Drone Prathap: ಚಿತ್ರೋದ್ಯಮದಲ್ಲಿ ಹೆಜ್ಜೆ ಗುರುತು ಮೂಡಿಸಲು ಮುಂದಾದ ಡ್ರೋನ್ ಪ್ರತಾಪ್; ಆಂಜನೇಯನ ದೇಗುಲದಲ್ಲಿ ಬಿಗ್ ಅನೌನ್ಸ್‌ಮೆಂಟ್
Drone Prathap: ಮಂಡ್ಯದ ಕೆ.ಆರ್‌ ಪೇಟೆ ತಾಲೂಕಿನ ಆಂಜನೇಯ ದೇವಸ್ಥಾನದಲ್ಲಿ ದೊಡ್ಡ ಘೋಷಣೆ ಮಾಡಿದ್ದಾರೆ ಬಿಗ್ ಬಾಸ್ ಕನ್ನಡ ಸೀಸನ್‌ 10ರ ಖ್ಯಾತಿಯ ಡ್ರೋನ್ ಪ್ರತಾಪ್. ಉದ್ಯಮದ ಜತೆಗೆ ಚಿತ್ರೋದ್ಯಮಕ್ಕೂ ಕಾಲಿರಿಸಿದ್ದಾರೆ ಪ್ರತು.
Bigg Boss Kannada Season 10 Drone Prathap: ಬಿಗ್ ಬಾಸ್ ಕನ್ನಡ ಸೀಸನ್‌ 10ರಲ್ಲಿ ಸ್ಪರ್ಧಿಯಾಗಿ ಎಂಟ್ರಿಕೊಟ್ಟಿದ್ದ ಡ್ರೋನ್ ಪ್ರತಾಪ್, ರನ್ನರ್‌ ಅಪ್‌ ಸ್ಥಾನ ಗಿಟ್ಟಿಸಿಕೊಂಡು ಇಡೀ ನಾಡಿನ ಜನರ ಮನ ಗೆದ್ದಿದ್ದರು. ಒಂದಷ್ಟು ವಿವಾದಗಳಿಂದ ಹೆಸರು ಹಾಳು ಮಾಡಿಕೊಂಡಿದ್ದ ಇದೇ ಪ್ರತಾಪ್, ಬಿಗ್ ಬಾಸ್ ಮೂಲಕ ಪುನರ್ಜನ್ಮ ಪಡೆದು ಮರಳಿದ್ದರು. ಅಪ್ಪನ ಜತೆ ಮಾತು ಬಿಟ್ಟು ಅಮ್ಮನಿಂದ ದೂರವೇ ಉಳಿದಿದ್ದ ಡ್ರೋನ್ ಪ್ರತಾಪ್, ಈಗ ಬದಲಾಗಿದ್ದಾರೆ. ಕುಟುಂಬದ ಜೊತೆಗೆ ಕಾಲ ಕಳೆಯುತ್ತ, ತಮ್ಮ ಬಿಜಿನೆಸ್‌ ಕೆಲಸದಲ್ಲಿಯೂ ಮುಂದುವರಿದಿದ್ದಾರೆ. ಇದೆಲ್ಲದರ ನಡುವೆ ಬಹುದೊಡ್ಡ ಘೋಷಣೆಯೊಂದನ್ನು ಮಾಡಿ, ಎಲ್ಲರಿಗೂ ಅಚ್ಚರಿ ನೀಡಿದ್ದಾರೆ.
ಚಿತ್ರರಂಗಕ್ಕೆ ಡ್ರೋನ್ ಪ್ರತಾಪ್
ಈ ವರೆಗೂ ತಾವಾಯ್ತು ತಮ್ಮ ಕೆಲಸವಾಯ್ತು ಎಂದಷ್ಟೇ ಇದ್ದ ಡ್ರೋನ್ ಪ್ರತಾಪ್, ಬಿಗ್ ಬಾಸ್ ಮುಗಿಸಿ ಬಂದ ಬಳಿಕ, ಅದರಿಂದ ಸಿಕ್ಕ ಹಣದಿಂದ ಕೈಲಾದ ಕೆಲಸ ಮಾಡಿ ಮೆಚ್ಚುಗೆ ಪಡೆದಿದ್ದರು. ಸೋಷಿಯಲ್‌ ಮೀಡಿಯಾದಲ್ಲಿ ಆಗೊಂದು ಈಗೊಂದು ಫೋಟೋ ಗೊಂಚಲನ್ನು ಶೇರ್‌ ಮಾಡಿಕೊಳ್ಳುವ ಮೂಲಕವೂ ಪ್ರತಾಪ್ ಸುದ್ದಿಯಲ್ಲಿರುತ್ತಾರೆ. ಈಗ ಇದೇ ಪ್ರತಾಪ್, ಬಣ್ಣದ ಲೋಕಕ್ಕೆ ಆಗಮಿಸುವ ಸೂಚನೆ ನೀಡಿದ್ದಾರೆ. ಅಂದರೆ, ನಟನೆ ಆರಂಭಿಸುವ ಸುಳಿವು ನೀಡಿದ್ದಾರೆ. ಈ ವಿಚಾರವನ್ನು ಸ್ವತಃ ಪ್ರತಾಪ್ ಖಚಿತಪಡಿಸಿದ್ದಾರೆ. ಹಾಗಾದರೆ, ಯಾವುದಾ ಸಿನಿಮಾ? ನಿರ್ದೇಶಕರು, ನಿರ್ಮಾಪಕರು ಯಾರು? ಹೀಗಿದೆ ಮಾಹಿತಿ.
ಹನುಮನ ಸನ್ನಿಧಿಯಲ್ಲಿ ಪ್ರತಾಪ್
ಮಂಡ್ಯದ ಕೆ. ಆರ್‌ ಪೇಟೆ ತಾಲೂಕಿನಲ್ಲಿನ ಶ್ರೀ ಹನುಮಾನ್‌ ದೇವಸ್ಥಾನಕ್ಕೆ ಭೇಟಿ ನೀಡಿದ ಡ್ರೋನ್ ಪ್ರತಾಪ್, ವೇದಿಕೆ ಕಾರ್ಯಕ್ರಮಕ್ಕೆ ಬಿಳಿ ಪಂಚೆ, ಬಿಳಿ ಅಂಗಿ ಧರಿಸಿ ಆಗಮಿಸಿದ್ದಾರೆ. ಬಳಿಕ, ಮಾತನಾಡಿದ ಪ್ರತಾಪ್, "ಒಂದು ಸಿನಿಮಾಕ್ಕೆ ನಾಯಕ ನಟನಾಗಿ ಅಭಿನಯಿಸುತ್ತಿದ್ದೇನೆ. ಅದೆಲ್ಲದಕ್ಕೂ ನಿಮ್ಮ ಆಶೀರ್ವಾದ ಬೇಕು. ನನ್ನ ಒಂದು ಬಿಜಿನೆಸ್‌ ಜತೆಗೆ ಸಿನಿಮಾರಂಗಕ್ಕೂ ಕಾಲಿಡುತ್ತಿದ್ದೇನೆ. ಶ್ರೀ ಆಂಜನೇಯ ಸ್ವಾಮಿಯ ಆಶೀರ್ವಾದದೊಂದಿಗೆ" ಎಂದಿದ್ದಾರೆ.
ಅದಾದ ಬಳಿಕ ದೇವಸ್ಥಾನದಲ್ಲಿ ನಡೆದ ಅನ್ನಸಂತರ್ಪಣೆಯಲ್ಲಿ ಭಾಗವಹಿಸಿ, ಎಲ್ಲರಿಗೂ ಊಟ ಬಡಿಸಿದ್ದಾರೆ. ಸದ್ಯ ಸಿನಿಮಾ ಒಪ್ಪಿಕೊಂಡಿರುವ ವಿಚಾರವನ್ನಷ್ಟೇ ಘೋಷಣೆ ಮಾಡಿರುವ ಡ್ರೋನ್ ಪ್ರತಾಪ್, ಮುಂದಿನ ದಿನಗಳಲ್ಲಿ, ಆ ಸಿನಿಮಾದ ಕುರಿತು ಮಾಹಿತಿ ರಿವೀಲ್‌ ಮಾಡಲಿದ್ದಾರೆ.
ಡ್ರೋನ್ ಆರ್ಮಿ ಫುಲ್‌ ಖುಷ್‌..
ಡ್ರೋನ್ ಪ್ರತಾಪ್ ಹೊಸ ಸಿನಿಮಾದಲ್ಲಿ ನಾಯಕನಾಗಿ ನಟಿಸುತ್ತಿದ್ದೇನೆ ಎಂದು ಸೋಷಿಯಲ್‌ ಮೀಡಿಯಾದಲ್ಲಿ ಹೇಳುತ್ತಿದ್ದಂತೆ, ಅವರ ಫ್ಯಾನ್ಸ್‌ ಸಂಭ್ರಮದಲ್ಲಿದ್ದಾರೆ. ಬಗೆಬಗೆ ಕಾಮೆಂಟ್‌ ಮೂಲಕ ಶುಭವಾಗಲಿ ಎಂದು ಹರಸುತ್ತಿದ್ದಾರೆ. ಇನ್ನು ಕೆಲವರು, ಕುತೂಹಲಕ್ಕೆ ಯಾವ ಸಿನಿಮಾ, ನಿರ್ದೇಶಕರು, ನಿರ್ಮಾಪಕರು ಯಾರು, ಕಥೆ ಎಂಥದ್ದು ಎಂದೂ ಪ್ರಶ್ನೆ ಮಾಡುತ್ತಿದ್ದಾರೆ. ಆ ಪೈಕಿ ಆಯ್ದ ಕೆಲವು ಶುಭಕೋರಿದ ಕಾಮೆಂಟ್‌ಗಳು ಹೀಗಿವೆ.
ನೆಟ್ಟಿಗರ ಶುಭಹಾರೈಕೆ
- ಕೆಲವರು ಹೀರೋ ಅನ್ಕೊಂಡ್ ಬಿಗ್ ಬಾಸ್ ಹೋಗ್ತಾರೆ,, ಆದ್ರೆ ಪ್ರತಾಪ್ ಬಿಗ್ ಬಾಸ್‌ನಿಂದ ಬಂದ್ ಮೇಲೆ ಹೀರೋ ಆಗಿದ್ದಾರೆ.
- ಜೀವನದಲ್ಲಿ ಸೋತು ಗೆದ್ದವನು ನೀನು ಒಬ್ನಿಗೆ ನೋಡಿರೋದು ಡ್ರೋನ್ ಪ್ರತಾಪ್ ರಿಯಲ್ ವಿನ್ನರ್
- ನೀನು ಬೆಳೀಬೇಕು ಬೆಳೀ ಗುರು
- ನಿಮಗೆ ಒಳ್ಳೆಯದಾಗಲಿ ಪ್ರತಾಪ್ ಅಣ್ಣ
- ಸುದೀಪ್‌ ಸರ್‌ ಅವರ ಮೋಟಿವೇಷನಲ್‌ ಮಾತು ಇದ್ದಕ್ಕೆ ಕಾರಣ
- ಆಲ್‌ ದಿ ಬೆಸ್ಟ್‌, ಸೂಪರ್‌ ಪ್ರತಾಪ್ ಅಣ್ಣ
- ನಿಜವಾಗ್ಲೂ ರಾಜನ ಕಳೆ ಕಾಣ್ತಿದೆ ಪ್ರತಾಪ್ ಮುಖದಲ್ಲಿ.. ಒಳ್ಳೆಯದಾಗಲಿ
- ಅಭಿನಂದನೆಗಳು ಡ್ರೋನ್ ಪ್ರತಾಪ್, ಒಳ್ಳೆಯದಾಗಲಿ.. ಎಂಬಿತ್ಯಾದಿ ಸಾವಿರಾರು ಕಾಮೆಂಟ್‌ಗಳು ಹರಿದುಬಂದಿವೆ.
ವಿಭಾಗ