Virgo Horoscope for 2025

ಕನ್ಯಾ ರಾಶಿ

• ಕನ್ಯಾ ರಾಶಿಯ ವೈಶಿಷ್ಟ್ಯಗಳು

  ಕನ್ಯಾ ರಾಶಿ ಚಕ್ರದ ಚಿಹ್ನೆಯು ಕೈಯಲ್ಲಿ ಹೂವಿನ ದಂಡೆಯನ್ನು ಹಿಡಿದಿರುವ ಹುಡುಗಿ. ಈ ರಾಶಿಯ ಅಧಿಪತಿ ಬುಧ. ಕನ್ಯಾ ರಾಶಿಗೆ ಶುಭ ದಿಕ್ಕು ದಕ್ಷಿಣ. ಜನ್ಮನಾಮವು ತೋ, ಪ, ಪೈ, ಪೂ, ಶ, ನ, ಥಾ, ಪೆ, ಪೋ ಅಕ್ಷರಗಳಿಂದ ಪ್ರಾರಂಭವಾಗುತ್ತದೆ. ಉತ್ತರ ಫಲ್ಗುಣಿ 2, 3, 4 ಪಾದಗಳು, ಹಸ್ತ ನಾಲ್ಕು ಪಾದಗಳು, ಚಿತ್ತಾ ನಕ್ಷತ್ರ 1, 2 ಪಾದಗಳಲ್ಲಿ ಜನಿಸಿದವರ ಕನ್ಯಾ ರಾಶಿ. ಇದು ಭೂಮಿಯ ಅಂಶದ ರಾಶಿಚಕ್ರದ ಚಿಹ್ನೆ. ಇದರ ಮಂಗಳಕರ ಬಣ್ಣ ಹಸಿರು. ಅದೃಷ್ಟ ಸಂಖ್ಯೆ 5

• ಕನ್ಯಾ ರಾಶಿಯ ಸ್ವಭಾವ

  ಕನ್ಯಾ ರಾಶಿಯವರು ಸಾಮಾನ್ಯವಾಗಿ ಮೃದು ಸ್ವಭಾವದವರು. ಯಾವುದೇ ರೀತಿಯ ಸಮಸ್ಯೆಗಳನ್ನು ಸರಳವಾಗಿ ನಿವಾರಿಸಲು ಯತ್ನಿಸುತ್ತಾರೆ. ಉತ್ತಮ ನಿರ್ವಹಣಾ ತಂತ್ರಗಳನ್ನು ರೂಪಿಸಿ ಅನುಷ್ಠಾನಕ್ಕೆ ತರುತ್ತಾರೆ. ಪ್ಲಾನಿಂಗ್‌ನಲ್ಲಿ ಉತ್ತಮ ಪ್ರತಿಭೆ ಇರುತ್ತದೆ. ತಾವೇ ರೂಪಿಸಿದ ಯೋಜನೆಗಳ ಆಧಾರದ ಮೇಲೆ ಯಾವುದೇ ಕೆಲಸವನ್ನು ಸರಾಗವಾಗಿ ಮಾಡಲು ಇಷ್ಟಪಡುತ್ತಾರೆ. ಯಾರನ್ನೂ ಸುಲಭವಾಗಿ ನಂಬುವುದಿಲ್ಲ. ತಮ್ಮ ಕೆಲಸವನ್ನು ತಾವೇ ಸ್ವತಃ ಮಾಡಿಕೊಳ್ಳಲು ಇಷ್ಟಪಡುತ್ತಾರೆ. ಸ್ವಭಾವತಃ ಶಾಂತಿಪ್ರಿಯರು. ಸಮಾಧಾನ ಚಿತ್ತದಿಂದ ಪ್ರತಿಯೊಂದರ ಸಾಧಕ ಬಾಧಕವನ್ನು ಪ್ರಾಯೋಗಿಕವಾಗಿ ಪರಿಶೀಲಿಸಲು ಇಚ್ಛಿಸುತ್ತಾರೆ. ಸಂಪ್ರದಾಯಗಳನ್ನು ಗೌರವಿಸುವ ಧರ್ಮನಿಷ್ಠೆ ಇರುತ್ತದೆ. ಅನಗತ್ಯವಾಗಿ ಭಾವುಕರಾಗಿ ಪ್ರತಿಕ್ರಿಯಿಸುವುದಿಲ್ಲ. ತಮ್ಮ ಭಾವನೆಗಳನ್ನು ಯಾರೊಂದಿಗೂ ಬೇಗ ಹಂಚಿಕೊಳ್ಳುವುದಿಲ್ಲ.

• ಕನ್ಯಾ ರಾಶಿ ಅಧಿಪತಿ

  ಕನ್ಯಾರಾಶಿಯ ಅಧಿಪತಿ ಗ್ರಹ ಬುಧ. ಮಿದುಳಿನ ಚುರುಕುತನ ಮತ್ತು ಕಾರ್ಯನಿರ್ವಹಣೆಯನ್ನು ನಿಯಂತ್ರಿಸುವ ಗ್ರಹ ಬುಧ. ಬುಧ ಗ್ರಹವು ಯೋಜನೆ ಮತ್ತು ನಿರ್ವಹಣೆಗೆ ಪ್ರೇರಣೆ ನೀಡುತ್ತದೆ. ಇದು ಶಾಂತಿಯನ್ನು ಬಯಸುವ ಗ್ರಹ. ಬುಧನ ಕಾರಣದಿಂದಾಗಿ ಕನ್ಯಾ ರಾಶಿಯವರು ಶಾಂತ ಸ್ವಭಾವವನ್ನು ಹೊಂದಿರುತ್ತಾರೆ.

• ಕನ್ಯಾ ರಾಶಿಯ ಚಿಹ್ನೆ

  ಕನ್ಯಾರಾಶಿಯ ಸಂಕೇತವೆಂದರೆ ಕೈಯಲ್ಲಿ ಹೂವಿನ ದಂಡೆಯನ್ನು ಹಿಡಿದಿರುವ ಹುಡುಗಿ. ಕನ್ಯಾರಾಶಿಗೆ ಸೇರಿದವರು ಸ್ವಭಾವತಃ ಶಾಂತ ಮತ್ತು ಸೌಮ್ಯ ಸ್ವಭಾವದವರು.

• ಕನ್ಯಾ ರಾಶಿಯ ಗುಣಲಕ್ಷಣಗಳು

  ಕನ್ಯಾ ರಾಶಿಯ ಜನರು ಪ್ರಾಯೋಗಿಕ ಸ್ವಭಾವದವರು. ಯಾವುದೇ ಯೋಜನೆಯ ಬಗ್ಗೆ ವಿಶ್ಲೇಷಣಾತ್ಮಕ ಮನೋಭಾವವನ್ನು ಅಳವಡಿಸಿಕೊಳ್ಳುತ್ತದೆ. ಸ್ವಭಾವತಃ ಕರುಣಾಳುಗಳು ಮತ್ತು ಕಷ್ಟಪಟ್ಟು ಕೆಲಸ ಮಾಡಲು ಇಷ್ಟಪಡುತ್ತಾರೆ. ಇತರರ ಭಾವನೆಗಳನ್ನು ಅರ್ಥಮಾಡಿಕೊಂಡು ವರ್ತಿಸುತ್ತಾರೆ. ಆದರೆ ಸ್ವಾರ್ಥ ತುಸು ಹೆಚ್ಚಾಗಿಯೇ ಇರುತ್ತದೆ. ಕನ್ಯಾ ರಾಶಿಯ ಜನರು ತಮ್ಮ ಕೆಲಸಕ್ಕೆ ಆದ್ಯತೆ ನೀಡುತ್ತಾರೆ.

• ಕನ್ಯಾ ರಾಶಿಯವರ ಪ್ರತಿಕೂಲ ಸಂಗತಿಗಳು

  ಕನ್ಯಾ ರಾಶಿಯವರು ಇತರರನ್ನು ಆತುರದಲ್ಲಿ ಟೀಕಿಸುತ್ತಾರೆ. ಎದುರಿಗೆ ಇರುವವರಿಗೆ ಇವರ ಎದುರು ಮುಕ್ತವಾಗಿ ಮಾತನಾಡಲು ಆಗುವುದಿಲ್ಲ.

• ಕನ್ಯಾ ರಾಶಿಯವರ ವೃತ್ತಿ ಬದುಕು

  ಕನ್ಯಾ ರಾಶಿಯವರು ವ್ಯಾಪಾರ, ಕಲೆ, ಸೌಂದರ್ಯ, ಚಲನಚಿತ್ರೋದ್ಯಮ, ಮಾಧ್ಯಮ, ನಿರ್ವಹಣೆ ಮತ್ತು ಶಿಕ್ಷಣ ಮತ್ತು ಬೋಧನಾ ಕ್ಷೇತ್ರಗಳಲ್ಲಿ ಕೆಲಸ ಮಾಡಲು ಇಷ್ಟಪಡುತ್ತಾರೆ. ಕನ್ಯಾ ರಾಶಿಯವರು ಆಡಳಿತಾತ್ಮಕ ಸೇವೆಗಳು, ಸರ್ಕಾರಿ ಇಲಾಖೆಗಳು, ಗಣಿತಶಾಸ್ತ್ರ, ಸಾಫ್ಟ್‌ವೇರ್ ಎಂಜಿನಿಯರ್‌ಗಳು, ಪ್ರೋಗ್ರಾಮರ್‌ಗಳು, ಚಾರ್ಟರ್ಡ್ ಅಕೌಂಟೆಂಟ್‌ಗಳು, ಷೇರು ದಲ್ಲಾಳಿಗಳು, ಹಣಕಾಸು ಕ್ಷೇತ್ರ, ಬ್ಯಾಂಕಿಂಗ್, ಹೂಡಿಕೆ ಬ್ಯಾಂಕಿಂಗ್ ಸೇರಿದಂತೆ ಕಾನೂನು ಕ್ಷೇತ್ರಗಳಲ್ಲಿ ಕೆಲಸ ಮಾಡಲು ಇಷ್ಟಪಡುತ್ತಾರೆ.

• ಕನ್ಯಾ ರಾಶಿಯವರ ಆರೋಗ್ಯ

  ಕನ್ಯಾ ರಾಶಿಯವರಲ್ಲಿ ವಾಯು ಸಂಬಂಧಿ ಸಮಸ್ಯೆಗಳು, ಕಿಬ್ಬೊಟ್ಟೆಯ ಸಮಸ್ಯೆಗಳು, ಸಿಡುಬು, ಮೂಳೆ ಸಮಸ್ಯೆಗಳು, ಅಸ್ಪಷ್ಟ ಮಾತು, ಚರ್ಮದ ಅಲರ್ಜಿಗಳು, ಎದೆಯ ಅಸ್ವಸ್ಥತೆ, ಬೆನ್ನು ನೋವು, ಕೀಲು ನೋವು, ಕಿವಿ ಸಮಸ್ಯೆಗಳು ಮತ್ತು ಹೊಟ್ಟೆಗೆ ಸಂಬಂಧಿಸಿದ ಸಮಸ್ಯೆಗಳು ಕಂಡು ಬರುತ್ತವೆ.

• ಗೆಳೆತನ

  ಕನ್ಯಾ ರಾಶಿಯವರಿಗೆ ತುಂಬಾ ಒಳ್ಳೆಯ ಸ್ನೇಹಿತರಿರುತ್ತಾರೆ. ಅವರು ಬುದ್ಧಿವಂತರು, ಸಭ್ಯರು, ಸೂಕ್ಷ್ಮ ಮತ್ತು ಪ್ರೀತಿಯಿಂದ ಮಾತನಾಡಬಲ್ಲವರು. ಇವರೊಂದಿಗೆ ಸ್ನೇಹವು ಬಹುಕಾಲ ಉಳಿಯುತ್ತದೆ. ಸಾಮಾನ್ಯವಾಗಿ ವೃಷಭ, ಮಿಥುನ, ಸಿಂಹ, ವೃಶ್ಚಿಕ, ಧನು, ಮಕರ ಮತ್ತು ಮೀನ ರಾಶಿಯವರೊಂದಿಗೆ ಉತ್ತಮ ಸ್ನೇಹವನ್ನು ಹೊಂದಿರುತ್ತಾರೆ.

• ಸಾಂಸಾರಿಕ ಬದುಕು

  ಕನ್ಯಾ ರಾಶಿಗೆ ಸೇರಿದವರು ಸಂಗಾತಿಯನ್ನು ಚೆನ್ನಾಗಿ ಕಾಣುತ್ತಾರೆ. ಭಾವನೆಗಳಿಗೆ ಸ್ಪಂದಿಸುತ್ತಾರೆ. ಇವರಿಗೆ ಇತರರನ್ನು ಸಂತೋಷಪಡಿಸುವ ಗುಣ ಇರುತ್ತದೆ. ಸಾಮಾನ್ಯವಾಗಿ ವೃಷಭ, ಕಟಕ, ವೃಶ್ಚಿಕ ಮತ್ತು ಮಕರ ರಾಶಿಗಳಿಗೆ ಸೇರಿದವರತ್ತ ಆಕರ್ಷಿತರಾಗುತ್ತಾರೆ. ಪ್ರೇಮ ವಿವಾಹ ಆಗುವ ಸಾಧ್ಯತೆಯೂ ಹೆಚ್ಚು. ಸಂಗಾತಿಯ ಬಗ್ಗೆ ಉತ್ತಮ ಕಾಳಜಿ ವಹಿಸುತ್ತಾರೆ. ತಮ್ಮ ದಾಂಪತ್ಯ ಬದುಕಿನಲ್ಲಿ ಇತರರ ಹಸ್ತಕ್ಷೇಪವನ್ನು ಸಹಿಸುವುದಿಲ್ಲ.