ಐದನೇ ದಿನವೂ ಕುಸಿದ ನಿಫ್ಟಿ, ಸೆನ್ಸೆಕ್ಸ್; ವಾರದಲ್ಲಿ ಒಟ್ಟು ಶೇಕಡ 4ಕ್ಕಿಂತ ಹೆಚ್ಚು ಕುಸಿತ, 15 ಲಕ್ಷ ಕೋಟಿ ರೂಪಾಯಿಗೂ ಹೆಚ್ಚು ನಷ್ಟ
Oct 04, 2024 04:10 PM IST
Share
ಹೂಡಿಕೆದಾರರು ಈಗ ಏನು ಮಾಡಬೇಕು, ಷೇರುಪೇಟೆಯಲ್ಲಿ ಕರಡಿ ಕುಣಿತ ನೋಡ್ತಾ ಕೂರೋದಾ ಅಥವಾ ದೀರ್ಘಾವಧಿಗೆ ಹೂಡಿಕೆ ಮಾಡುವುದಾ ಎಂಬುದರ ವಿವರ ಇಲ್ಲಿದೆ. (ಸಾಂಕೇತಿಕ ಚಿತ್ರ)
ವಾರದ ಕೊನೆಯ ವಹಿವಾಟಿನ ದಿನವಾದ ಶುಕ್ರವಾರ (ಅಕ್ಟೋಬರ್ 4) ಸೆನ್ಸೆಕ್ಸ್ ಮತ್ತು ನಿಫ್ಟಿ ಶೇಕಡ 1ಕ್ಕೂ ಹೆಚ್ಚು ಕುಸಿತ ಕಂಡಿದೆ. ಇದರೊಂದಿಗೆ ಸತತ 5ನೇ ದಿನವೂ ಕುಸಿತ ದಾಖಲಿಸಿದ ಷೇರುಪೇಟೆ ಹೂಡಿಕೆದಾರರಿಗೆ ಒಟ್ಟು 15 ಲಕ್ಷ ಕೋಟಿ ರೂಪಾಯಿಗೂ ಹೆಚ್ಚು ನಷ್ಟ ಉಂಟುಮಾಡಿದೆ.
ಮುಂಬಯಿ: ಭಾರತದ ಷೇರುಪೇಟೆಯಲ್ಲಿ ಶುಕ್ರವಾರವೂ ಕುಸಿತ ಮುಂದುವರಿದಿದೆ. ಆದಾಗ್ಯೂ ಗುರುವಾರಕ್ಕೆ ಹೋಲಿಸಿದರೆ ಕುಸಿತದ ಪ್ರಮಾಣ ಕಡಿಮೆ ಇತ್ತು. ಸತತ 5ನೇ ಅವಧಿಗೆ ಸೆನ್ಸೆಕ್ಸ್ ಮತ್ತು ನಿಫ್ಟಿ ಕುಸಿತ ದಾಖಲಿಸಿದೆ. ಇಂದು (ಅಕ್ಟೋಬರ್ 4) ಬಾಂಬೆ ಸ್ಟಾಕ್ ಎಕ್ಸ್‌ಚೇಂಜ್‌ (ಬಿಎಸ್‌ಇ)ನ ಸೆನ್ಸೆಕ್ಸ್ 808.65 ಅಂಶ (0.98%) ಕುಸಿದು 81,688.45ರಲ್ಲಿ ಮತ್ತು ನ್ಯಾಷನಲ್ ಸ್ಟಾಕ್ ಎಕ್ಸ್‌ಚೇಂಜ್‌ (ಎನ್‌ಎಸ್‌ಇ) ನಿಫ್ಟಿ 50 ಸೂಚ್ಯಂಕ 200.30 (0.79%) ಕುಸಿದು 25,049.80ರಲ್ಲಿ ವಹಿವಾಟು ಕೊನೆಗೊಳಿಸಿದೆ. ಷೇರುಪೇಟೆಯಲ್ಲಿರುವ ಷೇರುಗಳ ಪೈಕಿ 1522 ಷೇರುಗಳು ಲಾಭಗಳಿಸಿದರೆ, 2266 ಷೇರುಗಳು ನಷ್ಟ ಅನುಭವಿಸಿವೆ. ಇನ್ನು 101 ಷೇರುಗಳು ಯಾವುದೇ ಬದಲಾವಣೆ ಇಲ್ಲದೆ ಸ್ಥಿರವಾಗಿದ್ದವು. ಎನ್‌ಎಸ್‌ಇನಲ್ಲಿ ಮಹಿಂದ್ರಾ ಮತ್ತು ಮಹಿಂದ್ರಾ, ಬಜಾಜ್ ಫೈನಾನ್ಸ್‌, ನೆಸ್ಲೆ ಇಂಡಿಯಾ, ಬಿಪಿಸಿಎಲ್‌, ಏಷ್ಯನ್ ಪೇಂಟ್ಸ್‌ ನಷ್ಟ ಅನುಭವಿಸಿದ ಪ್ರಮುಖ ಕಂಪನಿಗಳು. ಇನ್‌ಫೋಸಿಸ್‌, ಒಎನ್‌ಜಿಸಿ, ಟಾಟಾ ಮೋಟಾರ್ಸ್‌, ವಿಪ್ರೋ, ಎಚ್‌ಡಿಎಫ್‌ಸಿ ಲೈಫ್‌ ಲಾಭಗಳಿಸಿವೆ.
ವಾರದ ವಹಿವಾಟಿನಲ್ಲಿ ಸೆನ್ಸೆಕ್ಸ್, ನಿಫ್ಟಿ ಶೇ 4ರಷ್ಟು ಕುಸಿತ
ಪಿಎಸ್‌ಯು ಬ್ಯಾಂಕ್, ಐಟಿ ಸೆಕ್ಟರ್‌ಗಳನ್ನು ಹೊರತುಪಡಿಸಿ ಉಳಿದ ಸೆಕ್ಟರ್‌ಗಳು ನಷ್ಟದಲ್ಲಿ ವಹಿವಾಟು ಮುಗಿಸಿವೆ. ಆಟೋ, ಎಫ್‌ಎಂಸಿಜಿ, ರಿಯಾಲ್ಟಿ, ಪವರ್‌, ಮೀಡಿಯಾ, ಟೆಲಿಕಾಂ, ಆಯಿಲ್ ಮತ್ತು ಗ್ಯಾಸ್‌ ಸೂಚ್ಯಂಕಗಳು ಶೇಕಡ 1 ರಿಂದ ಶೇಕಡ 2 ನಷ್ಟ ಅನುಭವಿಸಿವೆ.
ಒಟ್ಟಾರೆಯಾಗಿ ಸೂಚ್ಯಂಕಗಳು ವಾರದಲ್ಲಿ (ಸೆಪ್ಟೆಂಬರ್ 30-ಅಕ್ಟೋಬರ್ 4) 3 ನೇರ ವಾರಗಳ ಧನಾತ್ಮಕ ಆದಾಯದ ನಂತರ ಶೇಕಡ 4 ರಷ್ಟು ಕಡಿಮೆಯಾಗಿದೆ. ಇರಾನ್ ಮತ್ತು ಇಸ್ರೇಲ್ ನಡುವಿನ ಸಂಘರ್ಷ ತೀವ್ರಗೊಂಡಿರುವ ಮಧ್ಯಪ್ರಾಚ್ಯದಲ್ಲಿ ಉದ್ವಿಗ್ನತೆಯನ್ನು ಹೆಚ್ಚಿಸುವ ಮೂಲಕ ಇತ್ತೀಚಿನ ಮಾರುಕಟ್ಟೆಯ ಕುಸಿತವನ್ನು ನಡೆಸುತ್ತಿದೆ. ಸೆಪ್ಟೆಂಬರ್ 27 ರಂದು ದಾಖಲೆ ಮಟ್ಟದಿಂದ ಶೇಕಡ 5 ಕ್ಕಿಂತ ಹೆಚ್ಚು ಇಳಿದಿದೆ.
ಹೆಚ್ಚುತ್ತಿರುವ ಕಚ್ಚಾ ತೈಲ ಬೆಲೆಗಳು, ಸೆಬಿ ಪರಿಚಯಿಸಿದ ಫ್ಯೂಚರ್ ಆಂಡ್ ಆಪ್ಶನ್ಸ್‌ ನಿಯಮ ಬದಲಾವಣೆ ಮತ್ತು ವಿದೇಶಿ ಸಾಂಸ್ಥಿಕ ಹೂಡಿಕೆದಾರರು ಹೂಡಿಕೆ ಹಿಂಪಡೆದುದು, ಮಧ್ಯ ಪ್ರಾಚ್ಯ ಬಿಕ್ಕಟ್ಟು, ಇರಾನ್ - ಇಸ್ರೇಲ್ ಯುದ್ಧ ಬಿಕ್ಕಟ್ಟು ಮುಂತಾದ ಜಾಗತಿಕ ವಿದ್ಯಮಾನಗಳ ಪರಿಣಾಮ ಷೇರುಪೇಟೆಯ ಮೇಲಾಗಿದೆ.
ಶುಕ್ರವಾರದ ವಹಿವಾಟು ಹೀಗಿತ್ತು
ಸೆನ್ಸೆಕ್ಸ್ ಮತ್ತು ನಿಫ್ಟಿ ಶುಕ್ರವಾರ ಬೆಳಗ್ಗೆ ಷೇರುಪೇಟೆ ವಹಿವಾಟು ಶುರುಮಾಡುತ್ತಲೇ ಕುಸಿತ ಕಂಡಿತ್ತು. ಸೆನ್ಸೆಕ್ಸ್ 300ಕ್ಕೂ ಹೆಚ್ಚು, ನಿಫ್ಟಿ 100ಕ್ಕೂ ಹೆಚ್ಚು ಅಂಶ ಕುಸಿದಿತ್ತು. ಬಳಿಕ ಈ ಕುಸಿತ ಹೆಚ್ಚಾಗಿದ್ದು, ಸೆನ್ಸೆಕ್ಸ್ 82,000ಕ್ಕೂ ಕೆಳಗೆ ಕುಸಿಯಿತು. ನಿಫ್ಟಿ ಕೂಡ ದೊಡ್ಡ ಕುಸಿತ ದಾಖಲಿಸಿತು. ಇಂಟ್ರಾ-ಡೇ ವಹಿವಾಟಿನಲ್ಲಿ ಸೆನ್ಸೆಕ್ಸ್ ಇಂಟ್ರಾ ಡೇಯ ಕನಿಷ್ಠ ಮಟ್ಟ 1,295 ಪಾಯಿಂಟ್‌ಗಳಿಂದ 83,347 ಅಂಶ ಮೇಲೆದ್ದಿತು. ನಿಫ್ಟಿ ತನ್ನ ಕನಿಷ್ಠದಿಂದ 378 ಪಾಯಿಂಟ್‌ಗಳನ್ನು ಒಟ್ಟುಗೂಡಿಸಿ ದಿನದ ಗರಿಷ್ಠ 25,472.65 ಕ್ಕೆ ತಲುಪಿತು. ಆದರೆ ದಿನದ ವಹಿವಾಟಿನ ಕೊನೆಯ ಹಂತದಲ್ಲಿ ಎರಡೂ ಸೂಚ್ಯಂಕಗಳು ಮತ್ತೆ ಕುಸಿದವು. ಸೆನ್ಸೆಕ್ಸ್ 1,835.64 ಅಂಶ, ನಿಫ್ಟಿ 518.25 ಅಂಶ ಕುಸಿಯಿತು.