Ninja ZX-4R: ಕವಾಸಕಿ ನಿಂಜಾ ಜೆಡ್‌ಎಕ್ಸ್‌ 4ಆರ್ ಇಂದು ಭಾರತೀಯ ಮಾರುಕಟ್ಟೆಗೆ, ದರ, ಫೀಚರ್ಸ್ ನಿರೀಕ್ಷೆಗಳ ವಿವರ
ಕವಾಸಕಿ ಕಂಪನಿಯು ತನ್ನ ನಿಂಜಾ ZX-4R ಅನ್ನು ಭಾರತೀಯ ಮಾರುಕಟ್ಟೆಗೆ ಸೆ.11ರಂದು ಪರಿಚಯಿಸುತ್ತಿದೆ. ಕಂಪನಿಯು ಮೋಟಾರ್‌ಸೈಕಲ್‌ನ ಹೊಸ ಟೀಸರನ್ನು ಬಿಡುಗಡೆ ಮಾಡಿದೆ. ಜೆಡ್‌ಎಕ್ಸ್‌-4ಆರ್ ಅನ್ನು ಅದರ ಮೂಲ ರೂಪದಲ್ಲಿ ಮಾತ್ರ ಭಾರತೀಯ ಮಾರುಕಟ್ಟೆಗೆ ತರುವ ಸಾಧ್ಯತೆಯಿದೆ. ಎಸ್‌ಇ ಮತ್ತು ಆರ್ ಆವೃತ್ತಿಗಳು ಭಾರತೀಯ ಮಾರುಕಟ್ಟೆಗೆ ಬರುವುದಿಲ್ಲ ಎಂದು ನಿರೀಕ್ಷಿಸಲಾಗಿದೆ.
(1 / 4)
ಕವಾಸಕಿ ನಿಂಜಾ ಜೆಡ್‌ಎಕ್ಸ್‌-4ಆರ್ ಇಂಜಿನ್‌ (Kawasaki Ninja ZX-4R: Engine): ನಿಂಜಾ ಜೆಡ್‌ಎಕ್ಸ್‌-4ಆರ್ 399 ಸಿಸಿ ಮೋಟಾರ್‌ಸೈಕಲ್ ಆಗಿದ್ದು, 4 ಸಿಲಿಂಡರ್ ಮೋಟಾರ್ ಮೂಲಕ 14,500 ಆರ್‌ಪಿಎಂನಲ್ಲಿ 75 ಬಿಹೆಚ್‌ಪಿ ಮತ್ತು 13,000 ಆರ್‌ಪಿಎಂನಲ್ಲಿ 39 ಎನ್‌ಎಂ ಗರಿಷ್ಠ ಟಾರ್ಕ್ ಅನ್ನು ಸಾಧಿಸುತ್ತದೆ. ಇದರಲ್ಲಿ 6-ಸ್ಪೀಡ್ ಗೇರ್‌ಬಾಕ್ಸ್‌ ಇದೆ. ಸ್ಲಿಪ್ಪರ್ ಕ್ಲಚ್ ಮತ್ತು ಕ್ವಿಕ್ ಶಿಫ್ಟರ್ ಅನ್ನು ಹೊಂದಿದೆ. ಆರ್‌ಎಎಂ ಗಾಳಿ ಒಳಸೆಳೆದುಕೊಂಡು 78 ಬಿಹೆಚ್‌ಪಿಯಷ್ಟು ಹೆಚ್ಚಿನ ಪವರ್ ಔಟ್‌ಪುಟ್‌ ನೀಡುತ್ತದೆ.
(2 / 4)
ಕವಾಸಕಿ ನಿಂಜಾ ಜೆಡ್‌ಎಕ್ಸ್‌-4ಆರ್ ದರ ನಿರೀಕ್ಷೆ (Kawasaki Ninja ZX-4R: Price expectations): ಜೆಡ್‌ಎಕ್ಸ್‌-4ಆರ್ ಇತರ 400ಸಿಸಿ ಮೋಟಾರ್‌ಸೈಕಲ್‌ಗಳಿಗಿಂತ ಹೆಚ್ಚು ದುಬಾರಿಯಾಗಿರಲಿದೆ ಎಂದು ನಿರೀಕ್ಷಿಸಲಾಗಿದೆ. ಆದರೆ ಇದು ಭಾರತೀಯ ಮಾರುಕಟ್ಟೆಯಲ್ಲಿ ಕೈಗೆಟುಕುವ ದರದ ನಾಲ್ಕು ಸಿಲಿಂಡರ್ ಮೋಟಾರ್‌ಸೈಕಲ್ ಆಗಿರುತ್ತದೆ. 7 ಲಕ್ಷ ರೂಪಾಯಿಯಿಂದ 8 ಲಕ್ಷ ರೂಪಾಯಿಗಳ (ಎಕ್ಸ್ ಶೋರೂಂ) ನಡುವೆ ಭಾರೀ ಪ್ರೀಮಿಯಂ ದರ ಇರಬಹುದು. ಇದು ಪೂರ್ಣ ಪ್ರಮಾಣದಲ್ಲಿ ನಿರ್ಮಾಣವಾಗಿಯೇ ಭಾರತದ ಮಾರುಕಟ್ಟೆಗೆ ಬರುವ ಸಾಧ್ಯತೆ ಇದೆ.
(3 / 4)
ಕವಾಸಕಿ ನಿಂಜಾ ಜೆಡ್‌ಎಕ್ಸ್‌-4ಆರ್ ಫೀಚರ್ಸ್ (Kawasaki Ninja ZX-4R: Features): ಕವಾಸಕಿ ಜೆಡ್‌ಎಕ್ಸ್‌-4ಆರ್ ಸ್ಪೋರ್ಟ್, ರೋಡ್, ರೈನ್ ಮತ್ತು ರೈಡರ್ (ಕಸ್ಟಮೈಸ್) ನಾಲ್ಕು ರೈಡಿಂಗ್ ಮೋಡ್‌ಗಳನ್ನು ಹೊಂದಿರುತ್ತದೆ. ಇದನ್ನು 4.3-ಇಂಚಿನ ಟಿಎಫ್‌ಟಿ ಸ್ಕ್ರೀನ್‌ ಅನ್ನು ಬಳಸಿಕೊಂಡು ನಿಯಂತ್ರಿಸಬಹುದು, ಇದು ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್ ಮತ್ತು ಅಧಿಸೂಚನೆ ನವೀಕರಣಗಳೊಂದಿಗೆ ಬ್ಲೂಟೂತ್ ಸಂಪರ್ಕವನ್ನು ಹೊಂದಿರಲಿದೆ. ಮೋಟಾರ್ ಸೈಕಲ್‌ ಎಲ್ಇಡಿ ಲೈಟಿಂಗ್ ಮತ್ತು ಇನ್ಸ್ಟ್ರುಮೆಂಟ್ ಕ್ಲಸ್ಟರ್ಗಾಗಿ ಮೀಸಲಾದ ಟ್ರ್ಯಾಕ್ ಮೋಡ್‌ ಜತೆಗೆ ಬರಲಿದೆ.
(4 / 4)
ಕವಾಸಕಿ ನಿಂಜಾ ಜೆಡ್‌ಎಕ್ಸ್‌-4ಆರ್: ಹಾರ್ಡ್‌ವೇರ್ (Kawasaki Ninja ZX-4R: Hardware) : ಕವಾಸಕಿ ಮುಂಭಾಗದಲ್ಲಿ 37 ಎಂಎಂ ಅಪ್-ಸೈಡ್ ಡೌನ್ ಫೋರ್ಕ್‌ಗಳ ಟ್ರೆಲ್ಲಿಸ್ ಫ್ರೇಮ್ ಅನ್ನು ಬಳಸುತ್ತದೆ. ಹಿಂಬದಿಯಲ್ಲಿ ಮೊನೊಶಾಕ್ ಪ್ರೀಲೋಡ್ ಹೊಂದಾಣಿಕೆಯನ್ನು ಪಡೆಯುತ್ತದೆ. ಬ್ರೇಕ್ ವ್ಯವಸ್ಥೆಯನ್ನು 4-ಪಿಸ್ಟನ್ ಡ್ಯುಯಲ್-ಪಿಸ್ಟನ್ ಕ್ಯಾಲಿಪರ್‌ಗಳು ಮತ್ತು 290 ಎಂಎಂ ಡಿಸ್ಕ್ ಬ್ರೇಕ್‌ಗಳು ನಿರ್ವಹಿಸುತ್ತವೆ ಆದರೆ ಹಿಂಭಾಗದಲ್ಲಿ ಸಿಂಗಲ್-ಪಿಸ್ಟನ್ ಕ್ಯಾಲಿಪರ್‌ನೊಂದಿಗೆ 220 ಎಂಎಂ ಡಿಸ್ಕ್ ಇದೆ.
ಇತರ ಗ್ಯಾಲರಿಗಳು