Bigg Boss Kannada 11: ಹನುಮಂತನ ವಿಚಾರದಲ್ಲಿ ಕೊಟ್ಟ ಮಾತು ಉಳಿಸಿಕೊಂಡ ಕಿಚ್ಚ; ಮನೆಗೆ ಬಂತು ಯಾರೂ ಊಹಿಸದ ಕಲರ್‌ ಕಲರ್ ಉಡುಗೊರೆ

Bigg Boss Kannada 11: ಬಿಗ್‌ ಬಾಸ್‌ ಮನೆಯಿಂದ ರಂಜಿತ್‌ ಮತ್ತು ಲಾಯರ್‌ ಜಗದೀಶ್‌ ಹೊರನಡೆಯುತ್ತಿದ್ದಂತೆ, ವೈಲ್ಡ್‌ ಕಾರ್ಡ್‌ ಎಂಟ್ರಿ ಮೂಲಕ ಬಿಗ್‌ ಮನೆಯಂಗಳ ಪ್ರವೇಶಿಸಿದವರು, ಗಾಯಕ ಹನಮಂತ ಲಮಾಣಿ. ತಮ್ಮ ಮುಗ್ಧತೆ ಮತ್ತು ಹಾಡುಗಾರಿಕೆ ಮೂಲಕವೇ ಇಡೀ ಮನೆ ಮಂದಿಯ ಗಮನ ಸೆಳೆಯುವುದರ ಜತೆಗೆ ನಾಡಿನ ಬಿಗ್‌ ಬಾಸ್‌ ವೀಕ್ಷಕರ ಮನಸ್ಸನ್ನೂ ಗೆದ್ದಿದ್ದಾರೆ ಈ ಸ್ಪರ್ಧಿ. ಯಾವ ಇನ್‌ಫ್ಲುಯೆನ್ಸ್‌ ಇಲ್ಲದೆ, ಬಿಗ್‌ ಮನೆಯಲ್ಲಿ ಯಾರ ವಿರುದ್ಧ ಕತ್ತಿ ಮಸಿಯದೇ, ತಾವಾಯ್ತು, ತಮ್ಮ ಆಟವಾಯ್ತು ಎಂದಷ್ಟೇ ಆಡಿ, ಘಟಾನುಘಟಿಗಳಿಗೆ ಟಕ್ಕರ್‌ ಕೊಡುತ್ತಿದ್ದಾರೆ ಹನಮಂತು. ಈಗ ಇದೇ ಹನಮಂತುಗೆ ಕಿಚ್ಚನಿಂದ ವಿಶೇಷ ಉಡುಗೊರೆಗಳು ಬಂದಿವೆ.

ಹನಮಂತು ಸಾಕಷ್ಟು ರಿಯಾಲಿಟಿ ಶೋಗಳಲ್ಲಿ ಭಾಗವಹಿಸಿರಬಹುದು, ಎಷ್ಟೋ ಪ್ರಶಸ್ತಿಗಳನ್ನು ಗೆದ್ದಿರಬಹುದು ಹಾಗಂತ ಅವರ ಆರ್ಥಿಕ ಪರಿಸ್ಥಿತಿ ತೀರಾ ಚೆನ್ನಾಗಿದೆ ಎನ್ನುವಂತಿಲ್ಲ. ಇಂದಿಗೂ ನಿತ್ಯದ ಕಾಯಕ ಮಾಡಿಯೇ ಹೊಟ್ಟೆ ತುಂಬಿಕೊಳ್ಳಬೇಕಿದೆ ಅವರ ಕುಟುಂಬ. ಹೀಗಿರುವಾಗ ಬಿಗ್‌ ಬಾಸ್‌ ಮನೆಗೆ ಬರುವಾಗಲೂ ದುಬಾರಿ ಬಟ್ಟೆಯನ್ನೇನು ಖರೀದಿ ಮಾಡಿ ಹೊತ್ತು ತಂದಿಲ್ಲ. 10ರಿಂದ 15 ಲುಂಗಿ 10 ಅಂಗಿಯನ್ನಷ್ಟೇ ತಂದಿದ್ದಾರೆ. ಅದರಲ್ಲಿಯೇ ಆಟ ಮುಂದುವರಿಸಿದ್ದಾರೆ. ಹೀಗಿರುವಾಗಲೇ ಕೆಲ ದಿನಗಳ ಹಿಂದಷ್ಟೇ, ಗೋಲ್ಡ್‌ ಸುರೇಶ್‌ ಮತ್ತು ಹನುಮಂತನಿಗೂ ಮಾತುಕತೆ ನಡೆದಿತ್ತು.

ಇದನ್ನೂ ಓದಿ: ‘ಸೆಡೆ’ ಪದ ಪ್ರಯೋಗಿಸಿದ ರಜತ್‌ಗೆ ಬಿಗ್‌ ಬಾಸ್‌ನಿಂದ ಸಿಗದ ಶಿಕ್ಷೆ, ಸ್ಪರ್ಧಿಗಳಿಂದಲೇ ಆಯ್ತು ತಕ್ಕ ಶಾಸ್ತಿ; ಶೋ ವಿರುದ್ಧ ವೀಕ್ಷಕರು ಗರಂ

ಹೊಸ ಬಟ್ಟೆ ಜತೆಗೆ ಚಡ್ಡಿ ಉಡುಗೊರೆ

ಆ ಮಾತುಕತೆಯಲ್ಲಿ ತಾವು ಹಾಕಿದ ಚಡ್ಡಿ ಬೆಲೆ ಎಷ್ಟು ಎಂಬುದನ್ನು ಹನಮಂತು ಮುಂದೆ ಹೇಳಿದ್ದರು ಗೋಲ್ಡ್‌ ಸುರೇಶ್‌. ಈ ಚಡ್ಡಿ ಬೆಲೆ 3 ಸಾವಿರ ಎಂದಿದ್ದರು. ಈ ವಿಚಾರವನ್ನು ಕಿಚ್ಚನ ಪಂಚಾಯ್ತಿಯಲ್ಲಿಯೂ ಸುದೀಪ್‌ ಅವರ ಎದುರಿಗೇ ಹೇಳಿ ಎಲ್ಲರಿಗೂ ನಗು ತರಿಸಿದ್ದರು ಹನಮಂತು. ಇಷ್ಟೊಂದು ತುಟ್ಟಿ ಚಡ್ಡಿ ನಾವು ಜನ್ಮದಲ್ಲೇ ಹಾಕಲ್ಲ ಬಿಡು ಎಂದೂ ಹೇಳಿದ್ದರು. ಈಗ ಅಚ್ಚರಿಯ ರೀತಿಯಲ್ಲಿ ಅಷ್ಟೇ ಬೆಲೆಯ ಐದಾರು ಚಡ್ಡಿಗಳು ಹನಮಂತುಗೆ ಉಡುಗೊರೆ ರೂಪದಲ್ಲಿ ಬಂದಿವೆ.

ಸುದೀಪ್‌ ಬರೆದ ಕವಿತೆ..

ಮೈ ಮುಚ್ಚೋ ಬಟ್ಟೆ ನೋಡಿ ಮಾನ ಅಳಿಬ್ಯಾಡ್ರಿ..

ಮನಸ ತೋರೋ ನಗುವ ನೋಡಿ ಸುಮ್ಮನಾಗಬ್ಯಾಡ್ರಿ..

ಕುರಿಯ ಕಾಯೋ ಕುರಿಗಾಯಿ ಕೊಡುತಾನೋ ಕಂಬಳಿ..

ಜಗವ ಕಾಯೋ ರೈತಸ್ನೇಹಿ ನೀಡುತಾನೋ ಅಂಬಲಿ..

ಲೋ ತಮ್ಮ ಹನುಮಂತ, ದಿನವೂ ಜಳಕ ಮಾಡೋ..

ದಿನ ದಿನವೂ ಪದವ ಕಟ್ಟಿ ಹಾಡ ಹಾಡೋ ..

ಇಂತಿ ನಿಮ್ಮ ಬಾದ್ಶಾ ಕಿಚ್ಚ‌

ಇದನ್ನೂ ಓದಿ: ‘ನಾವು ಹೊರಗಡೆ ಹೇಗೆ ಕಾಣಿಸ್ತಿದಿವೋ ಹಾಗೇ ಇರೋಣ’; ಅಸಲಿ ಆಟಕ್ಕೆ ಮುನ್ನುಡಿ ಬರೆದ ಉಗ್ರಂ ಮಂಜು- ತ್ರಿವಿಕ್ರಮ್‌

ಹನಮಂತು ರಿಯಾಕ್ಷನ್‌ ಹೇಗಿತ್ತು..

ಪತ್ರದ ಜತೆಗೆ ಬಂದ ಹೊಸ ಬಟ್ಟೆಗಳನ್ನು ನೋಡಿ ಹನಮಂತು ಖುಷಿಯಾಗಿದ್ದಾರೆ. ಜತೆಗೆ ಹೊಸ ಚಡ್ಡಿಗಳನ್ನು ನೋಡಿ ನಕ್ಕಿದ್ದಾರೆ. ಮನೆಯವರೇ ಸೇರಿ ಹೊಸ ಬಟ್ಟೆಯನ್ನು ಹನಮಂತುಗೆ ಹಸ್ತಾಂತರಿಸಿದ್ದಾರೆ. ʼನನಗೆ ಇದನ್ನು ನಂಬೋಕೆ ಆಗ್ತಿಲ್ಲ. ಅಷ್ಟೊಂದು ಖುಷಿ ಆಗ್ತಿದೆ. ಥ್ಯಾಂಕ್ಯು ಸರ್‌ ಧನ್ಯವಾದಗಳು. ಬಳಿಕ ಗೋಲ್ಡ್‌ ಸುರೇಶ್‌ ಹಾಕ್ತಿದ್ದ ಅದೇ ಬ್ರಾಂಡ್‌ನ ಚಡ್ಡಿ ಜತೆಗೆ ಬೇರೆ ಬೇರೆ ಬ್ರಾಂಡ್‌ನ ಚಡ್ಡಿಗಳನ್ನು ಉಡುಗೊರೆಯಾಗಿ ಕಳಿಸಿದ್ದಾರೆ ಸುದೀಪ್. ಮಾವ 3 ಸಾವಿರ ಚಡ್ಡಿ ಎಂದೂ ಜೋರಾಗಿ ಕೋಗಿದ್ದಾರೆ ಹನಮಂತು.