ಈ ನಕ್ಷತ್ರದಲ್ಲಿ ಜನಿಸಿದವರು ಬಹಳ ಪ್ರಭಾವಶಾಲಿಗಳು, ಹಟಮಾರಿಗಳಾಗಿರುವ ಇವರಿಗೆ ಮಾತೇ ಬಂಡವಾಳ; ನಿಮ್ಮ ನಕ್ಷತ್ರ ಯಾವುದು

ಜ್ಯೋತಿಷ್ಯಶಾಸ್ತ್ರದಲ್ಲಿ ರಾಶಿ, ನಕ್ಷತ್ರಕ್ಕೆ ವಿಶೇಷ ಮಹತ್ವವಿದೆ. ಈ ರಾಶಿ ನಕ್ಷತ್ರಗಳು ಮನುಷ್ಯ ಬದುಕನ್ನು ನಿರ್ಧರಿಸುತ್ತವೆ ಎಂದು ಹೇಳಲಾಗುತ್ತದೆ. ಜ್ಯೋತಿಷ್ಯದಲ್ಲಿ ಒಟ್ಟು 27 ನಕ್ಷತ್ರಗಳಿವೆ. ವೈದಿಕ ಜ್ಯೋತಿಷ್ಯದ 27 ನಕ್ಷತ್ರಗಳಲ್ಲಿ ಕನ್ಯಾರಾಶಿಗೆ ಸಂಬಂಧಿಸಿದ ಹಸ್ತಾ ನಕ್ಷತ್ರ, ಇದು 13ನೇ ನಕ್ಷತ್ರವಾಗಿದೆ. ಈ ನಕ್ಷತ್ರದ ಅಧಿಪತಿ ಬುಧ. ಈ ನಕ್ಷತ್ರ ಹೊಂದಿದವರು ಸೂಕ್ಷ್ಮ, ಸೃಜನಶೀಲ ಮತ್ತು ಭಾವನಾತ್ಮಕವಾಗಿರುತ್ತಾರೆ. ಇವರ ಗುಣ, ವೈವಾಹಿಕ ಜೀವನ, ಉದ್ಯೋಗ ಬದುಕು ಹೇಗಿರುತ್ತದೆ ಎಂಬುದನ್ನು ತಿಳಿಯೋಣ. 

ಹಸ್ತಾ ನಕ್ಷತ್ರದಲ್ಲಿ ಜನಿಸಿದವರ ಗುಣಗಳು

ಚಂದ್ರನ ಪ್ರಭಾವವು ಇವರಿಗೆ ಹೊಂದಿಕೊಳ್ಳುವ ಗುಣ, ಸಹಾನುಭೂತಿ ಮತ್ತು ಇತರರೊಂದಿಗೆ ಸಂಪರ್ಕ ಸಾಧಿಸುವ ಸಾಮರ್ಥ್ಯವನ್ನು ನೀಡುತ್ತದೆ. ಈ ನಕ್ಷತ್ರದಲ್ಲಿ ಜನಿಸಿದವರು ವಿದ್ವಾಂಸರು ಮತ್ತು ಚಿಂತಕರಾಗಿರುತ್ತಾರೆ. ಚಂದ್ರ-ಶುಕ್ರ ಸಂಯೋಜನೆಯನ್ನು ಹೊಂದಿರುವ ಜನರು ಸೌಂದರ್ಯವನ್ನು ಪ್ರೀತಿಸುವ, ಹಾಡಲು ಮತ್ತು ಆಡಲು ಇಷ್ಟಪಡುವ ಕಲಾವಿದರಾಗಿರುತ್ತಾರೆ. ಇವರು ರೊಮ್ಯಾಂಟಿಕ್ ಸ್ವಭಾವದವರು. ಚಂದ್ರ ಮತ್ತು ಮಂಗಳನ ನಡುವೆ ಅಂಶ ಸಂಬಂಧವಿದ್ದರೆ ಅಂತಹ ಜನರು ಶ್ರೀಮಂತರಾಗುತ್ತಾರೆ.

ಕಷ್ಟಪಟ್ಟು ದುಡಿಯುವ ಮನಸ್ಥಿತಿ ಅವರದು. ಸ್ವಯಂ ನಿಯಂತ್ರಣ ಇವರಲ್ಲಿರುತ್ತದೆ. ಆಕರ್ಷಕ, ಗೌರವಾನ್ವಿತ ನಡವಳಿಕೆಯನ್ನು ಹೊಂದಿರುತ್ತಾರೆ. ಹಸ್ತಾ ನಕ್ಷತ್ರದಲ್ಲಿ ಹುಟ್ಟಿದವರ ಗುಣಗಳೇನು? ಅವರಿಗೆ ಯಾವ ಉದ್ಯೋಗಗಳು ಹೊಂದುತ್ತವೆ ಎಂಬುದನ್ನು ಇಲ್ಲಿ ನೋಡೋಣ.

ಇದನ್ನೂ ಓದಿ: ಗಲ್ಲ ಒರಟಾಗಿದ್ದರೆ ಎಲ್ಲವೂ ಒಳಿತಾಗುತ್ತೆ, ಚಿಕ್ಕ ವಯಸ್ಸಿನಲ್ಲೇ ನಾಯಕತ್ವ ಗುಣ ಇರುತ್ತೆ, ಒರಟು ಗಲ್ಲ ಹೊಂದಿದವರ ಗುಣಲಕ್ಷಣ ತಿಳಿಯಿರಿ

ಹಸ್ತಾ ನಕ್ಷತ್ರದವರ ಉದ್ಯೋಗ ಬದುಕು 

ಇವರು ಉದ್ಯಮಿಗಳಾಗಿ, ಕಠಿಣ ಕೆಲಸಗಾರರಾಗಿ, ವೇದಗಳನ್ನು ತಿಳಿದವರಾಗಿರುತ್ತಾರೆ. ಮತ್ತು ಅಂತಹ ಕ್ಷೇತ್ರದಲ್ಲೇ ಕೆಲಸ ಮಾಡುತ್ತಾರೆ. ಜಾತಕದಲ್ಲಿ ಚಂದ್ರ ಮತ್ತು ಬುಧರ ಸ್ಥಾನವು ಕೆಟ್ಟದಾಗಿದ್ದರೆ ಅಂತಹ ವ್ಯಕ್ತಿಯು ಉದ್ಯೋಗದಲ್ಲಿ ಕಷ್ಟ ಪಡಬೇಕಾಗುತ್ತದೆ. 

ಈ ನಕ್ಷತ್ರದಲ್ಲಿ ಜನಿಸಿದ ಪುರುಷರ ಆರೋಗ್ಯ ಸ್ಥಿತಿ ಸ್ವಲ್ಪ ತ್ರಾಸದಾಯಕವಾಗಿರುತ್ತದೆ. ಅಂತಹ ವ್ಯಕ್ತಿಯು ತನ್ನ ಜೀವನದುದ್ದಕ್ಕೂ ಶೀತ ಮತ್ತು ಕೆಮ್ಮಿನಂತಹ ಆರೋಗ್ಯ ಸಮಸ್ಯೆಗಳಿಂದ ಬಳಲಬಹುದು. ಈ ನಕ್ಷತ್ರದಲ್ಲಿ ಜನಿಸಿದ ಮಹಿಳೆಯರ ಆರೋಗ್ಯವು ಸಾಮಾನ್ಯವಾಗಿ ಉತ್ತಮವಾಗಿರುತ್ತದೆ. ಯಾವಾಗಲೂ ಏನಾದರೊಂದು ಸಮಸ್ಯೆ ಕಾಡುತ್ತಲೇ ಇರುತ್ತದೆ. ಉಬ್ಬಿರುವ ರಕ್ತನಾಳಗಳು ಮತ್ತು ಅಸ್ತಮಾದಂತಹ ಸಮಸ್ಯೆಗಳು ಉಂಟಾಗಬಹುದು. 

ಹಸ್ತಾ ನಕ್ಷತ್ರದ ನಾಲ್ಕು ಹಂತಗಳು ವಿಭಿನ್ನ ಪರಿಣಾಮಗಳನ್ನು ಬೀರುತ್ತವೆ.

ಮೊದಲ ಹೆಜ್ಜೆ

ಮೇಷ ನವಾಂಶದಲ್ಲಿ ಮೊದಲ ಹಂತ ಬರುತ್ತದೆ. ಇದನ್ನು ಕುಜ ಆಳುತ್ತಾನೆ. ಈ ನಕ್ಷತ್ರದ ಅಡಿಯಲ್ಲಿ ಜನಿಸಿದ ಜನರು ಬುದ್ಧಿವಂತರು ಆದರೆ ಮಾತಿನಲ್ಲೇ ಕೊಲ್ಲುವ ಗುಣ ಹೊಂದಿರುತ್ತಾರೆ. ಅಪಘಾತಗಳ ಅಪಾಯವಿರುವುದರಿಂದ ಎಚ್ಚರದಿಂದಿರಿ.

ಇದನ್ನೂ ಓದಿ: ಜಗತ್ತಿನ ಬಹುತೇಕ ಅಗರ್ಭ ಶ್ರೀಮಂತರು ಈ ರಾಶಿಯವರೇ ನೋಡಿ; ಪ್ರಪಂಚದ ಕುಬೇರರ ರಾಶಿ ವಿವರ ಇಲ್ಲಿದೆ, ನಿಮ್ಮ ರಾಶಿಯೂ ಇದ್ಯಾ ಗಮನಿಸಿ

ಎರಡನೇ ಹಂತ

ಎರಡನೇ ಹಂತವು ವೃಷಭ ನವಾಂಶದಲ್ಲಿ ಬರುತ್ತದೆ. ಸಂಪತ್ತನ್ನು ನೀಡುವ ಶುಕ್ರನಿಂದ ಆಳ್ವಿಕೆ. ಅಂತಹ ಜನರು ಭೌತವಾದಿಗಳು. ಈ ಜನರು ಲಲಿತಕಲೆಗಳಲ್ಲಿ ಆಸಕ್ತಿ ಹೊಂದಿರುತ್ತಾರೆ.

ಮೂರನೇ ಹಂತ

ಇದು ಬುಧನಿಂದ ಆಳಲ್ಪಡುವ ಮಿಥುನ ನವಾಂಶದಲ್ಲಿ ಬರುತ್ತದೆ. ಈ ಹಂತದಲ್ಲಿ ಹುಟ್ಟಿದವರು ಮಾತನಾಡುವುದರಲ್ಲಿ ಉತ್ತಮರು. ಇವರು ಪ್ರತಿಯೊಂದ ಮಾತಿಗೂ ವಾದ ಮಾಡುತ್ತಾರೆ.

ನಾಲ್ಕನೇ ಹಂತ

ಈ ಹಂತವು ಚಂದ್ರನ ಆಳ್ವಿಕೆಯ ನವಾಂಶದಲ್ಲಿ ಬರುತ್ತದೆ. ಈ ಹಂತದಲ್ಲಿ ಜನಿಸಿದ ಜನರು ಭಾವನಾತ್ಮಕವಾಗಿ ಹರ್ಷಚಿತ್ತದಿಂದ ಇರುತ್ತಾರೆ. ಕೌಟುಂಬಿಕ ವಿಷಯಗಳ ಕಡೆಗೆ ಹೆಚ್ಚು ಒಲವು. ಮನಸ್ಸು ತುಂಬಾ ಚೆನ್ನಾಗಿದೆ. ಅವರ ವೈವಾಹಿಕ ಜೀವನ ಉತ್ತಮವಾಗಿರುತ್ತದೆ.

(ಗಮನಿಸಿ: ಮೇಲೆ ನೀಡಲಾದ ಮಾಹಿತಿಯು ನಂಬಿಕೆಗಳನ್ನು ಆಧರಿಸಿದೆ. ಅಂತರ್ಜಾಲದಲ್ಲಿ ದೊರೆತ ವಿವರಗಳನ್ನು ಆಧರಿಸಿದೆ. ಇದು ಮಾಹಿತಿಗಾಗಿ ಮಾತ್ರ. ಹಿಂದೂಸ್ತಾನ್ ಟೈಮ್ಸ್ ಕನ್ನಡ ಇದನ್ನು ಪುಷ್ಠೀಕರಿಸುವುದಿಲ್ಲ. ನಿಮಗೆ ಯಾವುದೇ ಸಂದೇಹಗಳಿದ್ದರೆ ಸಂಬಂಧಿತ ವೃತ್ತಿಪರರನ್ನು ಸಂಪರ್ಕಿಸಿ)

ಇದನ್ನೂ ಓದಿ: 2025ರಲ್ಲಿ ರಾಹು-ಕೇತು ಸಂಕ್ರಮಣ; ಒಂದೂವರೆ ವರ್ಷದ ನಂತರ ಈ 3 ರಾಶಿಯವರಿಗೆ ಭಾರಿ ಧನಲಾಭ, ಆರೋಗ್ಯ ಸಮಸ್ಯೆಗಳಿಗೆ ಸಿಗಲಿದೆ ಮುಕ್ತಿ