Asian Games: 3000 ಮೀಟರ್ ಸ್ಟೀಪಲ್‌ಚೇಸ್‌ನಲ್ಲಿ ಬೆಳ್ಳಿ ಗೆದ್ದ ಪಾರುಲ್ ಚೌಧರಿ, ಪ್ರೀತಿಗೆ ಕಂಚು
- ಚೀನಾದ ಹ್ಯಾಂಗ್‌ಝೌನಲ್ಲಿ ನಡೆಯುತ್ತಿರುವ ಏಷ್ಯನ್ ಗೇಮ್ಸ್‌ನಲ್ಲಿ ಭಾರತದ ಅಥ್ಲೀಟ್‌ಗಳು ಪದಕ ಬೇಟೆ ಮುಂದುವರೆಸಿದ್ದಾರೆ. ಮಹಿಳೆಯರ 3,000 ಮೀಟರ್ ಸ್ಟೀಪಲ್ ಚೇಸ್‌ನಲ್ಲಿ ಭಾರತಕ್ಕೆ ಎರಡು ಪದಕಗಳು ಒಲಿದಿವೆ. ಪಾರುಲ್ ಚೌಧರಿ ಬೆಳ್ಳಿ ಗೆದ್ದರೆ, ಪ್ರೀತಿ ಕಂಚು ಜಯಿಸಿದರು.
- ಚೀನಾದ ಹ್ಯಾಂಗ್‌ಝೌನಲ್ಲಿ ನಡೆಯುತ್ತಿರುವ ಏಷ್ಯನ್ ಗೇಮ್ಸ್‌ನಲ್ಲಿ ಭಾರತದ ಅಥ್ಲೀಟ್‌ಗಳು ಪದಕ ಬೇಟೆ ಮುಂದುವರೆಸಿದ್ದಾರೆ. ಮಹಿಳೆಯರ 3,000 ಮೀಟರ್ ಸ್ಟೀಪಲ್ ಚೇಸ್‌ನಲ್ಲಿ ಭಾರತಕ್ಕೆ ಎರಡು ಪದಕಗಳು ಒಲಿದಿವೆ. ಪಾರುಲ್ ಚೌಧರಿ ಬೆಳ್ಳಿ ಗೆದ್ದರೆ, ಪ್ರೀತಿ ಕಂಚು ಜಯಿಸಿದರು.
(1 / 5)
ಸೋಮವಾರ ನಡೆದ ಏಷ್ಯನ್ ಗೇಮ್ಸ್‌ನ ಮಹಿಳೆಯರ 3000 ಮೀಟರ್ ಸ್ಟೀಪಲ್‌ಚೇಸ್ ಸ್ಪರ್ಧೆಯಲ್ಲಿ ಭಾರತ ಎರಡು ಪದಕಗಳನ್ನು ಗೆದ್ದಿದೆ. ಪಾರುಲ್ ಚೌಧರಿ ರಜತ ಪದಕ ಗೆದ್ದರೆ, ಪ್ರೀತಿ ಕಂಚಿನ ಪದಕದ ಸಾಧನೆ ಮಾಡಿದರು.
(2 / 5)
ಬಹ್ರೇನ್‌ನ ವಿಶ್ವ ಚಾಂಪಿಯನ್ ವಿನ್‌ಫ್ರೆಡ್ ಯಾವಿ ಚಿನ್ನದ ಪದಕ ಗೆದ್ದರು. ಜೊತೆಗೆ ಏಷ್ಯನ್ ಗೇಮ್ಸ್ ದಾಖಲೆಯನ್ನು ಸಹ ಮುರಿದರು.
(3 / 5)
ಚಿನ್ನದ ಪದಕ ಗೆದ್ದ ಬಹ್ರೇನ್‌ನ ವಿಶ್ವ ಚಾಂಪಿಯನ್ ವಿನ್‌ಫ್ರೆಡ್ ಯಾವಿ, 9:18.28 ಸಮಯವನ್ನು ದಾಖಲಿಸಿದರೆ, ಪಾರುಲ್ 9:27.63ರಲ್ಲಿ ಗುರಿ ತಲುಪಿ ನೂತನ ವೈಯಕ್ತಿಕ ದಾಖಲೆ ಮಾಡಿದರು.
(4 / 5)
ಮತ್ತೊಂದೆಡೆ ಬಹ್ರೇನ್‌ನ ಗೆಟ್ನೆಟ್ ಮೆಕೊನ್ನೆನ್ ವಿರುದ್ಧ ಪ್ರೀತಿಗೆ ಇದು ಬಹುತೇಕ ಫೋಟೋ ಫಿನಿಶ್ ಆಗಿತ್ತು. ಆದರೆ, 9:43.32ರಲ್ಲಿ ಗುರಿ ತಲುಪಿ ಕಂಚಿನ ಪದಕದೊಂದಿಗೆ ನೂತನ ವೈಯಕ್ತಿಕ ಅತ್ಯುತ್ತಮ ದಾಖಲೆ ನಿರ್ಮಿಸಿದರು.
(5 / 5)
ಈ ಎರಡು ಗೆಲುವುಗಳೊಂದಿಗೆ ಅಥ್ಲೆಟಿಕ್ಸ್‌ನಲ್ಲಿ ಭಾರತದ ಪದಕ ಸಂಖ್ಯೆ 14ಕ್ಕೆ ಏರಿದೆ. ಮಹಿಳೆಯರ ಶಾಟ್‌ಪುಟ್‌ನಲ್ಲಿ ಕಂಚು ಗಲ್ಲುವ ಮೂಲಕ, ಭಾರತದ ಕಿರಣ್ ಬಲಿಯಾನ್ ಹ್ಯಾಂಗ್‌ಝೌನಲ್ಲಿ ಪದಕ ಗೆದ್ದ ಮೊದಲ ಟ್ರ್ಯಾಕ್ ಮತ್ತು ಫೀಲ್ಡ್ ಅಥ್ಲೀಟ್ ಆದರು.
ಇತರ ಗ್ಯಾಲರಿಗಳು