Santana Saptami 2024: ಸೆಪ್ಟೆಂಬರ್‌ನಲ್ಲಿ ಸಂತಾನ ಸಪ್ತಮಿ ಯಾವಾಗ? ಪೂಜಾ ಸಮಯ, ಉಪವಾಸದ ಮಹತ್ವ ತಿಳಿಯಿರಿ
Santana Saptami 2024: ತಾಯಂದಿರು ತಮ್ಮ ಮಕ್ಕಳ ಸಂತೋಷಕ್ಕಾಗಿಯೂ ಉಪವಾಸವನ್ನು ಆಚರಿಸುತ್ತಾರೆ. ಸೆಪ್ಟೆಂಬರ್‌ನಲ್ಲಿ ಸಂತಾನ ಸಪ್ತಮಿ ಯಾವಾಗ ಬರುತ್ತೆ, ಪೂಜಾ ಸಮಯ ಯಾವುದು, ಉಪವಾಸದ ಮಹತ್ವವನ್ನು ಇಲ್ಲಿ ವಿವರವಾಗಿ ನೀಡಲಾಗಿದೆ.
Santana Saptami 2024: ಹಿಂದೂ ಧರ್ಮದಲ್ಲಿ ಸಂತಾನ ಸಪ್ತಮಿ ವ್ರತಕ್ಕೆ ವಿಶೇಷ ಮಹತ್ವವಿದೆ. ತಾಯಂದಿರು ತಮ್ಮ ಮಕ್ಕಳ ದೀರ್ಘಾಯುಷ್ಯ, ಉತ್ತಮ ಆರೋಗ್ಯ ಹಾಗೂ ಸಂತೋಷಕ್ಕಾಗಿ ಈ ದಿನ ಉಪವಾಸವನ್ನು ಆಚರಿಸುತ್ತಾರೆ. ಉಪವಾಸವನ್ನು ಪ್ರತಿವರ್ಷ ಭಾದ್ರಪದ ಮಾಸದ ಶುಕ್ಲ ಪಕ್ಷದ ಏಳನೇ ದಿನದಂದು ಆಚರಿಸಲಾಗುತ್ತದೆ. ಈ ಉಪವಾಸದ ಸಮಯದಲ್ಲಿ ಶಿವ, ಪಾರ್ವತಿ ದೇವಿ ಮತ್ತು ಗಣೇಶನನ್ನು ಪೂಜಿಸಲಾಗುತ್ತದೆ. ಮಕ್ಕಳ ಸಪ್ತಮಿಯನ್ನು ಲಲಿತಾ ಸಪ್ತಮಿ ಎಂದೂ ಕರೆಯುತ್ತಾರೆ. ಹಿಂದೂ ಕ್ಯಾಲೆಂಡರ್ ಪ್ರಕಾರ, ಭಾದ್ರಪದ ಸಪ್ತಮಿ/ನ್ನು 2024 ಸೆಪ್ಟೆಂಬರ್ 9 ರಂದು ರಾತ್ರಿ 09:53 ಕ್ಕೆ ಪ್ರಾರಂಭವಾಗುತ್ತದೆ ಮತ್ತು ಸೆಪ್ಟೆಂಬರ್ 10 ರಂದು ರಾತ್ರಿ 11:11 ಕ್ಕೆ ಕೊನೆಗೊಳ್ಳುತ್ತದೆ. ಸಂತಾನ ಸಪ್ತಮಿಯನ್ನು ಸೆಪ್ಟೆಂಬರ್ 10 ರ ಮಂಗಳವಾರ ಆಚರಿಸಲಾಗುತ್ತದೆ.
ಸಂತಾನ ಸಪ್ತಮಿಯ ಮಹತ್ವ: ಸಂತಾನ ಸಪ್ತಮಿಯ ಉಪವಾಸವನ್ನು ಮಕ್ಕಳಿಗಾಗಿ ಮಾಡಲಾಗುತ್ತದೆ. ಮಕ್ಕಳಿಗೆ ಪ್ರತಿ ಹಂತದಲ್ಲೂ, ಮಾಡುವ ಪ್ರತಿ ಕೆಲಸದಲ್ಲೂ ಯಶಸ್ಸು ಸಿಗಲಿ ಎಂದು ಹಾರೈಸಿ ಸಂತಾನ ಸಪ್ತಮಿಯನ್ನು ಮಾಡಲಾಗುತ್ತದೆ. ಮಕ್ಕಳು ಇಲ್ಲದವರಿಗೆ ಮಕ್ಕಳನ್ನು ಹೊಂದಲು ಈ ಉಪವಾಸ ತುಂಬಾ ಪ್ರಯೋಜನಕಾರಿ ಎಂದು ಹೇಳಲಾಗುತ್ತದೆ.
ಸಂತಾನ ಸಪ್ತಮಿ ಪೂಜಾ ಮುಹೂರ್ತ: ದೃಶ್ಯ ಪಂಚಾಂಗದ ಪ್ರಕಾರ, ಅಭಿಜಿತ್ ಮುಹೂರ್ತವು ಸಂತಾನ ಸಪ್ತಮಿ ಅಥವಾ ಲಲಿತ ಸಪ್ತಮಿ ದಿನದಂದು ಬೆಳಿಗ್ಗೆ 11:52 ರಿಂದ ಮಧ್ಯಾಹ್ನ 12:42 ರವರೆಗೆ ಇರುತ್ತದೆ.
ಸಂತಾನ ಸಪ್ತಮಿ ಪೂಜಾ ವಿಧಿ ವಿಧಾನಗಳನ್ನು ತಿಳಿಯಿರಿ
1. ಮೊದಲನೆಯದಾಗಿ, ಸ್ನಾನ ಇತ್ಯಾದಿಗಳಿಂದ ಮುಗಿಸಿದ ನಂತರ, ಶಿವ, ತಾಯಿ ಪಾರ್ವತಿ ಮತ್ತು ಗಣೇಶನ ವಿಗ್ರಹವನ್ನು ಪೂಜಾ ಸ್ಥಳದಲ್ಲಿ ಇಡಬೇಕು
2. ತೆಂಗಿನ ಗರಿಗಳಿಂದ ಕಲಶವನ್ನು ಸಿದ್ಧಮಾಡಿಕೊಳ್ಳಬೇಕು
3. ಹಸುವಿನ ತುಪ್ಪದ ದೀಪವನ್ನು ಬೆಳಗಿಸಿ
4. ಅರಿಶಿನ, ಶ್ರೀಗಂಧ, ಕುಂಕುಮ, ಹೂವುಗಳು, ಅಕ್ಷತೆಕಾಳು ಹಾಗೂ ಹೂವುಗಳು ಇತ್ಯಾದಿಗಳನ್ನು ದೇವರಿಗೆ ಅರ್ಪಿಸಬೇಕು.
5. ಮಕ್ಕಳ ರಕ್ಷಣೆ ಮತ್ತು ಸಮೃದ್ಧಿಯನ್ನು ಬಯಸುವಾಗ ಶಿವ, ಪಾರ್ವತಿ ಮತ್ತು ಗಣೇಶನನ್ನು ಪೂಜಿಸಿದರೆ ಎಲ್ಲವೂ ಒಳ್ಳೆಯದಾಗುತ್ತದೆ.
6. ಪೂಜೆಯ ನಂತರ ಸಂತಾನ ಸಪ್ತಮಿ ವ್ರತ ಕಥೆಯನ್ನು ಓದುವುದು ಮತ್ತು ಕೇಳುವುದು ತುಂಬಾ ಮಂಗಳಕರವೆಂದು ಪರಿಗಣಿಸಲಾಗಿದೆ.
ಗಮನಿಸಿ: ಇದು ಪ್ರಚಲಿತದಲ್ಲಿರುವ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದ ಬರಹ. ಓದುಗರಿಗೆ ಮಾಹಿತಿ ನೀಡುವ ಉದ್ದೇಶದಿಂದಷ್ಟೇ ಪ್ರಕಟಿಸಲಾಗಿದೆ.
