Bagheera Collection Day 2: ಎರಡನೇ ದಿನದಾಟದಲ್ಲಿ ಕಮಾಲ್‌ ಮಾಡಿದ್ನಾ ಬಘೀರ? ಕಲೆಕ್ಷನ್‌ನಲ್ಲಿ ಏರಿಕೆ ಕಂಡ ಶ್ರೀಮುರಳಿ ಸಿನಿಮಾ

Bagheera Collection Day 2: ಶ್ರೀಮುರಳಿ ನಾಯಕನಾಗಿ ನಟಿಸಿರುವ ಬಘೀರ ಸಿನಿಮಾ ಸದ್ಯ ಚಿತ್ರಮಂದಿರದಲ್ಲಿ ರೋರ್‌ ಮಾಡುತ್ತಿದೆ. ಪ್ರೇಕ್ಷಕರಿಂದ ಮೆಚ್ಚುಗೆ ಪಡೆದ ಈ ಸಿನಿಮಾ ವಿಮರ್ಶೆ ದೃಷ್ಟಿಯಿಂದಲೂ ಸದ್ದು ಮಾಡುತ್ತಿದೆ. ಬಘೀರ ಸಿನಿಮಾ ಜತೆಗೆ ಬೇರೆ ಬೇರೆ ಭಾಷೆಯ ಹಲವು ಸಿನಿಮಾಗಳು ಬಘೀರನ ಜತೆಗೆ ಸ್ಪರ್ಧೆಗಿಳಿದಿವೆ. ಆರಂಭದಿಂದಲೂ ಹೈಪ್‌ ಕ್ರಿಯೇಟ್‌ ಮಾಡಿದ್ದ ಬಘೀರ ಸಿನಿಮಾ, ಅದರಂತೆ ರಾಜ್ಯಾದ್ಯಂತ ದೊಡ್ಡ ಓಪನಿಂಗ್‌ ಪಡೆದುಕೊಂಡಿತ್ತು. ಇದೀಗ ಎರಡನೇ ದಿನವಾದ ಶುಕ್ರವಾರ ಈ ಸಿನಿಮಾ ಮೊದಲ ದಿನಕ್ಕಿಂತ ಹೆಚ್ಚಿನ ಕಲೆಕ್ಷನ್‌ ಮಾಡುವ ಮೂಲಕ ದಾಪುಗಾಲಿರಿಸಿದೆ.

ಹೊಂಬಾಳೆ ಫಿಲಂಸ್‌ ಬ್ಯಾನರ್‌ನಲ್ಲಿ ಅದ್ಧೂರಿಯಾಗಿ ಮೂಡಿಬಂದಿರುವ ಬಘೀರ ಚಿತ್ರದಲ್ಲಿ ನಟ ಶ್ರೀಮುರಳಿ ಎರಡು ಶೇಡ್‌ಗಳಲ್ಲಿ ನಟಿಸಿದ್ದಾರೆ. ಒಂದರಲ್ಲಿ ಖಡಕ್‌ ಪೊಲೀಸ್‌ ವೇದಾಂತ್‌ ಪಾತ್ರದಲ್ಲಿ ಮಿಂಚಿದರೆ, ಇನ್ನೊಂದರಲ್ಲಿ ಮುಖವಾಡ ಹಾಕಿಕೊಂಡು ಶತ್ರುಗಳ ಮಟ್ಟಹಾಕುವ ಬಘೀರನಾಗಿಯೂ ಅಬ್ಬರಿಸಿದ್ದಾರೆ. ಶ್ರೀಮುರಳಿ ಪಾತ್ರದ ಜತೆಗೆ ಪ್ರಕಾಶ್‌ ರಾಜ್‌, ರಂಗಾಯಣ ರಘು, ರುಕ್ಮಿಣಿ ವಸಂತ್‌ ಸಹ ಮಿಂಚಿದ್ದಾರೆ. ಖಳನಾಗಿ ಗರುಡ ರಾಮ್‌ ಅಬ್ಬರಿಸಿದ್ದಾರೆ.

ಇದನ್ನೂ ಓದಿ: ಟಾಲಿವುಡ್‌ ನಟ ವಿಜಯ್‌ ದೇವರಕೊಂಡ ಕುಟುಂಬದ ಜತೆಗೆ ರಶ್ಮಿಕಾ ಮಂದಣ್ಣ ದೀಪಾವಳಿ

ಡೈರೆಕ್ಟರ್‌ ಡಾ. ಸೂರಿ ನಿರ್ದೇಶನದಲ್ಲಿ ಮೂಡಿಬಂದಿರುವ ಬಘೀರ ಸಿನಿಮಾಕ್ಕೆ ಕಥೆ ಬರೆದಿದ್ದು ಪ್ರಶಾಂತ್‌ ನೀಲ್. ಕೆಲ ವರ್ಷಗಳ ಹಿಂದೆಯೇ ಹುಟ್ಟಿಕೊಂಡಿದ್ದ ಈ ಕಥೆ ಶ್ರೀಮುರಳಿಗೆ ಅಂತಲೇ ಮಾಡಿದ್ದರು ಪ್ರಶಾಂತ್‌ ನೀಲ್.‌ ಅದರಂತೆ, ನೀಲ್‌ ಅವರ ಫ್ಲೆವರ್‌ನಲ್ಲಿಯೇ ಬಘೀರ ಸಿನಿಮಾ ಮೂಡಿಬಂದಿದೆ. ಈ ಹಿಂದೆ ಕೆಜಿಎಫ್‌ ಮತ್ತು ಸಲಾರ್‌ ಸಿನಿಮಾದ ರೈಟರ್‌ ವಿಭಾಗದಲ್ಲಿ ಗುರುತಿಸಿಕೊಂಡಿದ್ದ ಸೂರಿಗೆ, ಈ ಸಿನಿಮಾ ನಿರ್ದೇಶನ ಜವಾಬ್ದಾರಿ ನೀಡಿದ್ದರು ನೀಲ್.‌ ಈಗ ಸಿನಿಮಾ ರಾಜ್ಯಾದ್ಯಂತ ಸದ್ದು ಮಾಡುತ್ತಿದೆ. ಹಾಗಾದರೆ ಈ ಸಿನಿಮಾ ಎರಡನೇ ದಿನವಾದ ಶುಕ್ರವಾರ ಗಳಿಸಿದ್ದೆಷ್ಟು?

ಇದನ್ನೂ ಓದಿ: ಜೂ. ಎನ್‌ಟಿಆರ್‌ ದೇವರ ಸಿನಿಮಾ ಒಟಿಟಿ ಬಿಡುಗಡೆಗೆ ದಿನಾಂಕ ನಿಗದಿ, ಇನ್ನೊಂದೇ ವಾರದೊಳಗೆ ಸ್ಟ್ರೀಮಿಂಗ್‌ ಶುರು

ಶುಕ್ರವಾರದ ಗಳಿಕೆ ಎಷ್ಟು?

ಕೇವಲ ಕರ್ನಾಟಕ ಮಾತ್ರವಲ್ಲದೆ, ತೆಲುಗು ರಾಜ್ಯಗಳಲ್ಲಿ ತೆಲುಗು ಭಾಷೆಯಲ್ಲಿಯೇ ಬಘೀರ ಸಿನಿಮಾ ಬಿಡುಗಡೆ ಆಗಿದೆ. ತೆಲುಗು ಸಿಜಿಮಾ ಪ್ರೇಮಿಗಳು ಚಿತ್ರಕ್ಕೆ ಬಹುಪರಾಕ್‌ ಹೇಳುತ್ತಿದ್ದಾರೆ. ಅದರಂತೆ ಮೊದಲ ದಿನ Sacnilk ವರದಿ ಪ್ರಕಾರ 2.80 ಕೋಟಿ ಗಳಿಕೆ ಮಾಡಿತ್ತು. ವಿತರಕರ ವಲಯದಿಂದ ಈ ಸಿನಿಮಾ 3ರಿಂದ 3.5 ಕೋಟಿ ಗಳಿಸಿತ್ತು ಎಂದು ಅಂದಾಜಿಸಲಾಗಿತ್ತು. ಇದೀಗ ಎರಡನೇ ದಿನ ಅಂದರೆ ಶುಕ್ರವಾರದ ಕಲೆಕ್ಷನ್‌ ನೋಡುವುದಾದರೆ, ಮೊದಲ ದಿನಕ್ಕಿಂತ ಕೊಂಚ ಏರಿಕೆ ಕಂಡಿದೆ. Sacnilk ವರದಿ ಪ್ರಕಾರ 3.25 ಕೋಟಿ ಕಲೆಕ್ಷನ್‌ ಮಾಡಿದೆ ಬಘೀರ.

ಇದನ್ನೂ ಓದಿ: ಬಿಗ್‌ ಬಾಸ್‌ ವೇದಿಕೆ ಮೇಲೆ ಕಿಚ್ಚ ಭಾವುಕ; ಸುದೀಪ್ ಸರ್ ನಿಮ್ಮನ್ನು ಈ ರೀತಿ ನೋಡಲು ಆಗ್ತಿಲ್ಲ ಎಂದ ಫ್ಯಾನ್ಸ್‌