Samantha Ruth Prabhu: ನಟನಾ ವಿರಾಮದ ನಡುವೆ ಕೂದಲಿಗೆ ಕತ್ತರಿ ಹಾಕಿದ ಸಮಂತಾ; ಟಾಲಿವುಡ್ ಬೆಡಗಿಯ ಹೊಸ ಲುಕ್‌ಗೆ ಅಭಿಮಾನಿಗಳ ಮೆಚ್ಚುಗೆ
ನಟನಾ ವಿರಾಮ ಪಡೆದಿರುವ ತೆಲುಗಿನ ಖ್ಯಾತ ನಟಿ ಸಮಂತಾ ರುತ್‌ ಪ್ರಭು ತಮ್ಮ ನ್ಯೂ ಲುಕ್‌ನ ವಿಡಿಯೊವೊಂದನ್ನು ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಕೂದಲಿಗೆ ಕತ್ತರಿ ಹಾಕಿ ಗಿಡ್ಡ ಕೂದಲು ಮಾಡಿಕೊಂಡಿರುವ ಸಮಂತಾ ಇನ್ನಷ್ಟು ಮುದ್ದಾಗಿ ಕಾಣುತ್ತಿದ್ದಾರೆ. ಇವರ ಹೊಸ ಸ್ಟೈಲ್‌ಗೆ ಸಿನಿರಂಗದ ಸ್ನೇಹಿತರು ಸೇರಿ ಅಭಿಮಾನಿಗಳು ಮೆಚ್ಚುಗೆ ಸೂಚಿಸಿದ್ದಾರೆ.
ʼಶಾಕುಂತಲಂʼ ನಟಿ ಸಮಂತಾ ರುತ್‌ ಪ್ರಭು ತಮ್ಮ ಹೊಸ ಹೇರ್‌ ಸ್ಟೈಲ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹೊಸ ಹೇರ್‌ ಸ್ಟೈಲ್‌ನ ವಿಡಿಯೊವನ್ನು ಹಂಚಿಕೊಂಡಿದ್ದಾರೆ ಈ ಬೆಡಗಿ. ತಮ್ಮ ಉದ್ದನೆಯ ಕೂದಲಿಗೆ ಕತ್ತರಿ ಹಾಕಿರುವ ಸಮಂತಾ ಕೂದಲನ್ನು ಬಾಬ್‌ ಕಟ್‌ ಮಾಡಿಸಿಕೊಂಡಿದ್ದಾರೆ, ಅಲ್ಲದೆ ಹೊಸ ಕೇಶವಿನ್ಯಾಸವನ್ನು ತೋರಿಸಲು ಚಿಕ್ಕ ವಿಡಿಯೊವೊಂದನ್ನೂ ಹಂಚಿಕೊಂಡಿದ್ದಾರೆ. ಇವರ ಹೊಸ ಕೇಶ ವಿನ್ಯಾಸಕ್ಕೆ ಅಭಿಮಾನಿಗಳು ಫಿದಾ ಆಗಿದ್ದಾರೆ, ಅಲ್ಲದೆ ಆಕೆಯ ಸಿನಿರಂಗ ಸ್ನೇಹಿತರು ಕೂಡ ಹೊಸ ಲುಕ್‌ಗೆ ಲೈಕ್‌ ಒತ್ತಿ, ಕಾಮೆಂಟ್‌ ಮಾಡಿದ್ದಾರೆ.
ಸಮಂತಾ ಹೊಸ ಲುಕ್‌
ಈ ವಿಡಿಯೊದಲ್ಲಿ ಸಮಂತಾ ಬೀಚ್‌ವೊಂದರಲ್ಲಿ ಕಾಣಿಸಿಕೊಂಡಿದ್ದಾರೆ. ಹಸಿರು ಬಣ್ಣದ ಈಜುಗಡೆಯಲ್ಲಿರುವ ಈ ಚೆಲುವೆ ತಮ್ಮ ಗಿಡ್ಡ ಕೂದಲನ್ನು ತೋರುವ ಜೊತೆಗೆ ಎಂದಿನಂತೆ ಮುದ್ದಾಗಿ ಕ್ಯಾಮೆರಾಗೆ ನಗುತ್ತಾ ಪೋಸ್‌ ನೀಡಿದ್ದಾರೆ. ಈ ವಿಡಿಯೊದೊಂದಿಗೆ ತಮ್ಮ ಕೇಶ ವಿನ್ಯಾಸಕರನ್ನೂ ಟ್ಯಾಗ್‌ ಮಾಡಿದ್ದಾರೆ ಸಮಂತಾ.
ಅಭಿಮಾನಿಗಳ ಕಾಮೆಂಟ್‌ ಹೀಗಿದೆ
ʼನೀವು ಜೀವನದ ನಿಜ ಅರ್ಥವನ್ನು ತಿಳಿದುಕೊಂಡಂತೆ ಕಾಣುತ್ತಿದೆ, ನನಗೆ ನಿಮ್ಮನ್ನು ನೋಡಿ ಸಾಕಷ್ಟು ಖುಷಿ ಆಗುತ್ತಿದೆʼ ಎಂದು ಅಭಿಮಾನಿಯೊಬ್ಬರು ಕಾಮೆಂಟ್‌ ಮಾಡಿದ್ದಾರೆ. ʼನೀವಷ್ಟೇ ಹೀಗೆ ಸ್ವೀಟ್‌ ಆಗಿ, ಹಾಟ್‌ ಆಗಿ ಕಾಣಿಸಲು ಸಾಧ್ಯʼ ಎಂದು ಅಭಿಮಾನಿಯೊಬ್ಬರು ಕಾಮೆಂಟ್‌ ಮಾಡಿದ್ದಾರೆ. ʼ2024ರಲ್ಲಿ ದೊಡ್ಡ ಪ್ರಾಜೆಕ್ಟ್‌ವೊಂದು ಎದುರು ನೋಡುತ್ತಿದೆʼ ಎಂದು ಇನ್ನೊಬ್ಬರು ಕಾಮೆಂಟ್‌ ಮಾಡಿದ್ದಾರೆ.
ಇದರೊಂದಿಗೆ ನಟಿ ಹಂಸಿಕಾ ಮೋಟ್ವಾನಿ ಕೂಡ ಕಾಮೆಂಟ್‌ ಮಾಡಿದ್ದು ʼಎಂದಿನಂತೆ ತುಂಬಾ ಸುಂದರವಾಗಿದೆʼ ಎಂದಿದ್ದಾರೆ. ʼನೀವು ಬಾಹ್ಯ ಹಾಗೂ ಆಂತರಿಕ ಎರಡರಲ್ಲೂ ಸುಂದರಿʼ ಎಂದು ಸಮಂತಾ ಅವರ ಕೇಶ ವಿನ್ಯಾಸಕ ಕಾಮೆಂಟ್‌ ಮಾಡಿದ್ದಾರೆ. ಸಿಂಗರ್‌ ಶೋಫಿ ಚೌದರಿ ʼಮುದ್ದಾದ, ಬೆಸ್ಟ್‌ ಹುಡುಗಿʼ ಎಂದು ಕಾಮೆಂಟ್‌ ಮಾಡಿದ್ದಾರೆ.
ವಿರಾಮ ಪಡೆದ ನಟಿ
ಸಮಂತಾ ಸದ್ಯ ನಟನೆಯಿಂದ ವಿರಾಮ ಪಡೆದಿದ್ದಾರೆ. ತಮ್ಮ ಸಿಟಾಡೆಲ್‌ ವೆಬ್‌ ಸರಣಿಯ ಶೂಟಿಂಗ್‌ ಮುಗಿಸಿದ ಬಳಿಕ ಆಕೆ ಈ ನಿರ್ಧಾರ ತೆಗೆದುಕೊಂಡಿದ್ದಾರೆ. ಈ ವಿರಾಮ ಪ್ರಾಥಮಿಕವಾಗಿ ಆಕೆಯ ಆರೋಗ್ಯ ಮೇಲೆ ಕೇಂದ್ರೀಕರಿಸುವುದಾಗಿದೆ ಮತ್ತು ಸ್ವಯಂ ನಿರೋಧಕ ಸ್ಥಿತಿಯ ಮಯೋಸಿಟಿಸ್‌ಗೆ ಆಕೆ ಅಮೆರಿಕದಲ್ಲಿ ಚಿಕಿತ್ಸೆ ಪಡೆಯಲಿದ್ದಾರೆ ಎಂದು ಹತ್ತಿರದ ಮೂಲಗಳು ತಿಳಿಸಿವೆ.
ʼಕೆಲವು ತಿಂಗಳ ಹಿಂದೆ ಸಮಂತಾ ಅವರು ನಟನೆಯಿಂದ ವಿರಾಮ ತೆಗೆದುಕೊಳ್ಳುವುದಾಗಿ ನಿರ್ಧರಿಸಿದ್ದರು. ಅವರು ವಿಜಯ್‌ ದೇವರಕೊಂಡ ಅವರೊಂದಿಗಿನ ಖುಷಿ ಮತ್ತು ವರುಣ್‌ ಧವನ್‌ ಅವರೊಂದಿಗಿನ ಸಿಟಾಡೆಲ್‌ ವೆಬ್‌ ಸರಣಿಯ ಶೂಟಿಂಗ್‌ನ ಮುಕ್ತಾಯಕ್ಕಾಗಿ ಕಾಯುತ್ತಿದ್ದರು. ಕಳೆದ ಕೆಲವು ತಿಂಗಳಿನಿಂದ ಆಕೆ ಯಾವುದೇ ಪ್ರಾಜೆಕ್ಟ್‌ಗೂ ಸಹಿ ಹಾಕಿಲ್ಲʼ ಎಂದು ಮೂಲಗಳು ಹಿಂದೂಸ್ತಾನ್ ಟೈಮ್ಸ್‌ಗೆ ತಿಳಿಸಿವೆ.
ವಿರಾಮದಲ್ಲಿರುವಾಗಿನಿಂದ ಸಮಂತಾ ತಮ್ಮ ಜೀವನದ ಬಗ್ಗೆ ಅಭಿಮಾನಿಗಳಿಗೆ ಅಪ್‌ಡೇಟ್‌ ನೀಡುತ್ತಲೇ ಬಂದಿದ್ದಾರೆ. ದೇವಸ್ಥಾನಗಳಿಗೆ ಭೇಟಿ ನೀಡುವುದು, ರೋಡ್‌ ಟ್ರಿಪ್‌ ಮಾಡುವುದರಲ್ಲಿ ಆಕೆ ಬ್ಯುಸಿಯಾಗಿರುವುದನ್ನು ಗಮನಿಸಬಹುದಾಗಿದೆ.
ಇತ್ತೀಚೆಗೆ ಇಶಾ ಫೌಂಡೇಶನ್‌ಗೆ ಭೇಟಿ ನೀಡಿದ್ದ ಈ ಬೆಡಗಿ ಒಂದಿಷ್ಟು ಫೋಟೊಗಳನ್ನು ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದರು.
ಇದನ್ನೂ ಓದಿ
Bigg Boss 7: ಒಂದೇ ವೇದಿಕೆಯಲ್ಲಿ ತೆಲುಗು ಬಿಗ್‌ಬಾಸ್ ವಿನ್ನರ್ಸ್, ಸ್ಪರ್ಧಿಗಳು; ಹೊಸ ಗೇಮ್, ಚಾಲೆಂಜ್ ಎಂದ ಅಕ್ಕಿನೇನಿ; ಪ್ರೋಮೋ ವೈರಲ್
ತೆಲುಗು ಬಿಗ್‌ಬಾಸ್ ವಿನ್ನರ್‌ಗಳು, 6 ಸೀಸನ್‌ಗಳ ಎಲ್ಲಾ ಸ್ಪರ್ಧಿಗಳು ಒಂದೇ ವೇದಿಕೆ ಮೇಲೆ ಕಾಣಿಸಿಕೊಳ್ಳುತ್ತಿದ್ದಾರೆ. ಪ್ರೇಕ್ಷಕರನ್ನು ರಂಜಿಸಲು ಮತ್ತೆ ಬರುತ್ತಿದ್ದು, ಬಿಗ್‌ಬಾಸ್‌ನ ಸೀಸನ್ 7 ಕುರಿತ ಬಿಬಿ ಶೈನಿಂಗ್ ಸ್ಟಾರ್ಸ್ ಎಂಬ ಪ್ರೋಮೋ ಬಿಡುಗಡೆಯಾಗಿದೆ.
