ಪತ್ನಿಯೂ ಗಂಡನ ಬೆಂಬಲಕ್ಕೆ ನಿಲ್ಲಬೇಕು. ಪತಿ-ಪತ್ನಿಯರ ನಡುವಿನ ಬಾಂಧವ್ಯವನ್ನು ಗಟ್ಟಿಗೊಳಿಸಲು ಪ್ರೀತಿ ಬಹಳ ಮುಖ್ಯ. ಪ್ರೀತಿ ಮತ್ತು ವಿಶ್ವಾಸವಿಲ್ಲದ ದಂಪತಿ ಹೆಚ್ಚು ಕಾಲ ಒಟ್ಟಿಗೆ ವಾಸಿಸುವುದಿಲ್ಲ. ಪತಿ-ಪತ್ನಿ ಯಾವಾಗಲೂ ಒಬ್ಬರಿಗೊಬ್ಬರು ಶ್ರದ್ಧೆಯಿಂದ ಇದ್ದರೆ ಆಗ ಸಂಬಂಧದಲ್ಲಿ ಯಾವುದೇ ದೋಷಗಳು ಉಂಟಾಗುವುದಿಲ್ಲ.

ಇಬ್ಬರ ನಡುವೆ ನಂಬಿಕೆ ಇಲ್ಲದಿದ್ದರೆ ವೈವಾಹಿಕ ಜೀವನಕ್ಕೆ ಬ್ರೇಕ್ ಬೀಳುತ್ತದೆ. ನಂಬಿಕೆಯು ವೈವಾಹಿಕ ಜೀವನವನ್ನು ಸಂತೋಷವಾಗಿರಿಸುತ್ತದೆ. ಯಾವುದೇ ಸಂಬಂಧದ ಅಡಿಪಾಯ ನಂಬಿಕೆ. ಹಾಗೆಯೇ ಗಂಡ-ಹೆಂಡತಿ ಒಬ್ಬರನ್ನೊಬ್ಬರು ಗೌರವಿಸಬೇಕು. ಒಬ್ಬರು ಹೆಚ್ಚು ಮತ್ತು ಇನ್ನೊಬ್ಬರು ಕಡಿಮೆ ಎಂಬ ಭಾವನೆ ಎಂದಿಗೂ ಇರಬಾರದು.