ಅಟೋಮೆಟಿಕ್ ಅಥವಾ ಮ್ಯಾನುಯಲ್ ಗೇರ್ ಕಾರು; ವ್ಯತ್ಯಾಸಗಳೇನು, ಚಾಲನೆಗೆ ಯಾವ ಕಾರು ಬೆಸ್ಟ್?

ಕಾರುಗಳಲ್ಲಿ ಸ್ವಯಂಚಾಲಿತ ಮತ್ತು ಮ್ಯಾನುವಲ್ ಗೇರ್ ವ್ಯವಸ್ಥೆಗಳು ವಿಭಿನ್ನ ವೈಶಿಷ್ಟ್ಯಗಳೊಂದಿಗೆ ಬರುತ್ತವೆ. ಮಾರುಕಟ್ಟೆಯಲ್ಲಿರುವ ಕಾರು ಕಂಪನಿಗಳು ಈ ಎರಡೂ ಗೇರ್ ವ್ಯವಸ್ಥೆಗಳೊಂದಿಗೆ ತಮ್ಮ ವಾಹನಗಳನ್ನು ನೀಡುತ್ತವೆ. ಆದರೆ ಎರಡು ಆಯ್ಕೆಗಳಲ್ಲಿ ಯಾವುದು ಉತ್ತಮ ಎಂಬ ಪ್ರಶ್ನೆ ಉದ್ಭವಿಸುವುದು ಕಾಮನ್. ವಾಸ್ತವವಾಗಿ, ಇತ್ತೀಚಿನ ದಿನಗಳಲ್ಲಿ ಜನರು ಕಾರು ಖರೀದಿಸುವಾಗ ಸ್ವಯಂಚಾಲಿತ ಕಾರುಗಳಿಗೆ ಹೆಚ್ಚು ಆದ್ಯತೆ ನೀಡುತ್ತಾರೆ. ಆದರೆ, ನೀವು ಇದರಲ್ಲಿ ಯಾವುದು ಬೆಸ್ಟ್ ಎಂಬ ಗೊಂದಲದಲ್ಲಿದ್ದರೆ ಇಂದು ನಾವು ನಿಮಗೆ ಅವುಗಳ ನಡುವಿನ ವ್ಯತ್ಯಾಸವನ್ನು ಹೇಳಲಿದ್ದೇವೆ.

ಮ್ಯಾನುಯಲ್ ಗೇರ್ ಬಾಕ್ಸ್

ಹೆಚ್ಚು ನಿಯಂತ್ರಣ : ಮ್ಯಾನುಯಲ್ ಗೇರ್‌ಬಾಕ್ಸ್ ಚಾಲಕನಿಗೆ ವಾಹನದ ಮೇಲೆ ಹೆಚ್ಚಿನ ನಿಯಂತ್ರಣವನ್ನು ನೀಡುತ್ತದೆ. ವಿಶೇಷವಾಗಿ ಹೆಚ್ಚಿನ ವೇಗದಲ್ಲಿ ಅಥವಾ ಗಿರಿಧಾಮಗಳಂತಹ ಸ್ಥಳಗಳಲ್ಲಿ ಇದು ಸೂಕ್ತವಾಗಿದೆ. ಡ್ರೈವಿಂಗ್ ಅನುಭವವನ್ನು ಇಷ್ಟಪಡುವ ಚಾಲಕರಿಗೆ ಇದು ಒಳ್ಳೆಯದು.

ಇಂಧನ ದಕ್ಷತೆ - ಕಡಿಮೆ ವೆಚ್ಚ: ಕೆಲವು ಸಂದರ್ಭಗಳಲ್ಲಿ, ಹಸ್ತಚಾಲಿತ ಕಾರುಗಳು ಅಟೋಮೆಟಿಕ್ ಕಾರುಗಳಿಗಿಂತ ಸ್ವಲ್ಪ ಹೆಚ್ಚು ಮೈಲೇಜ್ ನೀಡುತ್ತದೆ. ಸರಿಯಾದ ಡ್ರೈವಿಂಗ್ ತಂತ್ರ ಅನುಸರಿಸಿದರೆ ಮ್ಯಾನುಯಲ್ ಕಾರಿನಿಂದ ಉತ್ತಮ ಮೈಲೇಜ್ ಪಡೆಯಬಹುದು. ಹಸ್ತಚಾಲಿತ ವಾಹನಗಳು ಆಫ್-ರೋಡಿಂಗ್ ಅಥವಾ ಕಷ್ಟಕರವಾದ ರಸ್ತೆಗಳಲ್ಲಿ ಬೆಸ್ಟ್ ಎಂದು ಸಾಬೀತಾಗಿದೆ.

ಇದನ್ನೂ ಓದಿ | ಭಾರತದಲ್ಲಿ ಕೊನೆಗೂ ಬಿಡುಗಡೆ ಆಯ್ತು ಹೋಂಡಾ ಆ್ಯಕ್ಟಿವಾ ಇವಿ: ಎಷ್ಟು ಕಿಮೀ ಓಡುತ್ತೆ, ಬೆಲೆ ಎಷ್ಟು? ಇಲ್ಲಿದೆ ವಿವರ

ಸ್ವಯಂಚಾಲಿತ ಗೇರ್ ಬಾಕ್ಸ್

ಸುಲಭ ಚಾಲನೆ- ಟ್ರಾಫಿಕ್‌ನಲ್ಲಿ ಬೆಸ್ಟ್ : ಸ್ವಯಂಚಾಲಿತ ಕಾರುಗಳಲ್ಲಿ ನೀವು ಆಗಾಗ ಗೇರ್ ಬದಲಾಯಿಸುವ ಅಗತ್ಯವಿಲ್ಲ. ಕಾರು ಸ್ವಯಂಚಾಲಿತವಾಗಿ ಗೇರ್‌ಗಳನ್ನು ಬದಲಾಯಿಸುತ್ತದೆ. ನಗರಗಳ ದಟ್ಟಣೆಯ ಟ್ರಾಫಿಕ್‌ನಲ್ಲಿ, ಆಗಾಗ್ಗೆ ಕಾರನ್ನು ನಿಲ್ಲಿಸಿ ಗೇರ್ ಬದಲಾಯಿಸಬೇಕು. ಈ ಸಂದರ್ಭ ಅಟೋಮೆಟಿಕ್ ಗೇರ್‌ಬಾಕ್ಸ್ ಮಹಿಳೆಯರಿಗೆ ಹೆಚ್ಚು ಅನುಕೂಲಕರವಾಗಿದೆ. ಈಗ ಸ್ವಯಂಚಾಲಿತ ಎಸ್‌ಯುವಿಗಳು ಮತ್ತು 4x4 ವಾಹನಗಳು ಸಹ ಅತ್ಯುತ್ತಮ ಆಫ್-ರೋಡಿಂಗ್ ಆಯ್ಕೆಗಳನ್ನು ನೀಡುತ್ತಿವೆ.

ಕಡಿಮೆ ಆಯಾಸ : ದೀರ್ಘಕಾಲ ಚಾಲನೆ ಮಾಡುವಾಗ, ಅಟೋಮೆಟಿಕ್ ಕಾರಿನಲ್ಲಿ ಚಾಲಕನಿಗೆ ಹೆಚ್ಚು ಸುಸ್ತಾಗುವುದಿಲ್ಲ. ಏಕೆಂದರೆ ಕ್ಲಚ್ ಮತ್ತು ಗೇರ್ ಅನ್ನು ಬದಲಾಯಿಸುವ ಅಗತ್ಯವಿಲ್ಲ. ಗೇರ್‌ಗಳನ್ನು ಬದಲಾಯಿಸುವ ಅಗತ್ಯವಿಲ್ಲದ ಕಾರಣ ಸುಗಮ ಮತ್ತು ಹೆಚ್ಚು ಆರಾಮದಾಯಕವಾಗಿ ಡ್ರೈವಿಂಗ್ ಮಾಡಬಹುದು.

ವರದಿ: ವಿನಯ್ ಭಟ್.

ಇದನ್ನೂ ಓದಿ | Electric Scooter comparison: ಹೋಂಡಾ ಆಕ್ಟಿವಾ ಇ, ಟಿವಿಎಸ್‌ ಐಕ್ಯೂಬ್‌, ಬಜಾಜ್‌ ಚೇತನ್‌: ಈ ಮೂರು ಸ್ಕೂಟರ್‌ಗಳಲ್ಲಿ ಯಾವುದು ಉತ್ತಮ?