ವಸಂತ ಪಂಚಮಿಯಂದೇ ಅಶ್ವಿನಿ, ರೇವತಿ ನಕ್ಷತ್ರಗಳ ಸಂಯೋಗ; ಈ 3 ರಾಶಿಯವರಿಗೆ ಭಾರಿ ಅದೃಷ್ಟ -Lucky Zodiac Signs

Lucky Zodiac Signs: ಫೆಬ್ರವರಿ ತಿಂಗಳಿನಲ್ಲಿ ಗ್ರಹಗಳ ಚಲನೆ ಬಹಳ ಮುಖ್ಯವಾಗುತ್ತದೆ. ಈ ತಿಂಗಳಲ್ಲಿ ಸೂರ್ಯ, ಬುಧ, ಮಂಗಳ ಮತ್ತು ಶುಕ್ರ ಮುಂತಾದ ಪ್ರಮುಖ ಗ್ರಹಗಳು ತಮ್ಮ ರಾಶಿಚಕ್ರವನ್ನು ಬದಲಿಸುತ್ತವೆ. ಇದರಿಂದ ಅನೇಕ ಮಂಗಳಕರ ಯೋಗಗಳನ್ನು ಸೃಷ್ಟಿಸುತ್ತವೆ. ಫೆಬ್ರವರಿ ತಿಂಗಳಲ್ಲಿ ಅನೇಕ ಹಬ್ಬಗಳು ಕೂಡ ಇವೆ.

ಮಾಘ ಮಾಸದ ಶುಕ್ಲ ಪಕ್ಷದ ಐದನೆಯ ತಿಥಿಯಂದು ವಸಂತ ಪಂಚಮಿಯನ್ನು ಆಚರಿಸಲಾಗುತ್ತದೆ. ವಸಂತ ಪಂಚಮಿ ಈ ವರ್ಷ ಫೆಬ್ರವರಿ 14 ರಂದು ಬರುತ್ತದೆ. ಈ ದಿನ ಸರಸ್ವತಿ ದೇವಿಯನ್ನು ಪೂಜಿಸಲಾಗುತ್ತದೆ. ವಿದ್ಯೆಗಾಗಿ ಮಕ್ಕಳಿಂದ ವಿಶೇಷ ಪೂಜೆಯನ್ನು ಮಾಡಿಸಲಾಗುತ್ತದೆ.

ಇದನ್ನೂ ಓದಿ: ಮಕರ ರಾಶಿಯಲ್ಲಿ ನಾಲ್ಕು ಗ್ರಹಗಳ ಸಂಯೋಗ; ಈ 3 ರಾಶಿಯವರ ಬಾಳಲ್ಲಿ ಸುರಿಯಲಿದೆ ಹಣದ ಸುರಿಮಳೆ

ವಸಂತ ಪಂಚಮಿಯ ದಿನದಂದು ಮಕ್ಕಳಿಗೆ ಅಕ್ಷರ ಕಲಿುವಂತೆ ಮಾಡುವುದರಿಂದ ಅವರ ಬುದ್ಧಿಶಕ್ತಿ ಹೆಚ್ಚುತ್ತದೆ. ದೇವಿಯ ಅನುಗ್ರಹ ಸಿಗುತ್ತದೆ ಎಂಬ ನಂಬಿಕೆ ಕೂಡ ಇದೆ. ಈ ಸಮಯದಲ್ಲಿ ಓದುವುದು ಮಂಗಳಕರವೆಂದು ಪರಿಗಣಿಸಲಾಗುತ್ತದೆ.

ಇವತ್ತು (ಫೆಬ್ರವರಿ 14, ಬುಧವಾರ) ಅನೇಕ ಶುಭ ಯೋಗಗಳು ಮತ್ತು ನಕ್ಷತ್ರಗಳು ರೂಪಗೊಳ್ಳುವುದರಿಂದ ವಸಂತ ಪಂಚಮಿ ಹೆಚ್ಚು ವಿಶೇಷವಾಗಿದೆ. ಪಂಚಾಂಗದ ಪ್ರಕಾರ, ವಸಂತ ಪಂಚಮಿಯಂದು ಅಶ್ವಿನಿ ನಕ್ಷತ್ರ ಮತ್ತು ರೇವತಿ ನಕ್ಷತ್ರಗಳು ಒಟ್ಟಿಗೆ ಬರುತ್ತವೆ. ಇಷ್ಟು ಮಾತ್ರವಲ್ಲದೆ, ಶುಕ್ರ, ಕುಜ ಮತ್ತು ಬುಧಗಳ ಸಂಯೋಗದಿಂದ ರವಿ ಯೋಗ ಮತ್ತು ತ್ರಿಗಾಹಿ ಯೋಗ ಉಂಟಾಗುತ್ತದೆ. ಅದೇ ಸಮಯದಲ್ಲಿ ಮೇಷ ರಾಶಿಯಲ್ಲಿ ಗುರು ಮತ್ತು ಚಂದ್ರನ ಸಂಯೋಜನೆಯಿಂದಾಗಿ ಗಜಕೇಸರಿ ಯೋಗ ರೂಪಗೊಳ್ಳುತ್ತದೆ. ಜ್ಯೋತಿಷ್ಯದಲ್ಲಿ ಗಜಕೇಸರಿ ಯೋಗಕ್ಕೆ ಬಹಳಷ್ಟು ಮಹತ್ವವಿದೆ. ರವಿ ಯೋಗವು ಯಶಸ್ಸು ಮತ್ತು ಸಮೃದ್ಧಿಯನ್ನು ತರುತ್ತದೆ.

ಇದನ್ನೂ ಓದಿ: 15 ವರ್ಷಗಳ ಬಳಿಕ ರಾಹು, ಬುಧ ಸಂಯೋಗ; ಈ ರಾಶಿಯವರಿಗೆ ಭಾರಿ ಅದೃಷ್ಟ

ವಸಂತ ಪಂಚಮಿಯಂದು ತ್ರಿಗ್ರಾಹಿ ಯೋಗ ಮತ್ತು ಗಜಕೇಸರಿ ಯೋಗದ ರಚನೆಯಿಂದಾಗಿ ಕೆಲವು ರಾಶಿಗಳಿಗೆ ಅದೃಷ್ಟ ಬರುತ್ತದೆ. ಸರಸ್ವತಿ ದೇವಿಯ ಕೃಪೆಯೊಂದಿಗೆ ಈ ಯೋಗಗಳಿಂದ ಉತ್ತಮ ಫಲಿತಾಂಶಗಳನ್ನು ಪಡೆಯುವ ರಾಶಿಗಳು ಯಾವುವು ಅನ್ನೋದರ ಮಾಹಿತಿ ಇಲ್ಲಿದೆ.

ಮೇಷ ರಾಶಿ

ವಸಂತ ಪಂಚಮಿಯಂದು ಗುರು, ಶುಕ್ರ, ಮಂಗಳ, ಬುಧ ಮತ್ತು ಚಂದ್ರನ ಸಂಚಾರದಿಂದ ಮೇಷ ರಾಶಿಯವರಿಗೆ ಹಲವು ಪ್ರಯೋಜನಗಳಿವೆ. ಆರ್ಥಿಕ ಅಭಿವೃದ್ದಿಗೆ ಹೊಸ ಮಾರ್ಗಗಳು ತೆರೆದುಕೊಳ್ಳುತ್ತವೆ. ಆಸ್ತಿ ಬರಲಿದೆ. ಭೂಮಿ ಮತ್ತು ವಾಹನಗಳನ್ನು ಖರೀದಿಸುತ್ತೀರಿ. ಉದ್ಯೋಗದಲ್ಲಿರುವವರಿಗೆ ಹೆಚ್ಚುವರಿ ಜವಾಬ್ದಾರಿಗಳು ಬರಲಿವೆ. ಸಣ್ಣ ತೊಂದರೆಗಳನ್ನು ಸುಲಭವಾಗಿ ನಿವಾಹಿಸಿಕೊಳ್ಳುತ್ತೀರಿ. ಪ್ರೇಮದ ಜೀವನ ತುಂಬಾ ರೋಮ್ಯಾಂಟಿಕ್ ಆಗಿರಲಿದೆ. ಹಠಾತ್ ಆರ್ಥಿಕ ಲಾಭವಿದೆ.

ಮಿಥುನ ರಾಶಿ

ಇದನ್ನೂ ಓದಿ: 75 ವರ್ಷ ಬಳಿಕ ಶನಿ, ಶುಕ್ರ, ಮಂಗಳ ಸಮಾಗಮದಿಂದ ರಾಜಯೋಗ; ಈ 3 ರಾಶಿಯವರಿಗೆ ಭಾರಿ ಅದೃಷ್ಟ -Saturn Venus Mars Transit

ತ್ರಿಗ್ರಾಹಿ ಯೋಗ ಮತ್ತು ಗಜಕೇಸರಿ ಯೋಗವು ಮಿಥುನ ರಾಶಿಯವರಿಗೆ ಉತ್ತಮ ಫಲಿತಾಂಶವನ್ನು ನೀಡುತ್ತದೆ. ಜೀವನದಲ್ಲಿ ಎದುರಿಸಿದ ಕೆಲವು ತೊಂದರೆಗಳಿಂದ ಪರಿಹಾರ ಸಿಗಲಿದೆ. ಹೊಸ ಅವಕಾಶಗಳು ದೊರೆಯಲಿವೆ. ನಿಮ್ಮ ಹೋರಾಟಕ್ಕೆ ಪ್ರತಿಫಲ ಸಿಗಲಿದೆ. ಬಡ್ತಿಗೆ ಅವಕಾಶಗಳಿವೆ. ಜಂಕ್ ಫುಂಡ್‌ನಿಂದ ದೂರವಿದ್ದು, ಆರೋಗ್ಯದ ಕಡೆಗೆ ಗಮನ ಕೊಡಿ. ಕುಟುಂಬದ ಸದಸ್ಯರು ಅಥವಾ ಸ್ನೇಹಿತರೊಂದಿಗೆ ಪ್ರವಾಸ ಹೋಗುವ ಸಾಧ್ಯತೆ ಇದೆ.

ವೃಶ್ಚಿಕ ರಾಶಿ

ವಸಂತ ಪಂಚಮಿಯಂದು ತ್ರಿಗ್ರಾಹಿ ಯೋಗ ಮತ್ತು ಗಜಕೇಸರಿ ಯೋಗಗಳ ರಚನೆಯು ಮಂಗಳಕರವಾಗಿದ್ದು, ವೃಶ್ಚಿಕ ರಾಶಿಯವರಿಗೆ ಲಾಭಗಳಿವೆ. ಸ್ನೇಹಿತರ ಬೆಂಬಲ ದೊರೆಯುತ್ತದೆ. ಆರೋಗ್ಯ ಸುಧಾರಿಸುತ್ತದೆ. ವ್ಯಾಪಾರವನ್ನು ಪ್ರಾರಂಭಿಸಲು ಶುಭ ಸಮಯ. ವ್ಯಾಪಾರದಲ್ಲಿ ಹೊಸ ಒಪ್ಪಂದಗಳನ್ನು ಮಾಡಿಕೊಳ್ಳುತ್ತೀರಿ. ಕುಟುಂಬದಲ್ಲಿ ಶಾಂತಿ ಮತ್ತು ಸಂತೋಷ ಇರುತ್ತದೆ. ಅಧ್ಯಾತ್ಮಿಕ ಮತ್ತು ಧಾರ್ಮಿಕ ಚಟುವಟಿಕೆಗಳಲ್ಲಿ ಆಸಕ್ತಿ ಹೆಚ್ಚಾಗಲಿದೆ. (This copy first appeared in Hindustan Times Kannada website. To read more like this please logon to kannada.hindustantime.com).