Karnataka Weather: ಬೆಂಗಳೂರು ಸೇರಿ ದಕ್ಷಿಣ ಒಳನಾಡು, ಕರಾವಳಿಯ ಕೆಲವು ಕಡೆ ಇಂದು ಗುಡುಗು ಸಹಿತ ಮಳೆ ಸಂಭವ; ಹವಾಮಾನ ಇಲಾಖೆ ಮುನ್ಸೂಚನೆ

paragraph

ಬೆಂಗಳೂರು: ಕರ್ನಾಟಕದಲ್ಲಿ (Karnataka Rain) ಕೆಲವು ದಿನಗಳಿಂದ ಭಾರಿ ಮಳೆಯಾಗುತ್ತಿದ್ದು, ಇಂದು ಕೂಡ ವರುಣ ಅಬ್ಬರಿಸುವ ಮುನ್ಸೂಚನೆ ಇದೆ.

ರಾಜ್ಯ ರಾಜಧಾನಿ ಬೆಂಗಳೂರು (Bangalore) ಸೇರಿದಂತೆ ದಕ್ಷಿಣ ಒಳನಾಡು (South Interior Karnataka) ಹಾಗೂ ಕರಾವಳಿಯ (Coastal) ಕೆಲವು ಕಡೆಗಳಲ್ಲಿ ಗುಡುಗು ಸಹಿತ ಭಾರಿ ಮಳೆಯಾಗುವ (Heavy Rain) ಸಾಧ್ಯತೆ ಇದೆ ಎಂದು ನಗರದ ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.

ಕರಾವಳಿಯ ಕೆಲವು ಕಡೆಗಳಲ್ಲಿ ಹಾಗೂ ಒಳನಾಡಿನ ಒಂದೆರೆಡು ಕಡೆಗಳಲ್ಲಿ ನಿನ್ನೆ (ಮೇ 27, ಶನಿವಾರ) ಮಳೆಯಾಗಿದೆ. ಉತ್ತರ ಕನ್ನಡ ಜಿಲ್ಲೆಯ ಅಂಕೋಲ, ವಿಜಯಪು ಜಿಲ್ಲೆಯ ದೇವರಹಿಪ್ಪರಿಗೆಯಲ್ಲಿ ತಲಾ 3 ಸೆಂಟಿ ಮೀಟರ್ ಮಳೆಯಾಗಿದೆ. ಉಳಿದಂತೆ ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರ, ಉಡುಪಿಯ ಕೂಟದಲ್ಲಿ ತಲಾ 1 ಸೆಂಟಿ ಮೀಟರ್ ಮಳೆಯಾಗಿದೆ.

ಸತತವಾಗಿ ಮಳೆ ಬೀಳುತ್ತಿರುವ ಹಿನ್ನೆಲೆಯಲ್ಲಿ ಬಿಸಿ ಕಡಿಮೆಯಾಗುತ್ತಿದ್ದು, ಉಷ್ಣಾಂಶದಲ್ಲಿ ಕೊಂಚ ತಗ್ಗಿದೆ. ಉತ್ತರ ಒಳನಾಡಿನ ಒಂದೆರಡು ಕಡೆಗಳಲ್ಲಿ ಸಾಮಾನ್ಯಕ್ಕಿಂತ ಅಂದರೆ ಮೈನಸ್ 1.5 ರಿಂದ -3ಕ್ಕೆ ಕಡಿಮೆಯಾಗಿದೆ. ಉಳಿದಂತೆ ಒಳನಾಡಿನ ಬಹುತೇಕ ಕಡೆಗಳಲ್ಲಿ ಹಾಗೂ ಕರಾವಳಿಯ ಒಂದೆರಡು ಕಡೆಗಳಲ್ಲಿ ಉಷ್ಣಾಂಶ ಸಾಮಾನ್ಯವಾಗಿಯೇ ಇದೆ. ಈಭಾಗದಲ್ಲಿ ಮೈನಸ್ 1.5ರಲ್ಲಿ ಇದೆ. ಆದರೆ ದಕ್ಷಿಣ ಒಳನಾಡಿನ ಒಂದೆರಡು ಕಡೆಗಳಲ್ಲಿ ಉಷ್ಣಾಂಶ ಸಾಮಾನ್ಯಗಿಂತ ಗಮನಾರ್ಹವಾಗಿ ಹೆಚ್ಚಳವಾಗಿದೆ. ರಾಯಚೂರಿನಲ್ಲಿ ಗರಿಷ್ಠ 39 ಡಿಗ್ರಿ ಸೆಲ್ಸಿಯಸ್ ಉಷ್ಣಾಂಶ ದಾಖಲಾಗಿದೆ.

ನಾಳೆ (ಮೇ 29, ಸೋಮವಾರ) ವರೆಗೆ ವರುಣ ಅಬ್ಬರಿಸಲಿದ್ದು, ಕರಾವಳಿ ಹಾಗೂ ದಕ್ಷಿಣ ಒಳನಾಡಿನ ಒಂದೆರೆಡು ಕಡೆಗಳಲ್ಲಿ ಗುಡುಗು ಸಹಿತ ಮಳೆಯಾಗುವ ಸಾಧ್ಯತೆ ಇದೆ. ಒಳನಾಡಿನ ಒಂದೆರಡು ಕಡೆಗಳಲ್ಲಿ ಮಳೆಯಾಗುವ ಸಂಭವ ಇದೆ ಎಂದು ಹವಾಮಾನ ಇಲಾಖೆ ತನ್ನ ದೈನಂದಿನ ವರದಿಯಲ್ಲಿ ತಿಳಿಸಿದೆ. ಮುಂದಿನ 24 ಗಂಟೆಗಳಲ್ಲಿ ರಾಜ್ಯದಲ್ಲಿ ಗರಿಷ್ಠ ಉಷ್ಣಾಂಶವು ಕೆಲವು ಕಡೆಗಳಲ್ಲಿ ಸಾಮಾನ್ಯಕ್ಕಿಂತ 2 ರಿಂದ 3 ಡಿಗ್ರಿ ಸೆಲ್ಸಿಯಸ್ ಹೆಚ್ಚಾಗುವ ಸಾಧ್ಯತೆ ಇದೆ ಅಂತ ಹೇಳಿದೆ.

<h2>ನಾಳೆ ಬೆಂಗಳೂರಿನ ವಾತಾವರಣ ಹೇಗಿದೆ?</h2>ಬೆಂಗಳೂರು ನಗರದಲ್ಲಿ ನಾಳೆ ಕೂಡ (ಮೇ 29, ಸೋಮವಾರ) ಭಾಗಶಃ ಮೋಡ ಕವಿದ ವಾತಾವರಣ ಇರಲಿದ್ದು, ಸಂಜೆ ಅಥವಾ ರಾತ್ರಿಯ ವೇಳೆಗೆ ಸಾಮಾನ್ಯವಾಗಿ ಮೋಡ ಕವಿದ ಆಕಾಶ ಇರಲಿದ್ದು, ನಗರದ ಕೆಲವು ಕಡೆಗಳಲ್ಲಿ ಗುಡುಗು ಸಹಿತ ಮಳೆಯಾಗುವ ಸಂಬವ ಇದೆ. ಉದ್ಯಾನ ನಗರಿಯಲ್ಲಿ ಗರಿಷ್ಠ ಉಷ್ಣಾಂಶ 33 ಹಾಗೂ ಕನಿಷ್ಠ 22 ಡಿಗ್ರಿ ಸೆಲ್ಸಿಯನಸ್ ದಾಖಲಾಗುವ ಸಾದ್ಯತೆ ಇದೆ ಎಂದು ಹೇಳಿದೆ.

ರಾಜ್ಯದಲ್ಲಿ ಮುಂದಿನ ಮೂರ್ನಾಲ್ಕು ದಿನ ಅಂದರೆ ಮೇ 30 ರಿಂದ 31ರವರೆಗೆ ಉತ್ತರ ಒಳನಾಡಿನ ಜಿಲ್ಲೆಗಳಲ್ಲೂ ಮಳೆ ಹೆಚ್ಚಾಗುವ ಸಾಧ್ಯತೆ ಇದೆ ಎಂದು ರಾಜ್ಯ ಹವಾಮಾನ ಇಲಾಖೆ ಎಚ್ಚರಿಕೆ ನೀಡಿದೆ.

ಇದನ್ನೂ ಓದಿ: <a class="manualbacklink" target="_blank" href="https://kannada.hindustantimes.com/karnataka/vijayapura-district-news-mansoon-70132-hectare-sowing-target-karnataka-rain-agriculture-news-in-kannada-pcp-181685115228853.html">ಮುಂಗಾರು ಮಳೆ ಪ್ರವೇಶ ಸನಿಹ, ಬಿತ್ತನೆ ಕಾರ್ಯಕ್ಕೆ ಸಜ್ಜಾದ ಅನ್ನದಾತ, ವಿಜಯಪುರದಲ್ಲಿ 70,132 ಹೆಕ್ಟೇರ್ ಬಿತ್ತನೆ ಗುರಿ</a>

Education Guide: ಕರ್ನಾಟಕದಲ್ಲಿರುವ ಪ್ರಮುಖ ಸರಕಾರಿ ಎಂಜಿನಿಯರಿಂಗ್‌ ಕಾಲೇಜುಗಳು ಯಾವುವು? ಇಲ್ಲಿದೆ ಪಟ್ಟಿ

<ul><li>Top government engineering colleges: ಸಿಇಟಿ ಪರೀಕ್ಷೆಗಳೆಲ್ಲ ಮುಗಿದ ಬಳಿಕ ದೇಶಾದ್ಯಂತ ವಿದ್ಯಾರ್ಥಿಗಳು ಅತ್ಯುತ್ತಮ ಎಂಜಿನಿಯರಿಂಗ್‌ ಕಾಲೇಜುಗಳಿಗಾಗಿ ಹುಡುಕಾಡುತ್ತಿದ್ದಾರೆ. ಕರ್ನಾಟಕದಲ್ಲಿಯೂ ಯಾವ ಎಂಜಿನಿಯರಿಂಗ್‌ ಕಾಲೇಜಿನಲ್ಲಿ ಓದಬಹುದು? ಯಾವ ಸರಕಾರಿ ಎಂಜಿನಿಯರಿಂಗ್‌ ಕಾಲೇಜುಗಳಿವೆ ಎಂದು ಹುಡುಕುವವರಿಗೆ ಇಲ್ಲಿ ಕಾಲೇಜುಗಳ ಪಟ್ಟಿ ನೀಡಲಾಗಿದೆ.&nbsp;</li></ul>

CM Siddaramaiah: ಕಾಂಗ್ರೆಸ್ ಗ್ಯಾರಂಟಿಗಳನ್ನ ಜನರ ಮನೆ ಬಾಗಿಲಿಗೆ ತಲುಪಿಸಬೇಕು; ನೂತನ ಸಚಿವರಿಗೆ ಟಾರ್ಗೆಟ್ ಫಿಕ್ಸ್ ಮಾಡಿದ ಸಿಎಂ

ಪದಗ್ರಹಣ ಆದ ಮರು ದಿನವೇ ನೂತನ ಸಚಿವರಿಗೆ ಸಿಎಂ ಸಿದ್ದರಾಮಯ್ಯ ಹೊಸ ಜವಾಬ್ದಾರಿಯನ್ನು ನೀಡಿದ್ದಾರೆ. ಕೊಟ್ಟ ಗ್ಯಾರಂಟಿಗಳನ್ನು ಜನರ ಮನೆ ಬಾಗಿಲಿಗೆ ತಲುಪಿಸುವುದು, ಅಧಿಕಾರಿಗಳ ಭ್ರಷ್ಟಾಚಾರಕ್ಕೆ ಬ್ರೇಕ್ ಹಾಕಬೇಕೆಂಬುದು ಸೇರಿದಂತೆ ಕೆಲ ಟಾರ್ಗೆಟ್‌ಗಳನ್ನು ನೀಡಿದ್ದಾರೆ.

2000 Rupees Note: 2000 ರೂಪಾಯಿ ನೋಟು ಸ್ವೀಕರಿಸಬಾರದೆಂಬ ಹೊಸಕೋಟೆ ಬಿಎಂಟಿಸಿ ಘಟಕ ಹೊರಡಿಸಿದ್ದ ಆದೇಶ ವಾಪಸ್

2 ಸಾವಿರ ಮುಖ ಬೆಲೆಯ ನೋಟುಗಳನ್ನು ಸ್ವೀಕರಿಸದಂತೆ ನಿರ್ವಾಹಕರಿಗೆ ಸೂಚಿಸಿದ್ದ ಹೊಸಕೋಟೆ ಬಿಎಂಟಿಸಿ ಘಟಕ ತನ್ನ &nbsp;ಆದೇಶವನ್ನು ವಾಪಸ್ ಪಡೆದಿದೆ.

Cancer Survivors Day: ಜೂನ್ 4 ರಂದು ಕ್ಯಾನ್ಸರ್ ಗೆದ್ದವರ ದಿನ; ರೋಗಿಗಳಿಗಾಗಿ ಕೂದಲು ದಾನ ಮಾಡಿದ ಬಾಲಕಿ, ರೋಗ ಗೆದ್ದವರ ಭೇಟಿ

ಪ್ರತಿ ವರ್ಷ ಜೂನ್ ತಿಂಗಳ ಮೊದಲ ಭಾನುವಾರ ರಾಷ್ಟ್ರೀಯ ಕ್ಯಾನ್ಸರ್ ಗೆದ್ದವರ ದಿನವನ್ನು ಆಚರಿಸಲಾಗುತ್ತದೆ. ಬೆಂಗಳೂರಿನಲ್ಲಿ ಪುಟ್ಟ ಬಾಲಕಿಯೊಬ್ಬಳು ಕ್ಯಾನ್ಸರ್ ರೋಗಿಗಳಿಗಾಗಿ ತನ್ನ ಕೂದಲು ದಾನ ಮಾಡಿ ಖುಷಿ ಪಟ್ಟಿದ್ದಾಳೆ.

ರಾಜ್ಯ ರಾಜಧಾನಿ ಬೆಂಗಳೂರು ಸೇರಿದಂತೆ ದಕ್ಷಿಣ ಒಳನಾಡು ಹಾಗೂ ಕರಾವಳಿಯ ಕೆಲವು ಕಡೆಗಳಲ್ಲಿ ಗುಡುಗು ಸಹಿತ ಭಾರಿ ಮಳೆಯಾಗುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.

Parliament New Building: LIVE Updates; ಪ್ರಧಾನಿ ನರೇಂದ್ರ ಮೋದಿ ಅವರಿಂದ ನೂತನ ಸಂಸತ್ ಭವನ ಲೋಕಾರ್ಪಣೆ

ಪ್ರಧಾನಿ ನರೇಂದ್ರ ಮೋದಿ ಅವರು ದೆಹಲಿಯಲ್ಲಿಂದು ನೂತನ ಸಂಸತ್ ಭವನವನ್ನು ಉದ್ಘಾಟನೆ ಮಾಡಲಿದ್ದಾರೆ. ಶೃಂಗೇರಿ ಮಠದ ಪುರೋಹಿತರು ಪೂಜಾ ಕೈಂಕರ್ಯಗಳನ್ನು ನೆರವೇರಿಸುತ್ತಿದ್ದಾರೆ. ಕಾರ್ಯಕ್ರಮದಲ್ಲಿ ಪ್ರತಿ ಕ್ಷಣದ ಮಾಹಿತಿ ಇಲ್ಲಿದೆ.

ಪ್ರಧಾನಿ ನರೇಂದ್ರ ಮೋದಿ ಅವರು ನೂತನ ಸಂಸತ್ ಭವನವನ್ನು ಲೋಕಾರ್ಪಣೆ ಮಾಡಿದ್ದಾರೆ. ಲೋಕಸಭಾ ಸ್ಪೀಕರ್ ಓಂ ಬಿರ್ಲಾ ಈ ವೇಳೆ ಉಪಸ್ಥಿತರಿದ್ದರು.

ನೂತನ ಸಂಸತ್ ಭವನ ಲೋಕಾರ್ಪಣೆ

ನೂತನ ಸಂಸತ್ ಭವನದಲ್ಲಿರುವ ಲೋಕಸಭಾ ಸ್ಪೀಕರ್ ಆಸನದ ಪಕ್ಕದಲ್ಲಿ ಸೆಂಗೋಲ್ ಚಿನ್ನದ ರಾಜದಂಡವನ್ನು ಪ್ರಧಾನಿ ಪ್ರಧಾನಿ ನರೇಂದ್ರ ಅವರು ಅಳವಡಿಸಿದ್ದಾರೆ. ಈ ವೇಳೆ ಸ್ಪೀಕರ್ ಓಂ ಬಿರ್ಲಾ ಉಪಸ್ಥಿತರಿದ್ದರು.

ಲೋಕಸಭೆಯಲ್ಲಿ ಸೆಂಗೋಲ್ ಚಿನ್ನದ ರಾಜದಂಡ ಅಳವಡಿಕೆ

ನೂತನ ಕಟ್ಟಡ ಉದ್ಘಾಟನಾ ಸಮಾರಂಭದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರ ಅವರಿಗೆ ತಮಿಳುನಾಡಿನ ಅಧೀನಂ ಮಠದ ಪೀಠಾಧಿಪತಿಗಳು ಸೆಂಗೋಲ್ ಹಸ್ತಾಂತರಿಸಿದ್ದಾರೆ. ಐತಿಹಾಸಿಕ ಸೆಂಗೋಲ್​ ಚಿನ್ನದ ರಾಜದಂಡವನ್ನು ಲೋಕಸಭೆಯ ಸ್ಪೀಕರ್‌ ಆಸನದ ಪಕ್ಕ ಇವತ್ತು ಅಳವಡಿಸಲಾಗುತ್ತದೆ.

ಸೆಂಗೋಲ್​ ಚಿನ್ನದ ರಾಜದಂಡ ಹಸ್ತಾಂತರ

ನೂತನ ಸಂಸತ್ ಭವನ ಉದ್ಘಾಟನಾ ಕಾರ್ಯಕ್ರಮಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವರು ಆಗಮಿಸಿದ್ದಾರೆ. ಗಂಟೆ ಪೂಜಾ ಕೈಂಕರ್ಯಗಳು ನಡೆಯಲಿವೆ.

ಪ್ರಧಾನಿ ನರೇಂದ್ರ ಮೋದಿ ಆಗಮನ

ಭಾರತದ ಹೊಸ ಸಂಸತ್ ಭವನ ಇಂದು ಮುಂಜಾನೆಯಿಂದಲೇ ನಡೆಯುತ್ತಿರುವ ಹೋಮ ಹವನ ಹಾಗೂ ವಿಶೇಷ ಪೂಜಾ ಕೈಂಕರ್ಯಗಳೊಂದಿಗೆ ಪ್ರಾರಂಭವಾಗುವ ಸಮಾರಂಭದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಹೊಸ ಕಟ್ಟಡ ಲೋಕಾರ್ಪಣ ಮಾಡಲಿದ್ದಾರೆ.

ಹೊಸ ಸಂಸತ್ ಭವನ ಉದ್ಘಾಟನೆಯ ಪೂಜಾ ಕೈಂರ್ಯಗಳು ಆರಂಭ

ವಿವಿಧ ರಾಜ್ಯಗಳು ಮುಖ್ಯಮಂತ್ರಿಗಳು, ಸಚಿವರು ಸೇರಿದಂಂತೆ 25 ರಾಜಕೀಯ ಪಕ್ಷಗಳು ಹಾಗೂ ಗಣ್ಯರು ಉದ್ಘಾಟನಾ ಸಮಾರಂಭದಲ್ಲಿ ಪಾಲ್ಗೊಳ್ಳುವ ನಿರೀಕ್ಷೆ ಇದೆ.

ಮುಖ್ಯಮಂತ್ರಿಗಳು, ಸಚಿವರು ಸೇರಿ 25 ರಾಜಕೀಯ ಪಕ್ಷಗಳ ನಾಯಕರು ಭಾಗಿ ನಿರೀಕ್ಷೆ

ನೂತನ ಕಟ್ಟಡ ಉದ್ಘಾಟನಾ ಸಮಾರಂಭಕ್ಕೂ ಮುನ್ನ ದಿನ ಪ್ರಧಾನಿ ನರೇಂದ್ರ ಮೋದಿ ಅವರ ನಿವಾಸಕ್ಕೆ ಭೇಟಿ ನೀಡಿದ್ದ ತಮಿಳುನಾಡಿನ ಅಧೀನಂ ಮಠದ ಪೀಠಾಧಿಪತಿಗಳು ಸೆಂಗೋಲ್ ನೀಡಿದ್ದಾರೆ.ಐತಿಹಾಸಿಕ ಸೆಂಗೋಲ್​ ಚಿನ್ನದ ರಾಜದಂಡವನ್ನು ಲೋಕಸಭೆಯ ಸ್ಪೀಕರ್‌ ಆಸನದ ಪಕ್ಕ ಇವತ್ತು ಅಳವಡಿಸಲಾಗುತ್ತದೆ.&nbsp;

ಈ ಸೆಂಗೋಲ್ 1947ರಲ್ಲಿ ಅಧಿಕಾರ ವರ್ಗಾವಣೆಯ ಪವಿತ್ರ ಸಂಕೇತವಾಗಿ ಪ್ರಾಮುಖ್ಯತೆಯನ್ನು ಹೊಂದಿದೆ. ವಸಾಹತುಪೂರ್ವ ಭಾರತದ ವೈಭಯುವತ ಸಂಪ್ರದಾಯಗಳ ನಡುವಿನ ಸಂಪರ್ಕವು ಸ್ವತಂತ್ರ ಭಾರತದ ಭವಿಷ್ಯವಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.

ಸ್ವತಂತ್ರ ಭಾರತದ ಭವಿಷ್ಯವಾಗಿದೆ - ಪ್ರಧಾನಿ ಮೋದಿ

ಪ್ರಧಾನಿ ನರೇಂದ್ರ ಮೋದಿ ಅವರು ದೆಹಲಿಯಲ್ಲಿಂದು ನೂತನ ಸಂಸತ್ ಭವನವನ್ನು ಉದ್ಘಾಟನೆ ಮಾಡಲಿದ್ದಾರೆ. ಕಾರ್ಯಕ್ರಮದ ಪ್ರತಿ ಕ್ಷಣದ ಮಾಹಿತಿ ಲೈಪ್ ಅಪ್ಡೇಟ್‌ನಲ್ಲಿದೆ.

Gold Silver Price today: ಸತತ ನಾಲ್ಕನೇ ದಿನವೂ ದೇಶದಲ್ಲಿಂದು ಚಿನ್ನ, ಬೆಳ್ಳಿ ಬೆಲೆ ಇಳಿಕೆ; ಪ್ರಮುಖ ನಗರಗಳ ಚಿನ್ನಾಭರಣ ದರಗಳು ಹೀಗಿವೆ

ಬೆಂಗಳೂರು: ದೇಶದ ಮಾರುಕಟ್ಟೆಯಲ್ಲಿ ಸತತ ನಾಲ್ಕು ದಿನಗಳಿಂದ ಚಿನ್ನದ ಬೆಲೆ ಇಳಿಕೆಯಾಗುತ್ತಿರುವುದು ಆಭರಣ ಪ್ರಿಯರಿಗೆ ಖುಷಿಯ ವಿಚಾರವಾಗಿದೆ. ಇಂದು (ಮೇ 28, ಭಾನುವಾರ) ಚಿನ್ನದ ಬೆಲೆ (Gold Price) ಇಳಿಕೆಯಾಗಿದ್ದರೆ, ಬೆಳ್ಳಿ ಬೆಲೆಯಲ್ಲಿ (Silver Price) ಏರಿಕೆಯಾಗಿದೆ.

ಬೆಂಗಳೂರಿನಲ್ಲಿ 22 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆಯಲ್ಲಿ 100 ರೂಪಾಯಿ ಇಳಿಕೆಯ ನಂತರ 55,600 ರೂಪಾಯಿ ಇದೆ. ನಿನ್ನೆ ಕೂಡ 55,700 ರೂಪಾಯಿ ಇತ್ತು. ಅದೇ ರೀತಿಯಾಗಿ 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆಯಲ್ಲಿ 110 ರೂಪಾಯಿ ತಗ್ಗಿದ ಬಳಿಕ 60,650 ರೂಪಾಯಿ ಇದೆ. ನಿನ್ನೆ 60,760 ವಹಿವಾಟು ನಡೆಸಿತ್ತು.

ಬೆಳ್ಳಿ ಬೆಲೆ 77,000 ರೂಪಾಯಿ ಇದೆ. ಬೆಳ್ಳಿಯಲ್ಲಿ 800 ರೂಪಾಯಿ ಏರಿಕೆಯಾಗಿದೆ. ನಿನ್ನೆ ಈ ಬೆಲೆ 76,200 ರೂಪಾಯಿ ಇತ್ತು. ಬಳ್ಳಾರಿ, ದಾವಣಗೆರೆ, ಮಂಗಳೂರು, ಮೈಸೂರು ಸೇರಿದಂತೆ ರಾಜ್ಯದ ಎಲ್ಲಾ ಕಡೆಗಳಲ್ಲೂ ಚಿನ್ನ, ಬೆಳ್ಳಿ ಬೆಲೆಗಳು ಇದೇ ರೀತಿಯಲ್ಲಿ ಇವೆ.

<h2>ದೇಶದಲ್ಲಿನ ಇತರೆ ನಗರಗಳಲ್ಲಿನ ಚಿನ್ನ ಮತ್ತು ಬೆಳ್ಳಿ ದರಗಳು ಹೀಗಿವೆ</h2><h2>ಚೆನ್ನೈ</h2>ಚೆನ್ನೈನಲ್ಲಿ 22 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆಯಲ್ಲಿ 110 ರೂಪಾಯಿ ಕಡಿಮೆಯಾಗಿದ್ದು, ಪ್ರಸ್ತುತ 55,940 ರೂಪಾಯಿ ಇದೆ. ನಿನ್ನೆ 55,800 ರೂ.ಇತ್ತು. ಅದೇ ರೀತಿಯಾಗಿ 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆಯಲ್ಲಿ 110 ರೂಪಾಯಿ ತಗ್ಗಿದ್ದು 61,040 ರೂಪಾಯಿ ಬಂದು ನಿಂತಿದೆ. ನಿನ್ನೆ ಈ ದರ 61,150 ರೂಪಾಯಿ ಇತ್ತು. ಚೆನ್ನೈನಲ್ಲಿ ಬೆಳ್ಳಿ ಬೆಲೆ 77,000 ರೂಪಾಯಿ ಇದೆ. ಇಲ್ಲೂ ಕೂಡ ಬೆಳ್ಳಿಯಲ್ಲಿ 800 ರೂಪಾಯಿ ಹೆಚ್ಚಳವಾಗಿದೆ.

<h2>ದೆಹಲಿ</h2>ದೆಹಲಿಯಲ್ಲಿ 22 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆಯಲ್ಲಿ 150 ರೂಪಾಯಿ ತಗ್ಗಿದ್ದು, 55,650 ರೂಪಾಯಿ ಇದೆ. 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 60,750 ರೂಪಾಯಿ ಇದೆ. ದೆಹಲಿಯಲ್ಲಿ ಬೆಳ್ಳಿ ಬೆಲೆ 73,000 ರೂಪಾಯಿ ಇದ್ದು, ಇವತ್ತು ಬೆಳ್ಳಿ ಬೆಲೆಯಲ್ಲಿ 100 ರೂಪಾಯಿ ಏರಿಕೆಯಾಗಿದೆ.

<h2>ಹೈದರಾಬಾದ್</h2>ಹೈದರಾಬಾದ್‌ನಲ್ಲಿ 22 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 55,550 ರೂಪಾಯಿ ಇದೆ. ನಿನ್ನೆ 56,650 ರೂಪಾಯಿ ಇತ್ತು. ಅದೇ ರೀತಿಯಾಗಿ 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 60,600 ರೂಪಾಯಿ ಇದೆ. ನಿನ್ನೆ 61,710 ರೂ.ಇತ್ತು. ಹೈದರಾಬಾದ್‌ನಲ್ಲಿ ಬೆಳ್ಳಿ ಬೆಲೆ 77,000 ರೂಪಾಯಿ ಇದೆ. ಇಲ್ಲೂ ಕೂಡ ಬೆಳ್ಳಿಯಲ್ಲಿ 800 ರೂಪಾಯಿ ಹೆಚ್ಚಳ ಆಗಿದೆ.

<h2>ಜೈಪುರ</h2>ಜೈಪುರದಲ್ಲಿ 22 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 55,650 ರೂಪಾಯಿ ಇದ್ದರೆ 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 60,750 ರೂಪಾಯಿ ಇದೆ. ಬೆಳ್ಳಿ ಬೆಲೆ 73,000 ರೂಪಾಯಿ ಇದೆ.

<h2>ಕೋಲ್ಕತ್ತ</h2>ಕೋಲ್ಕತ್ತದಲ್ಲಿ 22 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 56,550 ರೂಪಾಯಿ ಇದ್ದರೆ, 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 60,600 ರೂಪಾಯಿ ಇದೆ. ಕೋಲ್ಕತ್ತದಲ್ಲಿ ಬೆಳ್ಳಿ ಬೆಲೆ 73,000 ರೂಪಾಯಿ ಇದೆ.

<h2>ಲಖನೌ</h2>ಲಖನೌದಲ್ಲಿ 22 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 55,650 ರೂಪಾಯಿ ಇದೆ. ನಿನ್ನೆ 55,800 ರೂಪಾಯಿ ಇತ್ತು. ಅದೇ ರೀತಿಯಾಗಿ 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 60,750 ರೂಪಾಯಿ ಇದೆ. ಲಖನೌದಲ್ಲಿ ಬೆಳ್ಳಿ ಬೆಲೆ 73,000 ರೂಪಾಯಿ ಇದೆ.

<h2>ಮುಂಬೈ</h2>ಮುಂಬೈನಲ್ಲಿ 22 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 55,550 ರೂಪಾಯಿ ಇದ್ದರೆ, 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 60,600 ರೂಪಾಯಿ ಇದೆ. ಮುಂಬೈನಲ್ಲಿ ಬೆಳ್ಳಿ ಬೆಲೆ 73,000 ರೂಪಾಯಿ ಇದೆ.

ಇದನ್ನೂ ಓದಿ: <a class="manualbacklink" target="_blank" href="https://kannada.hindustantimes.com/nation-and-world/gold-price-today-may-27-gold-and-silver-rate-in-karnataka-bengaluru-mgb-181685116487926.html">ಮತ್ತೆ ಬಂಗಾರದ ಬೆಲೆಯಲ್ಲಿ ಕೊಂಚ ಇಳಿಕೆ; ಕರ್ನಾಟಕದಲ್ಲಿನ ಚಿನ್ನ, ಬೆಳ್ಳಿ ದರ ತಿಳಿಯಿರಿ</a>

ITBP Jobs: ಕಾನ್ಸ್‌ಟೇಬಲ್‌ ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಿದ ಇಂಡೋ ಟಿಬೇಟಿಯನ್‌ ಗಡಿ ಭದ್ರತಾ ಪಡೆ, ಮಹಿಳೆಯರಿಗೆ ಮಾತ್ರ ಅವಕಾಶ

<ul><li>ಭಾರತ ಸರಕಾರದ ಗೃಹಸಚಿವಾಲಯದಡಿ ಬರುವ ಇಂಡೋ ಟಿಬೇಟಿಯನ್‌ ಗಡಿ ಪೊಲೀಸ್‌ ಪಡೆಯು ಹೆಡ್‌ ಕಾನ್ಸ್‌ಟೇಬಲ್‌ (ಮಿಡ್‌ವೈಫ್‌) ಗ್ರೂಪ್‌ ಸಿ (ನಾನ್‌ ಗೆಜೆಟೆಡ್‌- ನಾನ್‌ ಮಿನಿಸ್ಟ್ರಿಯಲ್‌) ಹುದ್ದೆಗಳಿಗೆ ಮಹಿಳಾ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಿದೆ.</li></ul>

Kejriwal Hugs Satyendar: ಜೈಲು ಸೇರಿ ಅನಾರೋಗ್ಯದಿಂದ ಬಳಲುತ್ತಿರುವ ಸತ್ಯೇಂದ್ರ ಜೈನ್​ರನ್ನು ಅಪ್ಪಿಕೊಂಡ ಕೇಜ್ರಿವಾಲ್, ಹೀರೋ ಎಂದು ಪೋಸ್ಟ್

Kejriwal Hugs Satyendar

<ul><li>Satyendar Jain in hospital: ಅಕ್ರಮ ಹಣ ವರ್ಗಾವಣೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಂಧನಕ್ಕೊಳಗಾಗಿ ಕಳೆದೊಂದು ವರ್ಷದಿಂದ ದೆಹಲಿ ತಿಹಾರ್ ಜೈಲಿನಲ್ಲಿದ್ದ ಸತ್ಯೇಂದ್ರ ಜೈನ್ ಅವರು ಮೇ 25 ರಂದು ತಲೆತಿರುಗಿ ಜೈಲಿನಲ್ಲಿ ಕುಸಿದು ಬಿದ್ದಿದ್ದರು.</li></ul>

NASA Photo: ಆಶ್ಚರ್ಯ, ಈ ಕ್ಷುದ್ರಗ್ರಹದ ಜತೆ ಚಂದ್ರನಿದ್ದಾನೆ, ದಿನದ ಅದ್ಭುತ ಖಗೋಳ ಫೋಟೊ ಹಂಚಿಕೊಂಡ ನಾಸಾ

Asteroid with moon

NASA Astronomy Picture of the Day: ನಾಸಾವು ತನ್ನ ಸೋಷಿಯಲ್‌ ಮೀಡಿಯಾ ಖಾತೆಯಲ್ಲಿ ಪ್ರತಿದಿನ ವಿಶೇಷವೆನಿಸುವ ಖಗೋಳ ಫೋಟೊವನ್ನು ಹಂಚಿಕೊಳ್ಳುತ್ತದೆ. ಇಂದು ನಾಸಾವು ಸಣ್ಣ ಚಂದ್ರ ಇರುವ ಕ್ಷುದ್ರಗ್ರಹವೊಂದರ ಚಿತ್ರವನ್ನು ಹಂಚಿಕೊಂಡಿದೆ. ರೊಬೊಟಿಕ್‌ ಸ್ಪೇಸ್‌ಕ್ರಾಪ್ಟ್‌ ಗೆಲಿಲಿಯೊದ ಕಣ್ಣಿಗೆ ಬಿದ್ದ ಕ್ಷುದ್ರಗ್ರಹದ ಜತೆಗೆ ಸಣ್ಣ ಚಂದ್ರ ಇದೆ.

ISRO NavIC: ಜಿಎಸ್‌ಎಲ್‌ವಿ ರಾಕೆಟ್‌ ಮೂಲಕ ನಾಳೆ ಇಸ್ರೋದ ನ್ಯಾವಿಗೇಷನ್‌ ಉಪಗ್ರಹ ಉಡಾವಣೆ, ಕೌಂಟ್‌ಡೌನ್‌ ಆರಂಭ

<ul><li>ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ISRO) ಜಿಎಸ್‌ಎಲ್‌ವಿ ರಾಕೆಟ್‌ ಮೂಲಕ (GSLV rocket) ನ್ಯಾವಿಗೇಷನ್‌ ಸ್ಯಾಟ್‌ಲೈಟ್‌ ಉಡಾವಣೆ ಮಾಡಲು ಭಾನುವಾರ 27.5 ಗಂಟೆಗಳ ಕೌಂಟ್‌ಡೌನ್‌ ಆರಂಭಿಸಿದೆ.</li></ul>

ಚಿನಿವಾರ ಪೇಟೆಯಲ್ಲಿಂದು ಕೂಡ ಚಿನ್ನದ ಬೆಲೆಯಲ್ಲಿ ಅಲ್ಪ ಇಳಿಕೆಯಾಗಿದ್ದರೆ, ಬೆಳ್ಳಿ ಬೆಲೆಯಲ್ಲಿ ಏರಿಕೆಯಾಗಿದೆ. ಬೆಂಗಳೂರು ಸೇರಿದಂತೆ ದೇಶದ ಪ್ರಮುಖ ನಗರಗಳಲ್ಲಿನ ಚಿನ್ನಾಭರಣ ಬೆಲೆಗಳ ಮಾಹಿತಿ ಇಲ್ಲಿದೆ.

Mango Mela: ರೈತರಿಗೆ ಕಡಿಮೆ ಇಳುವರಿ ಸಂಕಷ್ಟದ ಬೆನ್ನಲೇ ಇಂದಿನಿಂದ ಹಾಪ್‌ಕಾಮ್ಸ್‌ನಲ್ಲಿ ಮಾವು ಮತ್ತು ಹಲಸು ಮೇಳ

ಬೆಂಗಳೂರು: ಹಣ್ಣುಗಳ ರಾಜ ಮಾವು (Mango) ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿದ್ದು, ಎಲ್ಲೆಲ್ಲೂ ಈಗ ಮಾವಿನ ಹಣ್ಣುಗಳದ್ದೇ ಕಾರು ಬಾರು. ರಾಜ್ಯದ ವಿವಿಧ ಭಾಗಗಳಿಂದ ಬೆಂಗಳೂರಿಗೆ (Bengaluru) ವೆರೈಟಿ ಹಣ್ಣುಗಳು ಬರುತ್ತಿದ್ದು, ಬಾಯಲ್ಲಿ ನೀರೂರಿಸುವಂತಿವೆ.

ರಾಜ್ಯದಲ್ಲಿ ಅಕಾಲಿಕ ಮಳೆ ಹಾಗೂ ಬಿಸಿಗಾಳಿ ಮಾವಿನ ಇಳುವರಿ ಮೇಲೆ ಭಾರಿ ಪರಿಣಾಮ ಬೀರಿದೆ ಎಂಬ ಆತಂಕದ ನಡುವೆಯೇ ಬೆಂಗಳೂರಿನಲ್ಲಿ ಇಂದಿನಿಂದ 10 ದಿನಗಳ ಮಾವು ಮತ್ತು ಹಲಸ ಮೇಳ (Mango and Jackfruit Mela) ಆರಂಭವಾಗಿದೆ.

ಮಾವು ಮತ್ತು ಹಲಸು ಮಾರಾಟ ಈಗಾಗಲೇ ಆರಂಭವಾಗಿದ್ದು, ಇಂದು ಔಪಚಾರಿಕವಾಗಿ ಉದ್ಘಾಟನೆಯಾಗಿದೆ ಎಂದು ಹಾಪ್‌ಕಾಮ್ಸ್ ವ್ಯವಸ್ಥಾಪಕ ನಿರ್ದೇಶಕ ಮಿರ್ಜಿ ಉಮೇಶ್ ಶಂಕರ್ ಅವರು ಮಾಹಿತಿ ನೀಡಿದ್ದಾರೆ.

ಮೇ 26ರ ಬೆಳಗ್ಗೆ ಔಪಚಾರಿಕವಾಗಿ ಮಾವು ಮತ್ತು ಹಲಸು ಮೇಳವನ್ನು ಉದ್ಘಾಟಿಸುತ್ತಿದ್ದು, ಜೂನ್ 4ರ ವರೆಗೆ ಪ್ರತಿದಿನ ಬೆಳಗ್ಗೆ 8 ರಿಂದ ರಾತ್ರಿ 8 ಗಂಟೆಯವರೆಗೆ ನಡೆಯಲಿದೆ. ಹಣ್ಣುಗಳನ್ನು ನಗರದ ಪ್ರತಿಯೊಂದು ಹಾಪ್‌ಕಾಮ್ಸ್‌ ಮಳಿಗೆಗಳಲ್ಲಿ ರಿಯಾಯಿತಿ ದರದಲ್ಲಿ ಮಾರಾಟ ಮಾಡಲಾಗುತ್ತಿದೆ. ಈ ತಿಂಗಳ ಆರಂಭದಲ್ಲಿ ರಾಜ್ಯದಲ್ಲಿ ಇಳುವರಿ ಕಡಿಮೆಯಾಗಿರುವುದರಿಂದ ಮೇಳ ವಿಳಂಬವಾಗಲಿದೆ ಎಂಬ ಆತಂಕ ಮಾವು ಪ್ರಿಯರಿಯನ್ನು ಕಾಡಿತ್ತು ಎಂದು ಹೇಳಿದ್ದಾರೆ.

ಬೆಂಗಳೂರಿನ ಹಾಪ್‌ಕಾಮ್ಸ್ ಅಧ್ಯಕ್ಷ ಎನ್ ದೇವರಾಜ್ ಮಾತನಾಡಿ, ಈ ಋತುವಿನ ಇಳುವರಿಯು ಈಗ ಹೆಚ್ಚಿನ ತಳಿಗಳ ಹಣ್ಣುಗಳು ಮಾರುಕಟ್ಟೆಗೆ ಬರುವುದರೊಂದಿಗೆ ಸ್ಥಿರವಾಗುತ್ತಿದ್ದರೂ, ಬೇಡಿಕೆಯನ್ನು ಪೂರೈಸಲು ಇನ್ನೂ ಸಾಕಾಗುವುದಿಲ್ಲ ಅಂತ ಹೇಳಿದ್ದಾರೆ.

ಮೇ ತಿಂಗಳ ಆರಂಭದಲ್ಲಿ ಹಾಪ್‌ಕಾಮ್ಸ್‌ಗೆ ಪೂರೈಕೆಯ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಿತು. ರಾಮನಗರದ ಮೊದಲ ಬ್ಯಾಚ್‌ ಆಗ ಬಹುತೇಕ ಮಾರಾಟವಾಗಿದ್ದರೆ, ಎರಡನೇ ಬ್ಯಾಚ್ ಆಗಮನದಲ್ಲಿ ವಿಳಂಬವಾಗಿದೆ ಎಂದು ವಿವರಿಸಿದ್ದಾರೆ.

ರಸ್ಪುರಿ, ಬಾದಾಮಿ ಹಾಗೂ ಅಲ್ಪೋನ್ಸೋ ಮಾವಿಗೆ ಮಾರುಕಟ್ಟೆಯಲ್ಲಿ ಬೇಡಿಕೆ ಮುಂದುವರಿದಿದೆ ಎಂದಿರುವ ದೇವರಾಜ, ಈ ತಿಂಗಳಲ್ಲಿ ಲಭ್ಯವಿರುವ ಇತರೆ ತಿಳಿಗಳ ಮಾವನ್ನು ಪೂರೈಕೆ ಮಾಡಲಾಗುತ್ತದೆ. ನಾವು ಈಗ ಮಲ್ಲಿಕಾ, ಬಂಗನಪಲ್ಲಿ, ಸಿಂಧೂರ ಮಾವಿನ ನಿರಂತರ ಪೂರೈಕೆಯಾಗುತ್ತಿದೆ. ಇದು ಸ್ವಾಭಾವಿಕವಾಗಿ ಮಾವಿನ ಬೆಲೆಯನ್ನು ಕಡಿಮೆ ಮಾಡುತ್ತದೆ ಎಂದು ಹೇಳಿದ್ದಾರೆ.

ಕೋವಿಡ್ ಸಮಯದಲ್ಲಿ ಗ್ರಾಹಕರ ಮನೆ ಬಾಗಿಲಿಗೆ ಹಣ್ಣುಗಳನ್ನು ಪೂರೈಕಿಸಿದ್ದ ಖಾಸಗಿ ವಿತರಣಾ ಸಂಸ್ಥೆಗಳು ಕಳಪೆ ಗುಣಮಟ್ಟದ ಹಣ್ಣುಗಳನ್ನು ನೀಡಿ ಗ್ರಾಹಕರ ವಿರೋಧವನ್ನು ಕಟ್ಟಿಕೊಳ್ಳಬೇಕಾಯಿತು. ಹೀಗಾಗಿ ಖಾಸಗಿ ವಿತರಣಾ ಸಂಸ್ಥೆಗಳು ತಮ್ಮ ಸೇವೆಗಳನ್ನು ಸ್ಥಗಿತಗೊಳಿಸಿವೆ.

<h2>ಹಾಪ್‌ಕಾಮ್ಸ್‌ನಲ್ಲಿ ಲಭ್ಯವಿರುವ ಮಾವಿನ ಹಣ್ಣುಗಳ ದರಗಳು</h2>ರಸಪುರಿ: 125 ರೂಪಾಯಿ

ತೋತಾಪುರಿ: 35 ರೂಪಾಯಿ

ಬಹಾದಾಮಿ: 148 ರೂಪಾಯಿ

ಅಲ್ಪೋನ್ಸೋ: 155 ರೂಪಾಯಿ

ಮಲ್ಲಿಕಾ: 120 ರೂಪಾಯಿ

ಇಮಾಮ್ ಪಸಂದ್:165 ರೂಪಾಯಿ

ಸೇಂದೂರ: 58 ರೂಪಾಯಿ

ಮಲ್ಗೋವಾ: 160 ರೂಪಾಯಿ

ಬಂಗನಪಲ್ಲಿ: 58 ರೂಪಾಯಿ

ಕರ್ನಾಟಕ ರಾಜ್ಯ ಮಾವು ಅಭಿವೃದ್ಧಿ ಮತ್ತು ಮಾರ್ಕೆಂಟಿಂಗ್ ಕಾರ್ಪೊರೇಷನ್ ಲಿಮಿಟೆಡ್ ವೆಬ್‌ಸೈಟ್‌ನಲ್ಲಿನ ಬೆಲೆಗಲು, ಶಿಫ್ಪಿಂಗ್ ಶುಲ್ಕಗಳು ಸೇರಿದಂತೆ ಹಣ್ಣಿನ ಬೆಲೆಗಳು

ಅಲ್ಪೋನ್ಸೋ: 441 ರೂ.- 691 ರೂಪಾಯಿ

ಬಾದಾಮಿ: 441 ರೂ.- 691 ರೂಪಾಯಿ

ಅಪೂಸ್: 441 ರೂ.- 691 ರೂಪಾಯಿ

ಆಮ್ರಪಾಲಿ: 771 ರೂ-781 ರೂಪಾಯಿ

ಬನೇಶನ್ ಬಂಗನಪಲ್ಲಿ: 281 ರೂ.-631 ರೂಪಾಯಿ

ದಶೇರಿ: 861 ರೂಪಪಾಯಿ

ಇಮಾಮ್ ಪಸಂದ್: 602 ರೂ.-891 ರೂಪಾಯಿ

ಕಲಾಪಾಡ್: 781 ರೂ.-831 ರೂಪಾಯಿ

ಕೇಸರ್: 560 ರೂ.-581 ರೂಪಾಯಿ

ಮಲ್ಲಿಕಾ: 331 ರೂ.-631 ರೂಪಾಯಿ

ಕನಿಷ್ಠ 3 ಕೆಜಿಯಿಂದ ಆರ್ಡರ್ ಮಾಡಬಹುದಾಗಿದೆ.

ಇದನ್ನೂ ಓದಿ: <a class="manualbacklink" target="_blank" href="https://kannada.hindustantimes.com/photos/king-of-fruits-enters-bangalore-market-mouthwatering-variety-mangoes-see-photos-rmy-181682997744861.html">ಮಾರುಕಟ್ಟೆಯಲ್ಲಿ ಹಣ್ಣುಗಳ ರಾಜನದ್ದೇ ಹವಾ; ಬಾಯಲ್ಲಿ ನೀರೂರಿಸುವ ವೆರೈಟಿ ಮಾವಿನ ಹಣ್ಣುಗಳು; ಫೋಟೋಸ್</a>

ಬೆಂಗಳೂರಿನ ಹಾಪ್‌ಕಾಮ್ಸ್‌ನಲ್ಲಿ ಇಂದಿನಿಂದ ಅಧಿಕೃತವಾಗಿ ಮಾವು ಮತ್ತು ಹಲಸು ಮೇಳ ಆರಂಭವಾಗಿದೆ. ವಿವಿಧ ಬಗೆಯ ರುಚಿಕರವಾದ ರಾಸಾಯನಿಕ ಮುಕ್ತ ಹಣ್ಣುಗಳನ್ನು ಮಾರಾಟ ಮಾಡಲಾಗುತ್ತಿದೆ.&nbsp;

Karnataka Weather: ದಕ್ಷಿಣ ಒಳನಾಡಿನ ಕೆಲವೆಡೆ ಇಂದು ಗುಡುಗು ಸಹಿತ ಭಾರಿ ಮಳೆಯ ಮುನ್ಸೂಚನೆ; ರಾಜಧಾನಿ ಬೆಂಗಳೂರಿಗೂ ಎಚ್ಚರಿಕೆ

ಬೆಂಗಳೂರು: ಕಳೆದ ಕೆಲವು ದಿನಗಳಿಂದ ವರುಣನ ಆರ್ಭಟಕ್ಕೆ ಬೆಂಗಳೂರು ಮಂದಿ ತತ್ತರಿಸಿ ಹೋಗಿದ್ದಾರೆ. ಮಳೆಯಿಂದಾಗಿ ತಗ್ಗು ಪ್ರದೇಶಗಳಲ್ಲಿ ನೀರು ನುಗ್ಗಿದ ಪರಿಣಾಮ ಇಲ್ಲಿನ ಜನರು ಪರದಾಡುವಂತಾಗಿತ್ತು.

ಇಂದು (ಮೇ 26, ಶುಕ್ರವಾರ) ಕೂಡ ರಾಜ್ಯ ರಾಜಧಾನಿ ಬೆಂಗಳೂರು ಸೇರಿದಂತೆ ದಕ್ಷಿಣ ಒಳನಾಡಿನ ಕೆಲವು ಕಡೆಗಳಲ್ಲಿ ಬಿರುಗಾಳಿ, ಗುಡುಗು ಸಹಿತ ಭಾರಿ ಮಳೆಯಾಗುವ (Karnataka Rain) ಸಾಧ್ಯತೆ ಇದೆ. ಕರಾವಳಿ ಮತ್ತು ಉತ್ತರ ಒಳನಾಡಿನ ಒಂದೆರಡು ಕಡೆಗಳಲ್ಲಿ ಮಳೆಯಾಗುವ ಮುನ್ಸೂಚನೆ ಇದೆ ಎಂದು ಹವಾಮಾನ ಇಲಾಖೆ ಮಾಹಿತಿ ನೀಡಿದೆ.

ವಿಶೇಷವಾಗಿ ಬೆಂಗಳೂರಿನಲ್ಲಿ ಸಂಜೆ ಅಥವಾ ರಾತ್ರಿ ವೇಳೆಯಲ್ಲಿ ಭಾರಿ ಮಳೆಯಾಗುವ (Bangalore Rain) ಸಾಧ್ಯತೆ ಇದೆ ಎಂದು ಎಚ್ಚರಿಕೆ ನೀಡಲಾಗಿದೆ.

ಬೆಂಗಳೂರು ನಗರದಲ್ಲಿ ಸಾಮಾನ್ಯವಾಗಿ ಮೋಡ ಕವಿದ ವಾತಾವರಣ ಇದ್ದು, ಸಂಜೆ ಅಥವಾ ರಾತ್ರಿ ವೇಳೆಯಲ್ಲಿ ಹಗುರದಿಂದ ಸಾಧಾರಣ ಮಳೆ ಇಲ್ಲವೇ ಗುಡುಗು ಸಹಿತ ಮಳೆಯಾಗುವ ಬಹಳಷ್ಟು ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ತನ್ನ ದೈನಂದಿನ ವರದಿಯಲ್ಲಿ ಹೇಳಿದೆ. ಬೆಂಗಳೂರಿನಲ್ಲಿ ಗರಿಷ್ಠ ಉಣ್ಣಾಂಶ 32 ಡಿಗ್ರಿ ಸೆಲ್ಸಿಯಸ್ ಮತ್ತು ಕನಿಷ್ಠ ಉಷ್ಣಾಂಶ 22 ಡಿಗ್ರಿ ಸೆಲ್ಸಿಯಸ್ ಇರುವ ಸಾಧ್ಯತೆ ಇರುತ್ತದೆ ಎಂದು ವಿವರಿಸಿದೆ.

ನಿನ್ನೆ ಕೂಡ ಕೆಲವೆಡೆ ವರುಣ ಆರ್ಭಟಿಸಿದ್ದು, ಚಿತ್ರದುರ್ಗದ ಬಿ.ದುರ್ಗದಲ್ಲಿ 7 ಸೆಂಟಿ ಮೀಟರ್ ಮಳೆಯಾಗಿದೆ. ಕೊಡಗು ಜಿಲ್ಲೆಯ ನಾಪೋಕ್ಲುನಲ್ಲಿ 6, ರಾಣಿಬೆನ್ನೂರು, ರಾಯಲಪಾಡು, ನಾಯಕಹಟ್ಟಿಯಲ್ಲಿ ತಲಾ 3, ಸರಗೂರು, ಚಿತ್ರದುರ್ಗದಲ್ಲಿ ತಲಾ 2, ಮಂಗಳೂರು, ಮಂಗಳೂರು ವಿಮಾನ ನಿಲ್ದಾಣ, ಕುಮಟಾ, ನರಗುಂದ, ಕುಷ್ಟಗಿ, ತಾಳಿಕೋಟೆ, ಬೆಂಗಳೂರು ಕೆಂಪೇಗೌಡ ವಿಮಾನ ನಿಲ್ದಾಣ, ಹೊಕೋಟೆ, ಚನ್ನಗಿರಿ, ಹಿರಿಯೂರು ಹಾಗೂ ಚಿಂತಾಮಣಿಯಲ್ಲಿ ತಲಾ 1 ಸೆಂಟಿ ಮೀಟರ್ ಮಳೆಯಾಗಿದೆ.

ಸತತವಾಗಿ ಮಳೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಉಷ್ಣಾಂಶದಲ್ಲಿ ಕೂಡ ಭಾರಿ ಬದಲಾವಣೆಯಾಗುತ್ತಿದೆ. ಕರಾವಳಿ ಮತ್ತು ದಕ್ಷಿಣ ಒಳನಾಡಿನ ಒಂದೆರಡು ಕಡೆಗಳಲ್ಲಿ ಸಾಮಾನ್ಯಕ್ಕಿಂತ ಗಮನಾರ್ಹವಾಗಿ ಉಷ್ಣಾಂಶದಲ್ಲಿ ಹೆಚ್ಚಳವಾಗಿದೆ. ಅಂದರೆ 3.1 ಡಿಗ್ರಿ ಸೆಲ್ಸಿಯಸ್‌ನಿಂದ 5 ಡಿಗ್ರಿ ಸೆಲ್ಸಿಯಸ್‌ವರೆಗೆ ಏರಿಕೆಯಾಗಿದೆ. ಇನ್ನುಳಿದಂತೆ ಕರಾವಳಿಯ ಕೆಲವು ಕಡೆಗಳಲ್ಲಿ ಹಾಗೂ ದಕ್ಷಿಣ ಒಳನಾಡಿನ ಒಂದೆರಡು ಕಡೆಗಳಲ್ಲಿ ಸಾಮಾನ್ಯಕ್ಕಿಂತ 1.6 ಡಿಗ್ರಿ ಸೆಲ್ಸಿಯಸ್‌ನಿಂದ 3 ಡಿಗ್ರಿ ಸೆಲ್ಸಿಯಸ್‌ವರೆಗೆ ಉಷ್ಣಾಂಶ ಹೆಚ್ಚಳವಾಗಿದೆ.

ಕರಾವಳಿ ಕರ್ನಾಟಕದ ಹೊನ್ನಾವರ 33.7 ಡಿಗ್ರಿ ಸೆಲ್ಸಿಯಸ್ ಉಷ್ಣಾಂಶ ದಾಖಲಾಗಿದೆ. ಕಾರವಾರ 35.6, ಶಿರಾಲಿ 36.9, ಮಂಗಳೂರು ವಿಮಾನ ನಿಲ್ದಾಣ 35.2, ಪಣಂಬೂರು 36.4, ಉತ್ತರ ಒಳನಾಡಿನ ಬೆಳಗಾವಿ ನಗರದಲ್ಲಿ 34.8, ಬೆಳಗಾವಿ ವಿಮಾನ ನಿಲ್ದಾಣ 34.4, ಬೀದರ್ 38.6, ವಿಜಯಪುರ 38.1, ಬಾಗಲಕೋಟೆ 36.4, ಧಾರವಾಡ 34.2, ಗದಗ 36.8, ಕಲಬುರ್ಗಿ 39.7, ಹಾವೇರಿ 33.4, ಕೊಪ್ಪಳ 38.4, ರಾಯಚೂರು 39.8 ಡಿಗ್ರಿ ಸೆಲ್ಸಿಯಸ್ ಉಷ್ಣಾಂಶ ದಾಖಲಾಗಿದೆ.

ದಕ್ಷಿಣ ಒಳನಾಡಿನ ಬೆಂಗಳೂರು ಎಚ್‌ಎಎಲ್ ವಿಮಾನ ನಿಲ್ದಾಣ 32, ಬೆಂಗಳೂರು ನಗರ 32, ಬೆಂಗಳೂರು ಕೆಂಪೇಗೌಡ ವಿಮಾನ ನಿಲ್ದಾಣ 34.6, ಬಳ್ಳಾರಿ 39.7, ಚಿಕ್ಕಮಗಳೂರು 29.2, ಚಿತ್ರದುರ್ಗ 34.9, ದಾವಣಗೆರೆ 34, ಹಾಸನ 34.8, ಚಿಂತಾಮಣಿ 34.3, ಮಂಡ್ಯ 35, ಮಡಿಕೇರಿ 26.4, ಮೈಸೂರು 35.9, ಶಿವಮೊಗ್ಗ 34.6, ಚಿಕ್ಕನಹಳ್ಳಿ 35.6 ಡಿಗ್ರಿ ಸೆಲ್ಸಿಯನ್ ಉಷ್ಣಾಂಶ ದಾಖಲಾಗಿದೆ.

ಇದನ್ನೂ ಓದಿ: <a class="manualbacklink" target="_blank" href="https://kannada.hindustantimes.com/lifestyle/rain-proverbs-in-kannada-rainy-season-in-karnataka-rain-in-kannada-traditions-celebration-of-rain-news-in-kannada-mnk-181685003322471.html">ಕನ್ನಡ ಮಳೆ ಗಾದೆಗಳು: ಸಂಜೆ ಬಂದ ಮಳೆ, ಸಂಜೆ ಬಂದ ನೆಂಟ ಇಬ್ಬರೂ ಹೋಗಲ್ಲ; 78ಕ್ಕೂ ಹೆಚ್ಚು ಅಪರೂಪದ ಮಳೆಗಾದೆಗಳು ಇಲ್ಲಿವೆ</a>

ಬೆಂಗಳೂರಿನಲ್ಲಿ ಇಂದು ಸಂಜೆ ಅಥವಾ ರಾತ್ರಿ ಬಿರುಗಾಳಿ, ಗುಡುಗು ಸಹಿತ ಭಾರಿ ಮಳೆಯಾಗುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.

Gold Silver Price today: ದೇಶದಲ್ಲಿಂದು ಚಿನ್ನ, ಬೆಳ್ಳಿ ಬೆಲೆ ಭಾರಿ ಇಳಿಕೆ; ಪ್ರಮುಖ ನಗರಗಳಲ್ಲಿನ ಚಿನ್ನಾಭರಣ ಬೆಲೆ ತಿಳಿಯಿರಿ

ಬೆಂಗಳೂರು: ಚಿನ್ನ ಮತ್ತು ಬೆಳ್ಳಿ (Gold and Silver Price) ಬೆಲೆಯಲ್ಲಿ ಇವತ್ತು (ಮೇ 24, ಬುಧವಾರ) ಭಾರಿ ಇಳಿಕೆಯಾಗಿದೆ. ನಿನ್ನೆಯೂ (ಮೇ 23, ಮಂಗಳವಾರ) ಚಿನ್ನಾಭರಣ ದರಗಳು ಕಡಿಮೆಯಾಗಿತ್ತು.

ಬೆಂಗಳೂರಿನಲ್ಲಿ 22 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆಯಲ್ಲಿ 290 ರೂಪಾಯಿ ಇಳಿಕೆಯ ನಂತರ 56,050 ರೂಪಾಯಿ ಇದೆ. ನಿನ್ನೆ ಕೂಡ 56,340 ರೂಪಾಯಿ ಇತ್ತು. ಅದೇ ರೀತಿಯಾಗಿ 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆಯಲ್ಲಿ 310 ರೂಪಾಯಿ ತಗ್ಗಿದ ಬಳಿಕ 61,150 ರೂಪಾಯಿ ಇದೆ. ನಿನ್ನೆ 61,460 ವಹಿವಾಟು ನಡೆಸಿತ್ತು.

ಬೆಳ್ಳಿ ಬೆಲೆ 78,000 ರೂಪಾಯಿ ಇದೆ. ಬೆಳ್ಳಿಯಲ್ಲಿ 600 ರೂಪಾಯಿ ಕಡಿಮೆಯಾಗಿದೆ. ಬಳ್ಳಾರಿ, ದಾವಣಗೆರೆ, ಮಂಗಳೂರು, ಮೈಸೂರು ಸೇರಿದಂತೆ ರಾಜ್ಯದ ಎಲ್ಲಾ ಕಡೆಗಳಲ್ಲೂ ಚಿನ್ನ, ಬೆಳ್ಳಿ ಬೆಲೆಗಳು ಇದೇ ರೀತಿಯಲ್ಲಿ ಇವೆ.

<h2>ದೇಶದಲ್ಲಿನ ಇತರೆ ನಗರಗಳಲ್ಲಿನ ಚಿನ್ನ ಮತ್ತು ಬೆಳ್ಳಿ ದರಗಳು ಹೀಗಿವೆ</h2><h2>ಚೆನ್ನೈ</h2>ಚೆನ್ನೈನಲ್ಲಿ 22 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆಯಲ್ಲಿ 300 ರೂಪಾಯಿ ಕಡಿಮೆಯಾಗಿದ್ದು, ಪ್ರಸ್ತುತ 56,450 ರೂಪಾಯಿ ಇದೆ. ನಿನ್ನೆ 56,750 ರೂ.ಇತ್ತು. ಅದೇ ರೀತಿಯಾಗಿ 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆಯಲ್ಲಿ 370 ರೂಪಾಯಿ ತಗ್ಗಿದ್ದು 61,580 ರೂಪಾಯಿ ಬಂದು ನಿಂತಿದೆ. ನಿನ್ನೆ ಈ ದರ 61,950 ರೂಪಾಯಿ ಇತ್ತು. ಚೆನ್ನೈನಲ್ಲಿ ಬೆಳ್ಳಿ ಬೆಲೆ 78 ಸಾವಿರ ರೂಪಾಯಿ ಇದೆ. ಇಲ್ಲೂ ಕೂಡ ಬೆಳ್ಳಿಯಲ್ಲಿ 600 ರೂಪಾಯಿ ಕಡಿಮೆಯಾಗಿದೆ.

<h2>ದೆಹಲಿ</h2>ದೆಹಲಿಯಲ್ಲಿ 22 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 56,150 ರೂಪಾಯಿ ಇದೆ. 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 61,250 ರೂಪಾಯಿ ಇದೆ. ದೆಹಲಿಯಲ್ಲಿ ಬೆಳ್ಳಿ ಬೆಲೆ 74,500 ರೂಪಾಯಿ ಇದ್ದು, ಇವತ್ತು ಬೆಳ್ಳಿ ಬೆಲೆಯಲ್ಲಿ 500 ರೂಪಾಯಿ ತಗ್ಗಿದೆ.

<h2>ಹೈದರಾಬಾದ್</h2>ಹೈದರಾಬಾದ್‌ನಲ್ಲಿ 22 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 56,000 ರೂಪಾಯಿ ಇದೆ. ನಿನ್ನೆ 56,290 ರೂಪಾಯಿ ಇತ್ತು. ಅದೇ ರೀತಿಯಾಗಿ 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 61,100 ರೂಪಾಯಿ ಇದೆ. ನಿನ್ನೆ 61,410 ರೂ.ಇತ್ತು. ಹೈದರಾಬಾದ್‌ನಲ್ಲಿ ಬೆಳ್ಳಿ ಬೆಲೆ 78,000 ರೂಪಾಯಿ ಇದೆ. ಇಲ್ಲೂ ಕೂಡ ಬೆಳ್ಳಿಯಲ್ಲಿ 600 ರೂಪಾಯಿ ಕಡಿಮೆಯಾಗಿದೆ.

<h2>ಜೈಪುರ</h2>ಜೈಪುರದಲ್ಲಿ 22 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 56,150 ರೂಪಾಯಿ ಇದ್ದರೆ 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 61,250 ರೂಪಾಯಿ ಇದೆ. ಬೆಳ್ಳಿ ಬೆಲೆ 74,500 ರೂಪಾಯಿ ಇದೆ.

<h2>ಕೋಲ್ಕತ್ತ</h2>ಕೋಲ್ಕತ್ತದಲ್ಲಿ 22 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 56,000 ರೂಪಾಯಿ ಇದ್ದರೆ, 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 61,100 ರೂಪಾಯಿ ಇದೆ. ಕೋಲ್ಕತ್ತದಲ್ಲಿ ಬೆಳ್ಳಿ ಬೆಲೆ 74,500 ರೂಪಾಯಿ ಇದೆ.

<h2>ಲಖನೌ</h2>ಲಖನೌದಲ್ಲಿ 22 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 56,150 ರೂಪಾಯಿ ಇದೆ. ನಿನ್ನೆ 56,440 ರೂಪಾಯಿ ಇತ್ತು. ಅದೇ ರೀತಿಯಾಗಿ 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 61,250 ರೂಪಾಯಿ ಇದೆ. ಲಖನೌದಲ್ಲಿ ಬೆಳ್ಳಿ ಬೆಲೆ 74,500 ರೂಪಾಯಿ ಇದೆ.

<h2>ಮುಂಬೈ</h2>ಮುಂಬೈನಲ್ಲಿ 22 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 56,000 ರೂಪಾಯಿ ಇದ್ದರೆ, 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ 61,100 ರೂಪಾಯಿ ಇದೆ. ಮುಂಬೈನಲ್ಲಿ ಬೆಳ್ಳಿ ಬೆಲೆ 74,500 ರೂಪಾಯಿ ಇದೆ.

ಇದನ್ನೂ ಓದಿ: <a class="manualbacklink" target="_blank" href="https://kannada.hindustantimes.com/nation-and-world/gold-price-today-may-22-gold-and-silver-rate-in-karnataka-and-other-states-rmy-181684685340964.html">ಪ್ರಮುಖ ನಗರಗಳಲ್ಲಿನ ಚಿನ್ನಾಭರಣ ಬೆಲೆ ಹೀಗಿದೆ</a>

ಚಿನಿವಾರ ಪೇಟೆಯಲ್ಲಿಂದು ಚಿನ್ನ ಮತ್ತು ಬೆಳ್ಳಿ ಬೆಲೆಯಲ್ಲಿ ಭಾರಿ ಇಳಿಕೆಯಾಗಿದೆ. ದೇಶದ ಪ್ರಮುಖ ನಗರಗಳಲ್ಲಿ ಚಿನ್ನಾಭರಣ ದರಗಳ ಮಾಹಿತಿ ಇಲ್ಲಿದೆ.

Ishita Kishore: ಸಾಧನೆಗೆ ಅಡ್ಡದಾರಿಗಳು ಇಲ್ಲ;ಯುಪಿಎಸ್‌ಸಿ ಸಿವಿಲ್ಸ್‌ನ ಪರೀಕ್ಷೆಯಲ್ಲಿ ದೇಶಕ್ಕೆ ಪ್ರಥಮ ಸ್ಥಾನ ಪಡೆದ ಇಶಿತಾ ಕಿಶೋರ್ ಹೇಳಿಕೆ

ನವದೆಹಲಿ: ಕೇಂದ್ರ ಲೋಕ ಸೇವಾ ಆಯೋಗ (Union Public Service Commission) ಯುಪಿಎಸ್‌ಸಿ ನಡೆಸಿದ 2022ನೇ ಸಾಲಿನ ನಾಗರಿಕಾ ಸೇವಾ ಪರೀಕ್ಷೆಯಲ್ಲಿ (Civil Services Exam) ಇಶಿತಾ ಕಿಶೋರ್ (Ishita Kishore) ಇಡೀ ದೇಶಕ್ಕೆ ಮೊದಲ ರ‍್ಯಾಂಕ್ ಪಡೆಯುವ ಮೂಲಕ ಗಮನ ಸೆಳೆದ್ದಾರೆ.

ಮೂರನೇ ಪ್ರಯತ್ನದಲ್ಲಿ ಯುಪಿಎಸ್‌ಸಿ ಸಿವಿಲ್ಸ್‌ನಲ್ಲಿ ಮೊದಲ ಸ್ಥಾನ ಪಡೆದಿರುವ ಇಶಿತಾ ಕಿಶೋರ್ ಶ್ರೀ ರಾಮ್ ಕಾಲೇಜ್‌ ಆಫ್ ಕಾಮರ್ಸ್ ಕಾಲೇಜಿನ ಹಳೆಯ ವಿದ್ಯಾರ್ಥಿಯಾಗಿದ್ದಾರೆ. ತಮ್ಮ ಸಾಧನೆಯ ಬಗ್ಗೆ ಮಾತನಾಡಿರುವ ಅವರು, ಯುಪಿಎಸ್‌ಸಿ ಪರೀಕ್ಷೆಯಲ್ಲಿ ತೇರ್ಗಡೆಯಾಗುವ ವಿಶ್ವಾಸ ಇತ್ತು. ಆದರೆ ಇಡೀ ದೇಶಕ್ಕೆ ಪ್ರಥಮ ಸ್ಥಾನ ಬಂದಿರುವುದು ನೋಡಿ ಆಶ್ಚರ್ಯವಾಗಿದೆ ಎಂದಿದ್ದಾರೆ.

ವಾಯು ಸೇನೆ ಅಧಿಕಾರಿ ಕಟುಂಬದಲ್ಲಿ ಜನಿಸಿರುವ ಈಕೆಗೆ ಮೊದಲಿನಿಂದಲೂ ನಾಗರಿಕ ಸೇವೆಗೆ ಸೇರಬೇಕೆಂಬ ಕನಸು ಕಂಡಿದ್ದರಂತೆ. ಇದೀಗ ನಾಗರಿಕ ಸೇವೆ ಮತ್ತು ಕರ್ತವ್ಯ ಪಾಲನೆಯ ಭಾಗವಾಗುತ್ತಿರುವ ಸಂತಸ ತಂದಿದೆ ಎಂದು ತಮ್ಮ ಮನದಾಳದ ಮಾತುಗಳನ್ನು ಹಂಚಿಕೊಂಡಿದ್ದಾರೆ.

ನಾನು ಈ ಫಲಿತಾಂಶವನ್ನು ಎಂದಿಗೂ ಮರೆಯೋದಿಲ್ಲ. ನನ್ನ ಕುಟುಂಬದಿಂದ ನನಗೆ ನಿರಂತರವಾಗಿ ಬೆಂಬಲ ಸಿಕ್ಕಿತು. ತನ್ನ ಮೊದಲ ಆಯ್ಕೆಯೇ ಭಾರತೀಯ ಆಡಳಿತ ಸೇವೆ (ಐಎಎಸ್) ಎಂದು ಇಶಿತಾ ಕಿಶೋರ್ ಹೇಳಿದ್ದಾರೆ.

ಐಚ್ಛಿಕ ವಿಷಯವಾಗಿ ರಾಜಕೀಯ ವಿಜ್ಞಾನ ಮತ್ತು ಅಂತಾರಾಷ್ಟ್ರೀಯ ಸಂಬಂಧಗಳು ವಿಷಯವನ್ನು ಆರಿಸಿಕೊಂಡಿದ್ದೆ. ನಾಗರಿಕ ಸೇವಾ ಪರೀಕ್ಷೆಯಲ್ಲಿ ತೇರ್ಗಡೆಯಾಗಲು ಅಪಾರ ಶ್ರಮ ಬೇಕಾಗುತ್ತದೆ. ಸುಲಭವಾದ ಮಾರ್ಗಗಳು ಅಥವಾ ಯಾವುದೇ ರೀತಿಯ ಶಾರ್ಟ್‌ಕಟ್‌ಗಳಿಲ್ಲ ಎಂದಿದ್ದಾರೆ.

ಕಠಿಣ ಪರಿಶ್ರಮವನ್ನು ಹಾಕಬೇಕು ಮತ್ತು ಅದಕ್ಕೆ ಬದ್ಧರಾಗಿರಬೇಕು. ಯಾವುದೇ ತ್ವರಿತ ಪರಿಹಾರಗಳಿಲ್ಲ, ಅಡ್ಡ ದಾರಿಗಳು ಇಲ್ಲ. ಕಠಿಣ ಪ್ರಯತ್ನದಿಂದಲೇ ಸಾಧನೆ ಮಾಡಲು ಸಾಧ್ಯ ಎಂದು ಇಶಿತಾ ಕಿಶೋರ್ ವಿವರಿಸಿದ್ದಾರೆ.

ಇಶಿತಾ ಕಿಶೋರ್ ಅವರ ಪೋಷಕರು ಮೂಲತಃ ಪಾಟ್ನಾದವರಾಗಿದ್ದು, ಈಕೆ ತನ್ನ ವಿದ್ಯಾಭ್ಯಾಸವನ್ನು ದೆಹಲಿಯಲ್ಲಿ ಮುಗಿಸಿದ್ದಾರೆ. ಎಸ್‌ಆರ್‌ಸಿಸಿಯಿಂದ ಅರ್ಥಶಾಸ್ತ್ರ ಆನರ್ಸ್‌ ಪದವಿಯನ್ನು ಪೂರ್ಣಗೊಳಿಸಿದ ನಂತರ, ಅರ್ನ್ಸ್ ಅಂಡ್ ಯಂಗ್‌(EY) ಸಂಸ್ಥೆಯ ರಿಸ್ಕ್ ಅಡ್ವೈಸರ್ ವಿಭಾಗದಲ್ಲಿ ಕೆಲಸಕ್ಕೆ ಸೇರಿಕೊಂಡಿದ್ದರು.

UPSC ನಡೆಸಿದ ನಾಗರಿಕ ಸೇವೆಗಳ ಪರೀಕ್ಷೆಯಲ್ಲಿ (CSE) ಮಹಿಳೆಯರು ಮೊದಲ ನಾಲ್ಕು ರ‍್ಯಾಂಕ್‌ಗಳನ್ನು ಮಹಿಳೆ ಅಭ್ಯರ್ಥಿಗಳೇ ಪಡೆದಿದ್ದಾರೆ. ಗರಿಮಾ ಲೋಹಿಯಾ, ಉಮಾ ಹರತಿ ಎನ್ ಹಾಗೂ ಸ್ಮೃತಿ ಮಿಶ್ರಾ ಕ್ರಮವಾಗಿ ಎರಡು, ಮೂರು ಹಾಗೂ ನಾಲ್ಕನೇ ರ‍್ಯಾಂಕ್‌ ಗಳಿಸಿದ್ದಾರೆ.

ಲೋಹಿಯಾ ಮತ್ತು ಮಿಶ್ರಾ ದೆಹಲಿ ವಿಶ್ವವಿದ್ಯಾಲಯದ ಪದವೀಧರರಾಗಿದ್ದರೆ, ಹರತಿ ಎನ್‌ಐಐಟಿ-ಹೈದರಾಬಾದ್‌ನಿಂದ ಬಿಟೆಕ್ ಪದವಿ ಪಡೆದಿದ್ದಾರೆ ಎಂದು ಸುದ್ದಿ ಸಂಸ್ಥೆ ಪಿಟಿಐ ವರದಿ ಮಾಡಿದೆ.

ಐಎಎಸ್, ಭಾರತೀಯ ಪೊಲೀಸ್ ಸೇವೆ ಮತ್ತು ಭಾರತೀಯ ವಿದೇಶಾಂಗ ಸೇವೆ ಸೇರಿದಂತೆ ವಿವಿಧ ಸೇವೆಗಳಿಗೆ ನೇಮಕಾತಿಗಾಗಿ 320 ಮಹಿಳೆಯರು ಸೇರಿದಂತೆ 933 ಅಭ್ಯರ್ಥಿಗಳನ್ನು ಯುಪಿಎಸ್‌ಸಿ ಶಿಫಾರಸು ಮಾಡಿದೆ. ಪರೀಕ್ಷೆಗೆ ಒಟ್ಟು 11,35,697 ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಿದ್ದು, ಈ ಪೈಕಿ 5,73,735 ಅಭ್ಯರ್ಥಿಗಳು ಪರೀಕ್ಷೆಗೆ ಹಾಜರಾಗಿದ್ದರು.

ಇದನ್ನೂ ಓದಿ: <a class="manualbacklink" target="_blank" href="https://kannada.hindustantimes.com/nation-and-world/upsc-civils-2022-results-ishita-kishore-is-first-rank-for-country-avinash-of-davangere-is-first-for-karnataka-rmy-181684846389135.html">ಯುಪಿಎಸ್‌ಸಿ ಸಿವಿಲ್ಸ್ ಫಲಿತಾಂಶ ಪ್ರಕಟ; ಇಶಿತಾ ಕಿಶೋರ್ ದೇಶಕ್ಕೆ ಫಸ್ಟ್; ದಾವಣಗೆರೆಯ ಅವಿನಾಶ್ ರಾಜ್ಯಕ್ಕೆ ಪ್ರಥಮ</a>

ಸಾಧನೆಗೆ ಯಾವುದೇ ಅಡ್ಡದಾರಿಗಳು ಇರುವುದಿಲ್ಲ ಕಠಿಣ ಪರಿಶ್ರಮದಿಂದಲೇ ಮೇಲೆ ಬರಬೇಕೆಂದು ಯುಪಿಎಸ್‌ಸಿ ಸಿವಿಲ್ಸ್‌ನಲ್ಲಿ ದೇಶಕ್ಕೆ ಮೊದಲ ರ‍್ಯಾಂಕ್ ಪಡೆದಿರುವ 26 ವರ್ಷದ ಇಶಿತಾ ಕಿಶೋರ್ ಹೇಳಿದ್ದಾರೆ.

Bengaluru Rains: ಬೇಗ ಮನೆ ಸೇರಿಕೊಳ್ಳಿ, ಬೆಂಗಳೂರಿನಲ್ಲಿ ಇಂದು ಮಳೆ ಮುಂದುವರಿಯುವ ಮುನ್ನೆಚ್ಚರಿಕೆ ಕೊಟ್ಟ ಹವಾಮಾನ ಇಲಾಖೆ

ಬೆಂಗಳೂರು: ಕಳೆದ ಎರಡ್ಮೂರು ದಿನಗಳಿಂದ ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಧಾರಾಕಾರವಾಗಿ ಸುರಿದ ಮಳೆ (Bangalore Rain) ಭಾರಿ ಅವಾತಂರವನ್ನೇ ಸೃಷ್ಟಿ ಮಾಡಿತ್ತು.

ಇಂದು (ಮೇ 23, ಮಂಗಳವಾರ) ಕೂಡ ಅಂದರೆ ಸಂಜೆಯ ನಂತರ ಬೆಂಗಳೂರು ನಗರ (Bangalore City) ಹಾಗೂ ಸುತ್ತಮುತ್ತಲಿನ ಪ್ರದೇಶದಲ್ಲಿ ಮುಂದಿನ ಮೂರ್ನಾಲ್ಕು ಗಂಟೆಗಳಲ್ಲಿ ಭಾರಿ ಮಳೆಯಾಗಲಿದೆ (Heavy Rain) ಎಂದು ಹವಾಮಾನ ಇಲಾಖೆ (Meteorological Department) ಮುನ್ಸೂಚನೆ ನೀಡಿದೆ.

ಬೆಂಗಳೂರು ನಗರದಲ್ಲಿ ಗುಡುಗು, ಮಿಂಚು ಸಹಿತ ಭಾರಿ ಮಳೆಯಾಗುವ ಮುನ್ಸೂಚನೆ ಇದೆ. ಹೀಗಾಗಿ ಜನರು ಅಗತ್ಯ ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಳ್ಳುವ ಮೂಲಕ ಮುಂದಾಗಬಹುದಾದ ಸಮಸ್ಯೆಗಳಿಂದ ಪಾರಾಗಬೇಕಿದೆ. ನೀವೇನಾದರೂ ಕೆಲಸದ ನಿಮಿತ್ತ ಹೊರಗಡೆ ಬಂದಿದ್ದರೆ ಬೇಗ ಮನೆ ಸೇರಿಕೊಳ್ಳಿ.

ಬೆಂಗಳೂರು ಗ್ರಾಮಾಂತರ ಜಿಲ್ಲೆ, ರಾಮನಗರ, ಮಂಡ್ಯ, ಕೋಲಾರ, ಚಿಕ್ಕಬಳ್ಳಪುರ ಜಿಲ್ಲೆಗಳಲ್ಲೂ ಭಾರಿ ಮಳೆಯಾಗುವ ಸಾಧ್ಯತೆ ಇದೆ. ತುಮಕೂರು ಹಾಗೂ ಚಾಮರಾಜನಗರದ ಕೆಲವು ಭಾಗಗಳಲ್ಲಿ ಮಳೆಯ ಮುನ್ಸೂಚನೆ ಇದೆ.

ದಕ್ಷಿಣ ಕನ್ನಡ, ಕೊಡುಗು, ಶಿವಮೊಗ್ಗ, ಹಾಸನ ಹಾಗೂ ದಾವಣಗೆರೆ ಜಿಲ್ಲೆಗಳಲ್ಲಿ ಬಿರುಗಾಳಿ ಬೀಸಲಿದೆ. ಸುಬ್ರಹ್ಮಣ್ಯ, ಕಡಬ, ಸುಳ್ಯ, ಶಿರಾಡಿ, ಕೊಕ್ಕಡ ಮತ್ತು ಸುತ್ತಮುತ್ತಲಿನ ಪ್ರದೇಶಗಳ ಕಡೆಗೆ ಸಂಚರಿಸುವವರು ಘಾಟ್‌ ಸೆಕ್ಷನ್‌ನಲ್ಲಿ ಸಂಚರಿಸುವ ವಾಹನ ಸವಾರರು ಎಚ್ಚರಿಕೆ ವಹಿಸಬೇಕೆಂದು ಹೇಳಿದೆ.

ಇದನ್ನೂ ಓದಿ: <a class="manualbacklink" target="_blank" href="https://kannada.hindustantimes.com/karnataka/karnataka-rains-cm-siddaramiah-suggests-officials-to-prepare-for-monsson-rains-karnataka-weather-news-in-kannada-rst-181684839473738.html">ಶೀಘ್ರದಲ್ಲೇ ಆರಂಭವಾಗಲಿದೆ ಮುಂಗಾರು ಮಳೆ; ಮುಂಜಾಗ್ರತೆ ವಹಿಸಲು ಅಧಿಕಾರಿಗಳಿಗೆ ಸಿಎಂ ಸಿದ್ದರಾಮಯ್ಯ ಎಚ್ಚರಿಕೆ</a>

ನೀವೇನಾದರೂ ಕೆಲಸದ ನಿಮಿತ್ತ ಮನೆಯಿಂದ ಹೊರಗಡೆ ಬಂದಿದ್ದರೆ ಬೇಗ ಮನೆ ಸೇರಿಕೊಳ್ಳಿ. ಯಾಕೆಂದರೆ ಮುಂದಿನ ಮೂರ್ನಾಲ್ಕು ಗಂಟೆಗಳಲ್ಲಿ ಬೆಂಗಳೂರಿನ ಹಲವೆಡೆ ಭಾರಿ ಮಳೆಯಾಗುವ ಮುನ್ಸೂಚನೆ ಇದೆ.

Congress: ವಿಧಾನಸೌಧದ ಮುಂದೆ ಗೋಮೂತ್ರ ಸಿಂಪಡಿಸಿದ ಕಾಂಗ್ರೆಸ್ ಕಾರ್ಯಕರ್ತರಿಂದ ವಿಶೇಷ ಪೂಜೆ

video

ಸಿಎಂ ಸಿದ್ದರಾಮಯ್ಯ ನೇತೃತ್ವದಲ್ಲಿ ಮೂರು ದಿನಗಳ (ಮೇ 21, 22, 23) ವಿಧಾನಸಭೆ ಅಧಿವೇಶನ ನಡೆಯುತ್ತಿದೆ. ಕಲಾಪ ಆರಂಭಕ್ಕೂ ಮುನ್ನ ಕಾಂಗ್ರೆಸ್ ಕಾರ್ಯಕರ್ತರು ವಿಧಾನಸೌಧದ ಮುಂಭಾಗ ಗೋಮೂತ್ರ ಸಿಂಪಡಿಸಿ ವಿಶೇಷ ಪೂಜೆ ಸಲ್ಲಿಸಿದ್ದಾರೆ. ಬಿಜೆಪಿ ಭ್ರಷ್ಟಾಚಾರದಿಂದ ವಿಧಾನಸಭೆಯನ್ನು ಅಪವಿತ್ರಗೊಳಿಸಿದೆ ಎಂದು ಕಾಂಗ್ರೆಸ್ ಆರೋಪ ಮಾಡಿದ್ದಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

WhatsApp: ಬೇರೊಬ್ಬರಿಗೆ ಕಳಿಸಿದ ಮೆಸೇಜ್ ತಪ್ಪಾಗಿದಿಯಾ; ವಾಟ್ಸಾಪ್‌ನಲ್ಲಿ ಬರ್ತಿದೆ ಹಳೆಯ ಸಂದೇಶವನ್ನು ಎಡಿಟ್ ಮಾಡುವ ಆಯ್ಕೆ

ಬೆಂಗಳೂರು: ಸಾಮಾಜಿಕ ಮಾಧ್ಯಮಗಳ ಪೈಕಿ ಅತ್ಯಂತ ಜನಪ್ರಿಯವಾಗಿರುವ ವಾಟ್ಸಾಪ್ ( WhatsApp) ತನ್ನ ಬಳಕೆದಾರರಿಗೆ ಹೊಸ ಹೊಸ ವೈಶಿಷ್ಟ್ಯಗಳನ್ನು ನೀಡುತ್ತಿದೆ. ಆದರೆ ಈ ಬಾರಿಯ ಹೊಸ ಆಯ್ಕೆಯೊಂದು ತುಂಬಾ ಆಕರ್ಷಕವಾಗಿದ್ದು, ಗಮನ ಸಳೆಯುತ್ತಿದೆ.

ಯಾರಿಗಾದರೂ ನೀವು ಮೆಸೇಜ್ ಮಾಡಿ ಅದರಲ್ಲಿ ತಪ್ಪುಗಳು ಇದ್ದರೆ ತಿದ್ದುಕೊಳ್ಳಬಹುದು. ಇಲ್ಲವೇ ಸಂದೇಶ ಕಳಿಸಿದ ನಂತರ ನಿಮಗೆ ಅದರಲ್ಲಿ ಏನಾದರೂ ಬದಲಾವಣೆ ಮಾಡಬೇಕಿತ್ತು ಎಂದು ಅನಿಸಿದರೆ ಅಂತಹ ಸಂದೇಶಗಳನ್ನು ಎಡಿಟ್ ಮಾಡುವಂತಹ ಹೊಸ ಆಯ್ಕೆ ಬರುತ್ತಿದೆ.

ವಾಟ್ಸಾಪ್‌ನಲ್ಲಿ ಬರಲಿರುವ ಈ ಹೊಸ ಅಪ್ಡೇಟ್‌ನಲ್ಲಿ ಈಗಾಗಲೇ ಕಳಿಸಿರುವ ಮೆಸೇಜ್‌ಗಳಲ್ಲಿ ಕಾಗುಣಿತ ತಪ್ಪಾಗಿದ್ದರೆ ಅದನ್ನು ಸರಿಪಡಿಸಬಹುದು. ಇಲ್ಲವೇ ಹೊಸದಾಗಿ ಹಿಂದಿನ ಸಂದೇಶಕ್ಕೆ ಏನಾದರೂ ಸೇರಿಬೇಕೆಂದುಕೊಂಡಿದ್ದರೂ ಇಲ್ಲಿ ಅವಕಾಶ ಇದೆ.

ನಿಮ್ಮ ಚಾಟ್‌ಗಳ ಮೇಲೆ ನಿಮಗೆ ಹೆಚ್ಚಿನ ನಿಯಂತ್ರಣವನ್ನು ತರಲು ನಾವು ತುಂಬಾ ಉತ್ಸುಕರಾಗಿದ್ದೇವೆ. ನೀವು ಮಾಡಬೇಕಾಗಿರುವುದು ಇಷ್ಟೆ. ಕಳಿಸಿರುವಂತಹ ಮೆಸೇಜ್‌ ಮೇಲೆ ದೀರ್ಘವಾಗಿ ಒತ್ತಿ ಮತ್ತು ನಂತರದ ಅಂದರೆ 15 ನಿಮಿಷಗಳವರೆಗೆ ಆ ಸಂದೇಶವನ್ನು ಎಡಿಟ್ ಮಾಡಬಹುದಾಗಿದೆ ಎಂದು ಮೆಟಾ ಹೇಳಿದೆ.

ಎಡಿಟ್ ಆದ ಮೆಸೇಜ್‌ಗಳ ಪಕ್ಕದಲ್ಲೇ ಎಡಿಟ್ ಮಾಡಲಾಗಿದೆ ಎಂದು ತೋರಿಸುತ್ತದೆ. ಆದರೆ ನೀವು ಯಾರಿಗೆ ಸಂದೇಶ ಕಳುಹಿಸುತ್ತಿರೋ ಅವರಿಗೆ ಗೊತ್ತಾಗದಂತೆ ಎಡಿಟ್ ಮಾಡಬಹುದಾಗಿದೆ.

ಎಲ್ಲಾ ವೈಯಕ್ತಿ ಸಂದೇಶಗಳು, ಮಾಧ್ಯಮ ಮತ್ತು ಕರೆಗಳಂತೆಯೇ ನಿಮ್ಮ ಸಂದೇಶಗಳು ಹಾಗೂ ನೀವು ಮಾಡುವಂತಹ ಎಡಿಟ್ ಎನ್‌ಕ್ರಿಪ್ಶನ್‌ನಿಂದ ರಕ್ಷಿಸಲ್ಪಡುತ್ತದೆ. ವಾಟ್ಸಾಪ್‌ನಲ್ಲಿ ಈ ವೈಶಿಷ್ಯವನ್ನು ಜಾಗತಿಕವಾಗಿ ಬಳಕೆದಾರರಿಗೆ ನೀಡಲು ಪ್ರಾರಂಭಿಸಿದೆ. ಮುಂಬರುವ ದಿನಗಳಲ್ಲಿ ಈ ಆಯ್ಕೆಗಳು ಎಲ್ಲರಿಗೂ ಲಭ್ಯವಾಗಲಿವೆ.

ವಾಟ್ಸಾಪ್ ಬಳಕೆದಾರರು ತಮ್ಮ ಖಾಸಗಿ ಸಂಭಾಷಣೆಯನ್ನು ಇನ್ನಷ್ಟು ಖಾಸಗಿಯಾಗಿಸಲು ಚಾಟ್ ಲಾಕ್ ಎಂಬ ಹೊಸ ಫೀಚರ್‌ಅನ್ನು ಮೇ 15 ರಂದು ಬಿಡುಗಡೆ ಮಾಡಲಾಗಿತ್ತು. ಹೆಚ್ಚು ಸುರಕ್ಷತೆಯನ್ನು ಹೊಂದಿರುವ ಚಾಟ್ ಲಾಕ್‌ಅನ್ನು ಮೆಟಾ ಸಂಸ್ಥೆಯ ಮುಖ್ಯಸ್ಥ ಮಾರ್ಕ್‌ ಜುಕರ್‌ಬರ್ಗ್ ಘೋಷಿಸಿದ್ದರು. ಇದೀಗ ಸಂದೇಶಗಳನ್ನು ಎಡಿಟ್ ಮಾಡುವ ಆಯ್ಕೆ ನೀಡಲು ಮುಂದಾಗಿದ್ದಾರೆ.

ಮೆಟಾ ಹೇಳುವ ಪ್ರಕಾರ ಚಾಟ್ ಲಾಕ್ ವೈಶಿಷ್ಟ್ಯವು ನಿಮ್ಮ ಅತ್ಯಂತ ಖಾಸಗಿ ಸಂಭಾಷಣೆಗಳನ್ನು ಪಾಸ್‌ವರ್ಡ್‌ನೊಂದಿಗೆ ರಕ್ಷಿಸಲು ಹಾಗೂ ಅವುಗಳನ್ನು ಪ್ರತ್ಯೇಕ ಫೋಲ್ಟರ್‌ನಲ್ಲಿ ಸುರಕ್ಷಿತವಾಗಿ ಇಡುತ್ತದೆ. ಯಾರಾದರೂ ನಿಮಗೆ ಸಂದೇಶಗಳನ್ನು ಕಳುಹಿಸಿದಾಗ ಮತ್ತು ನೀವು ಆ ಚಾಟ್‌ಗಳನ್ನು ಲಾಕ್ ಮಾಡಿದಾಗ, ಸಂದೇಶ ಕಳುಹಿಸುವವರ ಹೆಸರು ಮತ್ತು ಸಂದೇಶದ ವಿಷಯವನ್ನು ಕೂಡ ಇದು ಮರೆಮಾಚುತ್ತದೆ.

ವಾಟ್ಸಾಪ್‌ ಚಾಟ್‌ಅನ್ನು ಲಾಕ್‌ ಮಾಡಿದಾಗ ಆ ಸಂಭಾಷಣೆಯ ಥ್ರೆಡ್ಅನ್ನು ಇನ್‌ಬಾಕ್ಸ್‌ನಿಂದ ಹೊರತೆಗೆಯುತ್ತದೆ. ಆ ನಂತರ ಪ್ರತ್ಯೇಕವಾಗಿ ರಚಿಸಲಾದ ಫೋಲ್ಡರ್‌ನಲ್ಲಿ ಇಡುತ್ತದೆ. ಆ ಚಾಟ್‌ನ ವಿಷಯಗಳನ್ನ ಸ್ವಯಂಚಾಲಿತವಾಗಿ ಮರೆಮಾಡುತ್ತೆ.

ಇದನ್ನೂ ಓದಿ: <a class="manualbacklink" target="_blank" href="https://kannada.hindustantimes.com/nation-and-world/whatsapp-introducess-chat-lock-feature-to-hide-your-chats-5-points-on-new-feature-rmy-181684215936370.html">ವಾಟ್ಸಾಪ್‌ನಲ್ಲಿ ನಿಮ್ಮ ಖಾಸಗಿ ಸಂಭಾಷಣೆ ಹೈಡ್ ಮಾಡಲು ಬಂತು ಹೊಸ ಫೀಚರ್; ತಿಳಿದುಕೊಳ್ಳಬೇಕಾದ 5 ಅಂಶಗಳು</a>

ವಾಟ್ಸಾಪ್‌ನಲ್ಲಿ ಸ್ನೇಹಿತರಿಗೆ, ಬಂಧು ಬಳಗದವರಿಗೆ, ಸಹೋದ್ಯೋಗಿಗಳಿಗೆ ಈ ಹಿಂದೆ ಏನಾದ್ರೂ ತಪ್ಪಾಗಿ ಮೆಸೇಜ್‌ಗಳನ್ನು ಮಾಡಿದ್ದರೆ, ಈಗಾಗಲೇ ಮಾಡಿರುವ ಮೆಸೇಜ್‌ಗಳನ್ನ ಎಡಿಟ್‌ ಮಾಡಬಹುದುದಾದ ಹೆೊಸ ಆಯ್ಕೆಯೊಂದು ಬರುತ್ತಿದೆ.

Raghavendra M Y