Seetha Rama Serial: ಮೇಘಶ್ಯಾಮ - ಶಾಲಿ‌ನಿ ವಶದಲ್ಲಿ ಪುಟಾಣಿ ಸಿಹಿ; ಸೀತಾ ರಾಮನ ಕೈತಪ್ಪಿ ಹೋಗ್ತಾಳಾ‌ ಮಗಳು?

Seetha Rama Serial October 28th Episode: ಸೀತಾ ರಾಮ ಧಾರಾವಾಹಿಯಲ್ಲಿ ಸಿಹಿಯ ಜನ್ಮ ರಹಸ್ಯ ಬಯಲಾಗಿದ್ದೇ ತಡ, ಒಂದಾಗಿದ್ದ ಸ್ನೇಹಿತರ ನಡುವೆ ದೊಡ್ಡ ಬಿರುಗಾಳಿಯೇ ಸೃಷ್ಟಿಯಾಯಿತು. ರಾಮ ಮತ್ತು ಶ್ಯಾಮನ ನಡುವೆ ಕಂದಕ ಏರ್ಪಟ್ಟಿತು. ಸಿಹಿ ನನ್ನ ಮಗಳು ಎಂದು ಶ್ಯಾಮ್‌ ಮುಗಿಬಿದ್ದರೆ, ರಾಮ ಸಿಹಿ ನನ್ನ ಮಗಳೆಂದು ನಿಂತಿದ್ದಾನೆ. ಸೀತಾ ಇಕ್ಕಟ್ಟಿನಲ್ಲಿ ಸಿಲುಕಿದ್ದಾಳೆ. ಮತ್ತೊಂದು ಕಡೆ, ಸಿಹಿ ಪ್ರಹಸನ ಕಂಡು, ಭಾರ್ಗವಿ ಒಳಗೊಳಗೆ ಖುಷಿಯಲ್ಲಿ ಬೀಗುತ್ತಿದ್ದಾಳೆ. ಇದೆಲ್ಲದರ ನಡುವೆಯೇ ರುದ್ರಪ್ರತಾಪ್‌ ಮತ್ತೆ ಎದುರಾಗಿದ್ದಾನೆ. ಸಿಹಿಯ ಅಪಹರಣ ಮಾಡಿ ಸೀತಾಗೆ ಭಯ ಹುಟ್ಟಿಸಿದ್ದಾನೆ.

ಇಲ್ಲಿಯವರೆಗೂ ಸಿಹಿಯ ಜನ್ಮ ರಹಸ್ಯ ಬಯಲಾಗಿರಲಿಲ್ಲ. ಇದೀಗ ಆ ಕುತೂಹಲಕ್ಕೂ ತೆರೆ ಬಿದ್ದಿದೆ. ಸೀತಾ ತಾನು ಬಾಡಿಗೆ ತಾಯಿ ಎಂಬ ಸತ್ಯ ಇಡೀ ಮನೆ ಮಂದಿಗೆ ಗೊತ್ತಾಗಿದೆ. ಇತ್ತ ಬಾಡಿಗೆ ತಾಯ್ತನದ ಮೂಲಕ ಮಗು ಪಡೆಯಲು ಮುಂದಾಗಿದ್ದ ಮೇಘಶ್ಯಾಮ್‌ ಮತ್ತು ಶಾಲಿನಿ ದಂಪತಿ, ರಾಮನ ವಿರುದ್ಧ ಕಾನೂನಿನ ಮೊರೆ ಹೋಗಿದ್ದಾರೆ. ಶ್ಯಾಮ್‌- ಶಾಲಿನಿ ದಂಪತಿ ಸಿಹಿಯನ್ನು ಕರೆದುಕೊಂಡು ಹೋಗಲು ರಾಮ್‌ ಮನೆಯಲ್ಲಿಯೇ ಠಿಕಾಣಿ ಹೂಡಿದ್ದಾರೆ.

ಇದನ್ನೂ ಓದಿ: ಅಣ್ಣ ಹಾಕಿದ ಗೆರೆನ ಜೀವ ಹೋದ್ರು ದಾಟದ ತಂಗಿಯರಿಗೆ ಕಷ್ಟ ಕೊಡೋದು ಸರಿನಾ? ಅಣ್ಣಯ್ಯನನ್ನು ಪ್ರಶ್ನೆ ಮಾಡಿದ ಪಾರು

ಹೀಗಿರುವಾಗಲೇ ಸಿಹಿ ತನ್ನ ಬಳಿಯೇ ಇರಬೇಕು ಎಂದು ನಿರ್ಧರಿಸಿದ್ದಾಳೆ ಸೀತಾ. ಅದರಂತೆ ಸಿಹಿಯ ಜತೆ ರಸ್ತೆಯಲ್ಲಿ ಬರುತ್ತಿದ್ದಾಗ, ಲಾಯರ್ ರುದ್ರಪ್ರತಾಪ್‌ ಎದುರಾಗಿದ್ದಾನೆ.‌ ಸಿಹಿಯನ್ನು ಬಲವಂತವಾಗಿ ಗಾಡಿಗೆ ಹಾಕಿಕೊಂಡು ಅಪಹರಿಸಿದ್ದಾನೆ. ಇತ್ತ ಸೀತಾ ದಿಕ್ಕೇ ತೋಚದಂತೆ ನಿಂತಿದ್ದಾಳೆ. ಇತ್ತ ಮನೆಯಲ್ಲಿ ಸೀತಾ ಕಾಣಿಸುತ್ತಿಲ್ಲ ಎಂಬ ಆತಂಕದಲ್ಲಿದ್ದಾರೆ ಮನೆ ಮಂದಿ. ಇತ್ತ ಸಿಹಿಯನ್ನು ಕಿಡ್ನಾಪ್‌ ಮಾಡಿದ್ದ ರುದ್ರಪ್ರತಾಪ್‌, ಈ ವಿಚಾರವನ್ನು ಭಾರ್ಗವಿ ಗಮನಕ್ಕೂ ತಂದಿದ್ದಾನೆ.

ಬಳಿಕ ಒಂದಷ್ಟು ಹೊತ್ತು ಕಾಡಿಸಿ, ಮತ್ತೆ ಸೀತಾಳ ಮುಂದೆ ರುದ್ರಪ್ರತಾಪ್‌ ಪ್ರತ್ಯಕ್ಷನಾಗಿದ್ದಾನೆ. ಅಲ್ಲೇ ಇದ್ದ ಕೋಲಿನಿಂದ ರುದ್ರಪ್ರತಾಪ್‌ ಮೇಲೆ ಹಲ್ಲೆಗೆ ಮುಂದಾಗಿದ್ದಾಳೆ. ಕೆನ್ನೆಗೂ ಬಾರಿಸಿದ್ದಾಳೆ. ಸೀತಾಳನ್ನು ಎಳೆದು ಗೋಡೆಗೆ ಡಿಕ್ಕಿ ಹೊಡೆಸಿದ್ದಾನೆ. ಸೀತಾ ಸಹ ಪ್ರಜ್ಞೆ ತಪ್ಪಿ ಬಿದ್ದಿದ್ದಾಳೆ. ರುದ್ರಪ್ರತಾಪ್‌ ಸಹ ನೆಲಕ್ಕುರುಳಿದ್ದಾನೆ. ಅಷ್ಟೊತ್ತಿಗೆ ಅದೇ ಸ್ಥಳಕ್ಕೆ ಚಾಂದಿನಿಯ ಆಗಮನವಾಗಿದೆ. ನೇರವಾಗಿ ಸಿಹಿಯನ್ನು ಕರೆದುಕೊಂಡು ರಾಮ್‌ ಮನೆಗೆ ಬಂದಿದ್ದಾಳೆ.

ಇದನ್ನೂ ಓದಿ: ‘ನೀನಿಲ್ಲದ ಮೇಲೆ ನಿನ್ನಂತೆ ಯಾರನ್ನೂ ಕಂಡಿಲ್ಲ’; ಪುನೀತ್‌ ರಾಜ್‌ಕುಮಾರ್‌ ನೆನೆದು ನಟ ಜಗ್ಗೇಶ್‌ ಭಾವುಕ, ಆಂಕರ್‌ ಅನುಶ್ರೀಯಿಂದ ಕರಾಳ ದಿನ

ಅಷ್ಟಕ್ಕೂ ಸಿಹಿಯನ್ನು ಕರೆತರುವಂತೆ ಭಾರ್ಗವಿಯೇ ಚಾಂದಿನಿಗೆ ಹೇಳಿದ್ದಾಳೆ ಎಂಬ ಸತ್ಯವೂ ಗೊತ್ತಾಗಿದೆ. ದೇಸಾಯಿ ಮನೆಯಲ್ಲಿ ಟೆನ್ಷನ್‌ನಲ್ಲಿದ್ದಾರೆ. ಸೀತಾ ಸಿಹಿ ಮನೆ ಬಿಟ್ಟೇ ಹೋಗಿರಬಹುದಾ ಎಂದೂ ಮಾತನಾಡಿಕೊಳ್ಳುತ್ತಿದ್ದಾರೆ. ಇತ್ತ ಸೀತಾಳನ್ನು ಹುಡುಕಿಕೊಂಡು ಹೊರಟಿದ್ದಾನೆ ರಾಮ್‌. ಇದಕ್ಕೆ ಅಡ್ಡಗಾಲಾಗಿ ಶ್ಯಾಮ್‌ ನಿಂತಿದ್ದಾನೆ. ನನ್ನ ಕಣ್ಣಮುಂದೆಯೇ ಇದೆಲ್ಲ ಈಗಲೇ ಬಗೆಹರಿಯಬೇಕು ಎಂದಿದ್ದಾನೆ.

ಹೀಗಿರುವಾಗಲೇ ರಾಮ್‌ ಸೀತಾ ಮತ್ತು ಸಿಹಿಯನ್ನು ಹುಡುಕಲು ಹೊರನಡೆಯುತ್ತಿದ್ದಂತೆ, ಚಾಂದಿನಿ ಸಿಹಿಯನ್ನು ಕರೆತಂದಿದ್ದಾಳೆ. ಅಲ್ಲಿಗೆ ಶ್ಯಾಮ್‌ ಮತ್ತು ಶಾಲಿನಿ ದಂಪತಿ ಸಿಹಿಯನ್ನು ಕರೆದುಕೊಂಡು ತಮ್ಮ ಮನೆಗೆ ನಡೆದಿದ್ದಾರೆ. ಈ ಮೂಲಕ ಸೀತಾ ರಾಮ ಧಾರಾವಾಹಿಯಲ್ಲಿ ಮತ್ತೆ ಹೊಸ ಟ್ವಿಸ್ಟ್‌ ಎದುರಾಗಿದೆ.

ಇದನ್ನೂ ಓದಿ: ಅಳಿಯನನ್ನು ಕಂಡು ಮುಖ ಸಿಂಡರಿಸಿದ ಲಕ್ಷ್ಮೀ, ಎರಡನೇ ಬಾರಿ ಭಾವನಾಗೆ ತಾಳಿ ಕಟ್ಟಲು ಮುಂದಾದ ಸಿದ್ದೇಗೌಡ; ಲಕ್ಷ್ಮೀ ನಿವಾಸ ಧಾರಾವಾಹಿ

ಸೀತಾ ರಾಮ ಧಾರಾವಾಹಿ ಪಾತ್ರವರ್ಗ

ನಿರ್ದೇಶಕ: ಮಧುಸೂಧನ್‌

ಗಗನ್‌ ಚಿನ್ನಪ್ಪ: ಶ್ರೀರಾಮ (ನಾಯಕ)

ವೈಷ್ಣವಿ ಗೌಡ: ಸೀತಾ (ನಾಯಕ)

ರೀತು ಸಿಂಗ್: ಸಿಹಿ (ಸೀತಾ ಮಗಳು)

ಅಶೋಕ ಶರ್ಮಾ: ಅಶೋಕ (ಶ್ರೀರಾಮನ ಪ್ರಾಣ ಸ್ನೇಹಿತ)

ಭಾರ್ಗವಿ: ಪೂಜಾ ಲೋಕೇಶ್‌ (ಶ್ರೀರಾಮನ ಚಿಕ್ಕಮ್ಮ)

ಮುಖ್ಯಮಂತ್ರಿ ಚಂದ್ರು: ಸೂರ್ಯ ಪ್ರಕಾಶ್‌ ದೇಸಾಯಿ (ಶ್ರೀರಾಮನ ತಾತ)

ಶ್ವೇತಾ ಶಂಕರಪ್ಪ: ಪ್ರಿಯಾ (ಸೀತಾಳ ಸ್ನೇಹಿತೆ)

ವಿಕಾಸ್‌ ಕಾರ್‌ಗೋಡ್:‌ ಲಾಯರ್‌ ರುದ್ರಪ್ರತಾಪ್

ಸತೀಶ್‌ ಚಂದ್ರ: ಚರಣ್‌. ಡಿ

ಪೂರ್ಣಚಂದ್ರ ತೇಜಸ್ವಿ: ವಿಶ್ವಜೀತ್‌ (ಶ್ರೀರಾಮನ ಚಿಕ್ಕಪ್ಪ)

ಜಯದೇವ್‌ ಮೋಹನ್:‌ ಸತ್ಯಜೀತ್‌ (ಶ್ರೀರಾಮನ ಚಿಕ್ಕಪ್ಪ)