ಮಾಸ ಶಿವರಾತ್ರಿಯಿಂದ ಬದಲಾಗಲಿದೆ 3 ರಾಶಿಯವರ ಜೀವನ: ಮಾರ್ಗಶಿರ ಮಾಸದಲ್ಲಿ ಈ ವ್ರತವನ್ನು ಯಾವ ದಿನ ಆಚರಿಸಲಾಗುತ್ತದೆ?

ಮಾಸಿಕ ಶಿವರಾತ್ರಿಯಂದು ಭಕ್ತರು ಉಪವಾಸವಿದ್ದು ಶಿವ ಪಾರ್ವತಿಯರನ್ನು ಆರಾಧಿಸಬೇಕು. ಇದರಿಂದ ಶಿವನು ಬೇಗನೆ ಒಲಿದು ನಿಮ್ಮ ಮನಸ್ಸಿನ ಆಸೆಗಳನ್ನು ಈಡೇರಿಸಿ, ವರಗಳನ್ನು ನೀಡುತ್ತಾನೆ. ಪಾರ್ವತಿಯ ವಿಶೇಷ ಅನುಗ್ರಹಕ್ಕೆ ಕೂಡಾ ನೀವು ಪಾತ್ರರಾಗಬಹುದು. 

ಪಂಚಾಂಗದ ಪ್ರಕಾರ ಮಾರ್ಗಶಿರ ಚತುರ್ದಶಿ ತಿಥಿಯು ಡಿಸೆಂಬರ್ 29 ರಂದು ಇದೆ. ಅದೇ ದಿನವನ್ನು ಮಾಸ ಶಿವರಾತ್ರಿಯಾಗಿ ಆಚರಿಸಲಾಗುತ್ತದೆ.

ಮಾರ್ಗಶಿರ ಮಾಸ ಕೃಷ್ಣ ಪಕ್ಷದ ಚತುರ್ದಶಿಯಂದು, ಅಂದರೆ ಡಿಸೆಂಬರ್ 29 ರಂದು ಮಾಸ ಶಿವರಾತ್ರಿಯ ಆಚರಣೆ ಇದೆ.

ಈ ಬಾರಿಯ ಮಾಸಿಕ ಶಿವರಾತ್ರಿಯಂದು ಮಿಥುನ, ಸಿಂಹ ಹಾಗೂ ಮಕರ ರಾಶಿಯವರಿಗೆ ವಿಶೇಷ ಫಲಗಳು ದೊರೆಯಲಿದೆ. 

ಮಿಥುನ: ಈ ರಾಶಿಯವರಿಗೆ ಈ ದಿನ ಬಹಳ ಶುಭಕರವಾಗಿರುತ್ತದೆ. ಈ ದಿನ ನೀವು ಮನೆ ಮತ್ತು ವಾಹನಗಳ ಮೇಲೆ ಹೂಡಿಕೆ ಮಾಡಲು ಅವಕಾಶಗಳನ್ನು ಪಡೆಯಬಹುದು. ಶಿವನನ್ನು ಆರಾಧಿಸುವುದರಿಂದ ಪುಣ್ಯ ಪ್ರಾಪ್ತಿಯಾಗುತ್ತದೆ.

ಸಿಂಹ: ಈ ರಾಶಿಯವರಿಗೆ ವ್ಯಾಪಾರದಲ್ಲಿ ಹೆಚ್ಚಿನ ಲಾಭ ದೊರೆಯಲಿದೆ. ಬಾಕಿ ವಸೂಲಿಯಾಗಲಿದ್ದು, ಯಾವುದೇ ತೊಂದರೆಯಾಗುವುದಿಲ್ಲ. ಕಳೆದು ಹೋದ ಪ್ರೀತಿ ಮತ್ತೆ ದೊರೆಯುತ್ತದೆ. 

ಮಕರ: ಈ ರಾಶಿಯವರು ಮಾಸಿಕ ಶಿವರಾತ್ರಿಯಂದು ಆರ್ಥಿಕ ಲಾಭ ಪಡೆಯುತ್ತಾರೆ. ಹಣ ಪ್ರಾಪ್ತಿಯಾಗುತ್ತದೆ, ಸಮಾಜದಲ್ಲಿ ಗೌರವ ಹೆಚ್ಚುತ್ತದೆ. ಆದಾಯದ ಇತರ ಮೂಲಗಳು ವೃದ್ಧಿಯಾಗುತ್ತದೆ. ಈ ದಿನ ಶಿವನಿಗೆ ಗಂಗಾಜಲದಿಂದ ಅಭಿಷೇಕ ಮಾಡುವುದರಿಂದ ವಿಶೇಷ ಪುಣ್ಯ ಲಭಿಸುತ್ತದೆ.