Bigg Boss 7: ಒಂದೇ ವೇದಿಕೆಯಲ್ಲಿ ತೆಲುಗು ಬಿಗ್‌ಬಾಸ್ ವಿನ್ನರ್ಸ್, ಸ್ಪರ್ಧಿಗಳು; ಹೊಸ ಗೇಮ್, ಚಾಲೆಂಜ್ ಎಂದ ಅಕ್ಕಿನೇನಿ; ಪ್ರೋಮೋ ವೈರಲ್
ತೆಲುಗು ಬಿಗ್‌ಬಾಸ್ ವಿನ್ನರ್‌ಗಳು, 6 ಸೀಸನ್‌ಗಳ ಎಲ್ಲಾ ಸ್ಪರ್ಧಿಗಳು ಒಂದೇ ವೇದಿಕೆ ಮೇಲೆ ಕಾಣಿಸಿಕೊಳ್ಳುತ್ತಿದ್ದಾರೆ. ಪ್ರೇಕ್ಷಕರನ್ನು ರಂಜಿಸಲು ಮತ್ತೆ ಬರುತ್ತಿದ್ದು, ಬಿಗ್‌ಬಾಸ್‌ನ ಸೀಸನ್ 7 ಕುರಿತ ಬಿಬಿ ಶೈನಿಂಗ್ ಸ್ಟಾರ್ಸ್ ಎಂಬ ಪ್ರೋಮೋ ಬಿಡುಗಡೆಯಾಗಿದೆ.
ಹೈದರಾಬಾದ್: ಆರು ಸೀಸನ್‌ಗಳನ್ನು ಪೂರೈಸಿರುವ ತೆಲುಗಿನ ರಿಯಾಲಿಟಿ ಶೋ ಬಿಗ್‌ಬಾಸ್ (Bigg Boss) ಇದೀಗ 7ನೇ ಸೀಸನ್‌ಗೆ ಸಿದ್ಧತೆಗಳನ್ನು ಮಾಡಿಕೊಂಡಿದ್ದು, ಅತಿ ಶೀಘ್ರದಲ್ಲೇ ಪ್ರೇಕ್ಷಕರ ಮುಂದೆ ಬರಲಿದೆ.
ಬಿಗ್‌ಬಾಸ್ ಸೀಸನ್ 7 ಸೆಪ್ಟೆಂಬರ್‌ ಮೊದಲ ವಾರದಿಂದ ಸ್ಟಾರ್‌ಮಾ ಚಾನೆಲ್‌ನಲ್ಲಿ ಆರಂಭವಾಗಲಿದೆ ಎಂದು ವರದಿಯಾಗಿದೆ. ಟಾಲಿವುಡ್‌ನ ಹಿರಿಯ ನಟ ಅಕ್ಕಿನೇನಿ ನಾಗಾರ್ಜನ ಈ ಸೀಸನ್‌ಅನ್ನು ಹೋಸ್ಟ್ ಮಾಡುತ್ತಿದ್ದು, ಹೊಸ ಸೀಸನ್ ಪ್ರೋಮೋ ಇತ್ತೀಚೆಗೆ ಬಿಡುಗಡೆಯಾಗಿದೆ.
ತೆಲುಗಿನ ಬಿಗ್‌ಬಾಸ್‌ನ ಆರು ಸೀಸನ್‌ಗಳು ಹೇಳಿಕೊಳ್ಳುವ ಮಟ್ಟಕ್ಕೆ ಸಕ್ಸಸ್ ಆಗಿಲ್ಲ. ಸೀಸನ್ 6 ಅಂತೂ ಅತ್ಯಂತ ಕಡಿಮೆ ಟಿಆರ್‌ಪಿ ರೇಟಿಂಗ್ ಹೊಂದಿದ ಶೋ ಎನಿಸಿತ್ತು. ಸರಿಯಾಗಿ ಸ್ಪರ್ಧಿಗಳನ್ನು ಆಯ್ಕೆ ಮಾಡದಿರುವುದು, ಮನೆಯಲ್ಲಿನ ಪ್ರೇಮಕಥೆಗಳು, ಹೊಡೆದಾಟಗಳು ಎಲ್ಲವೂ ಕೃತಕವಾಗಿದ್ದರಿಂದ ಸೀಸನ್ 6 ಪ್ರೇಕ್ಷಕರನ್ನು ಮೆಚ್ಚಿಸಲು ವಿಫಲವಾಗಿತ್ತು.
ಸ್ಟಾರ್ ಮ್ಯಾನೇಜ್ಮೆಂಟ್ ಹಿಂದಿನ ಸೀಸನ್‌ಗಳಿಗಿಂತ ವಿಭಿನ್ನವಾಗಿ ಬಿಗ್‌ಬಾಸ್ ಸೀಸನ್ 7 ಪ್ರಚಾರ, ಆಟಗಳು ಹಾಗೂ ಬಿಗ್‌ಬಾಸ್ ಮನೆಯ ನಿಯಮಗಳೊಂದಿಗೆ ಪ್ರೇಕ್ಷಕರನ್ನು ಆಕರ್ಷಿಸಲು ಕರಸತ್ತು ನಡೆಸಿದೆ. ಸೀಸನ್ 7 ಬಗ್ಗೆ ಕ್ರೇಜ್ ಹೆಚ್ಚಿಸಲು ಬಿಗ್ ಬಾಸ್ ಶೈನಿಂಗ್ ಸ್ಟಾರ್ಸ್ ಎಂಬ ವಿಶೇಷ ಕಾರ್ಯವನ್ನು ಆಯೋಜಿಸಿದೆ.
ಜುಲೈ 30ರ ಸಂಜೆ 6 ರಿಂದ ಸ್ಟಾರ್ ಮಾನಲ್ಲಿ ಶೈನಿಂಗ್ ಸ್ಟಾರ್ಸ್ ಕಾರ್ಯಕ್ರಮ ಪ್ರಸಾರವಾಗಲಿದೆ. ಕಳೆದ ಆರು ಸೀಸನ್‌ಗಳ ವಿನ್ನರ್ಸ್ ಸೇರಿದಂತೆ ಎಲ್ಲಾ ಸ್ಪರ್ಧಿಗಳು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ. ಆಟ, ಹಾಡು ಜೊತೆಗೆ ಬಿಗ್ ಬಾಸ್‌ನ ಪಯಣ ಬಗ್ಗೆ ತಮ್ಮ ಮನದಾಳದ ಮಾತುಗಳನ್ನು ಪ್ರೇಕ್ಷಕರ ಎದುರು ಹಂಚಿಕೊಳ್ಳಲಿದ್ದಾರೆ.
ಬಿಗ್ ಬಾಸ್ ಶೈನಿಂಗ್ ಸ್ಟಾರ್ಸ್ ಪ್ರೋಮೋವನ್ನು ಸ್ಟಾರ್ ಚಾನೆಲ್ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದು, ಬಿಗ್ ಬಾಸ್ ಸ್ಪರ್ಧಿಗಳ ಜೊತೆಗೆ ಕೆಲವು ಸಿನಿಮಾ ತಾರೆಯರು ಈ ಶೋನಲ್ಲಿ ಕಾಣಿಸಿಕೊಂಡಿದ್ದಾರೆ. ಪ್ರೋಮೋ ಕೊನೆಯಲ್ಲಿ ಹೋಸ್ಟರ್ ಅಕ್ಕಿನೇನಿ ನಾಗಾರ್ಜುನ ಅವರ ಎಂಟ್ರಿ ಅದ್ಧೂರಿಯಾಗಿದೆ.
ವೈರಲ್ ಆಗಿರುವ ಪ್ರೋಮೊದಲ್ಲಿ ಖ್ಯಾತ ನಿರೂಪಕಿ ಸುಮಾ ಕಂಕಾಲ ಅವರು ಬಿಬಿ ಶೈನಿಂಗ್ ಸ್ಟಾರ್ಸ್ ಶೋ ನಡೆಸಿಕೊಟ್ಟಿದ್ದು, ಒಂದಲ್ಲ, ಎರಡಲ್ಲ ಆರು ಸೀಸನ್‌ಗಳಲ್ಲಿ ಭಾಗವಹಿಸಿದ್ದ ಎಲ್ಲಾ ಸ್ಪರ್ಧಿಗಳು ಒಂದೇ ವೇದಿಕೆಯಲ್ಲಿ ಕಾಣಿಸಿಕೊಂಡರೆ ಹೇಗಿರುತ್ತೆ ಎಂದು ಸುಮಾ ಪ್ರಶ್ನಿಸಿದ್ದಾರೆ. ಆಗ ವಿವಿಧ ಸ್ಪರ್ಧಿಗಳ ಎಂಟ್ರಿ ಕೊಡುವ ಝಲಕ್ ಇದೆ. ಡ್ಯಾನ್ಸ್, ಹಾಡು, ಹಾಸ್ಯ ಎಲ್ಲಾವೂ ಇದೆ.
ಹೋಸ್ಟರ್ ಅಕ್ಕಿನೇನಿ ನಾಗಾರ್ಜುನ್ ಡ್ಯಾನ್ಸ್ ಮೂಲಕ ವೇದಿಕೆಗೆ ಬರುತ್ತಾರೆ. ಬಳಿಕ ಕುಡಿ ಎಡ ಎಂಬ ಡೈಲಾಗ್‌ವೊಂದನ್ನು ಹೇಳಿದ್ದಾರೆ. ಬಿಗ್‌ಬಾಸ್ ಸೀಸನ್ 7ರಲ್ಲಿ ಹೊಸ ನಿಯಮಗಳು, ಹೊಸ ಸವಾಲುಗಳು ಹಾಗೂ ಹೊಸ ಆಟಗಳು ಇರಲಿವೆ ಎಂದಿದ್ದಾರೆ.
