ರಿಷಭ್ ಪಂತ್ ನೋ ಲುಕ್ ಸಿಕ್ಸರ್ಗೆ ಶಾರೂಖ್ ಖಾನ್ ಫಿದಾ; ಎದ್ದು ನಿಂತು ಚಪ್ಪಾಳೆ ತಟ್ಟಿದ ಕಿಂಗ್ ಖಾನ್, VIDEO
Apr 04, 2024 03:46 PM IST
ರಿಷಭ್ ಪಂತ್ ನೋ ಲುಕ್ ಸಿಕ್ಸರ್ಗೆ ಶಾರೂಖ್ ಖಾನ್ ಫಿದಾ
- Rishabh Pant : ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧದ 12ನೇ ಓವರ್ನಲ್ಲಿ 28 ರನ್ ಗಳಿಸಿದ ಡೆಲ್ಲಿ ಕ್ಯಾಪಿಟಲ್ಸ್ ನಾಯಕ ರಿಷಭ್ ಪಂತ್ ಇದೇ ನೋ ಲುಕ್ ಸಿಕ್ಸರ್ ಸಿಡಿಸಿ ಗಮನ ಸೆಳೆದಿದ್ದಾರೆ.
2022ರ ಡಿಸೆಂಬರ್ 30ರಂದು ಭೀಕರ ಅಪಘಾತದಿಂದ ಚೇತರಿಸಿಕೊಂಡು ಒಂದು ವರ್ಷಕ್ಕೂ ಹೆಚ್ಚು ಅವಧಿಯ ನಂತರ ಕ್ರಿಕೆಟ್ ಮೈದಾನಕ್ಕೆ ಮರಳಿದ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ರಿಷಭ್ ಪಂತ್ ತನ್ನ ಹಳೆಯ ಖದರ್ಗೆ ಮರಳಿದ್ದಾರೆ. 17ನೇ ಆವೃತ್ತಿಯ ಐಪಿಎಲ್ನಲ್ಲಿ ಬೊಂಬಾಟ್ ಬ್ಯಾಟಿಂಗ್ ಮೂಲಕ ಉತ್ತಮ ಫಾರ್ಮ್ನಲ್ಲಿರುವ ಪಂತ್ ಅವರ ನೋ ಲುಕ್ ಸಿಕ್ಸರ್ಗೆ ಶಾರೂಖ್ ಖಾನ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಆರ್ಸಿಬಿ ಫೈನಲ್ ಗೆದ್ದಂತೆ ಹಾರಾಡ್ತಿದೆ ಎಂದ ರಾಯುಡು; ಇವರಿಗೆ ಅರಗಿಸಿಕೊಳ್ಳೊಕೆ ಆಗ್ತಿಲ್ಲ ಎಂದ ಬೆಂಗಳೂರು ಮಾಜಿ ಆಟಗಾರ
ವಿರಾಟ್ ಕೊಹ್ಲಿಗೆ ಕರ್ನಾಟಕದ ನಂಟು; ಎರಡನೇ ತವರು ಬೆಂಗಳೂರಲ್ಲಿ ವಿರುಷ್ಕಾ ದಂಪತಿ ಓಡಾಡಿರುವ ಜಾಗಗಳಿವು
ಬ್ಯಾಟರ್‌ಗಳ ಅಬ್ಬರ; ಪಂಜಾಬ್‌ ಮಣಿಸಿ ಅಂಕಪಟ್ಟಿಯಲ್ಲಿ ಎರಡನೇ ಸ್ಥಾನಕ್ಕೆ ನೆಗೆದ ಸನ್‌ರೈಸರ್ಸ್‌ ಹೈದರಾಬಾದ್
ಕದನದೊಳ್ ಕಿಂಗ್ ಕೊಹ್ಲಿ ಕೆಣಕಿ ಉಳಿದವರಿಲ್ಲ; ರವೀಂದ್ರ ಜಡೇಜಾಗೆ ಅಲ್ಲೇ ಡ್ರಾ, ಅಲ್ಲೇ ಬಹುಮಾನ, ವಿಡಿಯೋ
ಸ್ಪರ್ಧಾತ್ಮಕ ಕ್ರಿಕೆಟ್ಗೆ ಮರಳಿದ ಮೊದಲ ಎರಡು ಪಂದ್ಯಗಳಲ್ಲಿ ಲಯ ಕಂಡುಕೊಳ್ಳಲು ಪರದಾಡಿದ ರಿಷಭ್, ಪ್ರಸ್ತುತ ಅದ್ಭುತ ಫಾರ್ಮ್ನಲ್ಲಿದ್ದಾರೆ. ಬ್ಯಾಕ್ ಟು ಬ್ಯಾಕ್ ಹಾಫ್ ಸೆಂಚುರಿ ಬಾರಿಸಿ ಮಿಂಚಿರುವ ರಿಷಭ್, ಟಿ20 ವಿಶ್ವಕಪ್ಗೆ ನಾನು ಸಿದ್ಧ ಎಂದು ಬಿಸಿಸಿಐ ಆಯ್ಕೆದಾರರಿಗೆ ಸಂದೇಶ ರವಾನಿಸಿದ್ದಾರೆ. ಇಶಾನ್ ಕಿಶನ್ ಬದಲಿಗೆ ರಿಷಭ್ ಅವರನ್ನೇ ಆಯ್ಕೆ ಮಾಡಲಾಗುತ್ತದೆ ಎಂದು ಬಿಸಿಸಿಐ ಮೂಲಗಳು ಹೇಳುತ್ತಿವೆ. ಸಂಪೂರ್ಣ ಫಿಟ್ ಆಗಿರುವ ಪಂತ್, ಮುಂದಿನ ಪಂದ್ಯಗಳಲ್ಲೂ ಆರ್ಭಟಿಸುವ ವಿಶ್ವಾಸವನ್ನು ಹುಟ್ಟು ಹಾಕಿದ್ದಾರೆ.
ಸಿಎಸ್ಕೆ ಬಳಿಕ ಕೆಕೆಆರ್ ವಿರುದ್ಧ ಪಂತ್ ಅರ್ಧಶತಕ
ವೈಜಾಗ್ನ ಡಾ ವೈಎಸ್ ರಾಜಶೇಖರರೆಡ್ಡಿ ಮೈದಾನದಲ್ಲಿ ನಡೆದ ಡೆಲ್ಲಿ ಕ್ಯಾಪಿಟಲ್ಸ್ನ ಮೂರನೇ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ 32 ಎಸೆತಗಳಲ್ಲಿ 4 ಬೌಂಡರಿ, 3 ಸಿಕ್ಸರ್ ಸಹಿತ 51 ರನ್ ಚಚ್ಚಿದ್ದ ಪಂತ್, ಇದೇ ಮೈದಾನದಲ್ಲಿ ಕೆಕೆಆರ್ ಎದುರಿನ ಪಂದ್ಯದಲ್ಲಿ 25 ಎಸೆತಗಳಲ್ಲಿ 4 ಬೌಂಡರಿ, 5 ಸಿಕ್ಸರ್ ಸಹಿತ 55 ರನ್ ಬಾರಿಸಿದರು. ಭರ್ಜರಿ ಬ್ಯಾಟಿಂಗ್ ನಡೆಸುತ್ತಿರುವ ರಿಷಭ್, ಆರೆಂಜ್ ಕ್ಯಾಪ್ ರೇಸ್ಗೆ ಇಳಿದಿದ್ದಾರೆ. ಸದ್ಯ ಪಂದ್ಯ ನಾಲ್ಕು ಪಂದ್ಯಗಳಿಂದ 152 ರನ್ ಕಲೆ ಹಾಕಿದ್ದಾರೆ.
ಒಂದೇ ಓವರ್ನಲ್ಲಿ 28 ರನ್ ಚಚ್ಚಿದ ಡೆಲ್ಲಿ ಕ್ಯಾಪ್ಟನ್
ಕೋಲ್ಕತ್ತಾ ವಿರುದ್ಧದ ಓವರ್ವೊಂದರಲ್ಲಿ ರಿಷಭ್ ಪಂತ್ ಬರೋಬ್ಬರಿ 28 ರನ್ ಬಾರಿಸಿದರು. ಮಧ್ಯಮ ಓವರ್ಗಳಲ್ಲಿ ಬಿರುಸಿನ ಬ್ಯಾಟಿಂಗ್ಗೆ ಕೈ ಹಾಕಿದ ರಿಷಭ್, ವೆಂಕಟೇಶ್ ಅಯ್ಯರ್ ಎಸೆದ 12ನೇ ಓವರ್ನಲ್ಲಿ ಎರಡು ಸಿಕ್ಸರ್, 4 ಬೌಂಡರಿ ಸಿಡಿಸಿದರು. ಮೊದಲ ಎಸೆತವನ್ನು ಬೌಂಡರಿಗೆ ಕಳುಹಿಸಿದರೆ, 2ನೇ ಎಸೆತದಲ್ಲಿ ಸಿಕ್ಸರ್ ಸಿಡಿಸಿದರು. 4, 6, 4, 4 ಕ್ರಮವಾಗಿ ಉಳಿದ ನಾಲ್ಕು ಎಸೆತಗಳಲ್ಲಿ ಈ ಸ್ಕೋರ್ ಮಾಡಿದರು. ಐದನೇ ಎಸೆತದಲ್ಲಿ ಬೌಂಡರಿ ಸಿಡಿಸಿ ತನ್ನ ಅರ್ಧಶತಕವನ್ನೂ ಪೂರ್ಣಗೊಳಿಸಿದರು. ಒಟ್ಟು 28 ರನ್ಗಳನ್ನು ಈ ಓವರ್ನಲ್ಲಿ ಕಲೆ ಹಾಕಿದರು.
ನೋಡದೆಯೇ ಸಿಕ್ಸರ್ ಬಾರಿಸಿದ ಪಂತ್
ಕ್ರೀಸ್ನಲ್ಲಿ ಇರುವವರೆಗೂ ಭರ್ಜರಿ ಬ್ಯಾಟಿಂಗ್ ನಡೆಸಿದ ಪಂತ್ ಕೇವಲ 25 ಬಾಲ್ಗಳಲ್ಲಿ 5 ಸಿಕ್ಸರ್, 4 ಬೌಂಡರಿಗಳ ಸಹಿತ 55 ರನ್ ಚಚ್ಚಿದ ರಿಷಭ್ ಪಂತ್, 28 ರನ್ ಬಾರಿಸಿದ ಓವರ್ನಲ್ಲೇ ಚೆಂಡು ನೋಡದೆಯೇ ಆಕರ್ಷಕ ಸಿಕ್ಸರ್ ಸಿಡಿಸಿದರು. ಈ ವಿಡಿಯೋ ವೈರಲ್ ಆಗಿದೆ. ವೆಂಕಟೇಶ್ ಅಯ್ಯರ್ ಎಸೆದ ಚೆಂಡನ್ನು ಡೀಪ್ ಬ್ಯಾಕ್ವರ್ಡ್ ಕಡೆ ನೋಡದೆಯೇ ಸಿಕ್ಸರ್ ಚಚ್ಚಿದ್ದು, ಅದ್ಭುತವಾಗಿತ್ತು. ಪಂತ್ ತನ್ನ ಹಳೆಯ ಖದರ್ಗೆ ಮರಳುತ್ತಿದ್ದಾರೆ ಎಂಬುದನ್ನು ಈ ಆಟವೇ ಸಾಬೀತುಪಡಿಸುತ್ತದೆ.
ಎದ್ದು ನಿಂತು ಚಪ್ಪಾಳೆ ತಟ್ಟಿದ ಶಾರೂಖ್ ಖಾನ್
ರಿಷಭ್ ಪಂತ್ ನೋ ಲುಕ್ ಸಿಕ್ಸರ್ ಸಿಡಿಸಿದ ವೇಳೆ ಬಾಲಿವುಡ್ ನಟ ಮತ್ತು ಕೆಕೆಆರ್ ಮಾಲೀಕ ಶಾರೂಖ್ ಖಾನ್ ಅವರು ಎದ್ದು ನಿಂತು ಚಪ್ಪಾಳೆ ತಟ್ಟುವ ಮೂಲಕ ಪ್ರಶಂಸೆ ವ್ಯಕ್ತಪಡಿಸಿದರು. ಪಂದ್ಯದ ನಂತರ ರಿಷಭ್ರನ್ನು ಭೇಟಿಯಾದ ಶಾರೂಖ್, ಕುಶಲೋಪರಿ ವಿಚಾರಿಸಿದರು. ಕೆಲವೊಂದು ಮಾತುಕತೆ ನಡೆಸಿದರು. ಇದರ ವಿಡಿಯೋ ಮತ್ತು ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.
ಸ್ಕೋರ್ ವಿವರ
ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧದ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ನೀರಸ ಪ್ರದರ್ಶನ ನೀಡಿತು. ಮೊದಲು ಬ್ಯಾಟಿಂಗ್ ನಡೆಸಿದ ಕೆಕೆಆರ್, ಡೆಲ್ಲಿ ಬೌಲರ್ಗಳನ್ನು ದಂಡಿಸಿದರು. ಆರಂಭಿಕರಾಗಿ ಕಣಕ್ಕಿಳಿದ ಸುನಿಲ್ ನರೇನ್ (85) ಮತ್ತು ಆಂಗ್ರಿಶ್ ರಘುವಂಶಿ (54) ಭರ್ಜರಿ ಬ್ಯಾಟಿಂಗ್ ನಡೆಸಿದರು. ಆ ಬಳಿಕ ಆಂಡ್ರೆ ರಸೆಲ್ (41) ಮತ್ತು ರಿಂಕು ಸಿಂಗ್ (26) ಸಿಡಿಲಾರ್ಭಟ ಬ್ಯಾಟಿಂಗ್ ಮಾಡಿದರು. ಪರಿಣಾಮ ಕೆಕೆಆರ್ 7 ವಿಕೆಟ್ ನಷ್ಟಕ್ಕೆ 272 ರನ್ ಗಳಿಸಿತು. ಆದರೆ ಈ ಗುರಿ ಬೆನ್ನಟ್ಟಿದ ಡೆಲ್ಲಿ 166ಕ್ಕೆ ಆಲೌಟ್ ಆಯಿತು.